കറുത്ത സുന്ദരികളുണ്ടോ? എന്ന പോസ്റ്റില് ലോകമെമ്പാടും പല കാലഘട്ടത്തില് രചിക്കപ്പെട്ട കൃതികളിലെ സ്ത്രീസൌന്ദര്യ വര്ണ്ണനകള് അവതരിപ്പിച്ചിരുന്നു.സൌന്ദര്യ ലക്ഷണമായി ലോകമെമ്പാടും വെളുപ്പുനിറം ആവര്ത്തിച്ചു വരുന്നതില് മാത്രം ഊന്നിയുള്ളതായിരുന്നു ആ പോസ്റ്റ്.(എല്ലാവരുടേയും കണ്മുന്നില് തന്നെയുണ്ടായിരുന്ന ഈ കാര്യം ഞാന് പറഞ്ഞപ്പോഴാണ് പലരും ശ്രദ്ധിക്കുന്നത് തന്നെ.വെളുപ്പുനിറം സൌന്ദര്യലക്ഷണമായി അംഗീകരിക്കേണ്ടി വരുമോ എന്ന വേവലാതി കൊണ്ടായിരിക്കാം ചിലര് വെളുപ്പുനിറമല്ല മറ്റു ചിലതാണ് സൌന്ദര്യലക്ഷണം എന്ന് ആവര്ത്തിച്ച് ആശ്വസിക്കാന് ശ്രമിക്കുന്നതും കണ്ടു.(വെളുപ്പിന്റെ രാഷ്ട്രീയം:-)) ആ പോസ്റ്റിലെ ഉദ്ധരണികള് നോക്കിയാലറിയാം, വെളുപ്പുനിറം മാത്രമൊന്നുമല്ല അവിടെ ആവര്ത്തിച്ചു വരുന്നത്. സ്ത്രീവര്ണ്ണനകളിലെല്ലാം ധാരാളം വ്യത്യസ്ത ഉപമകള് ഉപയോഗിക്കുന്നുണ്ടെങ്കിലും വിശദാംശങ്ങളില് എല്ലാം ചില പ്രത്യേക ലക്ഷണങ്ങളിലാണ് ചെന്നെത്തുന്നത്.ലോകമെമ്പാടും സ്ത്രീകളുടെ സൌന്ദര്യ ലക്ഷണങ്ങള് ഏറെക്കുറെ ഒന്നു തന്നെയാണ്.
'കാതിലോല?'(കാ-അതിലോല?) എന്ന പുരുഷന്മാരുടെ സ്ഥിരം സംശയത്തിന് ഉത്തരം ലോകത്തെല്ലായിടത്തും ഏറെക്കുറെ ഒന്നുതന്നെയാണ്.നീണ്ട തലമുടി,വെളുത്ത നിറം,കറുത്ത വലിയ കണ്ണുകള് വലിയ മാറിടം, ഇടുങ്ങിയ അരക്കെട്ട്, അരയന്നപ്പിട പോലുള്ള നടത്തം etc.നമ്മുടെ ഉടുരാജമുഖി, മൃഗരാജകടി,ഗജരാജ വിലാസിത മന്ദഗതി തന്നെ.'ചഞ്ചല ചഞ്ചല നയനം,ചന്ദ്ര മനോഹര വദനം,മരാളഗമനം മാദക നടനം' എന്ന് യൂസഫലി കേച്ചേരി.ഒരേ സമയം വ്യത്യസ്തവും എന്നാല് വിശദാംശങ്ങളില് അങ്ങനെയല്ലാത്തതുമായ ഇത്തരം ഒരേതരം ഉപമകള് കാണാന് കാരണമെതായിരിക്കും?
ഭാഷക്ക് ഗ്രാമര് പോലെ സൌന്ദര്യത്തിനും ഒരു ഗ്രാമറുണ്ട്.ഗ്ലാമറിന്റെ ഗ്രാമര് എന്ന് പറയാം.ഒരു കാര്യം ഇവിടെ വിശദീകരിക്കേണ്ടത് ഭാഷയിലെപ്പോലെതന്നെ പൂര്ണ്ണമായും ഗ്രാമര് അനുസരിച്ചുള്ള ഒരു വാക്യം സുന്ദരമോ അര്ത്ഥപൂര്ണ്ണമോ ആകണമെന്നില്ല എന്നതാണ്.നോം ചോംസ്കിയുടെ പ്രസിദ്ധമായ ''colorless green ideas sleep furiously'' ഓര്ക്കുക. ഇംഗ്ളീഷിലെ എല്ലാ വ്യാകരണ നിയമങ്ങളും അനുസരിക്കുന്ന എന്നാല് പ്രത്യേക അര്ത്ഥമോ ഭംഗിയോ ഒന്നുമില്ലാത്ത ഒരു വാക്യം.Grammar is necessary but not sufficient for good prose.അതു പോലെതന്നെ 'ആഖ്യാദം' ഇല്ലാതെതന്നെ മനോഹരമായി എഴുതാന് കഴിയുന്ന കഥയുടെ ഒരു സുല്ത്താനും നമുക്കുണ്ട്.ഇതൊക്കെണ്ടെങ്കിലും മിക്കവാറും എല്ലാ നല്ല വാക്യങ്ങളും വ്യാകരണ നിയമങ്ങള്ക്കനുസരിച്ചുള്ളതായിരിക്കും എന്നതിന് തര്ക്കമില്ല.അപ്പോള് പറഞ്ഞു വരുന്നത് ഇതുപോലെതന്നെയാണ് സൌന്ദര്യത്തിന്റെ മാനദണ്ഡങ്ങളും.ഈ മാനദണ്ഡങ്ങളിലൊന്നും ഒതുങ്ങാത്ത സുന്ദരികളുണ്ടാകാം.But more often than not,just as a piece of beautiful prose abides with all the rules of grammar so are rules of beauty.
സൌന്ദര്യം ആപേക്ഷികമാണ്,beauty lies in the eyes of the beholder എന്നാണല്ലോ പൊതുവേ അംഗീകരിക്കപ്പെട്ടിട്ടുള്ളത്.പക്ഷേ ഈ പറയുന്നവനും ഒരു സുന്ദരനേയോ സുന്ദരിയെയോ ഒറ്റ നോട്ടത്തില് തിരിച്ചറിയാം.മുഖം തിരിച്ചറിയാന് ഒരു പ്രത്യേക ഭാഗം തന്നെ (fusiform area) തലച്ചോറിലുണ്ട്.(ഒരു പരീക്ഷണത്തില് കണ്ടത് വെറും നൂറ്റന്പതു മില്ലിസെക്കന്റ് മതിയത്രെ ഒരു മുഖത്തിന്റെ സൌന്ദര്യം തിരിച്ചറിയാന്.പിന്നീട് കൂടുതല് സമയമെടുത്ത് നോക്കിയാലും ആദ്യത്തെ റേറ്റിംഗില്നിന്ന് വലിയ വ്യത്യാസമൊന്നും വരാറില്ലത്രേ.) മൂന്നു മാസം പ്രായമായ കുഞ്ഞിനുപോലും സൌന്ദര്യം തിരിച്ചറിയാം.ഒരു മുഖത്തിന് മുതിന്നവര് നല്ക്കുന്ന റേറ്റിംഗ് തന്നെയായിരിക്കും അവരും നല്കുക.So there goes your 'beauty is relative' or beauty is a 'cultural construct' idea.Sorry...:-)
സൌന്ദര്യത്തിന്റെ ആപേക്ഷികത്തിന്റെ തെളിവായി ആഫ്രിക്കയിലും മറ്റുമുള്ള ആദിവാസികളുടെ വിചിത്രമായ അലങ്കാര രീതികള് നാഷണല് ജ്യോഗ്രാഫിക് ചാനലിലും മറ്റും കാണുന്നത് തെളിവായി പലരും ഉദ്ധരിക്കാറുണ്ട്. അതുകൊണ്ട് അതാദ്യം ക്ലീയറാക്കിയിട്ടു തുടരാം.First of all,who told you,all body adornments or modifications are about beauty? എത്യോപിയയിലെ മുര്സി വര്ഗ്ഗക്കാരുടെ ലിപ്പ്പ്ലേറ്റ് നോക്കൂ.സൌന്ദര്യം കൂട്ടാനാണ് ഇത് ചെയ്യുന്നത് എന്നാരു പറഞ്ഞു? പ്രധാനമായും ഇത് സ്റ്റാറ്റസ് സിംബലായാണ് നിലനിന്നിരുന്നത്.ഇത്തരത്തിലുള്ള സ്ത്രീകള്ക്ക് കൂടുതല് പുരുഷധനം ലഭിക്കാനുള്ള സാധ്യതയുണ്ടായിരുന്നു. (You have to try hard to develop and maintain such a lip.It was proxy for the wearer not being lazy or negligent.പരമ്പരാഗത സമൂഹങ്ങളില് ഭാര്യയെന്നാല് കൂലിയില്ലാതെ പണിയെടുക്കുന്നവളും കൂടിയായിരുന്നു.റൊമാന്റിക് ലൌവും അത് നിറവേറ്റാനുള്ള വിവാഹവും എന്നത് ജീവന് നിലനിര്ത്താന് ഭാര്യയും ഭര്ത്താവും എല്ലുമുറിയെ പണിയെടുക്കേണ്ടിവരുന്ന അവസ്ഥയിലുള്ളവര്ക്ക് ഒരു ലക്ഷ്വറിയാണ്. റൊമാന്സൊക്കെ അവര്ക്ക് മറ്റുള്ളവരുടെ കണ്ണുവെട്ടിച്ച് മിക്കവാറും മറ്റൊരുത്തന്റെ/ഒരുത്തിയുടെ ഇണയുമായി ചെയ്യുന്നതാണ്.)
ഈ രീതി ഇപ്പോള് നിലനിര്ത്തുന്നത് അവിടെയെത്തുന്ന ടൂറിസ്റ്റുകളാണ്, അല്ലാതെ അവിടുത്തെ പുരുഷന്മാരുടെ സൌന്ദര്യബോധമല്ല.കുറെ ചിത്രങ്ങളില്നിന്ന് സുന്ദരികളെ തിരഞ്ഞെടുക്കാന് ആവശ്യപ്പെട്ടാല് അവരാരും ഈ ലിപ്പ് പ്ലേറ്റിന് ഒരു പ്രാധാന്യവും കൊടുക്കാറുമില്ല.ആ ദാരിദ്ര്യം പിടിച്ച രാജ്യത്ത് ഫോട്ടോക്ക് പോസ് ചെയ്താല് കിട്ടുന്ന ഏതാനും ഡോളറുകള്ക്കു വേണ്ടിയുള്ള അഭ്യാസമാണ് ഇത്.അല്ലെങ്കിലും എക്സോട്ടിക് സ്ഥലങ്ങളില്നിന്നു വരുന്ന സഞ്ചാരികളുടെ അനുഭവങ്ങള് പൂര്ണ്ണമായും വിശ്വസിക്കേണ്ട കാര്യവുമില്ല.(ഇന്ത്യാക്കാരെല്ലാം പാമ്പാട്ടികളാണെന്നും ഇവിടെ അതിഥികളെ സ്വീകരിക്കുന്നത് കഴുത്തില് പൂമാലയിട്ടാണെന്നും കേരളത്തില് എല്ലാവരും ദിവസവും സന്ധ്യ മയങ്ങിയാല് കഥകളി കാണുന്നവരാണെന്നും മറ്റും സായിപ്പിന്റെ ചില ഡോക്യുമെന്ററികള് കണ്ടാല് തോന്നുന്നതുപോലയേ ഉള്ളൂ ഇതും.)
''Human beauty will stimulate love in you, and will make your senses envious, as if they wished to emulate the eye -- as if the mouth would wish to suck it into the body, as if the ear would seek its pleasure in being able to hear visual beauty, as if the sense of touch would wish it to be infused through the pores, and as if the nose would wish to inhale it with the air that it continually exhales.'' Leonardo da vinci
അപ്പോള് എന്താണ് സൌന്ദര്യം?എന്തെങ്കിലും അടിസ്ഥാന നിയമങ്ങള് അതിനുണ്ടോ? തീര്ച്ചയായും സൌന്ദര്യത്തില് കുറച്ചൊക്കെ ആപേക്ഷികതയുണ്ടെങ്കിലും വലിയൊരളവില് സൌന്ദര്യത്തിന്റെ മാനദണ്ഡങ്ങള് സാര്വ്വത്രികമാണ്. ലോകത്തെല്ലായിടത്തും,ആഫ്രിക്കന് ആദിവാസി മുതല് മോഡേണ് ടെക്കി വരെ സുന്ദരം എന്ന് മറ്റുള്ളവരില് വിശേഷിപ്പിക്കുന്ന ചില ശാരീരിക പ്രത്യേകതകളുണ്ട്.
ഏറ്റവും ലഘുവായിപ്പറഞ്ഞാല് യോജിച്ച ഇണയെ കണ്ടെത്താനുള്ള,അതായത് പരസ്പരം ശാരീരികാകര്ഷണം തോന്നിപ്പിക്കുന്ന ലക്ഷണങ്ങള് കണ്ടെത്താനുള്ള നമ്മുടെ സോഫ്റ്റ് വെയറിന്റെ പ്രവര്ത്തനമാണ് സൌന്ദര്യം.What we call beauty is the verdict from our 'mate detectors'.സ്ത്രീത്വം എന്നാല് പുരുഷത്വം എന്നത് എന്തല്ല,അല്ലെങ്കില് പുരുഷത്വം എന്നാല് സ്ത്രീത്വം അല്ലാത്തത് എന്നും പറയാം.അതായത് സ്ത്രീപുരുഷന്മാരുടെ ദ്വിദീയ ലൈംഗിക ലക്ഷണങ്ങള് തന്നെയാണ് സൌന്ദര്യ ലക്ഷണങ്ങളും.(ചിത്രം:1972 ല് പയനീര് പേടകത്തില് പതിപ്പിച്ചു ബഹിരാകാശത്തേക്കയച്ച സ്ത്രീപുരുഷന്മാരുടേത്.)
More exaggerated these differences more beautiful we find them. ആണിനെ ആണായും പെണ്ണിനെ പെണ്ണായും തോന്നണം എന്നതാണ് പരസ്പരമുള്ള ശാരീരികാകര്ഷണത്തിന് പ്രാഥമികമായി വേണ്ടത്.(ബൈബിളിലെ ദൈവം സ്ത്രീപുരുഷന്മാര് തമ്മിലുള്ള 'cross dressing' കടുത്ത കുറ്റമായാണ് കാണുന്നത് എന്നതില് നിന്ന് ഈ തിരിച്ചറിയലിന്റെ പ്രാധാന്യം മനസ്സിലാക്കാം.
"The woman shall not wear that which pertaineth unto a man, neither shall a man put on a woman's garment: for all that do so are abomination unto the LORD thy God."-Deuteronomy 22:5.)
കറുത്ത സുന്ദരികളുണ്ടോ എന്ന പോസ്റ്റിന്റെ ഗവേഷണത്തിനിടയില് ശ്രദ്ധയില് പെട്ട ഒരു കാര്യം,പുരുഷ സൌന്ദര്യ വര്ണ്ണനകള് ആ പുസ്തകങ്ങളില് താരതമ്യേന ശുഷ്കമാണ് എന്നതാണ്.മലയാള സിനിമാ ഗാനങ്ങളില് പോലും സ്ത്രീ സൌന്ദര്യത്തെ വര്ണ്ണിച്ചു കൊണ്ട് എത്ര വേണമെങ്കിലും ഉണ്ടെങ്കിലും പുരുഷ സൌന്ദര്യം വര്ണ്ണിക്കുന്ന വെറും രണ്ടെണ്ണം മാത്രമേ പെട്ടെന്ന് ഓര്മ്മയില് വരുന്നുള്ളൂ.ആരോമാലുണ്ണിയിലെ 'പുത്തൂരം വീട്ടില് ജനിച്ചോരെല്ലാം',പിന്നെ വടക്കന് വീരഗാഥയിലെ 'കളരിവിളക്കു തെളിഞ്ഞതാണോ'.(ഇതൊക്കെ എഴുതിയത് പുരുഷന്മാരായതുകൊണ്ടാകാം.എന്നാലും....) സാഹിത്യത്തില് എല്ലായിടത്തും നായികയോടൊപ്പം സുന്ദരനായ ഒരു നായകനുമുണ്ടാകുമെങ്കിലും അയാളേക്കുറിച്ചുള്ള വര്ണ്ണനകള് ഒരു ഒഴുക്കന് മട്ടില് കണ്ടാല് കാമദേവനെപ്പോലെ,തടിച്ച കഴുത്തുള്ളവന്, ഉരുണ്ട കൈത്തണ്ടകളുള്ളവന്, ദീര്ഘബാഹു,ആജാനബാഹു(വി കെ എന് ന്റെ ഭാഷയില് കാല്മുട്ടോളമെത്തുന്ന ഭുജമുസലങ്ങള് കൊണ്ടു നടക്കുന്നവന്.:-)) എന്നൊക്കെയാണ്. പകരം കുടുംബപാരമ്പര്യം,ധനസ്ഥതി ഇവയെക്കുറിച്ചൊക്കെയാണ് വിശദമായി വിവരിക്കുന്നത്.
നമുക്കാകെയുള്ള പുരുഷലക്ഷണ വിവരണം 'കഷണ്ടി, കഞ്ഞി പിഴിഞ്ഞ മുണ്ട്,കുമ്പ പുറത്തു രോമം,വെടിക്കല' എന്നൊക്കെയാണ്.(ഈ കഞ്ഞി പിഴിഞ്ഞ മുണ്ടൊക്കെ പുരുഷ ലക്ഷണമാകുന്നതെങ്ങിനെയെന്നും മറ്റും വേറൊരു പോസ്റ്റിനുള്ള വിഷയമാണ്.) അതായത് സ്ത്രീകളുടെ കാര്യത്തില് അവരുടെ അനാട്ടമി മാത്രമാണ് വര്ണ്ണനകളില് വരുന്നതെങ്കിലും,അത് മാത്രമാണ് അവരുടെ സൌന്ദര്യമെങ്കിലും, പുരുഷന്മാരുടെ കാര്യത്തില് ശാരീരികമേന്മയോടൊപ്പം (ഒരു പക്ഷെ അതിനേക്കാള് ) തന്നെ അവരുടെ അവരുടെ രാജപദവിക്കും ധനസ്ഥിതിക്കുമെക്കെ പ്രാധാന്യം വരുന്നുണ്ട്. 'ധീരോദാത്തനതിപ്രതാപ ഗുണവാന് വിഖ്യാതവംശന് ധരാപാലന് എന്നൊക്കെയാണല്ലോ ഉത്തമ പുരുഷന്മാരെ വര്ണ്ണിക്കുന്നത്. സ്ത്രീയെ വെറും ശരീരം മാത്രമായി കാണുന്നു എന്ന ഫെമിനിസ്റ്റുകളുടെ പരാതിക്ക് അടിസ്ഥാനമുണ്ട്.
(ഈ സ്ത്രീ പുരുഷവ്യത്യാസത്തിന് ബയോളജിക്കലായ ഒരു വിശദീകരണം മുന്നോട്ടു വയ്ക്കാം. ലൈംഗിക മാര്ഗ്ഗത്തിലൂടെ പ്രത്യുല്പ്പാദനം നടത്തുന്ന ജീവികള്ക്കെല്ലാം(ബാക്ടീരിയ പോലുള്ള 'താഴ്ന്ന' ചില ജീവികളൊഴിച്ച് ബാക്കി എല്ലാവരും) നല്ല ഇണയെ കണ്ടെത്തുക എന്നത് പ്രധാനമാണ്.കാരണം സന്താനോല്പാദനം ഒരു പങ്കുകച്ചവടമാണ്. സ്വന്തം 50% ജീനുകളുടെ ഈ ഭാവി പാര്ട്ട്ണറെ ആശ്രയിച്ചിരിക്കും. അതായത് സന്താനോല്പ്പാദനത്തിനും, പിന്നീട് അതിനെ പ്രസവിക്കാനും വളര്ത്താനുമുള്ള ഇണയുടെ ശാരീരികക്ഷമത പ്രധാനമാണ്. സ്ത്രീകളുടെ പ്രത്യുല്പാദനകാലം പരിമിതമായതുകൊണ്ട് (ഒരു പതിനഞ്ചു വയസ്സ് മുതല് പരമാവധി ഒരു 45-50 വര്ഷം വരെ.) പുരുഷന്മാരെ സംബന്ധിച്ചിടത്തോളം ആ ഏജ് ഗ്രൂപ്പിലുള്ള ഇണയെ കണ്ടെത്താന് സഹായിക്കുന്ന,(preferably younger the better.) ഒരു അല്ഗോരിതമാണ് സൌന്ദര്യം. ചെറുപ്പവും ആരോഗ്യവും (which is proxy for high fertility) വെളിവാകുന്ന ശാരീരിക ലക്ഷണങ്ങള് അങ്ങിനെ സ്ത്രീ സൌന്ദര്യ ലക്ഷണങ്ങളാകുന്നു.When we recognize a face as 'beautiful', we are actually making a judgement about the health and vitality of that individual.
പുരുഷന്മാരുടെ പ്രത്യുല്പാദനകാലം സ്ത്രീകളുടേതുപോലെ പരിമിതമല്ലാത്തതുകൊണ്ട് (അവരുടെത് ഒരു 13-14 വയസ്സുമുതല് മിക്കവാറും മരണം വരെയാണ്.) പുരുഷന്റെ സൌന്ദര്യവും (his mate value) അയാളുടെ ശാരീരിക മേന്മ/സൌന്ദര്യവുമായുമായുള്ള ബന്ധം കുറേകൂടി അയഞ്ഞതാണ്. പകരം ഉണ്ടാകുന്ന കുട്ടിയെ വളര്ത്താനുള്ള ഭൌതിക സാഹചര്യങ്ങള് പ്രധാനപ്പെട്ടതാകും.ഡേവിഡ് ബസ്സ് (
David Buss-The evolution of desire: Strategies of human mating.) അദേഹം പഠിച്ച മുപ്പത്തിയേഴു സമൂഹങ്ങളില് മുപ്പത്തിആറിലും ഇണയെ തിരഞ്ഞെടുക്കുന്ന കാര്യത്തില് പുരുഷന്മാര് സ്ത്രീകളുടെ ശരീരത്തിന്/സൈന്ദര്യത്തിന് പ്രാധാന്യം കൊടുക്കുമ്പോള് സ്ത്രീകള് പുരുഷന്റെ സാമ്പത്തിക സ്ഥിതിക്കും സ്റ്റാറ്റസ്സിനും കൂടുതല് പ്രാധാന്യം കൊടുക്കുന്നതായി പറയുന്നു.
അപ്പോള് നമുക്ക് ഗ്ലാമറിന്റെ ഗ്രാമറിലേക്ക് വരാം.ഉഡുരാജനെപ്പോലുള്ള അതായത് ചന്ദ്രനെപോലുള്ള മുഖമാണ് സ്ത്രീ സൈന്ദര്യത്തിന്റെ പാരമ്യം. ഇന്ദുമുഖി, ഇന്ദുവദന, രാകേന്ദുമുഖി തുടങ്ങി സ്ത്രീ വിശേഷണങ്ങള് അനവധിയാണ്.ലോകമെമ്പാടുംതന്നെ സ്ത്രീകളുടെ മുഖത്തെ സമാനമായ ഉപമകളുപയോഗിച്ചാണ് വര്ണ്ണിച്ചിട്ടുള്ളത്.എല്ലാവരും പരസ്പരം കോപ്പിയടിച്ചതല്ലെങ്കില് ഈ സാമ്യത്തിന് ഒരു കാരണം വേണ്ടെ?
സുന്ദരമായ മുഖം വെറും ശരാശരിയാണ്.Beautiful faces are just average.:-)
ഇതിലെ പരസ്പര വൈരുധ്യം വിശദീകരിക്കാം...ആദ്യം അല്പം ചരിത്രം.1870കളില് സര് ഫ്രാന്സിസ് ഗാല്ട്ടണ് (ഇദേഹം ചാള്സ് ഡാര്വിന്റെ ഒരു കസിനാണ്.ഒരു തികഞ്ഞ ജീനിയസ്സായിരുന്ന ഇദേഹമാണ് പ്രാര്ത്ഥനയുടെ ഫലമില്ലായ്മ ആദ്യമായി 'ശാസ്ത്രീയമായി' തെളിയിച്ചത്.ഫിങ്കര് പ്രിന്റുകള് ശാസ്ത്രീയമായി തരം തിരിച്ചതും അത് കുറ്റവാളികളെ കണ്ടെത്താന് ഉപയോഗിക്കാമെന്നും കണ്ടുപിടിച്ചതും ഇദ്ദേഹം തന്നെ.യൂജനിക്സിനെ അനുകൂലിച്ചിരുന്നു എന്ന കുപ്രസിദ്ധിയുടെ പേരില് മാത്രമാണ് ഇപ്പോള് ഇദ്ദേഹത്തെ ലോകം ഓര്ക്കുന്നത് എന്നത് കഷ്ടം.) ക്രിമിനോളജിയില് വിചിത്രമായ ഒരു പരീക്ഷണം നടത്തി. ക്രിമിനലുകളുടെ മുഖത്തിന് സാധാരണ ജനത്തിന്റെ മുഖത്തെ അപേക്ഷിച്ച് എന്തെങ്കിലും പ്രത്യേകതയുണ്ടോ?കുറ്റവാളികളുടെ പ്രോട്ടോടൈപ്പ് മുഖം എങ്ങിനെയായിരിക്കും? അറിയപ്പെടുന്ന അനേകം കുറ്റവാളികളുടെ പടങ്ങള് ഒന്നിന് മീതെ ഒന്നായി സൂപ്പര് ഇമ്പോസ് ചെയ്ത് അദേഹം കുറ്റവാളികളുടെ ഒരു 'അവിയല് 'ചിത്രം ഉണ്ടാക്കി.അനേകം കുറ്റവാളികളുടെ ശരാശരിയായ ഈ മൂലരൂപത്തില്നിന്ന് കുറ്റവാളികളുടെ പൊതു മുഖലക്ഷണങ്ങള് കണ്ടെത്താം എന്നായിരുന്നു ഐഡിയ.
ഐഡിയ ഫലിച്ചില്ല എന്ന് പ്രത്യേകം പറയേണ്ടതില്ലല്ലോ. പക്ഷേ അദേഹം മറ്റൊരു കാര്യം ശ്രദ്ധിച്ചു.(നല്ല ശാസ്ത്രജ്ഞര് അങ്ങനെയാണ്.) ഈ സങ്കലന വിദ്യയുടെ ഫലമായുണ്ടായ ചിത്രങ്ങളിലെ മുഖങ്ങള് അതിലെ ഭാഗമായ ഒറിജിനല് മുഖങ്ങളേക്കാളൊക്കെ സുന്ദരമായിരുന്നു.
''The result is a striking face,thoroughly ideal and artistic,and singularly beautiful.It is indeed,most notable how beautiful all the composites are.Individual peculiarities are irregularities,and the composite is always regular.''(Inquries into human faculty and its development-Francis Galton.)
തന്റെ പരീക്ഷണം കൊണ്ട് തെളിയിക്കാനുദ്ദേശിച്ച കാര്യം നടക്കാത്തതുകൊണ്ട് ഗാല്ട്ടണ് കൂടുതലൊന്നും ഈ വിഷയത്തില് ചെയ്തില്ല.അങ്ങനെ ഒരു നൂറ്റാണ്ടിലധികം ഈ നിരീക്ഷണം അവഗണിക്കപ്പെട്ടുകിടന്നു.പിന്നീട് ആയിരത്തി തൊള്ളായിരത്തി തൊണ്ണൂറുകളിലാണ് ഈ 'ആവരേജ് എഫക്റ്റ്'(ഒരു 'ശരാശരി' മുഖം അതിന്റെ അടിസ്ഥാനമായ ഒറിജിനലുകളേക്കാള് സുന്ദരമായിരിക്കും.) വീണ്ടും പഠന വിഷയമാകുന്നത്.അപ്പോഴേക്കും കമ്പ്യൂട്ടറുകള് ഉപയോഗിച്ച് ഗാല്ട്ടന്റെ സൂപ്പര് ഇമ്പോസിംഗ് രീതിയേക്കാള് കൂടുതല് കൃത്യമായി സങ്കലന ഫോട്ടോകള് ഉണ്ടാക്കാനുള്ള വിദ്യയും നിലവില്വന്നു.(മോര്ഫിംഗ്)
''We ascribe beauty to that which is simple; which has no superfluous parts; which exactly answers its end; which stands related to all things; which is the mean of many extremes.''- Ralph Waldo Emerson
ഓരോ പ്രദേശത്തേയും 'ശരാശരി' സുന്ദരികള് കാഴ്ചക്ക് വ്യത്യസ്തമായിരിക്കുമെങ്കിലും (ഉദാഹരണത്തിന് ഉഗാണ്ടയിലെ 'ശരാശരി' സുന്ദരിയും കേരളത്തിലെ 'ശരാശരി' സുന്ദരിയും കാഴ്ചയില് വ്യത്യസ്തരായിരിക്കും) രണ്ടും ആളുകള് സുന്ദരികളായിത്തന്നെ കണക്കാക്കും. ഗാല്ട്ടണ് ശരിയായി നിരീക്ഷിച്ച പോലെ യഥാര്ത്ഥ മനുഷ്യരില് സ്വാഭാവികമായി ഉണ്ടാകാവുന്ന അവയവങ്ങള് തമ്മിലുള്ള പൊരുത്തക്കുറവ് കൃത്രിമമായി ഉണ്ടാക്കുന്ന ഈ ശരാശരി മുഖത്തിനുണ്ടാകില്ല എന്നതു കൊണ്ടാണ് ശരാശരി അളവുകളുള്ള മുഖം കൂടുതല് സുന്ദരമാകുന്നത്. ഒന്നും ഒട്ടും കൂടുതലുമില്ല, കുറവുമില്ല.എല്ലാം പാകത്തിന് ചേരുംപടി ചേര്ന്ന മുഖം.
ഫഹദ് ഫാസില് സുന്ദരനാണ്,അല്ലെങ്കില് പാര്വതി ഓമനക്കുട്ടന്റെ മൂക്ക് ശരിയല്ല (her nose is not feminine.പോസ്റ്റ് മുഴുവന് വായിച്ചു കഴിയുമ്പോള് മനസ്സിലാകും.എനിക്ക് അവരുടെ മൂക്ക് നടന് ബാബു ആന്റണിയുടേതു പോലെയാണ് തോന്നാറ്.:-)) എന്നൊക്കെ അഭിപ്രായം പ്രകടിപ്പിക്കുമ്പോള് നമ്മള് ഉള്ളിലുള്ള 'ശരാശരി'സുന്ദരന്റേയോ സുന്ദരിയുടെയോ ആ പ്രോട്ടോടൈപ്പുമായി താരതമ്യം ചെയ്യുകയാണ് ചെയ്യുന്നത്.(കോസ്മെറ്റിക് സര്ജ്ജറി മുതല് മേയ്ക്കപ്പും പിന്നെ ഫോട്ടോഷോപ്പുമൊക്കെ നിലനില്ക്കുന്നത് ആ പ്രോട്ടോടൈപ്പിനോട് അടുത്തുവരാനുള്ള മാര്ഗ്ഗമായാണല്ലോ.) ഒരു പ്രത്യേക വിഭാഗത്തിന്റെ പ്രോട്ടോടൈപ്പ് ഉള്ളിലില്ലെങ്കില് മുഖം തിരിച്ചറിയാന് പ്രയാസമായിരിക്കും.എല്ലാ ചൈനക്കാര്ക്കും സായിപ്പന്മാര്ക്കുമെല്ലാം ഒരേ മുഖഛായയായാണ് എന്ന് ചില പറയുന്നത് കേട്ടിട്ടില്ലെ?പിന്നീട് കൂടുതല് കണ്ടുപരിചയം കൊണ്ടാണ് വ്യക്തികളെ തിരിച്ചറിയാന് കഴിയുന്നത്.
(യഥാര്ത്ഥ ജീവിതത്തില് ഈ 'ആവരേജ് എഫക്റ്റ്' കാണുന്നത് multi racial സന്തതികളിലാണ്. അതായത് വ്യത്യസ്ത പ്രദേശങ്ങളില്നിന്നോ വര്ഗ്ഗങ്ങളില്നിന്നോ ഉള്ളവര്ക്ക് ജനിക്കുന്ന സന്തതികള് പൊതുവെ കൂടുതല് സൌന്ദര്യമുള്ളവരായിരിക്കും. ഉദാഹരണത്തിന് കാശ്മീരിയും മലയാളിയും തമ്മില് അല്ലെങ്കില് ആഫ്രിക്കനും യൂറോപ്യനും തമ്മിലൊക്കെയുള്ള സന്തതികള് കൂടുതല് സുന്ദരരായിരിക്കും.നേരത്തെപ്പറഞ്ഞ അവയവങ്ങള് തമ്മിലുള്ള പൊരുത്തക്കുറവ് ഇവരില് ക്യാന്സല് ചെയ്തു പോകുന്നതു കൊണ്ടായിരിക്കാം അങ്ങിനെ വരുന്നത്.പ്രകൃതി തന്നെ ഒരുക്കുന്ന ആവരേജ് എഫക്റ്റ്.നമ്മുടെ പല സൂപ്പര് സുരസുന്ദരികളും ഇങ്ങനെ 'വംശശുദ്ധി' യില്ലാത്തവരാണ്.ഹാലി ബെറിയും സല്മ ഹൈക്കും നമ്മുടെ കത്രീന കൈഫും ഒക്കെ മള്ട്ടിറേഷ്യല് സുന്ദരികളാണ്.
(ട്രിവിയ:യൂറോപ്പിലെ ഫാഷന് രംഗം ഇപ്പോള് ഇളക്കി മറിക്കുന്നത് സൈബീരിയയില്നിന്നുള്ള സുന്ദരികളാണത്രെ.പഴയ സോവിയറ്റ് റഷ്യയില്നിന്ന് നാടുകടത്തപ്പെട്ട ന്യൂനപക്ഷങ്ങള് സൈബീരിയയിലെ ലോക്കല് ആളുകളുമായി ചേര്ന്ന് ലോകത്ത് വേറെവിടെയും കാണാത്തത്ര വെറൈറ്റി അവിടെ ഉണ്ടാക്കീട്ടുണ്ട്.(Germans, Czechs,Latvians etc mixing with the local ethnic mix of of Mongolian nomads creating hitherto unseen combinations of features that can only be described as breath taking.വ്യത്യസ്ത ജനവിഭാഗങ്ങളെ ബലം പ്രയോഗിച്ച് ഒറ്റ രാജ്യമാക്കിയതും അവര് തമ്മില് കൂടിക്കലര്ന്ന് പഴയ സോവിയറ്റ് രാജ്യങ്ങള് ഇപ്പോള് ലോകത്തിന്റെ സൌന്ദര്യ തലസ്ഥാനമാണ്.
സ്വതവേ ഭംഗി കൂടിയ മുഖങ്ങളുടെ (സര്വ്വേകളില് കൂടുതല് ആളുകളും സുന്ദരിയെന്ന് പറയുന്നവ) ശരാശരി ചിത്രം ഭംഗി പക്ഷേ കുറഞ്ഞ മുഖങ്ങളുടെ ശരാശരി ചിത്രത്തേക്കാള് സുന്ദരമായിരിക്കും. ഭംഗി കുറവുള്ള മുഖത്തിന്റെ ശരാശരി ചിത്രം ഭംഗി കുറഞ്ഞതു തന്നെയായിരിക്കും.ഫോട്ടോകളുടെ എണ്ണം കൂടുംതോറും അതില്നിന്നുള്ള സങ്കലന ഫോട്ടോയുടെ ഭംഗിയും കൂടുന്നു എന്നാണ് അനുഭവം. (പരമാവധി ഒരു മുപ്പത്തിരണ്ട് ഫോട്ടോകള്ക്കപ്പുറം പിന്നെ കാഴ്ചയില് കാര്യമായ വ്യത്യസം ഉണ്ടാകാറില്ല.)
അപ്പോള് സൌന്ദര്യം വെറും'ശരാശരി' മാത്രമല്ല.ഇവിടെക്കാണുന്ന ആദ്യ ചിത്രം എന്റെ ഒരു ഫോട്ടോഗ്രാഫര് സുഹൃത്തിന്റെ സ്റ്റുഡിയോവില് വന്ന പത്തു സ്ത്രീകളുടെ ശരാശരി ചിത്രമാണ്.എല്ലാവരും ഇരുപത്തഞ്ചിനും നാല്പതിനും ഇടയില് പ്രായമുള്ള,ശരാശരിയില് താഴെ മാത്രം സൌന്ദര്യമുള്ള സാധാരണ വീട്ടമ്മമാരാണ്.രണ്ടാമത്തെ ചിത്രം മനോരമയുടെ പത്തു ക്യാമ്പസ് മോഡലുകളുടെ (ചിത്രങ്ങള് അവരുടെ സൈറ്റില് നിന്ന് എടുത്തത്) ശരാശരി ചിത്രമാണ്.എല്ലാവരും സാമാന്യം സുന്ദരികളാണെന്നു പറയാം. അവസാനത്തേത് മലയാളത്തിലേയും തമിഴിലേയും പത്ത് ടോപ്പ് സുന്ദരികളുടെ ശരാശരി ചിത്രവും.
തീര്ച്ചയായും ഒറിജിനലുകളേക്കാള് സുന്ദരമാണ് എല്ലാ സങ്കലന ചിത്രങ്ങളുമെങ്കിലും ഈ വിര്ച്ച്വല് സൌന്ദര്യ മത്സരത്തില് ഒന്ന് മുതല് പത്തുവരെയുള്ള ഒരു സ്കെയിലില് മാര്ക്കിട്ടാല് ആദ്യത്തേതിന് ഒരു നാലും രണ്ടാമത്തേതിന് ആറും മൂന്നാമത്തേതിന് ഒരു ഏഴും മാര്ക്ക് ഞാന് കൊടുക്കും.മിക്കവര്ക്കും ഏറെക്കുറെ ഇതേ അഭിപ്രായമായിരിക്കും എന്നാണ് തോന്നുന്നത്.Go ahead,state your marks.ശരിക്കും തിലോത്തമ തന്നെ.(ലോകത്തുള്ള വിശിഷ്ട വസ്തുക്കളില്നിന്നെല്ലാം അല്പം വീതം എടുത്താണ് വിശ്വകര്മ്മാവ് തിലോത്തമയെ സൃഷ്ടിച്ചത് എന്നാണ് കഥ.) അതുപോലെ എല്ലാ പടങ്ങളില്നിന്നും നല്ല ഭാഗങ്ങള് മാത്രമെടുത്താണ് ഈ ശരാശരി ചിത്രമുണ്ടാകുന്നത്.സമാനമായ ഒരു കഥ ഗ്രീക്ക് ഇതിഹാസത്തിലുമുണ്ട്.
(ഓ.ടി:സ്യൂസ് ദേവന് പണ്ടോറയെ സൃഷ്ട്ടിക്കുന്നത് എല്ലാ ചെറുകിട ദൈവങ്ങളില്നിന്നും അവരുടെ ഗുണാംശങ്ങളുടെ സംഭാവന പിരിച്ചാണ്.പണ്ടോറ എന്നാല് 'all gifted' എന്നാണ് അര്ഥം.)
ഇവിടെ കാണിച്ചിരിക്കുന്നത് അതി സുന്ദരികളായ സിനിമാനടികളുടെ ആവരേജ് ചിത്രത്തിന്റെ വിവിധ ഘട്ടങ്ങളാണ്.ആദ്യത്തേത് രണ്ട്,രണ്ടാമത്തേത് നാല്,മൂന്നാമത്തേത് എട്ട്,നാലാമത്തേത് ഇരുപത് നടികളുടെയും സങ്കലനമാണ്.ഇരുപത് ചിത്രങ്ങളുടെ സങ്കലനമാണ് കൂട്ടത്തില് ഏറ്റവും സുന്ദരമെങ്കിലും അത് ഒരു വ്യതിരിക്തമായ മുഖമല്ല.It's not a distinct face.Offcourse It's beautiful,and it's perfect,but in a boring sort of way.ഇത്തരം മുഖങ്ങള് സുന്ദരമാണെങ്കിലുംമനസ്സില് തങ്ങി നില്ക്കുന്നവയല്ല.കാരിക്കേച്ചര് എന്ന ചിത്രകലാ രൂപം ഒരു വ്യക്തിയുടെ മുഖത്തിന്റെ പ്രത്യേകതകള് പര്വ്വതീകരിക്കുന്നതാണല്ലോ.എല്ലാ അവയവങ്ങളും ചേരും പടി ചേര്ന്നിട്ടുള്ള സുന്ദരന്മാരുടെയോ സുന്ദരികളുടേയോ കാരിക്കേച്ചര് വരയ്ക്കാന് പ്രയാസമായിരിക്കും. കാരിക്കേച്ചറിസ്റ്റുകള്ക്ക് ഈ വിഷയത്തില് അഭിപ്രായം പറയാം.(പണ്ട് തിരൂരില് നടന്ന ബ്ലോഗേര്സ് മീറ്റില് വച്ച് നമ്മുടെ ഫാറ്റൂണിസ്റ്റ് സജീവ് എന്റെ മുഖം കാരിക്കേച്ചറിനു പറ്റിയതല്ല എന്ന് പറഞ്ഞതോര്ക്കുന്നു.എന്നുവച്ചാല് ഞാന് സുന്ദരനാനെന്ന്.;-) btw,എന്നാലും അദേഹം എന്നെ വരച്ചു കേട്ടോ.)
ലോകസുന്ദരി പട്ടത്തിനു മത്സരിക്കുന്നവരുടെ ഫോട്ടോകള് ശ്രദ്ധിച്ചിട്ടുണ്ടോ? അവരുടെ മുഖങ്ങള്ക്കും ഇതേ 'സാധാരണത്തം' കാണാം.എല്ലാവരും സുന്ദരികളൊക്കെത്തന്നെ.പക്ഷേ എല്ലാവരും ചിരിക്കുന്നതും അവരുടെ മുഖഭാവങ്ങളുമൊക്കെ ഏറെക്കുറെ ഒരേ അച്ചില് വാര്ത്തെടുത്ത പോലെ.പരസ്പരം തിരിച്ചറിയാന് പറ്റില്ല.ഈ ലോകസുന്ദരികള് പ്രൊഫഷണല് ഫാഷന് മോഡലുകളായി വിജയിക്കുമെങ്കിലും സിനിമാരംഗത്ത് മിക്കവാറും വിജയിക്കാറില്ല എന്നതും ശ്രദ്ധേയമാണ്. അതായത് അവരുടെ ഭംഗി സാധാരണ ജനങ്ങളുടെ (പുരുഷന്മാരുടെ) മനസ്സില് ഇടം നേടുന്നില്ല എന്നര്ത്ഥം.എന്നാല് 'സാധാരണ' സുന്ദരികള് (ലോകസുന്ദരി മത്സരത്തിലോ ഫാഷന് മോഡലിംഗ് രംഗത്തോ ഒന്നാം സ്ഥാനത്തെത്താന് കഴിയാതെ പോകുന്നവര് ) പലപ്പോഴും സിനിമയില് വിജയിക്കാറുമുണ്ട്. ഫാഷന് രംഗത്തെ മോഡലുകള് ശരിക്കും ഡിസൈനര്മാരുടെ വിചിത്രമായ സൃഷ്ടികള് പ്രദര്ശിപ്പിക്കാനുള്ള വിലപിടിപ്പുള്ള 'ക്ലോത്ത് ഹാങ്ങറുകള് ' മാത്രമാണ്.വ്യക്തിത്തമുള്ള മുഖം അവിടെ അത്യാവശ്യമല്ല.എന്നാല് പ്രോഡക്റ്റ് മോഡലുകള്ക്കും അഭിനയ രംഗത്തുള്ളവര്ക്കും വ്യതിരിക്തമായ മുഖം അത്യാവശ്യമാണ്.
അപ്പോള് പറഞ്ഞുവരുന്നത്,മുഖത്തിന്റെ വെറും ശരാശരി അളവുകളില് മാത്രം കാര്യമില്ല.ഈ ശരാശരി ചിത്രങ്ങളുടെ ഇടതും വലതും പകുതികള് തുല്യമാണെന്ന് ശ്രദ്ധിച്ചിരിക്കുമല്ലോ.I.e beautiful faces are also symmetrical. സൌന്ദര്യത്തിന്റെ മറ്റൊരു പ്രധാന മാനദണ്ഡം ഈ സിമിട്രിയാണ്. മുഖത്തിന്റേയും ശരീരത്തിന്റേയും ഇടതും വലതും ഭാഗങ്ങള് ഒരേപോലെ ക്രമമായ വളര്ച്ച കാണിക്കണം. ഗര്ഭാവസ്ഥയിലും പിന്നീടും വളര്ച്ചയുടെ ഒരു ഘട്ടത്തിലും ജനിതകമോ പാരിസ്ഥികമോ ആയ ഒരു പ്രതിബന്ധങ്ങളും വളര്ച്ചക്കുണ്ടായിട്ടില്ല എന്നതിന് തെളിവാണ് സിമിട്രിയുള്ള മുഖം.(നൂറു ശതമാനം സിമിട്രി മിക്കവാറും അസാധ്യമാണെങ്കിലും.(ട്രിവിയ:ഹൃതിക് റോഷന്റെ വലതു കൈയ്യില് ആറ് വിരലുണ്ട്.പിന്നെ നമ്മുടെ മോഹന്ലാലിന്റെ മഞ്ഞില് വിരിഞ്ഞ പൂക്കളിലെ കോടിയ മുഖം ഓര്മ്മയില്ലേ?പിന്നീട് താമസിയാതെ തടിച്ചു തൂങ്ങി ഇപ്പോള് ആ വ്യത്യാസം അത്ര പ്രകടമല്ലാതായിട്ടുണ്ടെങ്കിലും.) Developmental homeostasis എന്ന് പറയും. Disruptions to development caused by mutations or by an inability to secure critical material resources early in life could generate asymmetries in appearance.
The basic idea is that the genes should code for both sides of the body equally.Ie, your left lung or eye or ear should develop just like your right lung,eye or ear.However, random events in the outside environment can interfere with this development.People with better quality genes maybe able to resist those outside interferences.Thus symmetry positively associated with health and attractiveness.ഒരു കൊടുങ്കാറ്റിനുശേഷം ചത്തുപോയ പക്ഷികളെ പരിശോധിച്ചതില് ചിറകിലെ തൂവലുകള് ഒരുപോലെയല്ലാത്തവയാണ് (സിമിട്രി കുറവുള്ളവ) ചത്തതില്കൂടുതലും എന്ന് കണ്ടിരുന്നു. പറക്കാനും ബാലന്സ് നിലനിര്ത്താനും കഴിവ് കുറഞ്ഞവ ഇത്തരം കടുത്ത പ്രതികൂല സാഹചര്യങ്ങളില് പരാജയപ്പെട്ടുപോകാം.
(A wild thought...സ്പോര്ട്സ് രംഗത്തുള്ളവരില് ലോകനിലവാരത്തില് കളിക്കുന്നവരും ഒരിക്കലും ലോക്കല് ലെവലിനപ്പുറം ഉയരാന് കഴിയാത്തവരും തമ്മില് അവരുടെ ശരീരത്തിന്റെ സിമിട്രിയില് വ്യത്യാസമുണ്ടാകുമോ?ഉദാഹരണത്തിന് സച്ചിന് ടെണ്ടുല്ക്കറേക്കാള് സിമിട്രി കുറവായിരിക്കുമോ അദ്ദേഹത്തോടൊപ്പം കളിച്ചു തുടങ്ങിയ എന്നാല് ഒരിക്കലും ഒരു ജില്ലാതലത്തിനപ്പുറമൊന്നും കളിയ്ക്കാന് യോഗ്യത നേടാന് കഴിയാതെ പോയ ഒരു ബാല്യകാല സുഹൃത്തിന്?You see, more symmetrical limbs might be more efficient in running or more accurate in throwing.അതുപോലെ ഒളിമ്പിക്ക്സിലൊക്കെ ഓട്ടത്തിന് സ്ഥിരമായി സ്വണ്ണം കിട്ടുന്നവര് സ്ഥിരം അവസാനക്കാരേക്കാള് സിമിട്രിയുള്ളവരായിരിക്കുമോ?Even the slightest of advantage might be important where the difference between a gold medalist and an 'also ran' athlete is might be a fraction of a second.)
പ്രാണികള് മുതല് എല്ലാ സ്പീഷീസുകളിലും സിമിട്രി കൂടുതലുള്ള ജീവിക്ക് കൂടുതല് എളുപ്പത്തില് ഇണയെകിട്ടും എന്നാണ് കണ്ടിട്ടുള്ളത്.മയിലുകളില് പീലികള്ക്ക് കൂടുതല് സിമിട്രിയുള്ളവക്കാണ് വേഗം ഇണകളെ കിട്ടുകയത്രെ.മൃഗങ്ങളിലും പ്രാണികളില്പ്പോലും കാണുന്ന ഈ പ്രഭാവം സ്വാഭാവികമായും മനുഷ്യനിലും പ്രതീക്ഷിക്കാം.Symmetry maybe a reliable indicator in the genetic quality mates look for in humans also.സിമിട്രി കൂടുതലുള്ള മുഖങ്ങളെ ആണും പെണ്ണും കൂടുതല് സുന്ദരമായി കരുതുമെന്നും കൂടുതല് സിമിട്രിയുള്ള പുരുഷന്മാരുടെ ഇണകള്ക്ക് രതിമൂര്ച്ഛയുണ്ടാകാനുള്ള സാധ്യത കൂടുതലാണ് എന്നും പഠനങ്ങള് പറയുന്നു.Symmetrical men and women begin to have sexual intercourse at an earlier age, have more sexual partners, and have more one-night stands.There are also more infidelity among them.
സിമിട്രി അളക്കാന് സ്കെയിലും തപ്പി പോയവരൊഴിച്ചുള്ളവര്ക്ക് വായന തുടരാം.:-) സാമുദ്രിക ലക്ഷണ പ്രകാരവും സിമിട്രി ഉത്തമമായ ചക്രവര്ത്തി ലക്ഷണമാണ്.വാല്മീകി രാമയണത്തില് ശ്രീരാമന്റെ രൂപം വിവരിക്കുന്നത്
''സമഃ സവിഭിക്താംഗാഃ''(with symmetrical limbs) എന്നാണ്. നമുക്ക് തല്ക്കാലം മുഖത്തിന്റെ സിമിട്രി മാത്രം ശ്രദ്ധിക്കാം.(ട്രിവിയ:പ്രശസ്ത കഥകളി വേഷക്കാരനായിരുന്ന കലാമണ്ഡലം കൃഷ്ണന് നായരാശാന്റെ മുഖത്തിന് അസാമാന്യ സിമിട്രിയായിരുന്നത്രെ. ചുട്ടിക്കായി കടലാസു വെട്ടിയാല് ഒരു ഭാഗത്തെ അതെ അളവ് തന്നെ മറുഭാഗത്തും ഉപയോഗിക്കമത്രെ.ഇദ്ദേഹത്തേക്കുറിച്ച് 'ബ്രഹ്മാവ് കഥകളിക്കായി സൃഷ്ടിച്ച മുഖം' എന്നാണ് കളികമ്പക്കരുടെ ഇടയില് പ്രശസ്തി.) ഈ ചിത്രങ്ങളില് കൂടുതല് ഭംഗി ഏതാണ്?The difference is subtle,yet real.(നല്ല കണ്ടു പരിചയമുള്ള മുഖങ്ങളില് സിമിട്രി ഇല്ലായ്മ മനസ്സിലാകാന് ബുദ്ധമുട്ടാണ്. കണ്ടു പരിചയമില്ലാത്ത ഒരു സാധാരണ മുഖമായിരുന്നു എല്ലാവര്ക്കും പരിചയമുള്ള ഒരു സുന്ദരിയായ സിനിമാ നടിയേക്കാള് നല്ലത്,whose face by definition is more symetrical than average women.പക്ഷേ കിട്ടണ്ടെ?(എന്റെ മുഖം ഇടാമെന്നുവച്ചാല് എന്റെ മുഖത്തിന് നല്ല സിമിട്രിയുണ്ട്.അതുകൊണ്ട് അത് ഉപയോഗിക്കാന് പറ്റില്ല.:-))
''There is no excellent beauty that hath not some strangeness in the proportion.''Francis Bacon
അപ്പോള് മുഖഭാഗങ്ങളുടെ ശരാശരി അളവുകളും സിമിട്രിയും മാത്രമാണോ സൌന്ദര്യം?ഫ്രാന്സിസ് ബേക്കണ് പറയുന്നപോലെ സുന്ദരമായ മുഖത്തിന് എന്തെങ്കിലും പ്രത്യേകത, വ്യക്തിതം കൂടി വേണ്ടെ?കൂടുതല് സുന്ദരമായ മുഖം സാധ്യമാണോ?ഈ ചിത്രങ്ങള് നോക്കുക.ആദ്യത്തേത് ഇരുപത് സൂപ്പര് സുന്ദരികളുടെ ആവറേജ് ചിത്രം.രണ്ടാമത്തേത് അതേ ചിത്രം ഫോട്ടോഷോപ്പില് ഞാന് അതിന്റെ അളവുകള് ഒരു പ്രത്യേക രീതിയില് വ്യത്യാസപ്പെടുത്തിയത്.മിക്കവരും രണ്ടാമത്തേതാണ് കൂടുതല് സുന്ദരം എന്ന് അഭിപ്രായപ്പെടും.(ഇതൊരു വ്യത്യസം കണ്ടുപിടിക്കല് ചോദ്യമല്ല.Just see which one you 'feel' more beautiful.) എന്റെ സ്ഥിരം പരീക്ഷണമൃഗമായ മകള് രണ്ടാമത്തെ ചിത്രത്തിനാണ് വോട്ടു ചെയ്തത്.ഒന്ന് മുതല് പത്തുവരെയുള്ള ഒരു സ്കെയിലില് മാര്ക്കിട്ടാല് ആദ്യത്തേതിന് ഒരു ഏഴു മാര്ക്ക് കൊടുക്കാമെങ്കില് രണ്ടാമത്തേതിന് എട്ടു മാര്ക്ക് കൊടുക്കാം എന്നാണ് എനിക്ക് തോന്നുന്നത്.Go ahead,grade it.
ചിത്രത്തിന് ഞാന് വരുത്തിയവ്യത്യാസങ്ങള് ഇവയാണ്.നെറ്റി അല്പ്പം വലുതാക്കി.മൂക്കിന്റെ മുകളിനിന്ന് താടിയിലെക്കുള്ള ദൂരം(nasion-chin distance) കുറച്ചു.അതായത് മുഖം മൊത്തത്തില് തലയുടെ താഴേക്കു മാറി.കൂട്ടത്തില് മൂക്കിന്റെ വലുപ്പം കുറഞ്ഞു.പിന്നെ കണ്ണുകള് അല്പ്പം വലുതാക്കി.അവ തമ്മിലുള്ള അകലവും കണ്ണുകളും പുരികങ്ങളും തമ്മിലുള്ള അകലവും കൂട്ടി. ചുണ്ടുകളുടെ വീതി കൂട്ടി.പക്ഷേ ഞാന് വരുത്തിയ ഈ മാറ്റങ്ങളുടെ യുക്തി എന്താണ്?
Neoteny യെക്കുറിച്ച് കഴിഞ്ഞ പോസ്റ്റില് പറഞ്ഞിരുന്നു.മുതിന്നതിനുശേഷവും കുട്ടിത്തത്തിന്റെ ലക്ഷണങ്ങള് അവശേഷിക്കുന്നതിനെയാണ് നിയോടെനി (neoteny) അഥവാ പീഡോമോര്ഫിസം (Pedomorphism) എന്നു പറയുന്നത്. പീഡോമോര്ഫിസവും ടെഡ്ഢി ബെയര് പാവകളുടെ പരിണാമവും പണ്ടൊരു പോസ്റ്റില് ചര്ച്ച ചെയ്തിരുന്നു.
(ടെഡ്ഡി കരടിയുടെ പരിണാമം അഥവാ ഓമനത്തമുള്ള ശാസ്ത്രം.) കുട്ടിത്തത്തിന്റെ ലക്ഷണങ്ങള് ഉള്ളവരോട് മുതിര്ന്നവരില് കൂടുതല് സ്നേഹവും കരുതലും ഉണ്ടാകാം എന്ന് കോണ്റാഡ് ലോറന്സ് സിദ്ധാന്തിച്ചിരുന്നു. 'Kindchenschema'( facial cues associated with infants could have evolved to elicit feelings of parental care in adults.) എന്ന് അദേഹം വിളിക്കുന്ന ഈ ലക്ഷണങ്ങള് നിലനിര്ത്തുന്ന സ്ത്രീളെ കൂടുതല് സുന്ദരികളായി പുരുഷന്മാര് കണക്കാക്കുന്നതായി പഠനങ്ങള് കാണിക്കുന്നു. സ്ത്രീസൌന്ദര്യത്തിന്റെ പാരമ്യം എന്നു പറയുന്നത് രൂപം കൊണ്ട് കുട്ടിത്തമുള്ള എന്നാല് ഒരു കുട്ടിയായി തെറ്റിദ്ധരിക്കാത്ത അവസ്ഥയെയാണ്. ഉണ്ണായി വാര്യര് നളചരിതത്തില് പറയുന്ന 'യൌവ്വനം വന്നുദിച്ചിട്ടും ചെറുതായില്ല ചെറുപ്പം' എന്ന അവസ്ഥ.അതായത് ഒരു മധുരപ്പതിനേഴുകാരി. ''പതിനാറു തികഞ്ഞിട്ടും കല്യാണം കഴിഞ്ഞിട്ടും പാവാട മാറ്റാത്ത പെണ്കുട്ടി'' എന്ന് യൂസഫലി കേച്ചേരി.
പാവാട പ്രായത്തിൽ നിന്നെ ഞാൻ കണ്ടപ്പോൾ
താമര മൊട്ടായിരുന്നു നീ...ഒരു താമര മൊട്ടായിരുന്നു നീ...
ധാവണി പ്രായത്തിൽ പാതി വിടർന്ന നീ..
പൂഞ്ചേല പരുവത്തിൽ പൂവായി..തേനുള്ളിൽ തുളുമ്പുന്ന പൂവായി.
ഇനി ധാവണി പ്രായക്കാരികളായ പെണ്കുട്ടികളെ (ആ പ്രായത്തില് അല്പ്പമെങ്കിലും ആകര്ഷണീയത ഇല്ലാത്ത ആരുമുണ്ടാകില്ല എത്ര വിരൂപയായാലും.) സുന്ദരികളാകുന്ന ആ ശൈശവ ലക്ഷണങ്ങള് നോക്കാം.വെളുത്ത നിറം (എത്ര കറുത്തവരും ആ പ്രായത്തില് അല്പ്പം വെളുക്കും.കഴിഞ്ഞ പോസ്റ്റ് നോക്കുക.) മാര്ദ്ദവമുള്ള തലമുടി, ഉരുണ്ട അല്പ്പം ഉയര്ന്ന നെറ്റി,അല്പം പരന്ന മുഖം,ചെറിയ മൂക്ക്,വലിയ കണ്ണുകള് ചെറിയ കീഴ്താടി, തുടുത്ത ചുണ്ടുകള് ,അത്ര പ്രകടമല്ലാത്ത brow ridge(bony prominance above the eyes), കട്ടികുറഞ്ഞ പുരികങ്ങള് ,രോമരഹിതമായ ശരീരം ഇവയൊക്കെയാണ്. ഇസ്ലാമിക സ്വര്ഗ്ഗത്തിലെ ഹൂറികളേക്കുറിച്ചുള്ള തിര്മിദിയുടെ വിവരണം തലയിലും പുരികങ്ങളിലുമൊഴിച്ച് ശരീരത്തിലെവിടെയും രോമമില്ലത്തവര് എന്നാണ്. ഗ്രീക്ക് പ്രതിമകള് മുതല് ആധുനിക സുന്ദരികള് വരെ ഇപ്രകാരം രോമരഹിതരാണ്. (ട്രിവിയ... പത്തൊന്പതാം നൂറ്റാണ്ടിലെ ഇംഗ്ളീഷ് കവിയും ചിത്രകാരനും ചിന്തകനുമൊക്കെയായിരുന്ന ജോണ് റസ്ക്കിനെക്കുറിച്ച് ഒരു കഥയുണ്ട്.ഗ്രീക്ക് പ്രതിമകളിലും പെയിന്റിങ്ങുകളിലും കണ്ടു പരിചയമുള്ള സ്ത്രീ രൂപമാണ് യഥാര്ത്ഥം എന്ന് ആത്മാര്ഥമായി ധരിച്ചിരുന്ന അദ്ദേഹം വിവാഹശേഷമാണ് ഞെട്ടിപ്പോയത്.She had hair, err...you know...,down there.:-) ആറു വര്ഷം ആ വിഡ്ഢ്യാസുരന്റെ അവഗണ സഹിച്ച് ജീവിച്ച ആ പാവം സ്ത്രീ പിന്നീട് വിവാഹ മോചനം നേടി.)
ഒരു കുട്ടിയുടെയും (എന്റെ മകള് ) ചില അംഗീകൃത സുന്ദരികളുടെയും മുഖങ്ങളുടെ ഒരു താരതമ്യം നോക്കൂ.(ആ ചൈനീസ് സുന്ദരി Davon Aoki എന്ന നടിയാണ്.'2 fast 2 furious' fame.ചൈനീസ്, ജപ്പാനീസ് മുഖങ്ങളാണ് കൂടുതല് ശൈശവ ലക്ഷണങ്ങള് നിലനിര്ത്തുന്നത് എന്ന് അന്ത്രോപ്പോളജിസ്റ്റുകള് നിരീക്ഷിക്കുന്നു.) എല്ലാവരുടെയും പൊതുവായുള്ള ലക്ഷണങ്ങള് ഒന്നുതന്നെയാണ്.പരന്ന മുഖം,ഉരുണ്ട നെറ്റി,വലിയ കണ്ണുകള് ,ചെറിയ മൂക്ക്.
സ്ത്രീ പുരുഷന്മാരുടെ മുഖങ്ങള് തമ്മില് ഒരു താരതമ്യത്തിനു ശ്രമിച്ചാല് ആദ്യം തന്നെ ശ്രദ്ധയില്പ്പെടുക മുഖത്തിന്റെ ഷേപ്പിലുള്ള വ്യത്യസം തന്നെയാണ്.തലയോട്ടികളുടെ ഈ ചിത്രം ശ്രദ്ധിച്ചാലറിയാം സ്ത്രീപുരുഷന്മാര് തമ്മിലുള്ള വ്യത്യാസങ്ങള് .സ്ത്രീകളുടേത് ഏറെക്കുറെ ഒരു ഓവല് ഷേപ്പിലാണെങ്കില് പുരുഷന്മാരുടേത് ഒരു ചതുരവടിവിലാണ്. സ്ത്രീയുടെ തലയോട്ടി മൊത്തത്തില് കുറേകൂടി കോമളമായോ ലോലമായോ തോന്നും. പുരുഷന്റെ കീഴ്ത്താടിയുടെ കനവും ഷേപ്പും നോക്കൂ.അതുപോലെ കനത്ത brow ridge. കവിളുളെല്ലുകളുടെ ഭാഗവും കനത്തതാണ്. വാല്മീകി രാമായണത്തില് ശ്രീരാമനെ 'മഹാഹനുഃ'(with heavy cheek bones)എന്ന് വിശേഷിപ്പിക്കുന്നുണ്ട് എന്നത് രസമല്ലേ?(ജന്മനാ 'മഹാഹനുഃ' അല്ലാത്തവര്ക്ക് cheek implants സഹായത്തിനെത്തും.)
രസകരമായ ഒരു താരതമ്യത്തിന് ടെര്മിനേറ്റര് സിനിമകളിലെ T800(ആര്നോള്ഡ് ഷ്വാസ്നെഗര് ) റോബോട്ടിന്റേയും ടെര്മിനേറ്റര് ത്രീയിലെ TX എന്ന പെണ് റോബോട്ടിന്റേയും endoskeleton തമ്മിലുള്ള വ്യത്യസം നോക്കൂ.അഭിനേതാക്കളുടെ ബാഹ്യ രൂപത്തിന് അനുസരിച്ചു തന്നെയാണ് ഈ എന്ഡോസ്കെലിട്ടനുകളും നിര്മ്മിച്ചിരിക്കുന്നതത്രെ. അതായത് ഈ തലയോട്ടികള്ക്ക് അവരുടെ യഥാര്ത്ഥ മുഖവുമായി യോജിച്ചു പോകുന്നുണ്ട്.(വെറും പണംവാരി തട്ടുപൊളിപ്പന് കമ്മേഴ്സ്യല് ചിത്രങ്ങളില് പോലും ഇത്ര ശ്രദ്ധാപൂര്വ്വം കാര്യങ്ങള് ചെയ്യുന്ന ഹോളിവുഡ്ഢിനെ നമ്മുടെ സിനിമക്കാര് കണ്ടു പഠിക്കട്ടെ.ആദ്യത്തെ ടെര്മിനേറ്റര് ഒരു ലോ ബജറ്റ് ചിത്രം പോലുമായിരുന്നു. എന്നിട്ടും അവന്മാര് ഇതൊക്കെ ശ്രദ്ധിച്ചിരുന്നു.)
'Child but not quite a child' എന്നതിന്റെ ഏറ്റവും നല്ലൊരു ഉദാഹരണം ടെര്മിനേറ്റര് ത്രീയില് TX ആയി അഭിനയിച്ച Kristanna Loken തന്നെയാണ്.It is said that they selected her deliberately to contrast her features to the original Terminator. കുട്ടികളുടെതു പോലുള്ള ഉരുണ്ട നെറ്റിത്തടം നോക്കൂ.നമ്മുടെ കാളിദാസനൊക്കെ സുന്ദരിമാരുടെ നെറ്റിയെ ചന്ദ്രക്കല പോലെ വളഞ്ഞതായാണ് ഉപമിക്കുന്നത്. ലളിതാ സഹസ്രനാമത്തിലും 'അഷ്ടമീ ചന്ദ്രവിഭ്രാജദളികസ്ഥലശോഭിതാ' (അര്ദ്ധചന്ദ്രനേപ്പോലെ ശോഭയുള്ള നെറ്റിത്തടത്തോട് കൂടിയവള് .) എന്ന് കാണാം.അതുപോലെതന്നെ അവരുടെ കീഴ്ത്താടിയുടെ ആകൃതിയും ശ്രദ്ധച്ചോ?ലളിതാസഹസ്രനാമത്തില് ദേവിക്ക് 'അനാകലിതസാദൃശ്യചിബുകശ്രീവിരാജിതാ' എന്നൊരു വിശേഷണം കാണാം.അതായത് ഉപമിക്കാന് മറ്റൊന്നുമില്ലാത്ത വിധം മനോഹരമായ താടി എന്നര്ത്ഥം.
കുട്ടിയും കുട്ടിത്തമുള്ള മുഖമുള്ള ഒരു മധുരപ്പതിനേഴുകാരിയും തമ്മിലുള്ള ഒരു വ്യത്യാസം കവിളുകളുടെ കാര്യത്തിലാണ്.ബേബി കവിളുകളുള്ളവര് ശാലീന സുന്ദരി അല്ലെങ്കില് ക്യൂട്ട് സുന്ദരി എന്നൊക്കെ വിളിക്കപ്പെടുമെങ്കിലും ഒരു സെക്സ് സിംബലായി അവര് കരുതപ്പെടാനുള്ള സാധ്യത കുറവാണ്.Men just don't lust them.(Btw, ഈ ചെറുപ്പവും 'യൌവ്വനം വന്നുദിച്ചിട്ടും ചെറുതാകാത്ത ചെറുപ്പവും'തിരിച്ചറിയാന് കഴിയാത്തവരായിരിക്കാം ശിശു പീഢകരാകുന്നത്.) അതുകൊണ്ട് അത്തരക്കാര് സിനിമയില് നായികമാരുമാകില്ല. സാധാരണ അത്തരം സുന്ദരികള് അധികം താമസിയാതെ നായകന്റെ സ്ഥിരം സഹോദരിയായി ഒടുങ്ങിപ്പോകുകയാണ് പതിവ്.അല്ലെങ്കില് കണ്ണീര് സീരിയലുകളിലെ കുടുംബിനിയായ ഭാര്യ.ബേബി കവിളും ശരിക്കുള്ള സുന്ദരിയുടെ കവിളുകളും വ്യത്യസ്തമാണ്.ഉദാഹരണം കരീനാകപൂറിന്റെ മുഖം. കുട്ടികളുടെതുപോലുള്ള തുടുത്ത കവിളുകളുകളല്ല അവരുടേത്.(വേറൊരു കാര്യം ശ്രദ്ധിച്ചിട്ടുണ്ടോ?നമ്മുടെ സിനിമകളില് നായികയുടെ കൂടെ കൂട്ടുകാരായി കൊച്ചു പിള്ളേരുണ്ടായിരിക്കും.വെറും ചെറുപ്പവും 'യൌവ്വനം വന്നുദിച്ചിട്ടും ചെറുതാകാത്ത ചെറുപ്പവും' തമ്മിലുള്ള കൊണ്ട്രാസ്റ്റ് തോന്നിപ്പിക്കാനുള്ള വിദ്യ.
സ്ത്രീപുരുഷന്മാര് തമ്മില് കാഴ്ച്ചയിലുള്ള ഈ വ്യത്യസം അതായത് Sexual dimorphism ഗര്ഭാവസ്ഥയിലും പിന്നീടും വളര്ച്ചയുടെ നിര്ണായക ഘട്ടങ്ങളില് ശരീരം അഭിമുഖീകരിച്ച ഹോര്മോണുകളുടെ ഏറ്റക്കുറച്ചിലുകള് മൂലമാണുണ്ടാകുന്നത്.ചെറിയ കുട്ടികളുടെ മുഖം'sexless' ആണെന്ന് പറയാം.(മറ്റു സൂചനകളില്ലാതെ മുഖം കണ്ട് ആണ്കുഞ്ഞിനേയും പെണ്കുഞ്ഞിനേയും തിരിച്ചറിയാന് പ്രയാസമാണ്.'ആദ്യത്തെ കണ്മണി'എന്ന ചിത്രത്തില് ജനാര്ദ്ദനന് പറയുന്ന ആ മാര്ഗ്ഗം തന്നെ വേണ്ടി വരും.:-)) മുഖത്തിന്റെ പല ഭാഗങ്ങളുടേയും വളര്ച്ച പല വേഗത്തിലാണ്. വളര്ച്ചയുടെ ചില നിര്ണായക ഘട്ടങ്ങളില് ടെസ്റ്റോസ്റ്റിറോണ് കൂടുതല് ലഭിച്ചിട്ടുണ്ടെങ്കില് അത് മുഖത്തെ അസ്ഥികളില് കാണാം.ടീനേജിലേക്ക് കടക്കുമ്പോള് ടെസ്റ്റോസ്റ്റിറോണ് മുഖത്തിന്റെ ആകൃതി മാറ്റിത്തുതുടങ്ങും.
The more testosterone a man has, the stronger his brow, cheekbones and lower jaw.The more estrogen or less testosterone a woman has,rounder her forehead, the wider her face, fuller her lips and the higher her eyebrows.കുട്ടിത്തം (Pedomorphism) നിലനിര്ത്തും എന്നര്ത്ഥം.അപ്പോള് ഈ ഉഡുരാജമുഖി വന്ന വഴി മനസ്സിലായില്ലെ?മുഖത്തിന്റെ ആകൃതി നിശ്ചയിക്കുന്നത് ഈ ഹോര്മോണുകളാണ്.(ടെസ്റ്റോസ്റ്റിറോണ് പുരുഷന്മാരില് മാത്രവും ഈസ്റ്റ്രജന് സ്ത്രീകളില് മാത്രവും എന്നൊന്നുമില്ല. എല്ലാവരിലും എല്ലാ ഹോര്മോണും കാണും.അളവില്മാത്രമെ വ്യത്യാസമുണ്ടാകൂ. പുരുഷന്മാരില് ടെസ്റ്റോസ്റ്റിറോണ് പൊതുവെ കൂടുതലായിരിക്കും,സ്ത്രീകളില് നേരെ തിരിച്ചും അത്രെയേ ഉള്ളൂ.) സ്ത്രീകളുടെ മുഖത്തിന് പ്രായമാകുംതോറും ഹോര്മോണ് വ്യതിയാനം മൂലം കൂടുതല് പുരുഷത്തമുണ്ടാകും.(ഗൌരിയമ്മയുടെ ചെറുപ്പകാലത്തുള്ള ഫോട്ടോയും ഇപ്പോഴത്തെ മുഖവും നോക്കുക.)
ഗ്രോത്ത് ഹോര്മോണുകള് അമിതമായി ഉപയോഗിക്കുന്ന ബോഡി ബില്ഡര്മാരില് താടിയെല്ലിന്റെ അമിത വളര്ച്ച കാണാം.മുകളിലെ ചിത്രത്തില് കാണുന്ന ആ ചെങ്ങാതി മരുന്നടിക്കുന്നുണ്ട് എന്ന് ബലമായി സംശയിക്കാം.മറ്റൊരു ഉദാഹരണം ....നമ്മുടെ സ്റ്റാലണ് തന്നെ.Now see his grotesque lower jaws.(Trivia: Rambo 4 ന്റെ നിര്മ്മാണത്തിനിടക്ക് ഒരു വിമാനത്താവളത്തില് വച്ച് സ്റ്റാലനെ മരുന്നുകളുമായി പിടി കൂടിയിരുന്നു.) ഈ കൂടിയ അളവിലുള്ള ഈ ടെസ്റ്റോസ്റ്റിറോണ് തന്നെയാണ് പുരുഷന് താടിമീശകളുണ്ടാക്കുന്നതും കൂടുതല് ശാരീരിക ശക്തിയും ആക്രമണോത്സുകതയും നല്കുന്നതും.
അങ്ങനെ ശൈശവ ലക്ഷണങ്ങളുടെ അഥവാ സ്ത്രീ ലക്ഷണങ്ങളുടെ നേര് വിപരീതമാണ് പുരുഷ സൌന്ദര്യ ലക്ഷണങ്ങള് .(കുട്ടികളുടെ കൈകള്ക്ക് നീളം കുറവായതുകൊണ്ടാണ് കാല്മുട്ടോളമെത്തുന്ന ഭുജമുസലങ്ങള് പുരുഷലക്ഷണമാകുന്നത്.അല്ലാതെ ഒറാങ്ങ് ഉട്ടാനേപ്പോലിരിക്കുന്നതാണ് പുരുഷസൌന്ദര്യത്തിന്റെ പാരമ്യം എന്നതുകൊണ്ടല്ല.:-) കുട്ടികളും സ്ത്രീകളും രോമരഹിതരാകുമ്പോള് സ്വാഭാവികമായും പുരുഷന്മാര് രോമേശന്മാരായിരിക്കും.Or you can use that tamil word here.:-)Btw, പഞ്ചതന്ത്രം കഥകളില് 'രോമേശന്' എന്നൊരു സിംഹത്തിന്റെ കഥയുണ്ട്.അതുപോലെ മഹാഭാരതത്തിലെ ലോമപാദ മഹാരാജാവ് ശരിക്കും രോമപാദന് എന്നായിരിക്കാം.''God protect us from hairy women and beardless men.'' എന്നൊരു അറബി പഴഞ്ചൊല്ലുണ്ടെന്നത് പൂര്വ്വികര് ഇതൊക്കെ ശ്രദ്ധിച്ചിരുന്നു എന്നതിന് തെളിവാണ്.
ആണുങ്ങളുടെ മുഖം പെണ്ണുങ്ങളുടേതിനേക്കാള് വലുതായിരിക്കും.പ്രത്യേകിച്ച് മുഖത്തിന്റെ കീഴ്ഭാഗം (lower face).കണ്ണുകള് ചെറുതായിരിക്കും.(atleast overhanging brow ridges makes it appear so.) മൂക്കും സ്ത്രീകളെക്കാള് ഉയര്ന്നതും വീതിയുള്ളതുമായിരിക്കും.(ഉയര്ന്ന നാസിക പുരുഷ സൌന്ദര്യ ലക്ഷണമായി പറയാറുണ്ട് എന്നോര്ക്കുക. സ്ത്രീകളുടേത് എള്ളിന്പൂവ് പോലെ എന്നാണ് കണക്ക്.'തിലപുഷ്പമൂക്കീ' എന്ന് തോലകവി.) ചെറിയ താഴ്ന്ന മൂക്ക് സ്ത്രീകളുടെ കണ്ണുകള് തമ്മില് കൂടുതല് അകലം തോന്നിപ്പിക്കും.പരന്ന മുഖവും ചെറിയ മൂക്കും കവിളുകള് കൂടുതല് എടുത്തുകാട്ടും. ദിലീപിന്റെ മായമോഹിനിയെ ശരിക്കും ഒരു പെണ്ണിന്റെ മുഖത്തിന്റെ അനുപാതത്തിലേക്ക് മാറ്റിയാല് ഏകദേശം ഈ ചിത്രത്തില് കാണുന്നപോലിരിക്കും.അതുപോലെ മഞ്ചു വാര്യരേയും ശരിക്കുള്ള പുരുഷ അനുപാതത്തിലേക്കും മാറ്റാം.(ഒരു രണ്ടു മിനിറ്റ് ഫോട്ടോഷോപ്പ് സിമുലേഷന്.)
So recap.....കാതിലോല?(കാ അതിലോല?) എന്ന ചോദ്യത്തിന്റെ ഉത്തരം 'ഉടുരാജമുഖി' എന്നു തന്നെയാണ്.Slightly flat,round faces with large eyes,high cheeks,plumb lips,small lower jaws, which are proxy for young female face with high estrogen and low androgen levels.അപ്പോള് സൌന്ദര്യം എന്നാല് നല്ല സിമിട്രിയുള്ള ശരാശരി അളവുകളുള്ള മുഖം...with a twist.അതില് ശൈശവ ലക്ഷണങ്ങള് കൂടുതല് പെരുപ്പിച്ചു കാണാം.In other words a beautiful face is an 'average' face with caricatured child features.
ഇനി ചില ഉദാഹരണങ്ങള് കാണിക്കാം.നേരത്തേ കണ്ട സാധാരണ വീട്ടമ്മമാരുടെ ആവരേജ് ചിത്രം 4-6 വയസ്സുള്ള പത്തു കുട്ടികളുടെ (ചിത്രങ്ങള് കുട്ടികളുടെ ഒരു സൌന്ദര്യ മത്സരത്തിന്റെ സൈറ്റില്നിന്നു കിട്ടിയത്.) ആവരേജ് ചിത്രത്തിലെ ഡാറ്റ ഉപയോഗിച്ച് മാറ്റം വരുത്തിയതാണ് ഇവിടെ കാണുന്നത്.ഇതേ കാര്യം ഫോട്ടോഷോപ്പ് ഉപയോഗിച്ചും ചെയ്യാം.താഴെയുള്ള ചിത്രം ഫോട്ടോഷോപ്പില് ചെയ്തത്.ആദ്യത്തേത് ഒരു മോര്ഫിംഗ് വിദ്യയാണ്.എന്നാല് സാധാരണ മോര്ഫിംഗ് അല്ല താനും.കുട്ടികളുടെ ചിത്രത്തിലെ പിക്സല് ഡാറ്റ ഒട്ടും ഉപയോഗിക്കാതെ ആങ്കര് പോയന്റുകളുടെ ആപേക്ഷിക സ്ഥാനങ്ങള്ക്കനുസരിച്ച് മാത്രം മോര്ഫിംഗ് ചെയ്യുന്ന രീതിയാണത്.(if you didn't understand the technical details,well forget it.It's not important.)
മായാമോഹിനിയുടെ ഈ ചിത്രങ്ങളില് കൂടുതല് സ്ത്രൈണതയും മാദകത്വവും തോന്നുന്നത് ഏതാണ്? മിക്കവര്ക്കും രണ്ടാമത്തേത് എന്നായിരിക്കും അഭിപ്രായം. ആദ്യത്തേത് ഒറിജിനല് ചിത്രം. ഇവിടേയും മുകളിലെപ്പോലെ കുട്ടികളുടെ ആവരേജ് ചിത്രത്തിന്റെ അളവിലേക്ക് മാറ്റിയതാണ് രണ്ടാമത്തെ ചിത്രം. സ്ത്രൈണതയുടെ ശൈശവ ലക്ഷണങ്ങള് അറിഞ്ഞിരുന്നാല് ഫോട്ടോഷോപ്പിലും ഇത്തരം മാറ്റങ്ങള് സാധ്യമാണ്.വലിയ ബുദ്ധിമുട്ടുള്ള കാര്യമൊന്നുമല്ല. അതിന്റെ സൂത്രങ്ങള് അറിഞ്ഞാല് രണ്ടോ മൂന്നോ മിനിറ്റിന്റെ പണിയേ ഉള്ളൂ.മൂന്നാമത്തേത് ഫോട്ടോഷോപ്പ് ചിത്രമാണ്.ഏത് ചിത്രവും അല്പ്പം കുട്ടിത്തത്തിന്റെ അളവുകളിലേക്ക് മാറ്റുന്നത് അവരെ കൂടുതല് സുന്ദരിയാക്കും.ഫോട്ടോഗ്രാഫി, അഡ്വര്ട്ടൈസിംഗ് രംഗങ്ങളില് പ്രവര്ത്തിക്കുന്നവര് ശ്രദ്ധിക്കുക.നമ്മുടെ ഇവിടെയൊക്കെ അതിന്റെ പുറകിലുള്ള ശാസ്ത്രവും കണക്കുമൊന്നും പിടിയില്ലാത്തതുകൊണ്ട് ചില ഫില്റ്ററുകള് ഉപയോഗിച്ചുള്ള കളികളാണ് മിക്കവാറും കാണുക.
ഇതാ ഈ ഫോട്ടോ നോക്കൂ.ആദ്യ ചിത്രത്തിലെ മുഖത്തിന്റെ സിമിട്രിയില്ലായ്മ ശ്രദ്ധിച്ചോ?രണ്ടു പുരികവും രണ്ടു ലെവലിലാണ്. ഇടതുവശത്തെ കണ്പോളകള്ക്കും എന്തോ പ്രശ്നമുണ്ട്. ചുണ്ടുകള് ഒരു വശത്തേക്ക് ചെരിഞ്ഞാണ്. (ഏതോ രണ്ടാംകിട 'കോസ്മെറ്റിക് വിദഗ്ധന്റെ' ബോട്ടോക്സ് ട്രീറ്റ്മെന്റ്?) The second picture is a definite improvement.ആ കണ്പോളകളുടെ കാര്യത്തില് ഞാന് ഒന്നും ചെയ്തിട്ടില്ല.Too much hard work.(നല്ല സൈഡിലെ കണ്ണ് കോപ്പി പേസ്റ്റ് ചെയ്യുന്നപോലുള്ള 'ഡൂക്കിലി' പണിയൊന്നും ഞാന് ചെയ്യാറില്ല. അതൊക്കെ എന്റെ ഫോട്ടോഷോപ്പ് നിലവാരത്തിന് താഴെയാണ്.:-))
എതു വലിയ സൂപ്പര് സുന്ദരിയെയും സൂപ്പര് മെഗാ സുന്ദരിയാക്കാം. There is always scope for improvement.But subtelity is the key. എന്റെ അഭിപ്രായത്തില് നിങ്ങളെടുക്കുന്ന എല്ലാ ചിത്രങ്ങളും ഇങ്ങനെ മാറ്റണം എന്നാണ്.(അങ്ങനെ മാറ്റം വരുത്തിയാല് അത് ഫോട്ടോഗ്രാഫി ആകുമോ എന്നൊക്കെയുള്ള ചര്ച്ച പണ്ട് കഴിഞ്ഞതാണ്.സത്യത്തില് നിങ്ങള് കാണുന്ന എല്ലാ ഇന്റര്നാഷണല് പരസ്യങ്ങളിലെ വിലപിടിപ്പുള്ള മോഡലുകളും ഇങ്ങനെ മാറ്റപ്പെട്ടാണ് നിങ്ങളുടെ മുന്നിലെത്തുന്നത്.There is nothing 'real' in what you see.One of my heavy handed works I did a few years back.
സൌന്ദര്യം...ഡിജിറ്റല് പ്ലാസ്റ്റിക് സര്ജറി ) ഗേള് ഫ്രണ്ടിനെ വീഴ്ത്താനും ഈ മാര്ഗ്ഗം നല്ലതാണ്.They will just adore you.:-)
ഈ പോസ്റ്റില് പറഞ്ഞിരിക്കുന്ന കാര്യങ്ങളുടെ പ്രായോഗിക വശങ്ങള് -മേയ്ക്കപ്പ്, ഫോട്ടോഗ്രാഫി, ഫോട്ടോഷോപ്പ് എല്ലാം വേറൊരു പോസ്റ്റില് . ഫോട്ടോഗ്രാഫി, അഡ്വര്ട്ടൈസിംഗ് രംഗങ്ങളില് പ്രവര്ത്തിക്കുന്നവര്ക്ക് പ്രയോജനപ്പെട്ടേക്കാം.അതും കഴിഞ്ഞു ഉഡുരാജമുഖിയുടെ ബാക്കിയായ 'മൃഗരാജ കടിയും' 'ഗജരാജ വിലസിത മന്ദഗതിയും'എഴുതണം.(The insane standard I set for myself for my blog posts is killing me.അതുകൊണ്ട് എഴുതിയാല് പറയാം എഴുതി എന്ന്.)
-
