2010, ജൂൺ 8, ചൊവ്വാഴ്ച

ന്യുട്രിഷ്യണല്‍ ഇമ്യൂണിറ്റി.

നമ്മുടെ രോഗപ്രതിരോധ ശക്തി (immunity) ആണ് ഈ പോസ്റ്റിന്റെ വിഷയം.എന്നാല്‍ എല്ലാവര്‍ക്കും അറിയുന്ന സ്ഥിരം കാര്യങ്ങളല്ല ഇവിടെ പറയാന്‍ പോകുന്നത്.Nutritional immunity ആണ് ഇവിടെ വിഷയം. എന്റെ മിക്ക പോസ്റ്റുകളേയും പോലെ കണ്ടമാനം കാടും പടലും തല്ലി ആന്ത്രോപ്പോളജി മുതല്‍ ജിയോഎഞ്ചിനീയറിങ്ങും നാട്ടു ചികിത്സയും (ethno medicine) കമല്‍ ഹാസന്റെ പെപ്റ്റിക്ക് അള്‍സറും വരെ ചര്‍ച്ച ചെയ്താണ് നമ്മള്‍ ഇപ്രാവശ്യവും വിഷയത്തിലെത്തുക.(ആന്ത്രോപ്പോളജിയും കമല്‍ ഹാസനും...എന്താ ഒരു ചേര്‍ച്ച..:-)) So get yourselves a window seat for this wonderful journey:-)

ആദ്യമായി ചില അന്ത്രോപ്പോളജി വിശേഷങ്ങള്‍.ആഫ്രിക്കയിലെ സുളു ഗോത്രക്കാര്‍ ഇരുമ്പ് കൊണ്ടുള്ള പാത്രങ്ങളാണ് സാധാരണ ഉപയോഗിക്കുക.അവരില്‍ ചില അമീബ പോലുള്ള ജീവികള്‍ മൂലമുണ്ടാകുന്ന വയറിളക്ക രോഗങ്ങള്‍ സാധാരണമാണ്.എന്നാല്‍ സമാനമായ സാഹചര്യങ്ങളില്‍ ജീവിക്കുന്ന മസായ്  ഗോത്രക്കാരില്‍ ഈ അസുഖങ്ങള്‍ പത്തു ശതമാനത്തില്‍ താഴെ മാത്രമാണ്.അവര്‍ ധാരാളമായി പാല്‍ കുടിക്കും.പക്ഷേ ഇവരില്‍ വിളര്‍ച്ച സാധാരണമാണ്.ഒരിക്കല്‍ ചില ഗവേഷകര്‍ ഈ മസായ് ഗോത്രക്കാരില്‍ വ്യാപകമായ കാണുന്ന വിളര്‍ച്ചരോഗം പരിഹരിക്കാന്‍ അവര്‍ക്ക് അയേണ്‍ ഗുളികകള്‍ കൊടുത്തതോടുകൂടി അവരുടെ  ഇടയിലും രോഗബാധ 88 ശതമാനമായി വര്‍ദ്ധിച്ചത്രേ. സോമാലിയന്‍ നാടോടികള്‍ക്ക് വ്യാപകമായി കാണുന്ന വിളര്‍ച്ച മാറ്റാന്‍ അയേണ്‍ ഗുളികകള്‍ കൊടുത്തഴും അവരുടെ ഇടയിലും രോഗബാധ കുതിച്ചുയര്‍ന്നു.So,what's happening here?എല്ലാ സംഭവങ്ങളിലും ഇരുമ്പ് പ്രധാന കഥാപാത്രമാണെന്ന് ശ്രദ്ധിക്കുക.അപ്പോള്‍ ഇരുമ്പാണ് ഈ കഥയിലെ നായകന്‍.

തല്‍കാലം അന്ത്രോപ്പോളജി വിട്ട് നമുക്ക് ഇരുമ്പിന്റെ വിശേഷങ്ങള്‍ നോക്കാം.മിക്കവാറും എല്ലാ ജൈവ രാസപ്രവര്‍ത്തനങ്ങളിലും ഇരുമ്പിനു ഒരു റോളുണ്ട്.കാരണം രാസപ്രവര്‍ത്തനങ്ങളില്‍ ഇലക്ട്രോണ്‍ ദാതാവായും സ്വീകര്‍ത്താവായും തരം പോലെ പ്രവര്‍ത്തിക്കാനുള്ള വിശേഷപ്പെട്ട കഴിവ് ഇരുമ്പിനുണ്ട്.It has a unique ability to serve as both an electron donor and acceptor.But its low solubility at biological pH also makes it a rare resource.എല്ലാ ജീവജാലങ്ങള്‍ക്കും,ബാക്ടീരിയ മുതല്‍ സസ്യങ്ങള്‍ക്കും മനുഷ്യര്‍ക്കും വരെ ഇരുമ്പ് ഒരു അത്യാവശ്യ ഘടകമാണ്.(ഒറ്റപ്പെട്ട ചില ബാക്റ്റീരിയകള്‍ ഒഴിച്ചാല്‍.ഉദാഹരണം ലാക്ടോ ബാസ്സിലസ്.)Most microorganisms depend on iron for their multiplication.അവരുടെ DNA നിര്‍മാണ എന്‍സൈമുകള്‍ക്ക് (ribonucleotide reductase) ഇരുമ്പ് അത്യാവശ്യമാണ്.മനുഷ്യന്റെ കാര്യത്തിലുംDNA റിപ്പയര്‍ മുതല്‍ ഓക്സിജന്‍ കോശങ്ങളിലെത്തിക്കുന്നതിനു വരെ എല്ലായിടത്തും ഇരുമ്പിന്റെ സേവനം വേണം.കോശങ്ങളില്‍ ഫ്രീറാഡിക്കലുകളുണ്ടാക്കാനുള്ള കഴിവു മൂലം ഇരുമ്പ് ശരിക്കും ഒരു ജൈവ വിഷമാണ് എന്നതാണ് മറ്റൊരു രസം.എന്നാലും ലോകത്തെ എല്ലാ ജീവികള്‍ക്കും ഇരുമ്പ് വേണം താനും.

ജീവിതം എന്നാല്‍ എല്ലാ ജീവജാലങ്ങള്‍ക്കും ഇരുമ്പ് കണ്ടെത്തി സ്വന്തമാക്കാനും അത് നഷ്ടപ്പെടാതെ സൂക്ഷിക്കാനുമുള്ള മത്സരമാണ് എന്ന് പറയാം.Almost all life on earth needs iron to survive and finding,controlling and using iron is the game of life.(എല്ലാ ജീവജാലങ്ങളുടേയും ജൈവ രാസ പ്രക്രീയകളും അവയുടെ ജനിതക വിവരങ്ങളുമൊക്കെ സമാനമാണ് എന്നത് തന്നെ പരിണാമത്തിന്റെ ഏറ്റവും നല്ല തെളിവാണ്.So similar are the kinds of organic and inorganic components used in the building of protoplasm of all  forms of life that this itself is sufficient proof for evolution.)

ഇരുമ്പ്  ഇല്ലാത്തിടത്ത് ജീവജാലങ്ങളൊന്നും ഉണ്ടാകില്ല എന്നതാണ് യാഥാര്‍ത്ഥ്യം ഇരുമ്പിന്റെ പവര്‍ അല്പം വിശദീകരിക്കാം.Liebig' s law എന്ന് കേട്ടിട്ടില്ലെ?It states that growth is controlled not by the major resources available,but by the scarcest resource (limiting factor).ഇവിടെ അത് ഇരുമ്പാണ്. സമുദ്രത്തില്‍ പ്രത്യേകിച്ച് പസഫിക്കിന്റെ ചില ഭാഗങ്ങളില്‍ ജീവികള്‍ക്ക് വളരാനുള്ള എല്ലാ സാഹചര്യങ്ങളുമുണ്ടെങ്കിലും തരിശായി കിടക്കുന്ന ഭാഗങ്ങളുണ്ട്.(high nutrient low chlorophyll (HNLC) regions).അതായത്  കടലിലെ മരുപ്രദേശങ്ങള്‍ .(No phytoplankton grows there,which are at the bottom of the ocean's food chain.ഫൈറ്റോപ്ലാങ്ടണ്‍ ഇല്ലെങ്കില്‍ സൂപ്ലാങ്ടണുമില്ല.സൂപ്ലാങ്ടണ്‍ ഇല്ലെങ്കില്‍ മത്സ്യങ്ങളുമില്ല.) John martin എന്ന സമുദ്ര ശാസ്ത്രജ്ഞന്‍ ഈ പ്രദേശങ്ങളില്‍ പച്ചപ്പ് സൃഷ്ടിച്ച് ഭൂമിയിലെ കാര്‍ബണ്‍ ഡൈയോക്സൈഡിന്റെ അളവ് കുറക്കാന്‍ ഒരു മാര്‍ഗം അവതരിപ്പിച്ചിരുന്നു.(Iron hypothesis). അദ്ദേഹത്തിന്റെ മാര്‍ഗ്ഗം വളരെ ലളിതവും ചെലവ് കുറഞ്ഞതുമാണ്.കടലില്‍ ഇരുമ്പ് കലര്‍ത്തുക.(Geritol solution). ഈ ഇരുമ്പ് ഉപയോഗിച്ച് വളരുന്ന പച്ചപ്പ് കാര്‍ബണ്‍ ഡൈയോക്സൈഡിനെ അന്തരീക്ഷത്തില്‍ നിന്ന് വലിച്ചെടുക്കും.ഏതു സാമൂഹ്യ വനവല്‍ക്കരണത്തേക്കാളുമോക്കെ ആയിരക്കണക്ക് മടങ്ങ്‌ ഫലപ്രദമായ മാര്‍ഗ്ഗം.''Give me a half a tanker of iron and I will give you another ice age'' എന്നൊരു ആര്‍ക്കിമിഡീസ്‌ പാരഡി പറയുകയും ചെയ്തു ആശാന്‍ ‍‍:-) [മുന്‍പുണ്ടായ ഹിമയുഗങ്ങളുടെയും കാരണം അഗ്നിപര്‍വ്വത സ്ഫോടനങ്ങളില്‍നിന്നും മറ്റും ധാരാളം ഇരുമ്പ് കടലിലെത്തിയത് മൂലമാകാം എന്ന് ശാസ്ത്രജ്ഞര്‍ അനുമാനിക്കുന്നു.]

1995 ല്‍ ഗാലപ്പഗോസ് ദ്വീപുകളുടെ സമീപം ഈ വിദ്യ പരീക്ഷിച്ചു.100 ചതുരശ്ര കിലോമീറ്റര്‍ പ്രദേശത്ത് അര ടണ്‍ ഇരുമ്പ് കലര്‍ത്തിയായിരുന്നു പരീക്ഷണം.A mere 100 parts per trillion.ആരെയും അത്ഭുതപ്പെടുത്തുന്ന  പ്രതികരണമാണ് കണ്ടത്. ദിവസങ്ങള്‍ക്കുള്ളില്‍ പ്രദേശം പച്ചപ്പുകൊണ്ട് മൂടി- 350,000 കിലോഗ്രാം കാര്‍ബണ്‍‌ഡൈ‌ഓക്സൈഡ് കടല്‍‌വെള്ളത്തില്‍ നിന്നു മാറ്റിഎന്നാണ് കണക്ക് കൂട്ടുന്നത്‌.A 30-fold increase in plankton biomass.ഓരോ 450 കിലോഗ്രാം ഇരുമ്പിനും 2500 ടണ്‍ കാര്‍ബണ്‍ കുറവ്.സ്രാവുകളും കടലാമകളും മല്‍സ്യങ്ങളും പ്രദേശത്ത് സമൃദ്ധമായി.
------------------------------------------------------------------------------------------------------------

നമുക്ക് ഓഷ്യനോഗ്രാഫിയും ജിയോഎഞ്ചിനീയറിങ്ങും വിട്ടു മനുഷ്യരിലേക്ക് വരാം.ഇരുമ്പ് മനുഷ്യര്‍ക്ക്‌ വളരെ അത്യാവശ്യമുള്ള ഒരു വസ്തുവാണ് എന്നല്ലെ പറഞ്ഞു വരുന്നത്?.അത് പ്രൈമറി ക്ലാസ്സ്‌ മുതല്‍ പഠിക്കുന്നതല്ലെ?ഇതാണോ ഇത്ര വലിയ കാര്യം എന്ന് ചോദിയ്ക്കാന്‍ വരട്ടെ.ഇരുമ്പ് നല്ലതാണെന്ന് അറിയാവുന്നതുകൊണ്ട് ഗോതമ്പ് പൊടി മുതല്‍ ബേബി ഫുഡ്‌ വരെ എല്ലാം കൂടുതല്‍ ഇരുമ്പ് ചേര്‍ത്തു iron rich ആക്കിയാണ് നമ്മള്‍ ഉണ്ടാക്കുന്നത്.സര്‍കാര്‍ ആശുപത്രികളില്‍ പോലും എല്ലാവര്‍ക്കും അയേണ്‍ ഗുളികകള്‍ ധാരാളമായി വിതരണം ചെയ്യുന്നുണ്ട്. എന്തസുഖവുമായി ഒരു ഡോക്ടറെ കാണാന്‍ പോയാലും ഒരു അയേണ്‍ ടോണിക്ക് നിര്‍ബന്ധമായും കിട്ടും.ഇത്രയൊക്കെ പോരെ ഇരുമ്പിന്റെ പ്രാധാന്യം എല്ലാവരും മനസ്സിലാക്കീട്ടുണ്ട് എന്നറിയാന്‍? പോരല്ലോ...നമ്മള്‍ ഈ കാര്യം ഡാര്‍വ്വിന്റെ പരിണാമ സിദ്ധാന്തത്തിന്റെ അടിസ്ഥാനത്തില്‍ വിശകലനം ചെയ്യാന്‍  മറന്നു പോയി.ദേ.. പിന്നേം പരിണാമ സിദ്ധാന്തം. :-)

 നമ്മുടെ ശരീരത്തില്‍ 100 ട്രില്യന്‍ കോശങ്ങളുണ്ട്.പക്ഷേ വെറും 10 ട്രില്യന്‍ മാത്രമെ നമ്മുടെ സ്വന്തമുള്ളൂ.(human DNA).ബാക്കി 90 ശതമാനവും പാരസൈറ്റുകളാണ്.നമ്മളെല്ലാം ജനിക്കുന്നത് നൂറു ശതമാനവും അണുമുക്തമായാണ്.ഈ പാരസൈറ്റുകളുടെ പൂര്‍വ്വികര്‍ നമ്മള്‍ ജനിച്ചുവീണ ആ നിമിഷം മുതല്‍ നമ്മുടെ ശരീരത്തില്‍ താമസം തുടങ്ങിയതാണ്.അവരുടെ പിന്‍ഗാമികള്‍ മരണം വരെ നമ്മോടൊപ്പം ഉണ്ടായിരിക്കുകയും ചെയ്യും.വെള്ളക്കാര്‍ കൊളംബസ്സിന്റെ  നേതൃത്വത്തില്‍ അമേരിക്ക കണ്ടെത്തി അവിടം കീഴടക്കിയതുപോലെയാണ് ഓരോ നവജാതശിശുവും കീഴടക്കപ്പെടുന്നത്.Then they become part of 'us.'

നമ്മുടെ പൂര്‍വികര്‍ ഏക കോശ ജീവികളായിരുന്ന കാലം തൊട്ട് നാം ഇന്‍ഫെക്ഷനെ നേരിട്ടിട്ടുണ്ട്. ഇങ്ങനെ കടന്നു കൂടിയ ഒരു ബ്ലൂ ഗ്രീന്‍ ആല്‍ഗെ നമ്മുടെ മൈറ്റോകോണ്‍ട്രിയ ആയതും,അത് എങ്ങിനെ സ്ത്രീ പുരുഷ വ്യത്യാസങ്ങള്‍ക്ക് കാരണമായി എന്നതും ഞാന്‍ നേരത്തെ വിവരിച്ചിരുന്നു.(ആണും പെണ്ണും,സ്ത്രീയും പുരുഷനും,ശുക്രനിലും ചൊവ്വയിലും വസിക്കുന്നവര്‍ ‍...,games people play...!!! ) ചെടികളിലെ ഹരിതകവും (chloroplast) ഇങ്ങനെ ഒരു ഇന്‍ഫെക്ഷന്‍ വഴി കടന്നുകൂടിയതാണ് എന്നാണ് നിഗമനം.പാരസൈറ്റുകള്‍ നമ്മുടെ തലച്ചോറിനെ ഹൈജാക്ക്  ചെയ്യുന്നതിനെക്കുറിച്ചും ഒരു പോസ്റ്റുണ്ട്.(അപ്പൊ, എന്നെ നിയന്ത്രിക്കുന്നത് ഞാനല്ലേ?)

നമ്മുടെ ശരീരത്തിലുള്ള പാരസൈറ്റുകള്‍ക്കും ജീവിക്കാന്‍ നമ്മുടെ  ഇരുമ്പ് വേണം.നമ്മള്‍ നമ്മുടെ ആവശ്യങ്ങള്‍ക്ക് ഭൂമിയെ ഉപയോഗപ്പെടുത്തുന്നതുപോലെയാണ് ഈ പാരസൈറ്റുകള്‍ നമ്മുടെ ശരീരവും ഉപയോഗപ്പെടുത്തുന്നത്.ശരീരത്തിലുണ്ടാകുന്ന ക്യാന്‍സര്‍ കോശങ്ങളും നമ്മുടെ ഇരുമ്പു ശേഖരമാണ് ഉപയോഗപ്പെടുത്തുന്നത്,നമുക്കെതിരെ തന്നെ.(ക്യാന്‍സര്‍ കോശങ്ങള്‍ ശരീരത്തിന്റെ പൊതു നന്മക്കായി പ്രവര്‍ത്തിക്കാത്ത സ്വാര്‍ത്ഥമതികളായ കോശങ്ങളാണ്.Cancer cells can be thought of as renegade cells that selfishly multiply using bodies resources.) അപ്പോള്‍  ജീവിതമെന്നാല്‍ എല്ലാ ജീവികള്‍ക്കും,(ബാക്ടീരിയ മുതല്‍ മനുഷ്യന്‍ വരെ)പരസ്പരം ഇരുമ്പ് കൈക്കലാക്കാനുള്ള ശ്രമവും,ആരെങ്കിലും അത് തട്ടിയെടുക്കുന്നത് തടയലുമാണ്.എല്ലവര്‍ക്കും വേണ്ടത് ഇരുമ്പാണ്. Parasitism is the way of life on earth.Everybody is competing against everybody else for this valuable resource.നമ്മെ ബാധിക്കുന്ന മലേറിയ അണുവിനും കൊതുകിനും എല്ലാം വേണ്ടത് നമ്മുടെ ശരീരത്തിലുള്ള ഇരുമ്പു തന്നെ.All the parties-man,mosquito and malarial parasite needs iron and will fight for that coveted resource.

ജീവജാലങ്ങള്‍ അവരുടെ വിലപിടിച്ച ആ ഇരുമ്പ് ശേഖരം എങ്ങിനെയാണ് സൂക്ഷിക്കുന്നതെന്നു നോക്കാം.എല്ലാ ജീവജാലങ്ങള്‍ക്കും ഇരുമ്പ് നഷ്ട്ടപ്പെടാതെ സൂക്ഷിക്കാനുള്ള മാര്‍ഗ്ഗങ്ങളുണ്ട്. These elaborate defense systems dates back billions of years.Chelators എന്നൊരു വിഭാഗം രാസവസ്തുവുണ്ട്. ഇരുമ്പുമായി പ്രവര്‍ത്തിച്ചു അത് ശത്രുക്കള്‍ക്ക് ഉപയോഗിക്കാന്‍ പറ്റാത്ത രൂപത്തിലാക്കുക എന്നതാണ് ഇവയുടെ ജോലി.ചെടികളില്‍ 'ടാനിന്‍' എന്ന വസ്തുവാണ് പ്രധാനമായും ഈ ജോലി ചെയ്യുന്നത്.മൃഗങ്ങളില്‍ siderophilins എന്നറിയപ്പെടുന്ന പ്രോട്ടീനുകളും.

മുട്ട ജീവനുള്ള ഒരു വസ്തുവാണെന്ന് അറിയാമല്ലോ.മുട്ടക്കു ശ്വസിക്കാന്‍ അതിന്റെ തോടില്‍ ധാരാളം സൂക്ഷ്മ സുഷിരങ്ങളുണ്ടായിരിക്കും.പക്ഷേ ഈ സുഷിരങ്ങള്‍ സൂക്ഷ്മജീവികള്‍ക്കും അകത്തു കടക്കാന്‍  ഉപയോഗിക്കാമല്ലോ.മുട്ടയുടെ മഞ്ഞ ഇരുമ്പിന്റെ ഒരു പ്രധാന സ്രോതസ്സുമാണ്.  പിടിച്ചുപറിക്കാരില്‍നിന്നു മുട്ടയിലെ ഇരുമ്പിനെ സംരക്ഷിച്ചു നിര്‍ത്തുന്നത് മുട്ടയുടെ വെള്ളയില്‍ കാണുന്ന കോണ്‍ആല്‍ബുമിന്‍ എന്ന പ്രോട്ടീനാണ്.ovotransferin എന്നും ഇത് അറിയപ്പെടുന്നു.(മുട്ടയുടെ വെള്ള നല്ല ഒരു അണുനാശകമാണ്.കാരണം വെള്ളയുടെ 12 ശതമനത്തോളം വരുന്ന കോണ്‍ആല്‍ബുമിന്‍ തന്നെ.നാടന്‍ ചികിത്സകളില്‍ മുറിവ് കെട്ടാനും മറ്റും മുട്ടയുടെ വെള്ള ഉപയോഗിക്കാറുണ്ട് എന്ന് ഓര്‍ക്കുക.മുട്ടയുടെ വെള്ള രോഗാണുക്കളെ തടഞ്ഞു നിര്‍ത്തും.ഒരുപക്ഷേ ആന്റീബയോട്ടിക്കുകള്‍ക്കു മുന്‍പ് ലഭ്യമായ ഏറ്റവും നല്ല അണു നാശകങ്ങളിലൊന്ന് മുട്ടയുടെ വെള്ള ആയിരുന്നിരിക്കാം.)

നമ്മുടെ ശരീരത്തിന്റെ പുറം ലോകവുമായി ബന്ധപ്പെടുന്ന ദ്വാരങ്ങളെല്ലാം ഇരുമ്പ് നിരോധിത മേഖലകളാണ്.നമ്മുടെ നവദ്വാരങ്ങളെല്ലാം chelators ന്റെ നിയന്ത്രണത്തിലാണ്.എല്ലാ ശരീര സ്രവങ്ങളും,കണ്ണീരും ഉമിനീരും മ്യൂക്കസ്സുമെല്ലാം ഈ പ്രോട്ടീനുകളാല്‍ സമൃദ്ധമാണ്.ഉമിനീരിന്റെ അണുനാശക ശക്തി മൃഗങ്ങള്‍ക്കു പോലും അറിയാം. മുറിവില്‍ നക്കുന്നത് വളരെ പ്രാകൃതമായ എന്നാല്‍ സാമാന്യം ഫലപ്രദമായ ഒരു അണുനാശക മാര്‍ഗ്ഗമാണ്.[ഒരു ട്രിവിയ: ബൈബിളില്‍ യേശു അന്ധന് കാഴ്ച നല്‍കുന്നത് തുപ്പല്‍ ഉപയോഗിച്ചാണ്. ''And he took the blind man by the hand, brought him outside the village, and, having spit upon his eyes, he laid his hands upon him and began to ask him: “Do you see anything?”(Mark:8:23)]

മൂത്രത്തില്‍ പക്ഷേ ഈ chelators കാണപ്പെടുന്നില്ല എന്നത് ഒരു അത്ഭുതമാണ്.(ദൈവം മറന്നുപോയതായിരിക്കും;-)) മൂത്രാശയരോഗങ്ങള്‍ താരതമ്യേന കൂടുതലുമാണ് എന്ന് ശ്രദ്ധിക്കുക. മുട്ടയില്‍ കോണ്‍ആല്‍ബുമിന്‍ കണ്ടുപിടിച്ച ഗവേഷകര്‍ മനുഷ്യ ശരീരത്തിലും ഇതുപോലൊരു പ്രോട്ടീന്റെ സാനിധ്യം പ്രവചിച്ചിരുന്നു.അതാണ് നമ്മുടെ ശരീരത്തില്‍ കാണപ്പെടുന്ന transferrin.രക്തത്തിലെ ഇരുമ്പ് ശത്രുക്കളുടെ കൈയില്‍ എത്താതെ നോക്കുക എന്നതാണ് ഈ പ്രോട്ടീന്റെ ജോലി.ശരിയായ ഐഡന്റിറ്റി കാര്‍ഡില്ലാത്ത കോശങ്ങള്‍ക്ക് ട്രാന്‍സ്ഫെറിന്‍  ഇരുമ്പ് അനുവദിച്ചു കൊടുക്കില്ല.Transferrin releases iron only to the cells that carry appropriate recognition markers.മറ്റൊരു പ്രോട്ടീനാണ് മുലപ്പാലില്‍ കാണപ്പെടുന്ന lactoferrin.മുലപ്പാലില്‍ 20 ശതമാനത്തോളം ലാക്ടോഫെറിനുണ്ട്.മുലപ്പാലില്‍തന്നെയുള്ള കൊളസ്ട്രത്തില്‍ അതിനേക്കാള്‍ കൂടുതലും.മുലപ്പാല്‍ കുടിച്ചു വളരുന്ന കുട്ടികള്‍ക്ക് കൂടുതല്‍ പ്രതിരോധ ശക്തി ലഭിക്കുന്നതിന്റെ ഒരു കാരണം ഇതാണ്.(അമ്മയുടെ മുലപ്പാല്‍ കുടിച്ചവനോന്നും ഇല്ലേടാ എന്നാണ് വെല്ലുവിളി.:-) അതായത് കൂടുതല്‍ ശക്തന്‍ ആരുമില്ലെയെന്നു.) മുലപ്പാല്‍ ചില നാടന്‍ ചികിത്സകളിലും ഉപയോഗിക്കാറുണ്ട് എന്നോര്‍ക്കുക.കണ്ണിന്റെ അസുഖങ്ങള്‍ക്ക് കണ്ണില്‍ മുലപ്പാല്‍ ‍ഒഴിക്കുക എന്നത് നാട്ടു വൈദ്യത്തില്‍ വളരെ പോപ്പുലറായ ഒരു ചികിത്സയാണല്ലോ.
------------------------------------------------------------------------------------------------------------

ഇനി ഇന്‍ഫെക്ഷന്‍ ഉണ്ടാകുമ്പോള്‍ ശരീരത്തിന് എന്തു സംഭവിക്കുന്നു എന്ന് നോക്കാം.ആദ്യം തന്നെ ശരീരം തിരിച്ചടിക്കാന്‍ തുടങ്ങുന്നതിനെ Acute phase response എന്ന് പറയുന്നു.പടയാളികളെ രംഗത്തിറക്കുന്നതിനോടൊപ്പം തന്നെ രക്തത്തിലെ ഇരുമ്പെല്ലാം സുരക്ഷിതമായി മാറ്റിക്കഴിഞ്ഞിരിക്കും.(പട്ടാളത്തില്‍ ലഹളയുണ്ടായാല്‍ ആദ്യം തന്നെ ആയുധങ്ങളെല്ലാം ബന്തവസ്സാക്കുന്നപോലെ.)ഇതാണ് Iron withholding strategy അഥവാ Nutritional immunity. ചുരുക്കത്തില്‍ സംഭവം ഇതാണ്.Make iron unavailable to microorganisms.അതിനുള്ള മാര്‍ഗ്ഗങ്ങള്‍ പലതാണ്.(ഇതിന്റെ ഫലമായി വിളര്‍ച്ച ഉണ്ടാകാം.അതിനാല്‍ ക്രോണിക്‌ അസുഖങ്ങളില്‍ അനീമിയ ഒരു സ്ഥിരം ലക്ഷണമാണ്. Anemia of chronic disease.)

1. Decreased intestinal absorption of iron from the diet.

2. A decrease of iron in the plasma and an increase in iron in storage as ferritin.

3. Increased synthesis of the human iron-binding proteins (iron chelators) such as lactoferrin, transferrin, ferritin, and hemin that trap iron for use by human cells while making it unavailable to microbes.

4. High fever which decrease the ability of bacteria to synthesize their own iron chelators called siderophores.fever increases the amount of iron that bacteria require,and the combination of raised fever and lowered iron inhibits their growth.

അപ്പൊ...പനി നല്ലതാണ് !! പ്രകൃതി ചികിത്സക്കാര്‍ പനിയെ ആരാധിക്കുന്നതില്‍ അല്പം കാര്യമുണ്ട്.There is strong evidence that fever is beneficial in control of infection, despite its metabolic costs and potential for self-harm.(എന്ന് കരുതി പ്രകൃതി ചികിത്സ പ്രാകൃത ചികിത്സ അല്ലാതാകുന്നില്ല കേട്ടോ.)

ഇവല്യൂഷനേപ്പറ്റി ശരിയായ ധാരണയുണ്ടെങ്കില്‍ അണുക്കള്‍ ഇതൊക്കെകൊണ്ട് തോല്‍വി സമ്മതിക്കും എന്ന് ആരും കരുതില്ല.നമ്മുടെ siderophilin നു ബദലായി ബലമായി ഇരുമ്പ് പിടിച്ചെടുക്കാന്‍ അവരുടെ siderophore ഉണ്ട്. And the winner gets the prize..Iron.

ഇനി അല്പം മെഡിക്കല്‍ ഹിസ്റ്ററി.രക്തമോക്ഷം (സിരാവേധം,blood letting,phlebotomy) ഒരു കാലത്ത് ലോകത്ത് എല്ലായിടത്തും നടപ്പുള്ള ഒരു ചികിത്സയായിരുന്നു.ഇത് ആയുര്‍വേദക്കാരുടെയാണ് (ആയുര്‍വേദത്തിലെ പഞ്ച കര്‍മ്മങ്ങളിലൊന്ന് രക്തമോക്ഷമാണ്.) എന്നൊരു ധാരണ നമുക്കുണ്ടെങ്കിലും ഈജിപ്തുകാരും മെസൊപ്പൊട്ടോമിയക്കാരും, ഗ്രീക്കുകാരും, അസെറ്റക്കുകളും,മായന്‍കാരുമെല്ലാം ചികിത്സയായി രക്തമോക്ഷം ചെയ്തിരുന്നു.പത്തൊന്‍പതാം നൂറ്റാണ്ടു വരെ വളരെ വ്യാപകമായി സിരാവേധം ചെയ്തിരുന്നു.(ഒരു ട്രിവിയ.ആദ്യത്തെ അമേരിക്കന്‍ പ്രസിഡന്റായിരുന്ന ജോര്‍ജ് വാഷിങ്ങ്ടന്‍ ഒരു തൊണ്ടവേദനക്ക് ചികിത്സയായി ചെയ്ത സിരാവേധങ്ങളേ തുടര്‍ന്നാണ് മരിച്ചത്.പത്തു മണിക്കൂറിനുള്ളില്‍ 3.75 ലിറ്റര്‍ വരെ രക്തം ചോര്‍ത്തിക്കളഞ്ഞു എന്നാണ് കണക്കാക്കുന്നത്.ഒരാളുടെ ശരീരത്തില്‍ ശരാശരി  അഞ്ചു ലിറ്റര്‍ രക്തമാണ് ഉണ്ടാവുക എന്നോര്‍ക്കുക.ഇദേഹം മരിച്ചുപോയില്ലെങ്കിലേ അത്ഭുതമുള്ളൂ. അക്കാലത്തെ ഏറ്റവും മികച്ച ചികിത്സ!!!)എല്ലാ അസുഖങ്ങള്‍ക്കുമുള്ള ഒരു  ഒറ്റമൂലിയായിരുന്നു രക്തമോക്ഷം.വിരോധാഭാസമെന്നു പറയട്ടെ,ബ്ലീഡിങ്ങിനുള്ള  പ്രതിവിധിയും രക്തമോക്ഷം തന്നെയായിരുന്നു.!!! രോഗി ബോധം കെടുന്നതുവരെ രക്തം ചോര്‍ത്തുക എന്നതായിരുന്നു രീതി.

ദോഷങ്ങള്‍ അഥവാ humors നെ അടിസ്ഥാനപ്പെടുത്തിയാണ് രക്തമോക്ഷത്തിനെ വിശദീകരിച്ചിരുന്നത്.ഈ ചികിത്സ വളരെ പ്രാകൃതവുംവും യാതൊരു ശാസ്ത്രീയാടിസ്ഥാനവും ഇല്ലാത്തതാണെന്നും വ്യക്തമാണ്.പക്ഷേ ഇതുപോലൊരു പ്രാകൃത ചികിത്സ ലോകമെമ്പാടും ആയിരക്കണക്കിനു വര്‍ഷങ്ങള്‍ എന്തുകൊണ്ട് നിലനിന്നു?നമ്മുടെ പൂര്‍വികര്‍ അതിബുദ്ധിമാന്മാരൊന്നുമല്ലെങ്കിലും  വെറും വിഡ്ഢികളും ആയിരുന്നില്ല.രക്തമോക്ഷം കൊണ്ട് ആര്‍ക്കും ഒരു ഗുണവും കിട്ടുന്നില്ലെങ്കില്‍ അവര്‍ക്ക് അത് മനസ്സിലാകുമായിരുന്നു.രക്തമോക്ഷം കൊണ്ട് ചിലര്‍ക്കെങ്കിലും ചില സാഹചര്യങ്ങളിലെങ്കിലും ഗുണം കിട്ടിക്കാണാന്‍ സാധ്യതയുണ്ടോ?

ആര്‍ക്കെങ്കിലും വല്ല സൂചനയും കിട്ടിയോ?ചികിത്സിക്കാന്‍ ശ്രമിക്കുന്ന അസുഖം ഭൂരിഭാഗം സന്ദര്‍ഭങ്ങളിലും എന്തെങ്കിലും ഇന്‍ഫെക്ഷന്‍ ആയിരിക്കും എന്നതുകൊണ്ട് രക്തമോക്ഷം വഴി കുറെ രക്തവും അതുവഴി കുറേ ഇരുമ്പും പുറത്തു കളഞ്ഞാല്‍ എന്ത് പറ്റും? സിമ്പിള്‍ ‍... രോഗാണുക്കള്‍ക്കെതിരേയുള്ള പൂഴിക്കടകന്‍. ആന്‍റീബയോട്ടിക്കുകള്‍ക്കും,വാക്സിനേഷനുകള്‍ക്കും മുന്‍പ് ലഭ്യമായിരുന്ന ഒരു ജീവന്‍ രക്ഷാമാര്‍ഗം.!! 'കാളന്‍ നെല്ലായി' പോലെ എല്ലാ വഴികളും മുട്ടുമ്പോള്‍ എടുത്തു പ്രയോഗിച്ചിരുന്ന ബ്രഹ്മാസ്ത്രം:-) ചിലപ്പോഴെങ്കിലും രക്തമോക്ഷം രോഗിയുടെ ജീവന്‍ രക്ഷിച്ചിരിക്കാം.ഇപ്പൊ പൂര്‍വ്വികരോട് അല്പം ബഹുമാനമൊക്കെ തോന്നുണ്ട് അല്ലെ?Our ancestors were on the right track,though the reasons given were just nonsense.Probably they were right for the wrong reasons.

ഗാന്ധിജിയുടെ സത്യാന്വേഷണ പരീക്ഷണങ്ങളില്‍ കസ്തൂര്‍ബാ ഗാന്ധിക്ക്  കഠിനമായ രോഗം ബാധിച്ചപ്പോള്‍ ഡോക്ടര്‍ അവരുടെ ആരോഗ്യം മെച്ചപ്പെടാന്‍ മാംസം കഴിക്കാന്‍ നിര്‍ബന്ധിച്ചതായി പറയുന്നുണ്ട്.ഗാന്ധിജി അദ്ദേഹത്തിന്റെ മതവിശ്വാസത്തിന്റെ പേരില്‍ അത് അനുവദിച്ചില്ല.ഒരു പക്ഷേ കസ്തൂര്‍ബായുടെ ജീവന്‍ രക്ഷപ്പെട്ടത്  മാംസം കഴിക്കാതിരുന്നതുകൊണ്ടാണ് എങ്കിലോ?.അക്കാലത്തെ മെഡിക്കല്‍ അറിവ് രോഗിയുടെ ആരോഗ്യം മെച്ചപ്പെടുത്തിയാല്‍ ശരീരം രോഗത്തെ ജയിക്കും എന്നായിരുന്നല്ലോ.നമ്മളിവിടെ അത് തലതിരിച്ചിടുകയാണ്.മാംസത്തില്‍ ധാരളം ഇരുമ്പ് അടങ്ങീട്ടുണ്ട് എന്നറിയാമല്ലോ.ശരീരം മാംസത്തിലുള്ള ഇരുമ്പ് വേഗം സ്വീകരിക്കും.എന്നാല്‍ സസ്യങ്ങളിലെ ഇരുമ്പ് നമുക്ക് പലപ്പോഴും ഫലപ്രദമായി ഉപയോഗിക്കാന്‍ കഴിയില്ല.(No wonder....Did you expect the plants to give up their iron easily?Then you failed to consider sufficiently the struggle for existence and theory of evolution :-)) അതുകൊണ്ട് പൂര്‍ണ്ണസസ്യാഹാരികളില്‍ വിളര്‍ച്ച സാധാരണമാണ്. ഇനി വിളര്‍ച്ച ഇല്ലെങ്കില്‍ പോലും അല്പം രക്തക്കറവ്  ഉണ്ടായിരിക്കും. ചിലപ്പോഴെങ്കിലും പലരുടെയും ജീവന്‍ ഇത് രക്ഷിച്ചിട്ടുണ്ടാകാം.കസ്തൂര്‍ബായുടെ ജീവന്‍ രക്ഷിച്ചത് അതാണോ?

അസുഖം വന്നാല്‍ ഭക്ഷണത്തോടുള്ള താല്പര്യം കുറയുന്നത് ശ്രദ്ധിച്ചിരിക്കുമല്ലോ. ചില പ്രത്യേക ഭക്ഷണങ്ങളേക്കുറിച്ച് ഓര്‍ക്കുന്നതുതന്നെ വെറുപ്പായിരിക്കും. പനി പിടിച്ചുകിടക്കുമ്പോള്‍ നല്ല ആട്ടിന്‍ കരള്‍ (a rich source of iron) വരട്ടിയത്‌ കിട്ടിയാല്‍ കഴിക്കാന്‍ തോന്നുമോ?അത് ശരീരം കൂടുതല്‍ ഇരുമ്പ് ശരീരത്തിലെത്തുന്നത് തടയുന്നതാണോ?പക്ഷേ വിശപ്പില്ലായ്മ രോഗാണുക്കള്‍ക്ക് ഭക്ഷണം നിഷേധിക്കുന്നതിനോടൊപ്പം നമ്മുടെ സ്വന്തംകോശങ്ങളേയും ക്ഷീണിപ്പിക്കുമല്ലോ. അതോ...? It is possible that the anorexia of infection can be beneficial by depriving cells of nutrients, making them more predisposed to apoptosis,(programmed cell death) thus killing the pathogens inside the cells. രോഗിയുടെ പ്രതിരോധശക്തി വര്‍ദ്ധിപ്പിക്കാന്‍ നിര്‍ബന്ധച്ച് പോഷകാഹാരങ്ങള്‍ കൊടുക്കുന്നത് ഗുണം ചെയ്യുക രോഗാണുവിനാണോ?Think about it...Now you will have a healthy respect for Darwin's dangerous idea.

ആയുര്‍വേദത്തിലും പ്രകൃതി ചികിത്സയിലും ഉപവാസം ഒരു പ്രധാന ചികിത്സാവിധിയാണ്. അവര്‍ ഉപവാസവും പഥ്യവും തോന്നുന്ന പോലോക്കെ പ്രയോഗിക്കുമെങ്കിലും ചില സന്ദര്‍ഭങ്ങളിലെങ്കിലും അവയൊക്കെ ഫലപ്രദമായിരുന്നിരിക്കാം. (എന്നാലും ഇതൊന്നും ആയുര്‍ വേദത്തേയോ പ്രകൃതി ചികിത്സയേയോ ശാസ്ത്രീയമാക്കുന്നില്ല എന്ന് ശ്രദ്ധിക്കുക.നമ്മുടെ പൂര്‍വികര്‍ വെറും വിഡ്ഢികളൊന്നുമായിരുന്നില്ല. ചില-correlations- അല്ലെങ്കില്‍ ശരീരം നല്‍കുന്ന സൂചനകള്‍ അവര്‍ ശ്രദ്ധിച്ചിരിക്കാം, എന്നേ ഇതിനര്‍ത്ഥമുള്ളൂ. എന്നു  കരുതി അവരുടെ എല്ലാ നിഗമനങ്ങളും ശരിയായിരുന്നു എന്ന് കരുതാനാവില്ല.ഉദാ:ത്രിദോഷ സിദ്ധാന്തം.(ഞാന്‍ ഇത് വിശദമാക്കുന്നത് പിന്നീട് ആരെങ്കിലും ആയുര്‍വേദത്തിനും പ്രകൃതി ചികിത്സക്കും ശാസ്ത്രീയ തെളിവ് എന്ന് ഇതും പൊക്കിപിടിച്ചുകൊണ്ട് വാദിക്കാതിരിക്കാനാണ്.)

വയറ്റിലെ പുണ്ണിനുള്ള ഒരു നാടന്‍ ചികിത്സ ധാരാളം പാല്‍ കുടിക്കുക എന്നതാണ്. നേന്ത്രക്കായ ഉണക്കിപ്പൊടിച്ച്  അത് പാലില്‍ കലക്കി കഴിക്കുന്നതും ഫലപ്രദമാണത്രെ..(നടന്‍ കമലഹാസന്‍ ഇത് അദേഹത്തിന് വളരെ ഫലപ്രദമായിരുന്നു എന്ന് ഒരു ഇന്റര്‍വ്യൂവില്‍ പറയുന്നത് കേട്ടിട്ടുണ്ട്.) പാലിലുള്ള ലാക്ടോഫെറിനും പച്ചക്കായയിലുള്ള ടാനിനും (remember,both are iron chelators) പുണ്ണിനു കാരണക്കാരനായ Helicobactor pylori എന്ന ബാക്ടീരിയയുടെ അയേണ്‍ മെറ്റബോളിസം തടസ്സപ്പെടുത്തുന്നതുകൊണ്ടാണോ അത്?ചെറിയ കുട്ടികള്‍ക്കും ആദ്യത്തെ കട്ടിയാഹാരമായി കായ ഉണക്കിപ്പൊടിച്ചത് കൊടുക്കാറുണ്ട്.ഇരുമ്പ് ചേര്‍ത്ത് പോഷക സമൃദ്ധമാക്കിയ ബേബി ഫുഡ്ഡിനേക്കാള്‍ കുട്ടികള്‍ക്ക് നല്ലത് ഒരുപക്ഷേ ഈ നാടന്‍ ഭക്ഷണമായിരിക്കാം.എന്തായാലും ബേബി ഫുഡ്‌ കുട്ടികളില്‍ ഇന്‍ഫെക്ഷന്‍ കൂടുതലാണ് എന്നത് സത്യമാണ്. അതുപോലെതന്നെ വെല്‍ഡിംഗ് പണിക്കാര്‍ക്ക് ശ്വാസകോശങ്ങളിലൂടെ ഇരുമ്പിന്റെ അംശം ധാരാളം ശരീരത്തില്‍ എത്താന്‍ സാധ്യതയുണ്ട്.അവരുടെ ഇടയില്‍ ഇന്‍ഫെക്ഷന്‍ പ്രത്യേകിച്ച് ശ്വാസകോശ രോഗങ്ങള്‍ കൂടുതലാണോ എന്ന് ആരെങ്കിലും അന്വേഷിച്ചിട്ടുണ്ടോ?

ബൈബിളിലെ ഈ വാചകം നോക്കുക.''Only you shall not eat the blood; you shall pour it out on the earth like water.''(Deuteronomy 12:16).സാധാരണ പറയുന്ന, രക്തം ജീവനാണ് എന്നതിനെക്കാള്‍ കൂടുതല്‍ നല്ല വിശദീകരണം ചില സന്ദര്‍ഭങ്ങളിലെങ്കിലും,രക്തം ഭക്ഷിക്കുന്നത്  ചില പ്രശ്നങ്ങളുണ്ടാക്കും എന്ന് അവര്‍ നിരീക്ഷിച്ചിരിക്കാം എന്നതാണ്.അല്ലെങ്കില്‍ രക്തം വാര്‍ത്തു കളയാത്ത മാംസം വേഗം ചീത്തയാകുന്നതായി കണ്ടിരിക്കാം.(Again plenty of iron attracts more micro organisms to the meat thus spoiling it .) (രണ്ടായാലും അതൊന്നും  ഗ്രന്ഥം ദൈവീകമാണെന്നോ അല്ലെങ്കില്‍ പൂര്‍വ്വികര്‍ മഹാ ബുദ്ധിമാന്മാരായിരുന്നു എന്നതിന്റേയോ മറ്റോ തെളിവല്ല.It just means our ancestors weren't fools.They weren't super intelligent either.They were just smart enough to read some patterns that helped them out smart those pathogens.)

ക്യാന്‍സര്‍ കോശങ്ങളേയും ശരീരം നേരിടുന്നത് ഇരുമ്പിനെ പിടിച്ചുവച്ചു തന്നെയാണ്..ഇരുമ്പിന്റെ പ്രാധാന്യം കൂടുതല്‍ മനസ്സിലാക്കുന്നതോടുകൂടി കാന്‍സര്‍ കോശങ്ങള്‍ക്ക് ഇരുമ്പ്  നിഷേധിക്കുന്ന പുതിയ ചികിത്സാരീതികള്‍ പരീക്ഷിക്കപ്പെടുന്നുണ്ട്.

------------------------------------------------------------------------------------------------------------

ഇനിയല്‍പ്പം ഫിലിം ഗോസിപ്പ്‌..നമ്മുടെ അന്തരിച്ച നടന്‍ സത്യന്‍ ക്യാന്‍സര്‍ ബാധിച്ചാണ് മരിച്ചത് എന്നറിയാമല്ലോ. ചികിത്സയുടെ ഭാഗമായി ഇടക്കിടെ രക്തം മാറ്റിയിരുന്നു എന്നാണ് അറിഞ്ഞിട്ടുള്ളത്.അദേഹത്തിന് ലഭിച്ചത് അക്കാലത്തെ ഏറ്റവും മികച്ച ചികിത്സയായിരുന്നിരിക്കാം,എങ്കിലും ഈ പോസ്റ്റില്‍ വായിച്ച വിവരങ്ങള്‍ വച്ച് ഒന്നാലോചിച്ചു നോക്കൂ.ഒരാള്‍ ക്യാന്‍സര്‍ ബാധിതനാകുന്നു.അയാളുടെ ശരീരം പറ്റാവുന്നത്ര ഇരുമ്പ് രക്തത്തില്‍ നിന്നു പിന്‍വലിച്ചു തിരിച്ചടിക്കുന്നു;ക്യാന്‍സര്‍ കോശങ്ങളെ പട്ടിണിക്കിടാന്‍ ശ്രമിക്കുന്നു.ഫലം രോഗിക്ക് അനീമിയ.കൂടാതെ ശരീര താപം ഉയര്‍ത്തി ക്യാന്‍സര്‍ കോശങ്ങള്‍ക്ക് ഇരുമ്പിന്റെ ആവശ്യം കൂട്ടുന്നതുകൊണ്ട് നല്ല പനിയും.(അവസാനം ആശുപത്രി സന്ദര്‍ശിക്കുന്ന സമയത്ത് സത്യന് 104 ഡിഗ്രി പനിയുണ്ടായിരുന്നു എന്ന് ഒരു നേഴ്സിന്റേയോ മറ്റോ ഓര്‍മ്മക്കുറിപ്പില്‍ വായിച്ചതായി ഓര്‍ക്കുന്നു.) നല്ലവനായ ഡോക്ടര്‍ ചികിത്സയുടെ ഭാഗമായി രോഗിക്ക് ഇടയ്ക്കിടയ്ക്ക് രക്തം നല്‍കുന്നു.(വിളര്‍ച്ച മാറ്റാന്‍ അയേണ്‍ ഗുളികകളും പനി കുറക്കാനുള്ള മരുന്നുകളും കൊടുത്തിരിക്കാന്‍ സാധ്യതയുണ്ട്.) രോഗിക്ക് ഈ ചികിത്സ കൊണ്ട് ഗുണമാണോ കിട്ടിയിരിക്കുക?

എഴുപതുകളില്‍ തന്നെ iron with holding നെ പറ്റി ചില വിവരങ്ങളൊക്കെ ഉണ്ടായിരുന്നു എങ്കിലും,അതൊക്കെ വിരലിലെണ്ണാവുന്ന ചില ഗവേഷകര്‍ക്ക് മാത്രമായിരുന്നു.So I am not blaming anybody.പക്ഷേ ഈ 2010 ലും Anemia of chronic disease ശരീരത്തിന്റെ സ്വാഭാവിക പ്രതികരണമായിരിക്കാം എന്ന്  മിക്കവര്‍ക്കും അറിയില്ല എന്നത് കഷ്ടമാണ്.Treating mild to moderate anemia of chronic disease appears to increase mortality.കുറച്ചു ദിവസങ്ങള്‍ക്ക് മുന്‍പ് ഒരു പത്രത്തില്‍ ഡോക്ടറോട് ചോദിക്കുക എന്ന പംക്തിയില്‍ കണ്ടതാണ്,ഒരു ക്യാന്‍സര്‍ രോഗി. അയാളുടെ പ്രശ്നം കടുത്ത അനീമിയ ആണ്. ഡോക്ടര്‍ ഒരു സംശയവും കൂടാതെ അയേണ്‍ ഗുളികകള്‍ നിര്‍ദേശിക്കുകയായിരുന്നു.ഓക്കേ..... ചിലപ്പോള്‍ അയാള്‍ക്ക് ശരിക്കും അയേണ്‍ വേണ്ടിയിരിക്കാം.പക്ഷേ ഇയാളുടെ അനീമിയ ശരീരത്തില്‍ ഇരുമ്പ് കുറഞ്ഞതുകൊണ്ടാണോ അല്ലെങ്കില്‍ രോഗത്തിനോട് ഏറ്റുമുട്ടുന്നതിന്റെ ഭാഗമായി ശരീരം ഇരുമ്പ് പിടിച്ചു വയ്ക്കുന്നതാണോ എന്ന് അറിയേണ്ടതല്ലെ? അങ്ങനെ ഒരു സാധ്യത ഉള്ളതായി സൂചിപ്പക്കുന്നതുപോലുമില്ല.

മഴക്കാലം വന്നു,പകര്‍ച്ചവ്യാധികളും തുടങ്ങി.ഇനി ഏതെങ്കിലുമൊക്കെ ആദിവാസി ഊരുകളില്‍ പകര്‍ച്ചവ്യാധികളേയും പട്ടിണിയേയും പറ്റിയുള്ള വാര്‍ത്തകള്‍ വന്നു തുടങ്ങും.അധികാരികളും സന്നദ്ധ സംഘടനകളും സൌജന്യ റേഷനും പോഷകാഹാരങ്ങളും കൂട്ടത്തില്‍ അവരില്‍ വ്യാപകമായി കാണുന്ന വിളര്‍ച്ച ചികിത്സിക്കാനുള്ള മരുന്നുകളുമൊക്കെയായി എത്തും.ഇനി പറയൂ..ആ പട്ടിണിക്കോലങ്ങള്‍ക്ക് അത് യഥാര്‍ത്ഥത്തില്‍ ദ്രോഹമാണോ ഉണ്ടാക്കുക?People suffering from protein malnutrition have transferrin levels less than 10% of the normal.(Remember transferrin is the iron binding protein.) If they receive iron supplements,it could be fatal.പോസ്റ്റിന്റെ ആദ്യം വിവരിച്ച സംഭവങ്ങള്‍ നോക്കുക.നമ്മുടെ പി.എച്ച്.സി.കളില്‍ കൂടി 'ദരിദ്രവാസികള്‍ക്ക്' സൌജന്യമായി യാതൊരു പരിസോധനകളും കൂടാതെ അയേണ്‍ ഗുളികകകളും മറ്റും കൊടുക്കുന്നത് ആശാസ്യമാണോ?ഒരു പുനരാലോചന വേണ്ടേ?പരിതാപകരമായ സാഹചര്യങ്ങളില്‍ ജീവിക്കുന്നവരുടെ വിളര്‍ച്ചയായിരിക്കാം ചിലപ്പോള്‍ അവരുടെ ജീവന്‍ നിലനിര്‍ത്തുന്നത്.മറ്റു സാഹചര്യങ്ങള്‍ മെച്ചപ്പെടുത്താതെ വെറും പോഷകാഹാരം മാത്രം നല്‍കുന്നത് വിപരീതഫലങ്ങള്‍ ഉണ്ടാക്കാം.

പോഷകാഹാര ദാരിദ്ര്യത്തേ പോലെതന്നെ അപകടമാണ് പോഷക ധാരാളിത്തം എന്ന് ഡോക്ടര്‍മാര്‍ പോലും മനസ്സിലാക്കുന്നില്ല.നമുക്ക് ഗുണമുള്ള പോഷകങ്ങള്‍ നമ്മുടെ ശത്രുക്കളായ പാരസൈറ്റുകള്‍ക്കും ഗുണകരമാണ്.Much of our foodstuffs now come fortified with iron.We assume iron is a good thing and more iron can only be better.But we haven't sufficiently considered Darwin's dangerous idea.There is a struggle for existence going on there between us and them.And the winners may not be us,if we are not careful.അപ്പോള്‍ ഇത് വരെ നാം പഠിച്ചതും അറിഞ്ഞതും എല്ലാം കീഴ്മേല്‍ മറിഞ്ഞിരിക്കുകയാണ്.ഇരുമ്പ് നന്മ മാത്രമല്ല ചെയ്യുന്നത്.പകര്‍ച്ചവ്യാധികള്‍ നേരിടുന്നതിന്റെ ഭാഗമായി ഇരുമ്പിന്റെ അളവ് കുറച്ചാല്‍ എന്ത് പറ്റും?

മഴക്കാല പകര്‍ച്ചവ്യാധികളില്‍  നിന്ന് രക്ഷപ്പെടാന്‍ ഈ മാര്‍ഗ്ഗം എങ്ങനെയിരിക്കും?[1] രക്തം ദാനം ചെയ്യുക.(അത് വഴി രക്തത്തിലെ ഇരുമ്പിന്റെ അളവ് കുറക്കുക.) [2] വെജിറ്റേറിയന്‍ ഭക്ഷണം.(നേരത്തെ സൂചിപ്പിച്ചപോലെ പച്ചക്കറികളിലെ ഇരുമ്പ് ശരീരത്തിന് നന്നായി ആഗീരണം ചെയ്യാന്‍ കഴിയില്ല.) [3[ ധാരാളം പാല്‍ , ചായ, മുട്ടയുടെ വെള്ള തവിടുള്ള അരി എന്നിവ കഴിക്കുക.(പാലിലെ ലാക്ടോഫെറിന്‍‍,ചായയിലെ ടാനിന്‍, മുട്ടയുടെ വെള്ളയിലെ ഓവോട്രാന്‍സ്ഫെറിന്‍ തവിടിലെ ഫൈറ്റിക് ആസിഡ്‌ എന്നിവ ഭക്ഷണത്തിലെ ഇരുമ്പിനെ പിടിച്ചു വയ്ക്കുകയും അത് വഴി രോഗാണുക്കള്‍ക്കു് ഇരുമ്പ് ലഭിക്കാനുള്ള സാധ്യത വീണ്ടും കുറയ്ക്കും.) ആരെങ്കിലും പരീക്ഷിച്ചുനോക്കി വിവരം അറിയിക്കുക.(ഞാന്‍ ഇത് പരീക്ഷിക്കണമെന്ന് വളരെ കാലമായി ആഗ്രഹിക്കുന്നതാണ്.പക്ഷേ എനിക്ക് ഭാഗ്യവശാല്‍ ‍/നിര്‍ഭാഗ്യവശാല്‍ ഒരു അസുഖവും വരാറില്ല.ഏറ്റവും അവസാനം ഒരു നിസ്സാര പനി വന്നത് ചുരുങ്ങിയത് പതിനേഴു കൊല്ലം മുന്‍പണ്.)

Disclaimer:This post is not  suggesting that doctors should let nature take its course or even revive some of the crude treatments from the past.Rather it gives an evolutionary perspective that suggests  many of our defensive treatments are excessive or even unnecessary.For example a debate is now underway about whether influenza kills people directly or via the effects of released inflammatory agents.If the former is true, anti-inflammatory drugs will increase death rates, if the latter is true it will decrease them.It also suggests that we have only begun to study a crucial set of principles at the core of general medicine.Darwin's THEORY OF NATURAL SELECTION...!!!...


''Seen in the light of evolution, biology is, perhaps, intellectually the most satisfying and inspiring science. Without that light it becomes a pile of sundry facts, some of them interesting or curious but making no meaningful picture as a whole.''
Theodosius Dobzhansky.

-

38 അഭിപ്രായങ്ങൾ:

അരുണ്‍/arun പറഞ്ഞു...

വായിച്ചു. ഇനി പനി വരുമ്പോള്‍ അണ്ണന്റെ ചികിത്സ പരീക്ഷിക്കട്ടോ ?

യരല‌വ പറഞ്ഞു...

പതിനേഴ് വര്‍ഷമായി ഒരു പനിവരെ വന്നില്ലെന്നോ ? !!!

എങ്കില്‍ ബ്രൈറ്റിന്റെ എല്ലാ കുറിപ്പും വായിച്ചിട്ടു തന്നെ.

cALviN::കാല്‍‌വിന്‍ പറഞ്ഞു...

Informative... lemme track the comments...

- സാഗര്‍ : Sagar - പറഞ്ഞു...

ഷോക്കിങ്ങ് ഇന്‍ഫോ...!!

വിളര്‍ച്ചയുമായി വരുന്ന എല്ലാവര്‍ക്കും അയണ്‍ ഗുളികകള്‍ കൊടുക്കുന്നത് പാഷാണം കൊടുക്കുന്നത് പോലെ തന്നെ എന്നല്ലേ ഇതിന്‍റെ അര്‍ത്ഥം ?


ഒരു ചോദ്യം.. വിവരക്കേടാണെങ്കില്‍ ക്ഷമീര്..

"1995 ല്‍ ഗാലപ്പഗോസ് ദ്വീപുകളുടെ സമീപം ഈ വിദ്യ പരീക്ഷിച്ചു."

അതായത് കടലില്‍ ഇരുമ്പ് "കലക്കി".. ചെറിയ ഒരു കുളത്തില്‍ കൊറെ പഴയ ഇരുമ്പ് സാധനങ്ങള്‍ ഒക്കെ വാരിയിട്ടാല്‍ അതിലേ ജീവികള്‍ക്ക് അത് സഹായകമാകുമോ ?

Muhammed Shan പറഞ്ഞു...

സരളം..,രസകരം..,അതി ഭീകരം..!!!
ഇത്തരം ഒരു സാധ്യത അതി വിദൂര ചിന്തകളില്‍ പോലും ഉണ്ടായിരുന്നില്ല...
ബ്രൈറ്റ്‌ പറഞ്ഞതിന്‍റെ ആധികാരികതയെ കുറിച്ച് അറിയാന്‍ താല്‍പര്യം ഉണ്ട്.
വളരെ നന്ദി.

bright പറഞ്ഞു...

@ അരുണ്‍/arun,

തീര്‍ച്ചയായും പരീക്ഷിച്ചു നോക്കി വിവരം അറിയിക്കുക.But use your common sense.Don't try it on some serious infection.

@ യരല‌വ,

സത്യം.ഞാന്‍ ജീവിതത്തിലാദ്യമായി ആശുപത്രി കാണുന്നത് പഠിക്കാന്‍ പോയപ്പോഴാണ്.ഇന്നു വരെ ഞാന്‍ ഇഞ്ചക്ഷന്‍ മറ്റുള്ളവര്‍ക്ക് കൊടുത്തതല്ലതെ എന്നെ ആരും സൂചികൊണ്ട് കുത്തിയിട്ടില്ല.(Off course vaccinations and blood donations exempted.)

@ cALviN::കാല്‍‌വിന്‍,

thanks :-)

@ - സാഗര്‍ : Sagar -

കുളത്തിലെ ജീവികളുടെ കാര്യം അറിയില്ല. എങ്കിലും കുളത്തിലെ ജീവികളുടെ വളര്‍ച്ച തടയുന്ന ഘടകം ഇരുമ്പാണെങ്കിലേ പരീക്ഷണത്തിന്‌ പ്രസക്തിയുള്ളൂ.ശാസ്ത്രജ്ഞര്‍ പരീക്ഷണം നടത്തിയത് high nutrient low chlorophyll (HNLC) regions ആണ് എന്ന് ശ്രദ്ധിക്കുക.പിന്നെ ഇരുമ്പ് സാധനങ്ങള്‍ വെറുതെ വെള്ളത്തിലിട്ടാല്‍ ജീവികള്‍ക്ക് ഉപയോഗിക്കാന്‍ പാകത്തില്‍ ഇരുമ്പ് കിട്ടുമോ?അഥവാ കിട്ടിയാല്‍ തന്നെ ഇരുമ്പ് വളരെ പെട്ടെന്ന് അടിത്തട്ടിലേക്ക് താഴ്ന്നുപോയാല്‍ പ്രയോജനം കിട്ടില്ലല്ലോ.അത്തരം കാര്യങ്ങള്‍ കൂടി കണക്കിലെടുക്കേണ്ടി വരും.

bright പറഞ്ഞു...

@ Muhammed Shan

Canadian medical association journal ന്റെ ഈ പേപ്പര്‍ നോക്കുക.

http://www.cmaj.ca/cgi/content/full/179/4/333

അല്ലെങ്കില്‍ Center for disease control ന്റെ ഈ ലിങ്ക്

http://www.cdc.gov/ncidod/eid/vol5no3/weinberg.htm

Captain Haddock പറഞ്ഞു...

താങ്ക്സ് !!! ഈ രോഗാണുക്കള്‍ക്കെതിരേയുള്ള പൂഴിക്കടകന്‍ പറഞ്ഞു തന്നതിന്.

പ്രകാശേട്ടന്റെ ലോകം പറഞ്ഞു...

പുതിയ അറിവുകള്‍ തരുന്ന പൊസ്റ്റ്. മുഴുവന്‍ വായിച്ച് മനസ്സിലാക്കണം. സമയ ദൌര്‍ലഭ്യം മൂലം അവിടെവിടെ വാ‍യിച്ചതേ ഉള്ളൂ. അയേണ്‍ പ്രശ്നം മനസ്സിലാക്കി.
പ്രിന്റ് ഔട്ട് എടുത്ത് വീട്ടുകാരിക്ക് കൊടുക്കണം നാളെ.

ആശംസകള്‍

cALviN::കാല്‍‌വിന്‍ പറഞ്ഞു...

ഇരുമ്പ് മൂലകമായി ജന്തുക്കള്‍ക്ക് സ്വീകരിക്കാന്‍ കഴിയുമോ? സസ്യങ്ങള്‍ക്ക് മാത്രമല്ലേ അതിനു സാധിക്കൂ?

cALviN::കാല്‍‌വിന്‍ പറഞ്ഞു...

സസ്യങ്ങള്‍ക്ക് പോലും കഴിയില്ല എന്ന് തോന്നുന്നു.

ബിനോയ്//HariNav പറഞ്ഞു...

സമീപ കാലത്ത് വായിച്ചതില്‍ ഏറ്റവും ആകര്‍ഷകമായി തോന്നിയ പോസ്റ്റ്‍. പെരുത്ത് നണ്‌ട്രി. കുട്ടികള്‍‌ക്ക് പതിവായി വരാറുള്ള ശ്വാസകോശ സം‌ബന്ധമായ ഇന്‍ഫക്ഷനുകളും തുടര്‍ന്നുള്ള പനിയും പരീക്ഷണത്തില്‍ ഉള്‍പ്പെടുത്തിയാല്‍ കൊഴപ്പാവോ ??

Thanks a lot again :))

Jayesh / ജ യേ ഷ് പറഞ്ഞു...

പുതിയൊരു അറിവ്. ഇതിനെക്കുറിച്ച് കൂടുതൽ എഴുതുമെന്ന് പ്രതീക്ഷിക്കുന്നു. ലേഖനം നന്നായി അവതരിപ്പിച്ചു എന്ന് കൂടി ചേർക്കട്ടെ :)

സുശീല്‍ കുമാര്‍ പി പി പറഞ്ഞു...

വിജ്ഞാനപ്രദമായി. ഈ അറിവുകള്‍ നിത്യജീവിതത്തില്‍ ഗുണകരമാകും. ഭാവിയിലും ഇത്തരം പോസ്റ്റുകള്‍ പ്രതീക്ഷിക്കുന്നു.

viswan പറഞ്ഞു...

>ഒരാള്‍ ക്യാന്‍സര്‍ ബാധിതനാകുന്നു.അയാളുടെ ശരീരം പറ്റാവുന്നത്ര ഇരുമ്പ് രക്തത്തില്‍ നിന്നു പിന്‍വലിച്ചു തിരിച്ചടിക്കുന്നു;ക്യാന്‍സര്‍ കോശങ്ങളെ പട്ടിണിക്കിടാന്‍ ശ്രമിക്കുന്നു.ഫലം രോഗിക്ക് അനീമിയ.
പ്രിയ ബ്രൈറ്റ്,
ഞാന്‍ വളരെ ഇഷ്ടപ്പെടുന്ന നിങ്ങളുടെ ബ്ലോഗില്‍ ഇങ്ങനെ ഒരു കമന്റ്റ് ഇടെണ്ടി വരുന്നതില്‍ സങ്കടമുണ്ട്. ജീവല്‍ പ്രധാനമായ കാര്യങ്ങളെക്കുറിച്ചു പറയുമ്പോള്‍ കുറച്ച്കൂടി സൂക്ഷ്മതയും നിയന്ത്രണവും വേണ്ടതല്ലേ? സത്യന് multiple myeloma ആയിരുന്നുവെന്നാണ് കേട്ടിട്ടുള്ളത്. പഴയ Davidson (തല്‍ക്കാലം കയ്യിലുള്ളത്) ,multiple myeloma യില്‍ anaemia ഉണ്ടാവുന്നതിന്റെ കാരണം ഇങ്ങനെ വിശദീകരിക്കുന്നു: "In the majority of patients the bone marrow is heavily infiltrated with atypical plasma cells...Progressive replacement of the marrow occurs with eventual reduction of the normal cell lines, inducing anaemia, leucopenia and thrombocytopenia." കാന്‍സര്‍ കോശങ്ങള്‍ മജ്ജയെ കീഴടക്കുന്നത്‌ കൊണ്ടാണ്, അതല്ലാതെ 'ശരീരം പറ്റാവുന്നത്ര ഇരുമ്പ് രക്തത്തില്‍ നിന്നു പിന്‍വലിച്ചു തിരിച്ചടിക്കുന്നു' വെന്നത് കൊണ്ടല്ല, anaemia ഉണ്ടാവുന്നത്. Or, am I missing something?
2-കുറെ പുതിയ വിവരങ്ങള്‍ക്ക് നന്ദി.
3- രക്ത മോക്ഷം അണുബാധയെ ചെറു ത്തെക്കാമെന്ന ആശയത്തിന് Literature support ഉണ്ടോ? Please post if any.

bright പറഞ്ഞു...

@ viswan,

താങ്കള്‍ പറഞ്ഞ atypical plasma cells..Think about it. Why did nature select that particular feature and not something else?പരിണാമം അത് അനുവദിച്ചത് രോഗിക്ക് അതുകൊണ്ട് എന്തെങ്കിലും പ്രയോജനം ഉള്ളതുകൊണ്ടാണെങ്കിലോ?താങ്കള്‍ പറയുന്നപോലെ ക്യാന്‍സര്‍ കോശങ്ങള്‍ മജ്ജയെ കീഴടക്കുമ്പോള്‍ ശരീരത്തിലുള്ള അയേണ്‍ എവിടെ പോകുന്നു?ഏറ്റവും അത്യാവശ്യമുള്ള രക്തത്തില്‍ അത് കാണുന്നില്ല.അത് ആരായിരിക്കും ഉപയോഗിക്കുന്നത്?കാന്‍സര്‍ കോശങ്ങള്‍ക്ക് വളരാന്‍ എന്തായാലും അത് ആവശ്യമുണ്ട്.What makes you think body will give up its iron store with out any fight? If you think that is what is happening,I am sorry,you haven't considered evolution. Now the received wisdom is atypical cells are the cause for anemia.Equally plausible or even more plausible if you think in terms of evolution,is that atypical plasma cells are the effect of body with holding its iron.Body can't release its iron storage for fear of it being used by cancer cells and as a result bodies own cells also suffer.It is a tug of war between cancer cells and normal cells and off course like all other counter measures some times bodies action can go overboard.It seems US Food and Drug Administration has issued a warning against the use of erythropoiesis-stimulating agents in cancer patients at least in some cases.

See this paper..there are plenty of references there. http://www.cmaj.ca/cgi/content/full/179/4/333

പിന്നെ സത്യന്റെ കാര്യം.അത് ഞാന്‍ പോസ്റ്റില്‍ തന്നെ പറഞ്ഞതുപോലെ ഒരു വെറും ഗോസ്സിപ്പ് മാത്രം‌.ക്യാന്‍സറിനേപ്പറ്റി പറയാന്‍ എല്ലാവര്‍ക്കും താല്പര്യം തോന്നുന്ന ഒരു ഉദാഹരണം, അത്ര മാത്രം.Something to get the people thinking.

രക്തമോക്ഷം അണുബാധയെ ചെറുക്കാന്‍ സാധ്യതയുണ്ട് എന്ന് പറയുന്നത് Dr. Matthew J. Kluger, a physiologist at the University of Michigan Medical School ആണ്.Norman Kasting എന്ന ഒരു കനേഡിയന്‍ ഫിസിയോളജിസ്റ്റും മറ്റൊരു സാധ്യത അവതരിപ്പിക്കുന്നുണ്ട്.ബ്ലീഡിംഗ് ഉള്ള മൃഗങ്ങളില്‍ വാസോപ്രസ്സിന്‍ എന്ന ഹോര്‍മോണ്‍ പ്രതിരോധശക്തിയെ ഉത്തേജിപ്പിക്കുന്നതായി പറയുന്നുണ്ട്.മനുഷ്യരുടെ കാര്യം അറിയില്ലെങ്കിലും,It's logical to assume bleeding will have similar effects in humans also.

ഉറുമ്പ്‌ /ANT പറഞ്ഞു...

വിജ്ഞാനപ്രദമായ പോസ്റ്റ്. “ ഞാന്‍ 100% ഞാനല്ല “ എന്ന അറിവുതന്നെ വല്ലാത്ത ഒരു ഷോക്കായിരുന്നു. ഇപ്പോ ദാ ഇരുമ്പിന്റെ ലീലാവിലാസങ്ങളും. ഒരാള്‍ ഡോക്ടറില്‍ അഡിക്റ്റാകാതിരിക്കാന്‍ എന്തെങ്കിലും മരുന്നു നിര്‍ദ്ദേശിക്കാമോ? :)

പാമരന്‍ പറഞ്ഞു...

thnx!

മുക്കുവന്‍ പറഞ്ഞു...

thanks for the information....

would love to know th answer for binoy!

thanks again

bright പറഞ്ഞു...

@ ബിനോയ്//HariNav, മുക്കുവന്‍,

തീര്‍ച്ചയായും ഞാന്‍ പറഞ്ഞ മാര്‍ഗ്ഗങ്ങളെല്ലാം സാധാരണ നാമൊക്കെ ചെയ്യാറുള്ളതുതന്നെയല്ലെ?രക്തദാനം ഒഴിച്ച്.പിന്നെ ഇതൊക്കെ എല്ലാ ഇന്‍ഫെക്ഷനുകള്‍ക്കുമുള്ള ഒറ്റമൂലിയാണ് എന്ന് കരുതാതിരിക്കാനുള്ള കോമണ്‍ സെന്‍സ് വേണമെന്ന് പ്രത്യേകം പറയേണ്ടല്ലോ.പോസ്റ്റില്‍ തന്നെ സൂചിപ്പിച്ചിട്ടുള്ള പോലെ രോഗാണു ചുമ്മാ തോല്‍വി സമ്മതിച്ചു തരും എന്ന് കരുതാനാവില്ല.അത് ജയിക്കാനുള്ള മാര്‍ഗ്ഗങ്ങള്‍ നോക്കും.നമുക്ക് ചെയ്യാനുള്ളത് ജയിക്കാനായി ശരീരത്തെ പരമാവധി സഹായിക്കുക.എന്തായാലും കൂടുതല്‍ പരിശോധനകള്‍ കൂടാതെ ഡോക്ടര്‍ പനി മരുന്നുകളുടെ കൂടെ എഴുതുന്ന അയേണ്‍ ടോണിക്ക് ഉപയോഗിക്കാതിരിക്കുക.സാധാരണ പോലെ മൂന്നു നേരം ശരിയായി ഭക്ഷണം കഴിക്കാന്‍ വകുപ്പുള്ള ആര്‍ക്കും iron supplimentation ആവശ്യമില്ല.ഏതു കൊടി കെട്ടിയ ഡോക്ടര്‍ തന്നാലും.ഗോതമ്പുപൊടി മുതല്‍ എല്ലാത്തിനും ''അയേണ്‍ ശക്തി'' കൊടുത്ത് കൂടുതല്‍ മികച്ചതാക്കുന്നത് ശരീരത്തില്‍ എന്തൊക്കെ പ്രശ്നങ്ങളാണ് ഉണ്ടാക്കുന്നത് എന്ന് ആരും വിശദമായി പഠിച്ചിട്ടില്ല.

കാണാക്കുയില്‍ പറഞ്ഞു...

മലയാളിയുടെ പോഷകാവേശം കെടുത്താന്‍ ഒരു മരുന്നില്ല. മരുന്നാണന്നു പറഞ്ഞാല്‍ ഏതു പാഷാണവും അവന്‍ കഴിക്കും.

Jijo പറഞ്ഞു...

"ഏറ്റവും അവസാനം ഒരു നിസ്സാര പനി വന്നത് ചുരുങ്ങിയത് പതിനേഴു കൊല്ലം മുന്‍പണ്." - ഞാനും വേറെ ചിലരുമൊക്കെ കരുതിയത് ശരിയാണെന്ന് തോന്നുന്നു. ബ്രൈറ്റ് അന്തിക്രിസ്തു ആണല്ലേ? :)

Jijo പറഞ്ഞു...

രോഗികൾക്ക് ആവശ്യത്തിന് ഇരുമ്പ് കൊടുക്കുന്നത് രോഗാണുക്കൾ ആവശ്യത്തിനുള്ളത് കഴിച്ച് അവറ്റകൾ വേഗം തിണ്ണ കാലിയാക്കിക്കോട്ടേ എന്ന് വിചാരിച്ചായിരിക്കും.

bright പറഞ്ഞു...

പോസ്റ്റില്‍ പറയുന്ന Geritol solution നുമായി ചേര്‍ത്ത് വായിക്കാവുന്ന മറ്റൊരു വിശേഷം....

....Whale waste is rich in iron so it stimulates the growth of phytoplankton, which then serve as carbon traps that remove some 400,000 estimated tons of carbon from the atmosphere each year....... ലിങ്ക്.......

ലിങ്കില്‍ നിന്ന്....

...Assuming that 75 percent of defecated iron persists in the photic -- or light receiving zone -- of the ocean, Southern Ocean sperm whales contribute 40 tons of iron to this region each year......

അയേണ്‍ ശക്തി സിന്ദാബാദ്‌ !!:-)

നന്ദന പറഞ്ഞു...

വളരെ നന്ദി ബ്രൈറ്റ് വീണ്ടും വരാം, ജീവിതത്തിൽ അവശ്യം അറിഞ്ഞിരിക്കേണ്ട കാര്യങ്ങൾ. കൂടുതൻ എഴുതുവാൻ താല്പര്യപ്പെടുന്നു.

Silentside പറഞ്ഞു...

താങ്കൾ ഈ വെബ്സൈറ്റ് കണ്ടിട്ടുണ്ടോ ?
http://www.harunyahya.com/refuted11.php

ഡാർവിനിസത്തെ ശാസ്ത്രീയമായി തകർക്കുന്ന വിവരങ്ങളാണ്‌ അതിലുള്ളത്.

Silentside പറഞ്ഞു...

You quoted that bacteria plant and animal cells,all have similar biochemical pathways and genetic information is sufficient proof for evolution. But that isn't the case bright.

See here:
http://www.harunyahya.com/books/darwinism/evolution_impasse/impasse5.php

ഹേമാംബിക പറഞ്ഞു...

നന്നായിരിക്കുന്നു ഈ പോസ്റ്റ്‌. പണ്ട് പഠിച്ചതൊക്കെ ഒന്ന് കൂടി റിഫ്രെഷ് ചെയ്തു.
ഒരു കാര്യം പറയട്ടെ, ഇന്‍റര്‍നെറ്റില്‍ നിന്ന് അത് പോലെ കുറച്ചു കോപ്പി കണ്ടു. അങ്ങനെ ഉപയോഗിക്കുമ്പോള്‍ അതിന്റെ ലിങ്കും റഫറന്‍സ് ആയി കൊടുക്കൂ :)

പണി വന്നില്ലെന്നത് നേരാണോ ? കടുത്ത ചൂട് കാരണം അറിയാതെ പോയതാണോ :)

സാത്വികന്‍ പറഞ്ഞു...

ഞാന്‍ ആറ് മാസം കൂടുമ്പോള്‍ രക്തം ദാനം ചെയ്യാന്‍ പോകുന്നു
ഈ എഴുതിയതൊക്കെ സത്യമല്ലെങ്കില്‍ എന്റെ ചോരക്ക് ഡോക്ടര്‍ സമാധാനം പറയേണ്ടി വരും

Lekshmi പറഞ്ഞു...

bright inte lekhanam vayichu valre informative ayirunnu.

Lekshmi പറഞ്ഞു...

shareeratile iron kurakkan raktha moksham oru margam ayi tankal vishadeekarichu kandu. apool thalasemia patients nu okke multiple blood transfusion nu videyam akkumpol, swabavikam ayum iron over load undakum, which cause organ damage and disfunction. etelum oru iron chelator such as desfral kodukkum valre side effect ulla medicine alle. oru mandan chodyam chodichote tallasemic patients nu oru pseudomonas aeruginosal infaction vannal entavum stiti, will it affect them or...

Lekshmi പറഞ്ഞു...

aurvedatil angane oru chiktsa reti undo. oraly active aya oru iron chelator undo?

Lekshmi പറഞ്ഞു...

ete kurichu ariyan talparyam undu, bright

bright പറഞ്ഞു...

[[[[[tallasemic patients nu oru pseudomonas aeruginosal infaction vannal entavum stiti, will it affect them or...]]]]]]]]

It is not really as straight forward as that.Body has other infection fighting methods also.We also have antibiotics .Assuming you were in some primitive part of the world with no access to modern treatment,then maybe...Obviously we can't test it on real people.It will be unethical.So the short answer is I don't know.


[[[[[[oraly active aya oru iron chelator undo?]]]]]]

Lactoferrin and ovotransferrin are orally active,or atleast they may affect the growth of intestinal bacteria.

[[[[[ete kurichu ariyan talparyam undu]]]]]]

It is an emerging field.It may take years for these ideas to be included in the conventional medicine.See the links I gave.

Lekshmi പറഞ്ഞു...
രചയിതാവ് ഈ അഭിപ്രായം നീക്കംചെയ്തു.
Lekshmi പറഞ്ഞു...

njan oru medical student alla. so infection mechanism ne kurichu oru adikarikam aya arivu illa. pakshe onnu parnjotee. p. aeruginosa has prominent siderophores rt. iron over load condition ill body ile iron inte alvu koodutal annu. will it suppress siderophore production or enhance it.virulent strains inte siderophores atra tnne strong ayirikkum, atu aa patient ne engane badikkum enna nu chodichatu.
the iron chelator administrated to thalasimic patients is also a siderophore. ( desferal)

പ്രൊമിത്യുസ് പറഞ്ഞു...

bright,
ഇന്നാണ് ഈ പോസ്റ്റ്‌ വായിക്കുന്നത്.അപ്പോഴാണ് എന്റെ ചേച്ചിയുടെ കാര്യം ഓര്മ വന്നത്.
അവര്ക്ക് കുറഞ്ഞത്‌ 25 കൊല്ലമായിട്ടു, ബ്ലഡ്‌ കുറവാണെന്ന് ഇടയ്കിടെ പറയാറുണ്ട്.ചേച്ചിക്ക് പനി വന്നിട്ട് ഏകദേശം ഒരു 20 കൊല്ലമെങ്ങലും ആയിട്ട്ടുണ്ടാകും.

അജ്ഞാതന്‍ പറഞ്ഞു...

കൊംബ് വെക്കല്‍ (കാപ്പിംഗ് )രക്തമോക്ഷം എന്തങ്കിലും ബന്തമുണ്ടോ

LinkWithin

Related Posts with Thumbnails