bright

തെസ്യൂസിന്റെ കപ്പല്‍

2012-01-05T11:09:00.001+05:30

തെസ്യൂസിന്റെ കപ്പലിനെക്കുറിച്ച് കേട്ടിട്ടുണ്ടോ?ഏതന്‍സിന്റെ സ്ഥാപക രാജാവായിരുന്ന പ്രതാപിയായ തെസ്യൂസിന്റെ കപ്പല്‍ (ഓ:ടി:ഹോളിവുഡ് ചിത്രമായ Immortals തെസ്യൂസിന്റെ സാഹസികതകളുടെ കഥയാണ്.) അദ്ദേഹത്തിന്റെ സ്മരണാര്‍ത്ഥം കേടുപറ്റുന്ന പലകകള്‍ അപ്പപ്പോള്‍ മാറ്റി സ്ഥാപിച്ച് റിപ്പയര്‍ ചെയ്ത് ഏതെന്‍സുകാര്‍ നൂറ്റാണ്ടുകളോളം സഞ്ചാരയോഗ്യമായ വിധത്തില്‍ സൂക്ഷിച്ചിരുന്നതായി ചരിത്രകാരനായ പ്ലൂട്ടാര്‍ക്ക് എഴുതുന്നു.

''The ship wherein Theseus and the youth of Athens returned [from Crete] had thirty oars, and was preserved by the Athenians down even to the time of Demetrius Phalereus, for they took away the old planks as they decayed, putting in new and stronger timber in their place, insomuch that this ship became a standing example among the philosophers, for the logical question of things that grow; one side holding that the ship remained the same, and the other contending that it was not the same."(Plutarch- Life of Theseus)

അപ്പോള്‍ ചോദ്യം .....ഒറിജിനല്‍ കപ്പലിന്റെ എല്ലാ പലകകളും ഓരോന്നായി മാറ്റി പുതിയതാക്കിയാല്‍ പിന്നെ അതിനെ തെസ്യൂസിന്റെ കപ്പല്‍ എന്ന് വിളിക്കാമോ?തെസ്യൂസിന്റെ കപ്പലിന്റെ ഒന്നും അതില്‍ ശേഷിക്കുന്നില്ലെങ്കില്‍ പിന്നെ അതെങ്ങിനെ തെസ്യൂസിന്റെ കപ്പലാകും?ഇനി ഒറിജിനല്‍ കപ്പലിലെ ഉപേക്ഷിക്കപ്പെട്ട ഭാഗങ്ങള്‍ ഉപയോഗിച്ച് ഒരാശാരി മറ്റൊരു കപ്പല്‍ ഉണ്ടാക്കി എന്നു കരുതുക.ഏതാണ് ശരിക്കുള്ള തെസ്യൂസിന്റെ കപ്പല്‍ ?‍ആദ്യത്തേതോ അതോ രണ്ടാമത്തേതോ?

ഇതാണ് Theseus paradox എന്നറിയപ്പെടുന്നത്.തത്ത്വചിന്തകര്‍ കാലങ്ങളായി തല പുകക്കുന്ന ഒരു സമസ്യ.ഹെരാക്ലിറ്റസ്‌ ഒരു നദിയില്‍ ഒരാള്‍ക്ക് രണ്ടു തവണ ഇറങ്ങാനാവില്ല എന്ന പ്രസിദ്ധമായ പ്രഖ്യാപനത്തിലൂടെയാണ് ഈ സമസ്യയെ നേരിട്ടത്.ഓരോ നിമിഷവും നദിയുടെ ഐഡന്‍റിറ്റി മാറിക്കൊണ്ടിരിക്കുകയാണ്.You could not step twice in the same river;for other and yet other waters are ever flowing on.(Heraclitus)

ജോണ്‍ ലോകെയുടെ (17th-century English philosopher) Locke’s Socks ഇതിന് സമാനമാണ്. ലോക്കെയുടെ സോക്സിന് ഒരു തുളയുണ്ട്.ആ തുള ഒരു കഷ്ണം തുണിയുപയോഗിച്ച് അടച്ചാലും അത് അതെ സാധനം തന്നെയാണ്,ലോക്കെയുടെ സോക്സ്.ഇനി രണ്ടാമതോ മൂന്നാമതോ ഉണ്ടാകുന്ന തുളകള്‍ അടച്ചാലും അത് 'ലോകെയുടെ സോക്സ്' തന്നെയാണ്.അല്ലെ?ഇനി വര്‍ഷങ്ങള്‍ക്കു ശേഷം അനേകം റിപ്പയറുകള്‍ക്ക് ശേഷം ഒറിജിനല്‍ സോക്സിന്റെ ഒരു ഭാഗവും അവശേക്കുന്നില്ലെങ്കിലും അത് 'ലോകെയുടെ സോക്സ്' തന്നെയന്നോ?മമ്മദ് കാക്കാന്റെ കണ്ടം ബച്ച കോട്ട് തയ്യല്‍ക്കാരന്‍ തയ്ച്ചു ചേര്‍ത്ത കണ്ടങ്ങള്‍ കൊണ്ടു നിറഞ്ഞ് അവസാനം ഒറിജിനല്‍ കോട്ടിന്റെ ഒന്നും അവശേഷിക്കാതായാലും ആ കോട്ടിന്റെ identity മമ്മദ് കാക്കാന്റെ കോട്ട് എന്നുതന്നെയാണോ?

ഈ സമസ്യകളുടേയൊക്കെ പുറകില്‍ വസ്തുക്കള്‍ക്ക് ഐഡന്റിറ്റി നിശ്ചയിക്കുന്നത് അതിന്റെ 'എസ്സെന്‍സ്' ആണ് എന്ന സങ്കല്‍പ്പമാണ്.(കഴിഞ്ഞ രണ്ടു പോസ്റ്റുകളില്‍ നാം ചര്‍ച്ച ചെയ്തത് തന്നെ.(വായിക്കാത്തവര്‍ക്കും ഓര്‍മ്മ പുതുക്കേണ്ടവര്‍ക്കും ലിങ്ക്......(1) അനുകരണ മാന്ത്രികവിദ്യ (Imitative magic), (2) മനോമാലിന്യം (psychological contagion) ബാഹ്യമായ എന്തൊക്കെ മാറ്റങ്ങളുണ്ടെങ്കിലും സാധാരണ ഗതിയില്‍ തെസ്യൂസിന്റെ കപ്പലില്‍ /ലോക്കെയുടെ സോക്സില്‍ മാറാത്ത എന്തോ ഉണ്ട്.'എന്റെ'ശരീരത്തിന് ഒരു ആത്മാവുള്ളതുപോലെ,എന്നാല്‍ 'ഞാന്‍' ആ ശരീരം അല്ലാത്തതുപോലെ(പത്തു വയസുള്ള ഞാനും വൃദ്ധനായ ഞാനും ബാഹ്യമായ യാതൊരു സാമ്യവുമില്ലെങ്കിലും ഒരാള്‍ തന്നെയാണല്ലോ.) കപ്പലിനും മാറ്റമില്ലാത്ത ഒരു ഐഡന്റിറ്റി ഉണ്ട്.

തെസ്യൂസിന്റെ കപ്പലിന്റെ ബഹ്യരൂപമല്ല ശരിക്കും തെസ്യൂസിന്റെ കപ്പല്‍ .നിരന്തരമായ ചെറിയ മാറ്റങ്ങളുടെ ആകെത്തുകയല്ലാതെ ഒറ്റയടിക്ക് വലിയൊരു മാറ്റം വരുത്തിയാല്‍ പക്ഷേ ഈ ഐഡന്റിറ്റി ക്രൈസിസ്സ് ഉണ്ടാവുകയുമില്ല.അത് തീര്‍ച്ചയായും പുതിയൊരു ഐഡന്റിറ്റി ഉള്ള വസ്തുവായാണ് കണക്കാക്കുക എന്നത് വിചിത്രമല്ലേ?കൂടുതല്‍ ആലോചിക്കാന്‍ പോയാല്‍ ഈ പാരഡോക്സ് വെളിവാകുകയും ചെയ്യും.(ഒരു പണിയുമില്ലാത്ത തത്വചിന്തകരാണ് ഇതൊക്കെ ആലോചിച്ചു കൂട്ടുന്നത്.:-))

മാറ്റങ്ങള്‍ സംഭവിക്കുന്നത് സാവധാനത്തിലാണ് എന്നതുകൊണ്ടുമാത്രം പഴയതിന്റെ തുടര്‍ച്ചയായി മാറ്റമില്ലാതെ തുടരുന്നതായി നമ്മള്‍ കണക്കാക്കുന്ന ധാരാളം കാര്യങ്ങളുണ്ട്.ഉദാഹരണം:...... വളരെ പ്രശസ്തമായ കോളേജുകള്‍ യൂണിവേഴ്സിറ്റികള്‍ മുതലായവ.അവയുടെ സ്ഥാപകരോ അവ പ്രവര്‍ത്തിച്ച കെട്ടിടങ്ങള്‍ പോലുമോ ഇപ്പോള്‍ നിലവിലില്ലെങ്കിലും നാം നൂറ്റാണ്ടിന്റെ പാരമ്പര്യമുള്ള കലാലയം എന്നൊക്കെ പറയാറില്ലെ?ഐസക് ന്യൂട്ടന്റെ കേംബ്രിഡ്ജും സ്റ്റീഫന്‍ ഹോക്കിങ്ങിന്റെ കേംബ്രിഡ്ജും ഒന്നാണോ?അതുപോലെ ഗാന്ധിജിയുടെ ഇന്ത്യന്‍ നാഷണല്‍ കോണ്‍ഗ്രസ്‌,ഏകെജിയുടേയും, കൃഷ്ണപിള്ളയുടെയും കമ്യൂണിസ്റ്റു പാര്‍ട്ടി ഇതൊക്കെ ഇപ്പോഴുമുണ്ട്. ഏതര്‍ത്ഥത്തിലാണ് ഇവയെല്ലാം മാറ്റമില്ലാത്ത സ്ഥാപനങ്ങളായി നില നില്‍ക്കുന്നതെന്ന് ആര്‍ക്കും അറിയുകയുമില്ല.പശു ചത്തു കഴിഞ്ഞാല്‍പോലും മോരിന്റെ പുളി പോകില്ല എന്നര്‍ത്ഥം.

ഒരു പരീക്ഷണമുണ്ട്.കുറെ കുട്ടികളെയും മുതിന്നവരെയും സാമിന്റെ 'ക്വിഗ്ഗിള്‍ '('quiggle' is a nonsense object created for the purpose of the study) എന്നൊരു വിചിത്ര വസ്തുവിന്റെ ചിത്രം കാണിക്കുന്നു. സാം അല്പകാലം നാടുവിട്ടു പോകുന്നു.ആ സമയത്ത് ഈ വസ്തുവിന് സാവധാനം ചില മാറ്റങ്ങള്‍ സംഭവിക്കുന്നു.ഓരോ ആഴ്ചയിലും വരുന്ന മാറ്റങ്ങള്‍ കാണിക്കുന്ന ചിത്രങ്ങള്‍ ഇവരെ കാണിക്കുന്നു.അവസാനം രണ്ടു ചിത്രങ്ങള്‍ കാണിക്കും.ഒന്ന് സവധാനം മാറ്റം സംഭവിച്ച,ഒറിജിനല്‍ ക്വിഗ്ഗിളുമായി ഒരു സാമ്യവുമില്ലാത്ത ഒരു പുതിയ ക്വിഗ്ഗിള്‍ .രണ്ടാമത്തെ ചിത്രം ഒറിജിനല്‍ ക്വിഗ്ഗിളില്‍നിന്നു മാറ്റിയഭാഗങ്ങള്‍ ചേര്‍ത്തുവച്ചു നിര്‍മ്മിച്ച,ഒറിജിനല്‍ ക്വിഗ്ഗിള്‍ പോലെത്തന്നെ തോന്നുന്ന ഒന്നും.ചോദ്യം ഇതാണ്.സാം തിരിച്ചുവരുമ്പോള്‍ ഏതാണ് സാമിന്റെ ക്വിഗ്ഗിള്‍ ‍?ഭൂരിഭാഗം കുട്ടികളും മുതിര്‍ന്നവരും സവധാനം മാറ്റം വന്ന,എന്നാല്‍ ഒറിജിനലുമായി ഒരു സാമ്യവുമില്ലാത്ത വസ്തുവാണ് സാമിന്റെത് എന്നാണ് അഭിപ്രയപ്പെട്ടത്‌.. കാഴ്ചയില്‍ സാമ്യമുണ്ടെങ്കിലും രണ്ടാമത്തേത് സാമിന്റെ ക്വിഗ്ഗിളല്ല എന്നാണ് കൂടുതല്‍ പേരും അഭിപ്രയപ്പെട്ടത്‌..

ഒരു ജീവിയെ സങ്കല്‍പ്പിക്കുക.ക്വിഗ്ഗിളിനെ സാവധാനം മാറ്റുന്നപോലെ വളരെ ചെറിയ മാറ്റങ്ങള്‍ ഈ ജീവിയുടെ ഓരോ തലമുറക്കും സംഭവിക്കുന്നതായി സങ്കല്‍പ്പിക്കുക.ഒരു ലക്ഷം തലമുറക്ക്‌ ശേഷം ആ ജീവിയുടെ ഐഡന്റിറ്റി അതു തന്നെയാണോ?ഞാന്‍ പറഞ്ഞു വരുന്ന പോയിന്റ്‌ പിടി കിട്ടിയോ?പരിണാമ സിദ്ധാന്തം മനസ്സിലാക്കാനുള്ള പ്രയാസം നമ്മുടെ ഈ എസ്സെന്‍സ് ചിന്താരീതിയാണ്.തെസ്യൂസിന്റെ കപ്പല്‍ ബാഹ്യമായ എന്തൊക്കെ മാറ്റം വന്നാലും അതേ കപ്പലായി നിലനില്‍ക്കുന്ന പോലെ കാലം എത്ര കഴിഞ്ഞാലും നമ്മുടെ പൂര്‍വികന്‍ നമ്മെപോലുള്ള ഒരു ജീവി തന്നെയായിരിക്കും,മറ്റൊരു വ്യതസ്ത ജീവിയാവില്ല എന്ന വിശ്വാസം.എസ്സെന്‍സ് ഒരിക്കലും മാറില്ല എന്ന വിശ്വാസം.

ഒരു സ്പീഷീസ്‌ കാലക്രമേണ മാറി മറ്റൊരു സ്പീഷീസ് ആവും എന്ന് വിശ്വസിക്കാനാവില്ല എന്ന് സൃഷ്ടിവാദികള്‍ .പ്രശ്നം സ്പീഷീസ്‌ എന്നാല്‍ എന്ത് എന്ന് നാം മനസ്സിലാക്കുന്നതിലാണ്. മുകളിലെ 'ക്വിഗ്ഗിള്‍ 'പരീക്ഷണത്തില്‍ ആദ്യത്തെ ക്വിഗ്ഗിളല്ല സാമിന്റേത് എന്നു പറയുന്നവര്‍ക്കു പോലും ഇതു ഘട്ടത്തിലാണ് ആ മാറ്റം സംഭവിച്ചത് എന്ന് പറയാനാവില്ല.സാമിന്റെ ക്വിഗ്ഗിള്‍ മാറ്റത്തിന്റെ ഏതു ഘട്ടത്തിലാണ് സാമിന്റേതല്ലാത്തകുന്നത് എന്നത് വ്യക്തമല്ലാത്തപോലെ ഒരു സ്പീഷീസ്‌ എപ്പോഴണ് മറ്റൊരു സ്പീഷീസ് ആകുന്നത്‌ എന്നത് വ്യക്തമാവില്ല.നമ്മള്‍ സ്പീഷീസ് എന്ന് മനസ്സിലാക്കുന്നത്‌ മാറ്റമില്ലാതെ നിലനില്‍ക്കുന്ന ജീവരൂപങ്ങള്‍ എന്നാണ്.എന്നാല്‍ കൂടുതല്‍ ആഴത്തില്‍ പഠിക്കുമ്പോള്‍ സ്പീഷീസിന്റെ നിര്‍വ്വവചനം കൃത്യമായ അതിരുകളില്ലാത്തതാണ് (species boundaries are actually very vague) എന്ന് പിടികിട്ടാത്തതാണ് പലരും സ്പീഷീസ് എന്ന വാക്കില്‍ തൂങ്ങി കസര്‍ത്തു നടത്തുന്നതിന്റെ ശരിയായ കാരണം.പുറമെ മാറ്റം കാണാതെതന്നെ ജീവികളില്‍ നിരന്തരമായ മാറ്റങ്ങള്‍ നടക്കുന്നുണ്ടന്നും ഈ മാറ്റങ്ങള്‍ കാലാന്തരത്തില്‍ പ്രകടമായ വ്യതിയാനങ്ങളുള്ള ജീവിവര്‍ഗങ്ങളുടെ രൂപീകരണത്തിലേക്കു നയിക്കും എന്ന ഡാര്‍വിന്റെ തത്വം മനസ്സിലാക്കാനുള്ള ബുദ്ധിമുട്ട് നമ്മുടെ ചിന്താരീതിയുടെ പരിമിതിയാണ് കാണിക്കുന്നത്.അല്ലാതെ ഡാര്‍വിന്‍ തെറ്റാണ് എന്നല്ല.

ശാസ്ത്ര തത്വങ്ങള്‍ക്കും തെസ്യൂസിന്റെ കപ്പല്‍ ബാധകമാണ്.1859ലെ പരിണാമാസിദ്ധാന്തവും രണ്ടായിരത്തി പന്ത്രണ്ടിലെ പരിണാമസിദ്ധാന്തവും ഒന്നാണെന്ന് ഇപ്പോഴും അത്മാര്‍ത്ഥമായി വിശ്വസിക്കുന്ന, അതങ്ങിനെയല്ല എന്ന് എത്ര പറഞ്ഞാലും മനസ്സിലാകാത്ത കൂട്ടരാണ് നമ്മുടെ സൃഷ്ടിവാദികള്‍ .(ഡാര്‍വിന്‍ ഇപ്പോള്‍ പുനര്‍ജ്ജനിച്ചുവന്നാല്‍ തന്റെ പേരിലുള്ള തിയറിയുടെ എത്രഭാഗം,'ഇത് ഞാന്‍ പണ്ട് പറഞ്ഞതാണല്ലോ 'എന്ന് മനസ്സിലാകും?ഒരു അഞ്ഞൂറു വര്‍ഷത്തിനു ശേഷം വന്നാല്‍ ?അപ്പോഴും തിയറിയുടെ പേര് ഡാര്‍വിന്റെ പരിണാമ സിദ്ധാന്തം എന്ന് തന്നെയായിരിക്കും.)

ആളുകള്‍ ക്ലോണിങ്ങിനെയും ജനിതകമാറ്റം വരുത്തിയ വിളകളെയും എതിര്‍ക്കുന്നതും ഇതേ തെറ്റിദ്ധാരണയുടെ പേരിലാണ്.രണ്ടായിരത്തോളം വഴുതിനങ്ങ വര്‍ഗ്ഗങ്ങള്‍ നാച്ചുറല്‍ സെലക്ഷന്‍വഴിയോ ആര്‍ടിഫിഷ്യല്‍ സെലക്ഷന്‍ വഴിയോ ഉണ്ടാകാമെങ്കില്‍ ഒരു ബി.ടി വഴുതിനങ്ങ കൂടി ഉണ്ടായാല്‍ എന്താണ് കുഴപ്പം? ലക്ഷക്കണക്കിന് വര്‍ഷങ്ങള്‍ കൊണ്ട് സ്വാഭാവികമായുണ്ടാകാവുന്ന,അല്ലെങ്കില്‍ ബ്രീഡിംഗ് വഴിയോ ആര്‍ട്ടിഫിഷ്യല്‍ സെലക്ഷന്‍ വഴിയോ ഉണ്ടാകാവുന്ന മാറ്റമാണ് ശാസ്ത്രം ഇവിടെ ഒറ്റയടിക്ക് നടത്തുന്നത്.(ജനിതകവിളകളില്‍ ഒരു അന്യ ജീവിയുടെ ജീന്‍ ഉപയോഗിക്കുന്നു എന്നാണ് പ്രശ്നമെങ്കില്‍ നമ്മള്‍ തെസ്യൂസിന്റെ കപ്പലില്‍നിന്നു പിടിവിട്ടിട്ടില്ല എന്ന് പറയേണ്ടിവരും.ഓരോ ജീവിക്കും സ്വന്തമായി പ്രത്യേകം പ്രത്യേകം ജീനുകളുണ്ട് അഥവാ സ്വന്തമായ,ഒരിക്കലും മാറാത്ത ഒരു ഐഡന്റിറ്റി അഥവാ എസ്സെന്‍സ് ഉണ്ട് എന്ന വാദത്തില്‍ത്തന്നെയാണ് നില്‍ക്കുന്നത്‌ എന്നോര്‍ക്കുക. ജീനുകളെന്നാല്‍ പ്രോട്ടീനുകള്‍ നിര്‍മ്മിക്കാന്‍ കോശങ്ങള്‍ക്കുള്ള നിര്‍ദദേശങ്ങള്‍ മാത്രമാണ്. അത് ഏതെങ്കിലും ജീവിയുടെ സ്വന്തമല്ല.നേന്ത്രപ്പഴത്തിന്റേയും മനുഷ്യന്റേയും ജീനകളില്‍ അമ്പതു ശതമാനമെങ്കിലും പൊതുവാണ്. എന്നുകരുതി നേന്ത്രപ്പഴം അമ്പതു ശതമാനം മനുഷ്യനാകുമോ?

ബയോടെക്നോളജി വഴി ഉണ്ടാകുന്ന പുതിയജീവി ആ പഴയ ജീവിയുടെ തുടര്‍ച്ചയാണ് എന്ന് അംഗീകരിക്കാന്‍ നമ്മുടെ 'ബുദ്ധി' സമ്മതിക്കില്ല.എന്നാല്‍ ബ്രീഡിംഗ് വഴി അതേ മാറ്റം വരുത്തിയാല്‍ ആര്‍ക്കും ഒരു പ്രശ്നവുമില്ല താനും.ഒരു വന്‍ മാറ്റം ഒറ്റയടിക്ക് നടത്തിയാല്‍ തെസ്യൂസിന്റെ കപ്പല്‍ അതല്ലാതാവുകയും അനേകം ചെറിയ മാറ്റങ്ങള്‍ വളരെ കാലമെടുത്തു നടത്തിയാല്‍ അത് തെസ്യൂസിന്റെ കപ്പലായിത്തന്നെ നിലനില്‍ക്കും എന്നയാണല്ലോ നമ്മുടെ സാമാന്യ ബുദ്ധി.പക്ഷേ ശരിക്കും കാര്യം മനസ്സിലാക്കണമെങ്കില്‍ (we call it science) ഈ ഡിഫോള്‍ട്ട് പ്രോഗ്രാമൊന്നും പോര.ഈ വ്യത്യാസം, natural thinking v/s scientific thinking (the former don't really care about truth and all it want is some answer on which to base it's actions, and the later is all about truth/reality out there.) മനസ്സിലാക്കാതെ ഡിഫോള്‍ട്ട് പ്രോഗ്രാം ഉപയോഗിച്ച് കാര്യങ്ങള്‍ മനസ്സിലാക്കാം എന്ന് ധരിക്കുന്നതാണ് പ്രശ്നം.

---------------------------------------------------------------------------------------------------

ഇനി സമകാലിക പ്രാധാന്യമുള്ള ഒരു വിഷയം.ഇപ്പോള്‍ വാര്‍ത്തകളില്‍ നിറഞ്ഞുനില്‍ക്കുന്നത് മറ്റൊരു തെസ്യൂസ് കപ്പലാണ്.നമ്മുടെ മുല്ലപെരിയാര്‍ ഡാം.നൂറ്റിപ്പതിനാറു വര്‍ഷം മുന്‍പ് സായിപ്പു പണിത,തെസ്യൂസിന്റെ കപ്പല്‍ പോലെ പിന്നീട് പലതവണ പുതുക്കിപ്പണിഞ്ഞ് ഇപ്പോഴും ഉപയോഗത്തിലുള്ള അത് ഇപ്പോഴും 'സായിപ്പു പണിത ഡാം' തന്നെയാണോ?ഈ തെസ്യുസ് കപ്പലിന്റെ ശരിക്കുള്ള പഴക്കം എത്രയാണ്?നൂറ്റിപ്പതിനാറ് വര്‍ഷം തന്നെ?ഡാം പണിത എഞ്ചിനീയരുടെ അമ്പതു വര്‍ഷം എന്ന ഗ്യാരണ്ടി കൂടെകൂടെ റിപ്പയര്‍ ചെയ്യപ്പെടുന്ന ഈ ഡാമിനു ബാധകമാണോ?

ഡാം ശരിക്കും ബലക്ഷയം നേരിടുന്നുണ്ടാകാം,പക്ഷേ ഇപ്പോള്‍ കേരളം പറയുന്ന കാരണങ്ങള്‍116 വര്‍ഷത്തെ പഴക്കം,50 വര്‍ഷത്തെ ഗ്യാരണ്ടി ഇത് രണ്ടും നിലനില്‍ക്കുന്നതല്ല.(ഈ അമ്പതു വര്‍ഷം ഗ്യാരണ്ടി എന്ന കണക്ക് എവിടെനിന്നു വന്നു എന്നറിയില്ല,അത് ഡാം പണിത കാലത്തെ കണക്കണോ അതോ ബ്രിട്ടീഷുകാര്‍ തന്നെ 1933 ല്‍ നടത്തിയ ഒരു മേജര്‍ റിപ്പയറിനു ശേഷമുള്ളതാണോ?പിന്നീട് നടത്തിയ കോണ്‍ക്രീറ്റ് ക്യാപ്പിംഗ്,കേബിള്‍ ആങ്കറിംഗ് ഇവക്ക് ശേഷമുള്ള ഗ്യാരണ്ടി എത്രയാണ്?)ഡാം മാറ്റിപ്പണിയാന്‍ വേറെന്തൊക്കെ ന്യായീകരണങ്ങളുണ്ടെങ്കിലും നമ്മള്‍ ഇപ്പോള്‍ പറയുന്ന കാരണങ്ങള്‍ സില്ലിയാണ്.

തമിഴ് നാട് പുതിയ ഡാമിനെ എതിര്‍ക്കുന്നത് ഈ തെസ്യൂസ് സമസ്യയെക്കുറിച്ച് ധാരണയുള്ളതുകൊണ്ടാണ്.കേരളം പുതിയ ഡാം വേണമെന്ന് നിര്‍ബന്ധം പിടിക്കുന്നതും അതേ കാരണം കൊണ്ടുതന്നെ.(തെസ്യൂസ് സമസ്യ എന്ന പേരോ അതിന്റെ തത്വശാസ്ത്ര മാനങ്ങളോ മനസ്സിലാക്കി എന്ന അര്‍ത്ഥത്തിലല്ല,മറിച്ച് ഒരു വസ്തുവിന്റെ ഐഡന്റിറ്റിയെക്കുറിച്ചുള്ള സഹജമായ ഒരു തോന്നല്‍ മാത്രം.) ഇപ്പോളുള്ള ഡാം സത്യത്തില്‍ എത്രകാലം വേണമെങ്കിലും റിപ്പയര്‍ ചെയ്ത് ഉപയോഗയോഗ്യമായി നിലനിര്‍ത്താം.അതിനൊക്കെയുള്ള സങ്കേതിക വിദ്യ ഇന്ന് നിലവിലുണ്ട്.999 വര്‍ഷത്തേക്കുപോലും ഈ ഡാം ഉപയോഗിക്കാം.

അന്നേക്ക് പക്ഷേ ഒറിജിനല്‍ അണക്കെട്ടിന്റെ ഒരു കല്ലോ സുര്‍ക്കിയുടെ ഒരംശമോ അതില്‍ അവശേഷിക്കുന്നില്ലെങ്കില്‍ കൂടി അത് 'മുല്ലപെരിയാര്‍ അണക്കെട്ട്' തന്നെയായിരിക്കും.ഈ ഡാം ഉപയോഗത്തിലിരിക്കെ ചെറിയ ചെറിയ മാറ്റങ്ങള്‍ വരുത്തി അവസാനം ഡിസൈന്‍ തന്നെ മാറി ഒരൊറ്റ ഒറിജിനല്‍ കല്ലുപോലും ശേഷിക്കാതെ വന്നാലും 'സായിപ്പു പണിത ചുണ്ണാമ്പ് സുര്‍ക്കി ഡാം' എന്ന വാദം നമ്മുക്കും ഉപേക്ഷിക്കാന്‍ പറ്റില്ല.തമിഴ്നാടിന് 'മുല്ലപെരിയാര്‍ ഡാമും' അതില്‍നിന്നു വെള്ളം ലഭിക്കാനുള്ള ലാഭകരമായ വ്യവസ്ഥകളും നിലനില്‍ക്കണം.കേരളത്തിന്‌ ഗുണകരമായ വ്യവസ്ഥകള്‍ ഉണ്ടാകണമെങ്കില്‍ 'മുല്ലപെരിയാര്‍ ഡാം' പോയെ തീരൂ.രണ്ട് കൂട്ടരുടെയും കടുംപിടുത്തത്തിനു പിന്നില്‍ തെസ്യൂസിന്റെ കപ്പലിനെക്കുറിച്ചുള്ള ആ സഹജബോധം (intutive idea) തന്നെ.(പുതിയ ഡാം പണിയാതെ പ്രശ്നം തീര്‍ക്കാം എന്നു പറഞ്ഞ മുല്ലപ്പെരിയാര്‍ സമര സമിതി ചെയര്‍മാന് കേരളത്തില്‍നിന്ന് കണക്കിന് കിട്ടുകയും ചെയ്തു.)

പുതിയ സ്ഥലത്ത് പുതിയ ഡാം പണിയാന്‍ തമിഴ്നാട് സമ്മതിച്ചില്ലെങ്കില്‍ കേരളം ഒറ്റയടിക്ക് നിലവിലുള്ള ഡാമില്‍ വളരെ വലിയൊരു മാറ്റം വരുത്തി അതിന്റെ പേര് 'ന്യൂ മുല്ലപെരിയാര്‍ ഡാം' എന്നോ മറ്റോ ആക്കിയാലും മതി.കേരളത്തിന്റെ ഉദ്ദേശം നടക്കും.(ചുരുങ്ങിയ കാലയളവില്‍ വലിയ മാറ്റം വരുത്തിയാല്‍ ആ വസ്തു പുതിയതാകും.അതിന്റെ ഐഡന്റിറ്റി മാറും.Atleast so goes our intutive thinking.
-

മനോമാലിന്യം (psychological contagion)

2011-12-24T09:30:00.000+05:30

ഈ പോസ്റ്റിന്റെ ആദ്യ ഭാഗം ഇവിടെ വായിക്കാം.......അനുകരണ മാന്ത്രികവിദ്യ (Imitative magic)

ആ പോസ്റ്റിന്റെ ചുരുക്കം........RECAP ...

--- നമ്മുടെ മസ്തിഷ്കത്തിന്റെ ഒരു അടിസ്ഥാന പ്രവര്‍ത്തന രീതിയാണ്‌ 'സത്താവാദം' എന്ന 'essentialism'(എല്ലാ വസ്തുക്കള്‍ക്കും അതിന്റെ വ്യക്തിത്വത്തിനു കാരണമായ ഒരു എസ്സെന്‍സ് ഉണ്ട്.ഒരു വസ്തുവിന്റെ ലക്ഷണങ്ങള്‍ /സ്വഭാവം /ഈ ലോകത്ത് അത് എങ്ങിനെ പെരുമാറും എന്നതൊക്കെ ഈ എസ്സെന്സിന്ടെ അടിസ്ഥാനത്തില്‍ പ്രവചിക്കാം/മനസ്സിലാക്കാം.) നമുക്ക് പരിചയമുള്ള വസ്തു പോലെ കാണപ്പെടുന്ന പുതിയ വസ്തുവിനും അതേ സ്വഭാവവിശേഷങ്ങള്‍ ഉണ്ടാകും.മസ്തിഷ്കത്തിന്റെ വളരെ ഫലപ്രദമായ ഒരു ഷോര്‍ട്ട്കട്ട് ആണിത്.Almost always out there in the real world,appearence IS reality.Satisfies our need for economy of processing.(പക്ഷേ ഇതുപോലുള്ള പരിഹാസ്യതയും സഹിക്കേണ്ടിവരും.Severe Islamic law which banned 'suggestive' cucumbers cost Al Qaeda public support in Iraq.സ്ത്രീകള്‍ ചില പ്രത്യേക 'ഷേപ്പിലുള്ള' പച്ചക്കറികള്‍ വാങ്ങുന്നത് നിരോധിച്ചിരിക്കുകയാണത്രേ. ചില പച്ചക്കറികള്‍ പുരുഷന്മാരാണത്രെ.:-) സമാനമായ മറ്റൊരു ലിങ്ക്....Islamic cleric bans women from touching bananas, cucumbers for sexual resemblance.

--- ഈ ചിന്താരീതി സര്‍ ജെയിംസ്‌ ഫ്രേസര്‍ ആദ്യമായി വിശദീകരിച്ചപോലെ അനുകരണ മാന്ത്രികവിദ്യയിലേക്ക് നയിക്കും.അനുകരണ മാന്ത്രികവിദ്യയുടെ രണ്ടു പ്രധാന നിയമങ്ങള്‍ ഇവയാണ്.(1) സാമ്യതാനിയമം (homeopathic magic):കാഴ്ചയിലുള്ള സാമ്യം യാഥാര്‍ഥ്യത്തെ കുറിക്കുന്നു-appearance equals reality. (2) ഗുണവ്യാപന നിയമം(Law of contagion):സമ്പര്‍ക്കം മൂലം ഗുണങ്ങള്‍ കൈമാറ്റം ചെയ്യപ്പെടും.-physical contact leads to transfer of properties.മന്ത്രിച്ചൂതിയ വെള്ളത്തിനും നിശ്ചല്‍ തുപ്പിയ മദ്യത്തിനും(കിലുക്കം) കാഴ്ചയില്‍ ഒരു മാറ്റവും വന്നിട്ടില്ലെങ്കിലും ആ പ്രവര്‍ത്തികൊണ്ട് അവക്ക് ശരിക്കും മാറ്റമുണ്ടായിട്ടുണ്ട്.(മന്ത്രിച്ച വെള്ളത്തില്‍ വിശ്വാസമില്ലാത്തവര്‍ക്കുപോലും നിശ്ചല്‍ തുപ്പിയ മദ്യം ജോജിക്ക് കുടിക്കാന്‍ പറ്റില്ല എന്ന കാര്യത്തില്‍ മറിച്ചൊരഭിപ്രായമുണ്ടാകനിടയില്ല.:-))

കൂടുതല്‍ വായിക്കുക »

ബ്ലോഗിന്റെ മൂന്നാം പിറന്നാള്‍

2011-12-15T12:32:00.001+05:30

ഇന്ന് ഈ ബ്ലോഗിന്റെ ഹാപ്പി ബര്‍ത്ത്ഡേയാണ്.ബ്ലോഗിന് മൂന്നു വയസ്സ്.(ഇനിയൊരു നാലാം പിറന്നാള്‍ തികക്കുമോ എന്നറിയില്ല.അങ്ങ് നിര്‍ത്തിയാലോ എന്നലോചിക്കുകയാണ്. കണ്ടമാനം സമയവും അധ്വാനവും വേണ്ടിവരുന്ന പണിയാണ്.അതിനു തക്ക പ്രയോജനമൊന്നുമില്ലതാനും.) ഏതായാലും പതിവുപോലെ ഒരു ചുമര്‍ ചിത്രം.To mark the occasion.ശിവന്‍ മോഹിനി രൂപത്തിലുള്ള വിഷ്ണുവിനെ (വിഷ്ണുമായ) പീഡിപ്പിക്കാന്‍ ശ്രമിക്കുന്നു.:-)

Siva trying to seduce mohini (Vishnu).The bull Nandi obviously amused by his master's antics,is eager for some voyeuristic pleasure,but pretends uninterested in the proceedings for the sake of pleasing an angry Parvathi.

കോട്ടക്കല്‍ വെങ്കിട്ടത്തേവര്‍ ശിവക്ഷേത്രത്തിലേതാണ് ഈ ചുവര്‍ ചിത്രം. ഈ ചിത്രങ്ങള്‍ കൊല്ലവര്‍ഷം 1041 മുതല്‍ 1053 (1866-1878)വരെയുള്ള കാലഘട്ടത്തില്‍ പൂന്തനത്ത് കൃഷ്ണപ്പിഷാരൊടിയുടെ ശിഷ്യന്‍ എളങ്ങമറത്തില്‍ ശങ്കരന്‍നായരും അദ്ദേഹത്തിന്റെ ശിഷ്യന്‍ ആരങ്ങാട്ടെ ഭരതപ്പിഷാരൊടിയും ചേര്‍ന്ന് വരച്ചതാണ്.

ഇനി ഈ ചിത്രം ഞാന്‍ ഫോട്ടോഷോപ്പില്‍ വരച്ചത്.ഏകദേശം ആറുമാസത്തെ അധ്വാനം.ആയിരത്തിനടുത്ത് ലെയറുകള്‍ ‍.

ഈ ചിത്രം വരച്ച എളങ്ങമറത്തില്‍ ശങ്കരന്‍നായര്‍ സാമൂതിരിയുടെ കാലത്തെ അറിയപ്പെടുന്ന ഒരു

കൂടുതല്‍ വായിക്കുക »

അനുകരണ മാന്ത്രികവിദ്യ (Imitative magic)

2011-11-04T12:14:00.000+05:30

ഈ ചിത്രങ്ങള്‍ നോക്കുക.ഇവയ്ക്കെല്ലാം പൊതുവായുള്ള കാര്യമെന്താണെന്നു പറയാമോ?ക്ലൂ തരാം.ഇവയെല്ലാം ലോകത്തിലെ ഏതെങ്കിലുമൊക്കെ ജനതകള്‍ ഒരു പ്രത്യേക കാര്യത്തിന് പ്രതിവിധിയായി ഉപയോഗിച്ചിരുന്നതാണ്/ഇപ്പോഴും ഉപയോഗിക്കുന്നുണ്ട്.

ആര്‍ക്കും പിടികിട്ടിയില്ലെങ്കില്‍ ഉത്തരം ഇവയെല്ലാം ലൈംഗികോത്തേജകങ്ങളെന്ന് പുകഴ്പെറ്റ സാധനങ്ങളാണ് എന്നാണ്. പക്ഷേ വിഷയം അതല്ല.എന്തുകൊണ്ട് ഇവകള്‍ക്ക് അത്തരം ഒരു കഴിവുണ്ടെന്ന് പലപ്പോഴും ലോകത്തിന്റെ രണ്ടറ്റത്ത് രണ്ടു സമയങ്ങളില്‍ പരസ്പരം ബന്ധപ്പെടാതെ ജീവിച്ചിരുന്ന ആളുകള്‍ക്കുപോലും ഇങ്ങനെ ഒരേ സാധനങ്ങളേക്കുറിച്ച് ഒരേ തരത്തിലുള്ള ധാരണകളുണ്ടാകുന്നു?(ഇവക്കൊന്നും സത്യത്തില്‍ അത്തരം കഴിവുകളില്ല താനും.)

ചിത്രങ്ങളിലെ ആ വസ്തുക്കള്‍ക്കും ഇവകള്‍ ഫലം ചെയ്യുമെന്ന് ഉദ്ദേശിക്കുന്ന അവയവങ്ങളും തമ്മിലുളള രൂപസാമ്യം ശ്രദ്ധച്ചോ?

കൂടുതല്‍ വായിക്കുക »

രൂപകങ്ങള്‍ (metaphors)

2011-09-09T09:19:00.000+05:30

ഷേക്ക്സ്പിയറുടെ മാക്ക്ബത്തിലെ ഈ വരികള്‍ നോക്കൂ.

''Out, out, brief candle !
Life's but a walking shadow,a poor player
That struts and frets his hour upon stage,
And then is heard no more.It's a tale
Told by an idiot,full of sound and fury,
Signifying nothing.''

ഷേക്സ്പിയര്‍ ഈ പറയുന്നത് ഒരു മെഴുകുതിരിയെക്കുറിച്ചോ,അല്ലെങ്കില്‍ ഏതെങ്കിലും ഒരു നാടക സ്റ്റേജിനെക്കുച്ചോ അതുമല്ലെങ്കില്‍ ഏതെങ്കിലും ഒരു വിഡ്ഢിയെക്കുറിച്ചൊന്നുമല്ല എന്നു വ്യക്തമാണ്.പക്ഷേ ഇത് വായിക്കുന്നവര്‍ക്ക് ഷേക്സ്പിയര്‍ ഉദ്ദേശിക്കുന്നത് എന്താണെന്നു മനസ്സിലാകുകയും ചെയ്യുന്നുണ്ട്.(ജീവിതം മെഴുകുതിരി പോലെ നീണ്ടുരുണ്ട ഒരു സാധനമാണ് എന്നൊന്നും ആരും മനസ്സിലാക്കില്ല.) ജീവിതത്തെ വിവരിക്കാന്‍ ഷേക്സ്പിയര്‍ ഉപയോഗിക്കുന്ന ഈ വാക്കുകള്‍ പരസ്പരം ഒരു മുന്‍കൂര്‍ ചര്‍ച്ചയുമില്ലാതെത്തന്നെ എല്ലാവര്‍ക്കും മനസ്സിലാകുന്നു എന്നത് ഒരു അത്ഭുതമല്ലെ?

When I use a word,' Humpty Dumpty said, in rather a scornful tone, 'it means just what I choose it to mean — neither more nor less.
''The question is,' said Alice, 'whether you can make words mean so many different things.'.......
...........'I meant by "impenetrability" that we've had enough of that subject, and it would be just as well if you'd mention what you mean to do next, as I suppose you don't mean to stop here all the rest of your life.'
'That's a great deal to make one word mean,' Alice said in a thoughtful tone.
'When I make a word do a lot of work like that,' said Humpty Dumpty, 'I always pay it extra.' (Through the looking glass-Lewis Carroll)

ഹംപ്റ്റി ഡംപ്റ്റി പറയുന്നപോലെ വാക്കുകള്‍ക്ക് തോന്നുന്ന അര്‍ത്ഥം കൊടുക്കാമോ?ഭാഷാപ്രയോഗങ്ങളും അവയുടെ അര്‍ത്ഥങ്ങളും വെറും ആകസ്‌മികമാണോ?Does they have a coherence or consistency?Or are they assigned just randomly? ഭാഷയിലെ രൂപകങ്ങള്‍ അഥവാ metaphors നെക്കുറിച്ചാണ് ഈ പോസ്റ്റ്.വളരെ അമൂര്‍ത്തമായ

കൂടുതല്‍ വായിക്കുക »

'തേര്‍ഡ് മാന്‍' ഫാക്ടര്‍ (വിശ്വാസത്തിന്റെ ശാസ്ത്രം -നാല്)

2011-07-23T18:59:00.002+05:30

ഈ സീരിസിലെ മറ്റു പോസ്റ്റുകള്‍ ‍....

ആദ്യഭാഗം വിശ്വാസത്തിന്റെ ശാസ്ത്രം........... രണ്ടാം ഭാഗം അന്തര്‍ജ്ഞാന വിരുദ്ധമായ ധാരണകള്‍ -- വിശ്വാസത്തിന്റെ ശാസ്ത്രം (ഭാഗം രണ്ട്) മൂന്നാം ഭാഗം...തിയറി ഓഫ് മൈന്‍ഡ് ('ToM')-വിശ്വാസത്തിന്റെ ശാസ്ത്രം.(ഭാഗം-മൂന്ന്.) ഇവിടെ......

കഴിഞ്ഞ പോസ്റ്റില്‍ നമ്മള്‍ 'മനുഷ്യരൂപാരോപണത്തേക്കുറിച്ചാണ് -anthropomorphism-(tendency to attribute mental lives to nonhumans) ചര്‍ച്ച ചെയ്തിരുന്നത്.അത് തുടരാം. എന്തിനും ഏതിനും തന്നെ ബാധിക്കുന്ന കാരണങ്ങളുണ്ട്,അഥവാ 'മനുഷ്യത്തമുള്ള' ഒരു അദൃശ്യശക്തി പ്രവര്‍ത്തിക്കുന്നുണ്ട് എന്നനുമാനിക്കുന്ന ഒരു ബ്രെയിന്‍ സോഫ്റ്റ് വെയര്‍ വളരെ ഉപകാരപ്രദമാണ്.അത് പക്ഷേ കാരണമൊന്നും വേണ്ടാത്ത കാര്യങ്ങള്‍ക്കും ഒരു കര്‍ത്താവിനെ അന്വേഷിച്ചുപോകും.എന്തിനും ഏതിനും ഒരു ജീവനോ മനസ്സോ ഉദ്ദേശമോ സങ്കല്‍പ്പിക്കുന്ന ഈ രീതി വളരെ വിചിത്രമായ ചില വിശ്വാസങ്ങളിലേക്കും നയിക്കും.

“The belief in spiritual agencies would easily pass into the belief in the existence of one or more gods. For savages would naturally attribute to spirits the same passions, the same love of vengeance or simplest form of justice, and the same affections which they themselves experienced.” Charles Darwin-Descent of Man

നിങ്ങളുടെ മുന്നിലിരിക്കുന്ന കമ്പ്യൂട്ടറോ, അല്ലെങ്കില്‍ അതിലെ ഏതെങ്കിലും ഒരു പ്രോഗ്രാമോ മനഃപൂര്‍വ്വം നിങ്ങള്‍ക്കിട്ടു പണിയുന്നുണ്ട്,നിങ്ങള്‍ക്കെതിരെ ഗൂഢാലോചന നടത്തുന്നുണ്ട് എന്ന് ചിലപ്പോഴെങ്കിലും തോന്നാത്ത ആരുണ്ട്?പ്രത്യേകിച്ചും ഒരേ തരം ഉപദ്രവം ആവര്‍ത്തിക്കുമ്പോള്‍ ‍?നിങ്ങളുടെ കമ്പ്യൂട്ടറിനെ ഇതുവരെ ഒരിക്കലും തെറി വിളിച്ചിട്ടില്ലാത്തവര്‍ കൈ പൊക്കുക.:-) ബ്രേക്ക് ഡൌണായ കാറിനോട് അപേക്ഷിക്കുകയും ഒന്നും പറ്റിയില്ലെങ്കില്‍ അതിനെ ഭീഷണിപ്പെടുത്തുന്നതും ഒക്കെ നമുക്ക് സ്വാഭാവികമായി വരുന്നതാണ്,ഏതു യുക്തിവാദിക്കും:-) വിശ്വാസി തീര്‍ച്ചയായും ദൈവത്തിന്റെ ഇടപെടല്‍ ആവശ്യപ്പെട്ടിരിക്കും,ഈ കുരുത്തം കെട്ട യന്ത്രങ്ങളെ മര്യാദ പഠിപ്പിക്കാന്‍.ഈ 'anthropomorphism'(tendency to attribute mental lives to nonhumans) ഒന്ന് വലിച്ചുനീട്ടിയാല്‍ പ്രകൃത്യാതീത ശക്തികളിലുള്ള വിശ്വാസമായി.

(ആദ്യമായി Road rash എന്ന ഗെയിം കളിച്ചപ്പോള്‍ എന്നെ ചുമ്മാ ചവിട്ടിവീഴ്ത്തിയ ഒരു ചുവന്ന കുപ്പായക്കാരനോട് എനിക്ക് കുറെകാലം ഭയങ്കര കലിയായിരുന്നു.:-) തരം കിട്ടുമ്പോഴൊക്കെ അകാരണമായി 'എന്നെ' (just some colored pixels on a computer screen) ചവിട്ടിയ 'അവനിട്ട്' (another set of color pixels on the screen) തിരിച്ചും നല്ല ചവിട്ട് കൊടുത്തിരുന്നു.അങ്ങനെ വിട്ടാല്‍ കൊള്ളുകേലല്ലോ:-)

കൂടുതല്‍ വായിക്കുക »

തിയറി ഓഫ് മൈന്‍ഡ് ('ToM')-വിശ്വാസത്തിന്റെ ശാസ്ത്രം.(ഭാഗം-മൂന്ന്.)

2011-07-01T11:39:00.004+05:30

ഈ പോസ്റ്റിന്റെ ആദ്യഭാഗം വിശ്വാസത്തിന്റെ ശാസ്ത്രം........... രണ്ടാം ഭാഗം അന്തര്‍ജ്ഞാന വിരുദ്ധമായ ധാരണകള്‍ -- വിശ്വാസത്തിന്റെ ശാസ്ത്രം (ഭാഗം രണ്ട്) ഇവിടെ......

അപ്പോള്‍ തലച്ചോര്‍ വിശ്വാസത്തെ സൃഷ്ടിക്കുന്നതെങ്ങിനെ?വസ്തുക്കളെ മനസ്സിലാക്കാന്‍ നമ്മുടെ തലച്ചോറ് വ്യത്യസ്ഥമായ രണ്ടു അവബോധ പദ്ധതികള്‍ (cognitive systems) ഉപയോഗപ്പെടുത്തുന്നുണ്ട്.ജീവനുള്ള വസ്തുക്കളെ സംബന്ധിക്കുന്ന ഒന്നും(folk biology and folk psychology) അചേദന വസ്തുക്കളെ സംബന്ധിക്കുന്ന മറ്റൊന്നും(folk physics).അഞ്ചു മാസം പ്രായമുള്ള ശിശുക്കള്‍ക്കുപോലും ഒരു അചേദന വസ്തുവും സചേദന വസ്തുവും തമ്മിലുള്ള വ്യത്യാസമറിയാം.ഉദാഹരണത്തിന് ഒരു അചേദന വസ്തു സ്വയം ചലിക്കുന്നതു കാണുമ്പോള്‍ അത്ഭുതം പ്രകടിപ്പിക്കുന്ന കുഞ്ഞ് ഒരു ജീവനുള്ള വസ്തു സ്വയം ചലിക്കുന്നതില്‍ ഒരു അത്ഭുതവും കാണില്ല.Even babies expect ordinary objects to obey the laws of physics and move in a predictable way.Living things, on the other hand, have their own intentions and goals, and move however they choose.അചേദനവസ്തുക്കള്‍ ചലിക്കുന്നത് ബാഹ്യമായ കാരണങ്ങള്‍ക്കൊണ്ടാണെങ്കില്‍ ജീവനുള്ള വസ്തുക്കള്‍ അങ്ങനെയല്ല.അതായത് താനടക്കമുള്ള ജീവനുള്ള വസ്തുക്കള്‍ക്ക് 'മനസ്സ്' അഥവാ അന്തഃകരണം എന്നൊരു സംഭവം കൂടുതലായുണ്ട്.

മറ്റുള്ളവരുടെ ഈ മനസ്സ് തന്നില്‍നിന്നും വ്യത്യസ്തമായിരിക്കും.മറ്റു സാധനങ്ങളേപ്പോലെയല്ല, സ്വന്തമായി മനസ്സുള്ള സാധനങ്ങള്‍ പ്രവര്‍ത്തിക്കുന്നത് ലോകത്തെക്കുറിച്ച് അവര്‍ക്കുള്ള ചില ധാരണകളുടെ അടിസ്ഥാനത്തിലാണ്.അവരുടെ ചലന കാരണം അവരുടെ ഉള്ളിലായിരിക്കും.അത് മറ്റുള്ളവര്‍ക്ക് മനസ്സിലാക്കാന്‍ എളുപ്പമല്ല.'തന്നതില്ലപരനുള്ളുകാട്ടുവാന്‍ ഒന്നുമേ നരനുപായമീശ്വരന്‍' എന്ന് കവിവാക്യം.ഇതാണ് തിയറി ഓഫ് മൈന്‍ഡ്,Theory of mind (ToM).അന്തഃകരണ ബോധം എന്ന് വേണമെങ്കില്‍ മലയാളത്തില്‍ പറയാം.ഭൌതിക ലോകത്തെ മനസ്സിലാക്കുന്നതും ആളുകളുടെ മനസ്സ് മനസ്സിലാക്കുന്നതുമായ രണ്ടു അവബോധ പദ്ധതികളും (cognitive systems) ഏറെക്കുറെ സ്വതന്ത്രമായാണ് പ്രവര്‍ത്തിക്കുന്നത്.

എന്തുകൊണ്ട് തിയറി ഓഫ് മൈന്‍ഡ് ('ToM')?

ലഘുവായ ഉത്തരം മനുഷ്യന്‍ ഒരു സാമൂഹ്യ ജീവിയാണ് എന്നതാണ്.ഒരു സമൂഹ്യജീവിക്ക് അവശ്യം വേണ്ട ഒരു ധാരണയാണ്‌ മറ്റുള്ളവര്‍ക്കും തന്നെപ്പോലെത്തന്നെ ആഗ്രഹങ്ങളും ആവശ്യങ്ങളും ഉണ്ടെന്നും അവയ്ക്കനുസരിച്ചാണ് അവരുടെ പ്രവര്‍ത്തനം എന്നും.നല്ലൊരു ചെസ്സ്‌ കളിക്കാരനെപോലെ അപരന്റെ മനസ്സ് വായിക്കാനുള്ള കഴിവും,അതേപോലെ തന്റെ മനസ്സും അപരന്‍ വായിക്കുന്നുണ്ടെന്നും,അതിനനുസരിച്ച് അയാള്‍ പെരുമാറുമെന്നും,അത് താന്‍ മനസ്സിലാക്കുമെന്ന് അയാള്‍ മനസ്സിലാക്കുമെന്ന് തനിക്ക് മനസ്സിലാകുമെന്ന് അയാള്‍ക്ക് മനസ്സിലാകുമെന്ന് തനിക്ക് മനസ്സിലാകുമെന്ന് .....It goes on and on.It allows us to anticipate the actions of others and to lead others to believe what we want them to believe.That's in short is theory of mind.അപരന്‍ മനസ്സില്‍ കാണുന്നത് മാനത്ത് കാണാനുള്ള കഴിവ്.സാദാ സമയവും 'ഒന്നും കാണാതെ നമ്പൂരി (ഒരാളും) വെള്ളത്തില്‍ ചാടില്ല' എന്ന് ചിന്തിക്കാനുള്ള കഴിവ്.Scott Atran ഇതിനെ 'പഴമനഃശാസ്ത്രം' അഥവാ folk psychology എന്നാണ് വിളിക്കുന്നത്‌.'ToM'എന്നത് സാമൂഹ്യ വഴികാട്ടിയായോ ഒരു അതിജീവനപദ്ധതിയായോ (social navigation and survival tool)പരിണമിച്ചുണ്ടായതായിരിക്കാം.സ്വയേച്ഛയാല്‍ പ്രവര്‍ത്തിക്കുന്നവരാണ് തങ്ങളെന്ന് സ്വയം മനസ്സിലാക്കുന്ന ജീവികള്‍ക്കേ ഈ തിയറി ഓഫ് മൈന്‍ഡ് ('ToM') കൊണ്ട് ആവശ്യമുള്ളൂ.

കൂടുതല്‍ വായിക്കുക »

അന്തര്‍ജ്ഞാന വിരുദ്ധമായ ധാരണകള്‍ -- വിശ്വാസത്തിന്റെ ശാസ്ത്രം (ഭാഗം രണ്ട്)

2011-06-08T10:45:00.001+05:30

വിശ്വാസത്തിന്റെ ശാസ്ത്രം എന്ന പോസ്റ്റിന്റെ തുടര്‍ച്ച....

എന്താണ് ദൈവം ?

ദൈവത്തെക്കുറിച്ച് പറയുമ്പോള്‍ റിച്ചാര്‍ഡ്‌ ഡോക്കിന്‍സ്‌ പഴയ നിയമത്തിലെ ദൈവത്തെ വിവരിക്കുന്ന (കു)പ്രസിദ്ധമായ ആ ഭാഗം വിട്ടുകളഞ്ഞ് പോസ്റെഴുതുന്നതെങ്ങിനെ?:-)

“The God of the Old Testament is arguably the most unpleasant character in all fiction: jealous and proud of it; a petty, unjust, unforgiving control-freak; a vindictive, bloodthirsty ethnic cleanser; a misogynistic, homophobic,racist, infanticidal,genocidal,filicidal,pestilential,megalomaniacal,sadomasochistic, capriciously malevolent bully.” -Richard Dawkins

അതവിടെ നില്കട്ടെ....ദൈവത്തിന്റെ ഉണ്മയിലുള്ള വിശ്വാസത്തേക്കുറിച്ചു പറയുമ്പോള്‍ ദൈവം എന്നതിന് ലോകത്തെ എല്ലാ സമൂഹങ്ങളുടെയും എല്ലാ പ്രാര്‍ത്ഥനാസങ്കല്‍പ്പങ്ങളേയും ഉള്‍കൊള്ളുന്ന ഒരു നിര്‍വ്വചനം വേണ്ടെ? ദൈവസങ്കല്‍പ്പങ്ങളെല്ലാം വൈവിധ്യവും പരസ്പരം വൈരുധ്യവുമാര്‍ന്നതാണ് എന്നൊരു പൊതു ധാരണയുണ്ട്.എന്നാല്‍ കൂടുതല്‍ ആലോചിച്ചാല്‍ ഇത്ര സാധാരണമായ (mundane)സങ്കല്‍പ്പം വേറെയില്ലെന്ന് കാണാം. പ്രീതിപ്പെടുത്തിയാലോ നിര്‍ബന്ധിച്ചാലോ നമ്മുടെ ഇഷ്ടങ്ങള്‍ നിറവേറ്റിത്തരുന്ന ശക്തി,അതാണല്ലോ ദൈവം.(പ്രാര്‍ത്ഥനയ്ക്ക് പ്രശസ്തമായ ഡെവിള്‍സ് ഡിക്ഷണറിയില്‍ കൊടുത്തിരിക്കുന്ന അര്‍ത്ഥം ഇങ്ങനെയാണ്....Pray:To ask that the laws of the universe be annulled in behalf of a single petitioner confessedly unworthy.:-))

നെറ്റിയില്‍ മൂന്നാമതൊരു കണ്ണുള്ള,ചുടലഭസ്മധാരിയായ ശിവന്‍ മുതല്‍ ആകാശത്തെ താടിക്കാരനായ ആ വയസ്സനും(നമ്മുടെ മൈക്കലാഞ്ചലോ വരച്ചത്) അഞ്ചപ്പം കൊണ്ട് അയ്യായിരം പേരെ തീറ്റിയ,വെള്ളത്തിന്‌ മീതെ നടന്ന അദ്ദേഹത്തിന്റെ പുത്രനും, കൂടെകൂടെ സ്വന്തം കഴിവുകളെ സ്വയം പുകഴ്ത്തിയും,അനുസരണക്കേട്‌ കാട്ടുന്നവരെ കഠിനമായി ശിക്ഷിക്കുമെന്ന് ഭീഷണിപ്പെടുത്തിയും ആ വിവരം പ്രസിദ്ധപ്പെടുത്താന്‍ ഒരു പുസ്തകം തന്നെ രചിക്കുകയും ചെയ്ത അല്ലാഹുവും,ഇപ്പോള്‍ മ്യൂസിയങ്ങളില്‍ മാത്രം കഴിയാന്‍ വിധിക്കപ്പെട്ട പഴയ പ്രതാപിയായ ദേവരാജാജാവായ അപ്പോളോയും,ഇഷ്ടപ്പെടാത്തവരുടെ ഭക്ഷണത്തില്‍ അശുദ്ധ വസ്തുക്കള്‍ കൊണ്ടിടുകയും,ഇഷ്ടപ്പെടുന്നവരുടെ അടിമയായി വര്‍ത്തിക്കുകയും ചെയ്യുന്ന കുട്ടിച്ചാത്തനും,മരിച്ചുപോയ ഏതെങ്കിലും പൂര്‍വ്വികനും,എന്തിന്,സാധാരണ അര്‍ത്ഥത്തിലുള്ള ദൈവത്തിന്റെ എതിരാളിയായ സാക്ഷാല്‍ ലൂസിഫെര്‍ എന്ന സാത്താനും വരെ വേണ്ട രീതിയില്‍ കൈകാര്യം ചെയ്യാല്‍ നമ്മുടെ ആഗ്രഹങ്ങള്‍ സാധിപ്പിച്ചുതരുന്ന ശക്തികള്‍ എന്ന വിശാലാര്‍ഥത്തില്‍ 'ദൈവം' എന്ന നിര്‍വ്വചനത്തില്‍ പെടുത്താം.ഇത്തരത്തിലുള്ള ദൈവങ്ങള്‍ പ്രധാനപ്പെട്ടവ മാത്രം ആയിരത്തിഎണ്ണൂറോളം വരുമത്രെ.ഈ പറഞ്ഞ എതെങ്കിലുമൊക്കെ ശക്തികളില്‍ അത്മാര്‍ത്ഥമായി വിശ്വസിക്കുന്ന ആളുകളാണ് ഭൂരിഭാഗവും.(ഏറ്റവും രസകരം വിശ്വാസികള്‍ ഈ ആയിരത്തി എണ്ണൂറില്‍ ആയിരത്തി എഴുനൂറ്റി തൊണ്ണൂറ്റൊന്‍പതിന്റെ കാര്യത്തിലും നല്ല എണ്ണം പറഞ്ഞ അവിശ്വാസികളാണ് എന്നതാണ്.നിരീശ്വരവാദികള്‍ ആ ബാക്കി ഒരെണ്ണം കൂടി ചേര്‍ത്ത് മൊത്തം അവിശ്വസിക്കുന്നു.അത്രമാത്രം.:-))

ഇനി ഈ ശക്തികള്‍ക്ക് പൊതുവായുള്ള കാര്യം എന്താണ്?പാസ്കല്‍ ബോയര്‍ എന്ന ആന്ത്രോപോളജിസ്റ്റിന്റെ അഭിപ്രായത്തില്‍ ഇവയെല്ലാം 'നിസ്സാരമായ തോതില്‍ അന്തര്‍ജ്ഞാന വിരുദ്ധതയുള്ള ധാരണ'കളാണ്.അതായത് minimally counter intuitive concepts (MCI).

കൂടുതല്‍ വായിക്കുക »

തൃശൂര്‍ പൂരം-2011.....വെടിക്കെട്ട്‌..!!..

2011-05-20T18:16:00.000+05:30

കൂടുതല്‍ വായിക്കുക »

തൃശൂര്‍ പൂരം-2011...കുടമാറ്റം...

2011-05-19T18:25:00.001+05:30

പ്രസിദ്ധമായ തെക്കോട്ടിറക്കം.ആരാ പറഞ്ഞത് പൂരത്തിന് സ്ത്രീ പങ്കാളിത്തമില്ലെന്ന്?.ചിത്രം നോക്കുക.ധാരാളം സ്ത്രീകളും കുട്ടികളും കുടമാറ്റം കാണാനുണ്ടായിരുന്നു.

തിരുവമ്പാടി വിഭാഗവും കുടമാറ്റത്തിന് റെഡി.

പാറമേക്കാവിന്റെ ഞൊറി വച്ച കുട.

തിരുവമ്പാടിയുടെ കാവടി കുട

പാറമേക്കാവിന്റെ മൂന്നുനില കുട

പാറമേക്കാവിന്റെ സ്പെഷ്യല്‍ അര്‍ദ്ധനാരീശ്വരന്‍ കുട

പാറമേക്കാവിന്റെ നാലുനില കുട

പാറമേക്കാവിന്റെ സ്പെഷ്യല്‍ എല്‍ ഇ ഡി കുട

ഈ തിരക്കില്‍ ചമ്മന്തിയായിപ്പോയ ഞാന്‍ (ശരിക്കും ജീവഭയം തോന്നിപ്പോയി.) വലിഞ്ഞിഴഞ്ഞ് വീട്ടിലേക്ക്.റെസ്റ്റെടുത്ത ശേഷം വീണ്ടും വെടിക്കെട്ടിന്.

തൃശൂര്‍ പൂരം-2011.....ചില രാത്രി കാഴ്ചകള്‍

തൃശൂര്‍ പൂരം-2011...പകല്‍ കാഴ്ചകള്‍

തൃശൂര്‍ പൂരം-2011.....വെടിക്കെട്ട്‌..!!..
--

തൃശൂര്‍ പൂരം-2011...പകല്‍ കാഴ്ചകള്‍

2011-05-18T16:34:00.000+05:30

തൃശൂര്‍ പൂരം-2011.....ചില രാത്രി കാഴ്ചകള്‍

തൃശൂര്‍ പൂരം-2011...പകല്‍ കാഴ്ചകള്‍

ചെറു പൂരങ്ങള്‍

പ്രസിദ്ധമായ മഠത്തില്‍ വരവ്

പൂരം കാണാന്‍ സ്റ്റൈല്‍ മന്നനും‍...!!!..;-)

പാറമേക്കാവ് ഭഗവതി ഇലഞ്ഞിത്തറയിലേക്ക്.....

ഇലഞ്ഞിതത്തറ മേളം.

മഠത്തില്‍ വരവ് വടക്കുംനാഥന്റെ മുറ്റത്ത്

-

തൃശൂര്‍ പൂരം-2011.....ചില രാത്രി കാഴ്ചകള്‍

2011-05-17T10:35:00.000+05:30

തിരുവമ്പാടി ക്ഷേത്രം

പാറമേക്കാവ് ക്ഷത്രം

പാറമേക്കാവ് ആനച്ചമയങ്ങള്‍

ഒരു പനോരമ. നാലു ചിത്രങ്ങള്‍ കൂട്ടിച്ചേര്‍ത്തത്.

തിരുവമ്പാടി ആനച്ചമയങ്ങള്‍

ബാക്കി പൂരചിത്രങ്ങള്‍ പുറകെ വരുന്നുണ്ട്....

-------------------------------------

പഴയ തൃശൂര്‍ പൂരം ബ്ലോഗ്‌ പോസ്റ്റുകള്‍ ....

2009

തൃശൂര്‍ പൂരം ---2009 ചില പൂര കാഴ്ചകള്‍

തൃശൂര്‍ പൂരം ---2009 ചില പൂരകാഴ്ചകള്‍ കൂടി (ഫോട്ടോ)

തൃശൂര്‍ പൂരം ---2009 വീണ്ടും ചില പൂരച്ചിത്രങ്ങള്‍.

2010

തൃശൂര്‍ പൂരം - വെടിക്കെട്ട്‌ !!

-

വിശ്വാസത്തിന്റെ ശാസ്ത്രം...........

2011-05-02T16:19:00.000+05:30

''The most common of all follies is to believe passionately in the palpably not true.'' -H.L.Mencken

ദൈവ/മത വിശ്വാസത്തിന്റെ അവബോധ ശാസ്ത്രത്തെപ്പറ്റി (cognitive science) മലയാളം ബ്ലോഗില്‍ ആരും ചര്‍ച്ച ചെയ്തിട്ടില്ല എന്നാണ് തോന്നുന്നത്.ദൈവവിശ്വാസത്തിന്റെ ഉത്ഭവത്തെ കുറിച്ച് ആകെ കാണാവുന്നത് സ്ഥിരം ചില ആഴകൊഴമ്പന്‍ വാദങ്ങള്‍ ആധുനിക ന്യൂറോസയന്‍സിന്റേയൊന്നും പിന്‍ബലമില്ലാതെ അവതരിപ്പിക്കുക എന്നതാണ്.

..... ''പാവപ്പെട്ടവരെ നിയന്ത്രിക്കാന്‍ വേണ്ടി, കലാകാലങ്ങളായി അധികാര വര്‍ഗ്ഗം കെട്ടിച്ചമച്ച കെട്ടുകഥയാണ് ദൈവം, മതം മുതലായവ.'' ''ബുദ്ധി ഉറക്കുന്നതിനു മുന്‍പ് തന്നെ അവന്റെ മസ്തിഷ്ക്കത്തില്‍ "ദൈവം" എന്ന ചിന്ത അടിച്ചേല്‍പ്പിക്കപ്പെടുന്നു. അതിനു വിരുദ്ധമായി ചിന്തിക്കാതിരിക്കാന്‍ മസ്തിഷ്കത്തിന് ചുറ്റും നരകം തുടങ്ങിയ വേലികള്‍ കെട്ടി വെയ്ക്കുന്നു. തുടര്‍ന്ന് ആ വേലിക്കെട്ടിനുള്ളില്‍ തന്നെ ഒരുവന്‍ അവന്റെ ജീവിതം മുഴുവന്‍ ജീവിക്കുന്നു..........''

......''പ്രപഞ്ചത്തില്‍ തന്നെ വിസ്മയിപ്പിച്ച ചോദ്യങ്ങള്‍ക്ക് ഉത്തരം കണ്ടു പിടിക്കാന്‍ പുറപ്പെട്ട മനുഷ്യന്‍ ഉത്തരം കിട്ടാതെ വന്നപ്പോള്‍ തന്റെ അറിവില്ലായ്മ നിക്ഷേപിച്ചു വെക്കാന്‍ കണ്ടു പിടിച്ച ഒരു പത്തായം ആണ് ദൈവം എന്ന ആശയം........''

..........''പ്രകൃതി ശക്തികള്‍ക്കു മുമ്പിലും രോഗം, അപകടങ്ങള്‍ മുതലായവയ്ക്ക് മുമ്പിലും അവര്‍ ഭയ വിഹ്വലരായി നിന്നിരിക്കും. ഇതൊക്കെ ഏതോ അദൃശ്യശക്തികളുടെ പ്രവര്‍ത്തിയായിരിക്കും എന്നവര്‍ വിശ്വസിച്ചു. ആ ശക്തികള്‍ക്കു മനുഷ്യരൂപം സങ്കല്പിച്ചു. തങ്ങള്‍ എന്തൊക്കെയോ തെറ്റുകള്‍ ചെയ്തതുകൊണ്ടാണ് ഈ ശക്തികള്‍ കോപിക്കുന്നത്‌ എന്നവര്‍ വിചാരിച്ചു.......''

.......''ആദ്യത്തെ ബുദ്ധിമാന്‍ ആദ്യത്തെ വിഡ്ഢിയെ ചൂഷണം ചെയ്യാന്‍ കണ്ടുപിടിച്ച ഒരു നാമം എന്നതില്‍ക്കവിഞ്ഞ യാതൊരര്‍ത്ഥവും ദൈവം എന്ന വാക്കിനില്ല.......''

(ബ്ലോഗില്‍ എവിടെയോ കണ്ട പലരുടെയും വാചകങ്ങള്‍ കോപ്പി ചെയ്തതാണ്.ഇതില്‍ അവസാനത്തേത് വോള്‍ട്ടയറിന്റെ''The first clergyman was the first rascal who met the first fool.''നിന്ന് പ്രചോദനം കൊണ്ടതാണെന്ന് തോന്നുന്നു.) അല്ലെങ്കില്‍ അല്പം കൂടി ബുദ്ധിജീവി ലൈനില്‍ ''മതം മനുഷ്യനെ മയക്കുന്ന കറുപ്പാണ്'',''Religion is regarded by the common people as true, by the wise as false, and by rulers as useful.'' (Seneca the younger,4BC - AD65) പോലുള്ള വചനങ്ങള്‍ ‍.

ഇതൊന്നും പക്ഷേ 'എന്തുകൊണ്ട് ഇങ്ങനെ'? എന്ന ചോദ്യത്തിന് ഉത്തരം തരുന്നില്ല.പക്ഷേ ഈ വിശദീകരണങ്ങളുടെ അര്‍ത്ഥമൊക്കെ ഒന്നുതന്നെ.എല്ലാവരും ജന്മന നല്ല യുക്തിബോധത്തോടെയാണ് ജനിക്കുന്നത്.സമൂഹവും ചില തല്പരകക്ഷികളും(പുരോഹിതവര്‍ഗ്ഗം /സവര്‍ണ മേധാവിത്വം എന്നിവയാണ് എല്ലാവരുടെയും പ്രീയപ്പെട്ട whipping boy.) അവരെ ബ്രെയിന്‍ വാഷ്‌ ചെയ്ത് അങ്ങനെ ആക്കുന്നതാണ്.താനടക്കമുള്ള അവിശ്വാസികള്‍ ബുദ്ധി കൂടിയ ഇനമാണ്.അതുകൊണ്ട് ഈ പറഞ്ഞ സ്വാധീനങ്ങളിലൊന്നും പെട്ടില്ല.എന്നാല്‍ പാവം വിശ്വാസികള്‍ക്ക് ബുദ്ധി അല്പം കുറവാണ്.There’s a strong temptation to accuse those who hold different beliefs from oneself of mental deficiency.(കുമ്പസാരം:ഞാനും ചിലപ്പോഴൊക്കെ പ്രതിയോഗികളെ പരിഹസിക്കാന്‍ അങ്ങനെ പറഞ്ഞിട്ടുണ്ട്.പക്ഷേ അതൊക്കെ യുക്തിവാദത്തെ 'യുക്തിവാതം' എന്നൊക്കെ ആക്ഷേപിച്ചവരെയാണ്.So really no regrets.) സത്യത്തില്‍ ഒന്നും വിശദീകരിക്കാത്ത വിശദീകരണമാണ് ഇത്.ലോകത്തെ എല്ലാ കാലത്തുമുള്ള എല്ലാ സമൂഹങ്ങളിലും ഭൂരിഭാഗം പേരുടെയും തലച്ചോര്‍ എങ്ങിനെ ഒരു ന്യൂനപക്ഷത്തിനു എളുപ്പം നിയന്ത്രിക്കാന്‍ പറ്റുന്നതായി?ഈ പറഞ്ഞ ന്യൂനപക്ഷത്തിന്റെ വിശ്വാസങ്ങളും ഭൂരിപക്ഷത്തില്‍നിന്നു ഒട്ടും വ്യത്യസ്തമല്ല താനും.അങ്ങനെ ഒരു തലച്ചോര്‍ പരിണമിച്ചുണ്ടാകുന്നതെങ്ങിനെ?മത/ദൈവ വിശ്വാസം വളരെ ചെലവേറിയതാണ്.Why do all known societies,past and present bear the very substantial costs of religion's material,emotional and cognitive commitments?

-----------------------------------------------------------------------------

"A curious thing about the theory of evolution is that everyone thinks he understands it" -Jacques Monod

(പരിണാമസിദ്ധാന്തം ശരിക്ക് മനസ്സിലായിട്ടില്ലെങ്കില്‍ ഇങ്ങനൊരു ചോദ്യം തന്നെ നിങ്ങളുടെ മനസ്സിലുണ്ടാകില്ല.You see, if controlling other peoples thinking and belief were of advantage to a minority,then they are more 'fit' and soon that minority of 'brain snatchers' should become majority.Obviously that is not happening. പരിണാമമെന്നാല്‍ ശരീരത്തിന് മാത്രം ബാധകമാണെന്നും മനുഷ്യന്റെ തലച്ചോറും മനസ്സും പരിണാമ സ്വാധീനത്തില്‍നിന്നു ഒഴിവാക്കപ്പെട്ടിട്ടുണ്ടെന്നും,തലച്ചോറിന്റെ പരിണാമം സമൂഹത്തിന്റെ സ്വാധീനത്തില്‍ മാത്രമാണെന്നും മറ്റും കരുതുന്നവര്‍ക്ക് ഇതില്‍ ചര്‍ച്ച ചെയ്യാനെന്തെങ്കിലും ഉണ്ട് എന്നുപോലും തോന്നില്ല.പരിണാമ സിദ്ധാന്തം ശരിയാണെന്നു കരുതുന്നവര്‍ പോലും മനസിന്റെ കാര്യം വരുമ്പോള്‍ പരിണാമവിരുദ്ധരാണ്.അവര്‍ക്ക് പരിണാമം മനുഷ്യനിലെത്തിയാല്‍ ഡാര്‍വിനിസം പെട്ടെന്ന് ലാമാര്‍ക്കിസമാകും.(അല്ലെങ്കില്‍ ഈ ഇരുപത്തൊന്നാം നൂറ്റാണ്ടിലും മലയാളത്തിലുള്ള പരിണാമാശാസ്ത്ര പുസ്തകങ്ങളില്‍ ഏംഗല്‍സ് 1876 ല്‍ എഴുതിയ 'The Part played by Labour in the Transition from Ape to Man' ഒരു ശാസ്ത്രീയ വിശദീകരണമായി കാണില്ലല്ലോ.) മിക്കവര്‍ക്കും 'mind is what brain does' എന്നോ 'brain is a product of evolution' എന്നതോ പുതിയൊരു അറിവ് പോലെയാണ്.അല്ലെങ്കില്‍ കടുത്ത 'politically incorrect' സ്റ്റേറ്റ്മെന്റ്റ്‌.)

''Men ought to know that from nothing else but the brain come joys,delights,laughter and sports,and sorrows,grief,despondency and lamentations.'' -Hippocrates

----------------------------------------------------------------------------------------------------------------

"Our ignorance can be divided into problems and mysteries. When we face a problem, we may not know its solution, but we have insight, increasing knowledge, and an inkling of what we are looking for. When we face a mystery, however, we can only stare in wonder and bewilderment, not knowing what an explanation would even look like." — Noam Chomsky

ചില കാര്യങ്ങള്‍ ആദ്യമേതന്നെ ഉത്തരമില്ലാത്തതായി പ്രഖ്യാപിക്കുന്നത് ശരിയല്ലല്ലോ.ദൈവം എന്ന പ്രഹേളികയെ(Mystery) ദൈവം എന്ന പ്രശ്നമായി (problem) കാണാനുള്ള ഒരു ശ്രമമാണ് ഈ പോസ്റ്റ്‌.

''For centuries, theologians have been explaining the unknowable in terms of the not-worth-knowing.'' -H. L. Mencken

നമ്മുടെ മുന്നിലുള്ള സാധ്യതകള്‍ നോക്കാം.ഒന്നുകില്‍ മതങ്ങള്‍ പറയുന്ന ദൈവം യഥാര്‍ത്ഥമായിരിക്കാം.അതായത് വിശ്വാസികള്‍ പറയുന്നത് സത്യമാണ്.ശരിക്കും പ്രപഞ്ചസ്രഷ്ടാവായ ഒരു ദൈവമുണ്ട്.പക്ഷേ ലോകത്തുള്ള എല്ലാ മതങ്ങളും തമ്മില്‍ ഈ ദൈവത്തെക്കുറിച്ച് അഭിപ്രായ ഐക്യമില്ല.അപ്പോള്‍ ഏതു ദൈവമായിരിക്കും യാഥാര്‍ത്ഥം?പിന്നെ,വിശ്വാസികളുടെ സങ്കല്‍പ്പത്തിലുള്ള ദൈവം,അതേതായാലും ടെസ്റ്റബിള്‍ അല്ല എന്നത് കൊണ്ട് അത് ശാസ്ത്രത്തിന്റെ പരിധിയില്‍ വരികയുമില്ല.അതുകൊണ്ട് ആ സാധ്യത ആദ്യമേതന്നെ ഒഴിവാക്കാം.[വിശ്വാസികള്‍ക്ക് ഈ പോസ്റ്റില്‍ പറയുന്ന കാര്യങ്ങള്‍ക്ക് 'എല്ലാം ദൈവത്തിന്റെ തിരുവിഷ്ടം' എന്നല്ലാതെ കൊള്ളാവുന്ന വിശദീകരണങ്ങള്‍ എന്തെങ്കിലും ഉണ്ടെങ്കില്‍ സ്വാഗതം.''(മതവിശ്വാസങ്ങൾ പരിചയപ്പെടുത്തുന്ന ദൈവം)വാസ്തവമാണ് എന്ന നിഗമനത്തിലെത്താനാണ് കൂടിയ ശാസ്ത്രം ആവശ്യമാകുന്നത്. അതുകൊണ്ടാണ് ഡോക്കിന്‍സിന്റെ ക്യതിയില്‍ കുറഞ്ഞ ശാസ്ത്രവും എന്റെ ഖണ്ഡനത്തില്‍ കൂടിയ ശാസ്ത്രവും കാണുന്നത്.''പോലുള്ള ഹാസ്യ സാഹിത്യമൊന്നും വേണ്ട.(By the way that was from our 'resident amateur investigator and expert in many fields.';-)]

"Nothing in biology makes sense except in the light of evolution" Theodosius Dobzhansky

പിന്നെയുള്ളത് ബയോളജിയിലെ എല്ലാറ്റിന്റെയും പൊതു വിശദീകരണമായ പരിണാമമാണ്.പരിണാമസിദ്ധാന്തത്തിന്റെ സഹ കണ്ടുപിടുത്തകാരനായ ആല്‍ഫ്രഡ്‌ വാലസിനു മനുഷ്യപരിണാമത്തിനു പിന്നില്‍ ഒരു ഉയര്‍ന്ന ബുദ്ധി പ്രവര്‍ത്തിച്ചിട്ടുണ്ട് എന്ന അഭിപ്രായമായിരുന്നു.'...we must therefore admit the possibility, that in the development of the human race, a Higher Intelligence has guided the same laws [of variation, multiplication, and survival] for nobler ends.’ഇതിനു ഡാര്‍വിന്റെ മറുപടി ‘I hope you have not murdered too completely your own and my child.’(രസകരമായ ഒരു കാര്യം,വാലസിന്റെ തെറ്റായ ഈ വാദമാണ് സൃഷ്ടിവാദികള്‍ ഇപ്പോഴും പൊക്കികൊണ്ട് നടക്കുന്നത് എന്നതാണ്.ദൈവം ഇല്ലാതെ നാച്ചുറല്‍ സെലക്ഷന്‍ കൊണ്ട് പരിണാമം വിശദീകരിക്കാനാവില്ലത്രെ.മലയാളം ബ്ലോഗില്‍ ഹുസൈനൊക്കെ ഈ ചത്ത കുതിരയെ തല്ലി ജീവന്‍ വയ്പ്പിക്കാന്‍ കുറെ കാലമായി ശ്രമിക്കുന്നുണ്ട്.)

''If god has spoken why is the world not convinced?'' -Percy Bysshe Shelley

--------------------------------------------------------------------------------------------------------------

മറ്റു പല വിഷയത്തിലുമെന്നപോലെ ഇവിടെയും ഡാര്‍വ്വിന്റെ അഭിപ്രായവും അദ്ദേഹത്തിന്റെ ഈ വിഷയത്തിലുള്ള ഉള്‍ക്കാഴ്ചയും അത്ഭുതപ്പെടുത്തുന്നതാണ്.(അദ്ദേഹത്തിന്റെ സമകാലീനരായ മറ്റു ബുദ്ധിജീവികളുടെ ആഴകൊഴമ്പന്‍ വാദങ്ങള്‍ വായിക്കുമ്പോള്‍ പ്രത്യേകിച്ചും.)

''The belief in God has often been advanced as not only the greatest, but the most complete of all the distinctions between man and the lower animals. It is however impossible, as we have seen, to maintain that this belief is innate or instinctive in man.On the other hand a belief in all-pervading spiritual agencies seems to be universal; and apparently follows from a considerable advance in the reasoning powers of man, and from a still greater advance in his faculties of imagination, curiosity and wonder.'' -Charles Darwin, The Descent of Man

"I am inclined to look at everything as resulting from designed laws, with the details, whether good or bad, left to the working out of what we may call chance." -Charles Darwin

വിശ്വാസം എന്നത് ആരോ അടിച്ചേല്‍പ്പിച്ച കെട്ടുകഥ മാത്രമാണ് എന്ന വിശദീകരണം യുക്തിക്ക് നിരക്കുന്നതല്ല എന്ന് നാം കണ്ടു.ദൈവം /മതം ഇല്ലാത്ത ഒരൊറ്റ മനുഷ്യ സമൂഹവും ഇന്നേവരെ കണ്ടെത്തിയിട്ടില്ല.രേഖപ്പെടുത്തപ്പെട്ട പതിനായിരത്തോളം മതങ്ങളുണ്ട് എന്നാണ് കണക്ക്.എല്ലാ സമൂഹങ്ങളിലും (isolated both in time and space from each other) 'അന്ധവിശ്വാസങ്ങളെല്ലാം 'ഏറെക്കുറെ സമാനങ്ങളാണ്.(Just the same basic ideas being rehashed and given a new form.)ഒന്നര വയസ്സ് മുതല്‍ അന്ധയും മൂകയും ബധിരയുമായ ഹെലന്‍ കെല്ലര്‍ (ട്രിവിയ:പലരും കരുതുന്നപോലെ ഹെലന്‍ കെല്ലര്‍ക്ക് ജന്മനാ വൈകല്യങ്ങളൊന്നുമുണ്ടായിരുന്നില്ല.) പറയുന്നത് വിശ്വസിക്കാമെങ്കില്‍ പുറം ലോകവുമായി ബന്ധപ്പെടാന്‍ പഠിക്കുന്നതിനു മുന്‍പുതന്നെ അവര്‍ പ്രപഞ്ചത്തിന്റെ സൃഷ്ടികര്‍ത്താവിനെക്കുറിച്ച് ചിന്തിച്ചിരുന്നു.വിശ്വാസികള്‍ക്ക് ഇതുതന്നെ ദൈവത്തിന്റെ ഉണ്മയുടെ തെളിവായി തോന്നാമെങ്കിലും നമുക്ക് മറ്റു സാധ്യതകള്‍ കൂടി നോക്കാം.

“There can be no doubt that a tribe including many members who, from possessing in a high degree the spirit of patriotism, fidelity, obedience, courage and sympathy, were always ready to aid one another, and to sacrifice themselves for the common good, would be victorious over most other tribes; and this would be natural selection (of the group).” -Charles Darwin,The Descent of Man

മതം/വിശ്വാസം മനസ്സിന് ആശ്വാസം തരുന്നു തുടങ്ങിയ വിശദീകരണങ്ങളും ഡാര്‍വിന്‍ സൂചിപ്പിക്കുന്ന ഗ്രൂപ്പ്‌ സെലക്ഷനും പൂര്‍ണ്ണമല്ല.ശരിക്കാലോചിച്ചാല്‍ പരിണാമ സിദ്ധാന്തമനുസരിച്ച് ദൈവ/മത വിശ്വാസം ഉണ്ടാകാന്‍ തന്നെ പാടില്ലാത്തതാണ്.Religion are materially expensive,(plenty of time is wasted),emotionally (inciting fear-either towards god or devil), and cognitively costly.അല്ലെങ്കില്‍ത്തന്നെ ദൈവപ്രീതിക്കുള്ള 'ബലി' (sacrifice-anything special given to god for getting into his good books) എന്നാല്‍ അതിന്റെ നിര്‍വ്വചനത്തില്‍ തന്നെ അപൂര്‍വ്വവും കിട്ടാന്‍ ബുദ്ധിമുട്ടുള്ള വിഭവവുമാണ്.നേരിട്ട് ഒരു ഗുണവുമില്ലാത്ത ഒരു കാര്യത്തിന് അത് വെറുതെ കളയാനുള്ള ഒരു പ്രവണത ഉണ്ടാകണമെങ്കില്‍ തക്കതായ കാരണം വേണം.ചുമ്മാ അധികാര വര്‍ഗ്ഗം കെട്ടിച്ചമച്ച കഥ മറ്റുള്ളവര്‍ വിശ്വസിച്ചു തുടങ്ങിയ അസംബന്ധങ്ങള്‍ പോരാ.And it's time we discarded the 'tabula rasa' or the 'blank slate' idea of mind from John Locke.

''It's an incredible con job when you think about it, to believe something now in exchange for something after death. Even corporations with their reward systems don't try to make it posthumous.'' -Gloria Steinem

---------------------------------------------------------------------------------------------------------------

എങ്കിലും ഇങ്ങനെയുള്ള ചില തെറ്റിദ്ധാരണകളൊക്കെ വിശ്വസിക്കാന്‍ പാകത്തിനാണ് പരിണാമം തലച്ചോറിനെ നിര്‍മ്മിച്ചിട്ടുള്ളത് എന്നാണ് നമ്മള്‍ അവസാനം എത്തിനില്‍ക്കുന്ന ഉത്തരം. പക്ഷേ തെറ്റിദ്ധാരണകളില്‍ വിശ്വസിക്കുന്ന ഒരു മനസ്സ് പരിണമിച്ചുണ്ടാകുന്നതെങ്ങിനെ?വിശന്നു വലഞ്ഞിരിക്കുന്ന ഒരുവന്‍ തനിക്ക് വിശപ്പില്ലെന്നു ധരിച്ചിട്ടെന്തു കാര്യം?“The human mind does not produce adequate comforting delusions against all situations of stress or fear.Indeed, any organism that was prone to such delusions would not survive long.” (Pascal Boyer -Religion Explained.)തെറ്റിദ്ധാരണകളില്‍ ആശ്വാസം കൊള്ളുന്ന ഒരു മനസ്സ് പരിണമിച്ചുണ്ടാകണമെങ്കില്‍ എന്തെങ്കിലും കാരണം/കാരണങ്ങള്‍ വേണം.ഇവിടെ രണ്ടു സാധ്യതകളുണ്ട്. ഇത്തരം വിശ്വാസങ്ങള്‍ ഉണ്ടാക്കുന്ന ബ്രെയിന്‍ ഒന്നുകില്‍ അതിജീവനത്തിനെ സഹായിച്ചിരിക്കണം.അല്ലെങ്കില്‍ വിശ്വാസം എന്നത് അതിജീവനത്തിനെ സഹായിക്കുന്ന മറ്റെന്തോ കഴിവിന്റെ/കഴിവുകളുടെ വെറും ഒരു 'സൈഡ് എഫ്ഫക്റ്റ്‌ മാത്രമായിരിക്കാം.(രണ്ടും തമ്മില്‍ വിശദാംശങ്ങളിലെ ചില പ്രവചനങ്ങളിലൊഴിച്ച് വലിയ വ്യത്യാസമൊന്നുമില്ല.)

സ്റ്റീഫന്‍ ജെ ഗൌള്‍ഡ് 'spandrel' എന്നൊരു വാക്കാണ് ഈ സൈഡ് എഫ്ഫക്റ്റിനെ സൂചിപ്പിക്കാന്‍ ഉപയോഗിക്കുന്നത്.Spandrel എന്നത് വാസ്തുവിദ്യയിലെ ഒരു വാക്കാണ്.രണ്ടു ആര്‍ച്ചുകള്‍ക്കിടയിലോ ഒരു ചതുരത്തിനുള്ളിലെ ആര്‍ച്ചിന്റേയോ മുകള്‍ മൂലകളിലോ കാണാവുന്ന ത്രികോണാകൃതിയിലുള്ള സ്ഥലമാണ് സ്പാന്‍ഡ്രല്‍ ‍.ഈ സ്പാന്‍ഡ്രലുകള്‍ ഒരു ആര്‍ക്കിടെക്റ്റും മനഃപൂര്‍വ്വം ഡിസൈന്‍ ചെയ്യുന്നതല്ല.രണ്ടു ആര്‍ച്ചുകള്‍ അടുത്തടുത്ത്‌ നിര്‍മ്മിച്ചാല്‍ അല്ലെങ്കില്‍ ഒരു ദീര്‍ഘ ചതുരത്തിനുള്ളില്‍ ഒരു കമാനം നിര്‍മ്മിച്ചാല്‍ അവിടെ ത്രികോണാകൃതിയിലുള്ള സ്പാന്‍ഡ്രലുകള്‍ ഉണ്ടായേ തീരൂ.You just can't avoid having spandrels if you want two arches side by side or an arch in a rectangular enclosure.മറ്റൊരു ഉദാഹരണം സ്റ്റെയര്‍ കേയ്സിനടിയിലെ ഒഴിഞ്ഞ സ്ഥലമാണ്.(സാധാരണ വീടിലെ ആക്രി സാധനങ്ങള്‍ കൂട്ടിയിടുന്ന സ്ഥലം.) ആ സ്ഥലം ആരും ആക്രി സാധനങ്ങള്‍ സൂക്ഷിക്കാനായി ഉണ്ടാക്കുന്നതല്ല.പക്ഷേ ഒരു സ്റ്റെയര്‍ കേയ്സ് ഉണ്ടാക്കിയാല്‍ അതിനടിയില്‍ കുറെ അനാവശ്യ സ്ഥലം ഉണ്ടായേ പറ്റൂ.(And this space has an inordinate propensity to collect useless waste.)

അതുപോലെ മറ്റാവശ്യങ്ങള്‍ക്ക് വേണ്ടി പരിണമിക്കപ്പെട്ട മനസ്സിന്റെ ഒരു സ്പാന്‍ഡ്രല്‍ ആയിരിക്കാം ദൈവ/മത വിശ്വാസം എന്നാണ് നിലവില്‍ പ്രബലമായ ഒരു ശാസ്ത്ര ധാരണ.പ്രകൃത്യാതീത ശക്തികളിലുള്ള വിശ്വാസം നമ്മുടെ മനസ്സ് പരിണമിച്ച രീതിയുടെ അനിവാര്യമായ ഫലമായിരിക്കാം(inevitable consequence).അതായത് ഒരു 'നോര്‍മല്‍ ‍‍' തലച്ചോറിന് ദൈവ/മത വിശ്വാസം സ്വാഭാവികമായിരിക്കാം.Having a normal brain doesn't imply that you have religion(with all its specific details.).All it implies is that you can acquire it.ഭാഷ മനുഷ്യന് സ്വാഭാവികമെന്നപോലെ (ഏതു ഭാഷയാണ് സ്വീകരിക്കുക എന്നത് ജീവിക്കുന്ന സമൂഹത്തെ ആശ്രയിച്ചിരിക്കും.) സ്വാഭാവികമായിരിക്കാം മത/ദൈവ വിശ്വാസം.വിശ്വാസം എന്ന സ്പാന്‍ഡ്രലിലെ ചിത്രപ്പണികളും മോടി പിടിപ്പിക്കലുകളും അതാത് സാഹചര്യങ്ങള്‍ക്കനുസരിച്ച് വ്യത്യാസപ്പെടാമെങ്കിലും.

------------------------------------------------------------------

ഇത് വളരെ വലിയ ഒരു ലേഖനപരമ്പരയായി തുടര്‍ച്ചയായി പോസ്റ്റു ചെയ്യാന്‍ ഉദ്ദേശിച്ച് എഴുതി തുടങ്ങിയതാണ്.എന്നാല്‍ പിന്നീട് ഇത് ബഫലോ സോള്‍ജ്യര്‍ എന്ന സൈറ്റിന് പ്രസിദ്ധീകരിക്കാന്‍ നല്‍കിയതുകൊണ്ട് അവര്‍ പ്രസിദ്ധീകരിച്ചു കഴിഞ്ഞേ ഈ ബ്ലോഗില്‍ അവ പോസ്റ്റു ചെയ്യൂ.അത് കൊണ്ട് ബാക്കി ഭാഗങ്ങള്‍ വരും മാസങ്ങളില്‍ ‍.കണ്ടിന്യുവിറ്റി നഷ്ടപ്പെടുന്നതില്‍ ക്ഷമ ചോദിക്കുന്നു.

-

സിയാറ്റില്‍ മൂപ്പന്റെ 'ഹരിതപ്രസംഗം'....

2011-02-26T11:39:00.001+05:30

പരിസ്ഥിതി പ്രവര്‍ത്തകരുടെ 'മാഗ്നാകാര്‍ട്ട' എന്ന് വിശേഷിപ്പിക്കാവുന്ന സിയാറ്റില്‍ മൂപ്പന്റെ (chief Seattle) 'പച്ചയായ' പ്രസംഗത്തേക്കുറിച്ച് അറിയാത്തവരുണ്ടാകില്ല.(പ്രസംഗത്തിന്റെ ഒരു മലയാള പരിഭാഷ ഇവിടെ.) പരിസ്ഥിതി സംബന്ധിച്ച എന്ത് പരിപാടിയുണ്ടെങ്കിലും മൂപ്പന്റെ മാനവിക പരിസ്ഥിതി ദര്‍ശനത്തേയും ഭൂമിയോടുള്ള അദ്ദേഹത്തിന്റെ സ്നേഹത്തെയും, താനടക്കമുള്ള ആധുനികമനുഷ്യര്‍ക്ക്ഭൂമിയോടും,പരിസ്ഥിതിയോടും, പച്ചപ്പിനോടൊക്കെയുള്ള സ്നേഹമില്ലായ്മയേയും കുറിച്ചുള്ള കുമ്പസാരവുമൊക്കെയായി പരിസ്ഥിതിസ്നേഹികള്‍ അരങ്ങു തകര്‍ക്കും. ചിലര്‍ ഈ പ്രസംഗം (ചിലപ്പോള്‍ അത് പ്രസംഗമല്ല, അന്നത്തെ അമേരിക്കന്‍ പ്രസിഡന്റിന് (Franklin Pierce) മൂപ്പന്‍ എഴുതിയ കത്തായി മാറും.) മുഴുവനോടെയോ അല്ലെങ്കില്‍ അതിലെ ഏതാനും വരികളോ ചുവരിലൊട്ടിച്ചോ,ടീഷര്‍ട്ടില്‍ എഴുതിയോ ഏറ്റവും വലിയ പ്രകൃതിസ്നേഹിയായി ഞെളിയും.ഏതു കുട്ടിയോട് ചോദിച്ചാലും സിയാറ്റില്‍ മൂപ്പന്റെ ഭൂമിയെക്കുറിച്ചുള്ള മഹത്തായ ദീര്‍ഘവീക്ഷണത്തെയും താനടക്കമുള്ള ആധുനിക മനുഷ്യന്റെ നികൃഷ്ടതയെയും കുറിച്ച് തത്ത പറയുന്നപോലെ ചില വാചകങ്ങള്‍ പറയും.അത്രമാത്രം പ്രശസ്തമായ പ്രസംഗം.ദോഷം പറയരുതല്ലോ പ്രസംഗം അതിമനോഹരമാണ്.മനസ്സിനെ പിടിച്ചുകുലുക്കുന്ന മനോഹരമായ ഭാഷ.ഒരു ഗദ്യ കവിത തന്നെ.അത് വായിച്ചാല്‍ ഏതൊരാള്‍ക്കും അല്പനേരത്തേക്കെങ്കിലും തന്നോടുതന്നെ വെറുപ്പുതോന്നുന്ന,വല്ല മരവുരിയും ഉടുത്ത് വല്ല ഗുഹയിലോമറ്റോ പോയി ഇനിയുള്ള കാലം'പ്രകൃതിയോടിണങ്ങി' ജീവിക്കാന്‍ തോന്നിപ്പിക്കുന്നത്ര മനോഹരം.പക്ഷേ ഈ പ്രസംഗത്തിന് ഒരൊറ്റ കുഴപ്പമേ ഉള്ളൂ.സിയാറ്റില്‍ മൂപ്പന്‍ ഇങ്ങനെ ഒരു 'പച്ചയായ' പ്രസംഗം നടത്തീട്ടേയില്ല.നടത്തിയിരിക്കാനുള്ള സാധ്യതയുമില്ല.ഞെട്ടിയോ?:-)

-------------------------------------------------------------------------------------------------------------------------

സിയാറ്റില്‍ മൂപ്പന്റെ പ്രസംഗത്തിന്റെ ചരിത്രം....

സിയാറ്റില്‍ മൂപ്പന്‍ ചെയ്തതായി പറയപ്പെടുന്ന ഈ പ്രസംഗത്തിന്റെ പല വെര്‍ഷനുകള്‍ നിലവിലുണ്ട്.1854 ല്‍ Isaac Stevens (Pacific Northwest Commissioner of Indian Affairs) ന്റെ മുന്നിലാണ് സിയാറ്റില്‍ മൂപ്പന്റെ ഒറിജിനല്‍ പ്രസംഗം.ആ പ്രസംഗം ആരും ആ സമയത്ത് രേഖപ്പെടുത്തീട്ടില്ല.എന്തായാലും മൂപ്പന്‍ ഇംഗ്ളീഷിലല്ല പ്രസംഗിച്ചത്.അദ്ദേഹത്തിന്റെ ഭാഷയായ Lushotseed ലാണ്.എന്നാല്‍ ആ യോഗത്തില്‍ ഉണ്ടായിരുന്ന ഒരു ഡോ.ഹെന്റി സ്മിത്ത്, അദ്ദേഹം ആ സമയത്ത് തയ്യാറാക്കിയിരുന്ന കുറിപ്പുകളുടെ സഹായത്തോടെ 1887 ല്‍ അതായത് മുപ്പത്തിമൂന്നു വര്‍ഷത്തിനു ശേഷം പ്രസിദ്ധീകരിച്ചതാണ് മൂപ്പന്റെ പ്രസംഗത്തിന്റെ ലഭ്യമായ ആദ്യ വെര്‍ഷന്‍.ഹെന്റി സ്മിത്തിന് മൂപ്പന്റെ ഭാഷയൊക്കെ മനസ്സിലാകുമായിരുന്നോ എന്ന ചോദ്യമുണ്ടെങ്കിലും( പ്രസംഗം നടക്കുമ്പോള്‍ സ്മിത്ത്‌ അമേരിക്കയിലെത്തീട്ട് വെറും ഒരു വര്‍ഷമേ ആയിരുന്നുള്ളു.പിന്നെ ഹെന്റി സ്മിത്ത്‌ ഒരു ചെറുകിട സാഹിത്യകാരനൊക്കെയായിരുന്നു.മൂപ്പന്റെ പ്രസംഗത്തിലെ പല കാര്യങ്ങളും ഹെന്റി സ്മിത്ത്‌ 'കൈയ്യില്‍നിന്ന് ഇട്ടതാണ്' എന്ന് സംശയിക്കാന്‍ ന്യായമായ കാരണങ്ങളുണ്ട്.) എങ്കിലും മൂപ്പന്‍ പറഞ്ഞത് ഈ വെര്‍ഷനിലുള്ളതായിരുന്നു എന്ന് കരുതുകയേ തല്‍കാലം നിവര്‍ത്തിയുള്ളൂ.

പ്രസംഗം കാര്യമായി ആരും ശ്രദ്ധിക്കാതെ വര്‍ഷങ്ങള്‍ കടന്നുപോകുന്നു.1960കളില്‍ Professor William Arrow smith ഈ പ്രസംഗത്തിന്റെ പൊടിപ്പും തൊങ്ങലുമുള്ള വിക്ടോറിയന്‍ ശൈലിയിലുള്ള ഭാഷ മാറ്റി ആധുനിക ഇംഗ്ളീഷിലാക്കുന്നു.'the dense patina of 19th century literary diction and syntax' എന്ന് ആരോസ്മിത്ത്.ഇതാണ് വേര്‍ഷന്‍ രണ്ട്.വേര്‍ഷന്‍ ഒന്നും രണ്ടും തമ്മില്‍ ഭാഷാപ്രയോഗത്തിലല്ലാതെ ഉള്ളടക്കത്തില്‍ കാര്യമായ മാറ്റമൊന്നുമില്ല.ആരോസ്മിത്ത് ഈ പ്രസംഗം ഒരു പരിസ്ഥിതി യോഗത്തില്‍ വായിക്കുന്നു.(1970)

ഈ പ്രസംഗം Ted Perry എന്നൊരു തിരക്കഥാകൃത്ത് കേള്‍ക്കാനിടയാകുന്നു.അദേഹം ഒരു മതസംഘടനയുടെ (Southern Baptist Television Commission) ഒരു പരിസ്ഥിതിവാദ ഡോക്യുമെന്ററിക്ക് തിരക്കഥ എഴുതുന്ന സമയം.സിയാറ്റില്‍ മൂപ്പനെ ചിത്രത്തില്‍ ഉള്‍പ്പെടുത്തുന്നത് ആധുനികമനുഷ്യന്റെ ആര്‍ത്തിയെയും പ്രകൃതിയെ സ്നേഹിച്ചിരുന്ന ആ പഴയ തലമുറയെയും കൂടുതല്‍ ഭംഗിയായി അവതരിപ്പിക്കാന്‍ കഴിയും എന്ന് അദ്ദേഹം കരുതുന്നു.ഡോക്യുമെന്ററിയില്‍ മൂപ്പന്റെ പ്രസംഗം അമേരിക്കന്‍ പ്രസിഡന്റിനു എഴുതുന്ന കത്തായി മാറുന്നു.ടെഡ്‌ പെറി സ്വന്തം ഭാവനയെ കെട്ടഴിച്ചു വിടുന്നു.അങ്ങിനെ സിനിമയിലെ സിയാറ്റില്‍ മൂപ്പന്റെ വളരെ നാടകീയമായി ഉള്ളില്‍ത്തട്ടുന്ന വിധത്തിലുള്ള,നമ്മുടെയോരോരുത്തരുടേയും ഉള്ളിലെ മസോക്കിസ്റ്റിനെ ആനന്ദിപ്പിക്കുന്ന രീതിയിലുള്ള പ്രസംഗം/കത്ത് ജനിക്കുന്നു.അതാണ് വെര്‍ഷന്‍ മൂന്ന്.അതാണ് നമ്മളൊക്കെ ആഘോഷിച്ചുകൊണ്ട് നടക്കുന്ന മൂപ്പന്റെ 'പച്ചയായ' പ്രസംഗം.നമ്മളൊക്കെ വായിച്ചു വികാരവിവശരാകുകയും കുറ്റബോധത്തില്‍ മുങ്ങി ആത്മനിന്ദയുടെ സുഖകരമായ ആ വേദന അനുഭവിക്കുകയും ചെയ്യുന്ന ചരിത്രപരമായ ആ പ്രസംഗം സത്യത്തില്‍ ടെഡ്‌ പെറി എഴുതിയ സ്ക്രിപ്റ്റാണ്..!!!...അല്ലാതെ മൂപ്പന്‍ നടത്തിയ പ്രസംഗമല്ല.!!.ഹെന്റി സ്മിത്ത്‌ റിപ്പോര്‍ട്ടു ചെയ്ത മൂപ്പന്റെ പ്രസംഗവുമായി ഇതിന് കാര്യമായ ഒരു സാമ്യവുമില്ല താനും.

ഏറ്റവും വലിയ ചതി നടക്കുന്നത് ഇനിയാണ്.ചിത്രത്തില്‍ 'written by Ted Perry' എന്നതിന് പകരം 'researched by Ted Perry' എന്നാണ് നിര്‍മ്മാതാക്കളായ മതസംഘടന ഡോക്യുമെന്ററിയില്‍ ചേര്‍ക്കുന്നത്.(പ്രസംഗം മൂപ്പന്റേതുതന്നെ എന്ന് തോന്നിപ്പിക്കാന്‍ വേണ്ടി).കൂടാതെ ടെഡ്‌ പെറിയുടെ സ്ക്രിപ്റ്റില്‍ അല്പം കൂടുതല്‍ ക്രൈസ്തവ വീക്ഷണവും അവര്‍ കൈയ്യില്‍നിന്ന് ഇടുന്നു.'Home' എന്ന പേരില്‍ സിനിമ ടീവിയില്‍ സംപ്രേഷണം ചെയ്തതോടുകൂടി ആയിരക്കണക്കിനു ആളുകള്‍ക്കാണ് സിയാറ്റില്‍ മൂപ്പന്റെ 'പ്രസംഗത്തിന്റെ' കോപ്പി സംഘടന അയച്ചുകൊടുത്തത്.ഡോക്യുമെന്ററി വലിയ ചലനമുണ്ടാക്കിയില്ലെങ്കിലും മൂപ്പന്റെ ഭൂമിയെക്കുറിച്ചുള്ള ദീര്‍ഘവീക്ഷണവും കരുതലും ഹിറ്റായി.എഴുപതുകളിലെ അമേരിക്കന്‍ യുവത്വത്തിനെക്കുറിച്ചാലോചിച്ചാല്‍ ഇതില്‍ ഒട്ടും അത്ഭുതമില്ല താനും.വിയറ്റ്നാം യുദ്ധത്തോടും അതുവഴി ശാസ്ത്രത്തോടും ആധുനികതയോടും അധികാരസ്ഥാനങ്ങളോടുമൊക്കെയുള്ള എതിര്‍പ്പ്, ഹിപ്പിയിസം,മയക്കുമരുന്നിന്റെ മായലോകത്തോടുള്ള അഭിനിവേശം,അസ്തിത്വദുഃഖം...മൊത്തത്തില്‍ ആത്മനിന്ദ (self hate) വില്‍ക്കാന്‍ പറ്റിയ സാഹചര്യം.It just panders to that little masochist inside you.(എഴുപതുകളിലെ യുവത്വത്തിന് പക്ഷേ ആധുനികതയോടുള്ള എതിര്‍പ്പ് (technophobia) ചില കാര്യങ്ങളില്‍ മാത്രമായിരുന്നു.ചെവി പൊളിക്കുന്ന സംഗീതം സൃഷ്ടിക്കാന്‍ യുവത്വം ആധുനിക ടെക്നോളജി ഉപയോഗിച്ചിരുന്നു.:-))

-------------------------------------------------------------------------------------------------------------

സത്യത്തില്‍ മൂപ്പന്‍ പറഞ്ഞതെന്ത്?

മൂപ്പന്‍ 1854ല്‍ നടത്തിയതും ഹെന്റി സ്മിത്ത്‌ രേഖപ്പെടുത്തിയതുമായ പ്രസംഗം ഇവിടെ വായിക്കാം.ആ പ്രസംഗം വായിച്ചാലറിയാം അതില്‍ ആദിമവാസികളുടേയോ മൂപ്പന്റേയോ പാരിസ്ഥിതിക ആശങ്കകളേയോ,'മാനവിക സംസ്കാരത്തിലൂന്നിയ പരിസ്ഥിതി ദര്‍ശനത്തേയോ',ദീര്‍ഘവീക്ഷണത്തേയോ കുറിച്ച് സൂചനകളൊന്നുമില്ല‍.'ഭൂമി നമ്മുടെ മാതാവാണ്' എന്ന മാതിരിയുള്ള വമ്പന്‍ വാചകങ്ങളും മൂപ്പന്‍ പറഞ്ഞിട്ടില്ല.ഈ ഉടമ്പടി നടക്കുന്നകാലത്ത് മൂപ്പന്റെ ആളുകളില്‍ ഭൂരിഭാഗവും വസൂരി വന്നു മരിച്ചുപോയിരുന്നു.ആരെയും കുറ്റപ്പെടുത്താതെ വളരെ ഡിപ്ലോമാറ്റിക്കായാണ് മൂപ്പന്റെ പ്രസംഗം. തന്റെ വംശത്തിന്റെ നല്ലകാലം കഴിഞ്ഞു എന്ന വിലാപവും വെളുത്തവന്റേയും ചുവന്നവന്റേയും മതവിശ്വാസങ്ങള്‍ തമ്മിലുള്ള വ്യത്യാസവുമാണ് പ്രസംഗത്തിന്റെ വിഷയം.അല്ലാതെ പരിസ്ഥിതി പ്രണയത്തേക്കുറിച്ചൊന്നുമല്ല. ചുവന്നവന്റെ ദൈവം വെളുത്തവന്റെ ദൈവത്തെക്കാള്‍ ശക്തി കുറഞ്ഞതാണ് എന്നും മൂപ്പന്‍ സമ്മതിക്കുന്നുണ്ട്.വെളുത്തവന്റെ ദൈവം ചുവന്നവരെ സഹായിക്കുമോ എന്നും മൂപ്പന്‍ സംശയിക്കുന്നുണ്ട്.

"Your God seems to us to be partial. He came to the white man. We never saw Him, never even heard His voice. He gave the white man laws but He had not word for His red children whose teeming millions filled this vast continent as the stars fill the firmament. No, we are two distinct races and must ever remain so.''(ഒറിജിനല്‍ പ്രസംഗത്തില്‍ നിന്ന്.)

ടെഡ്‌ പെറിയുടെ സ്ക്രിപ്റ്റില്‍ മൂപ്പന്‍ കൈയ്യടി കിട്ടാന്‍ പാകത്തില്‍ പറയുന്നത് ഇതിനു നേരെ വിപരീതമാണ്...

"One thing we know, which the white man may one day discover -- our God is the same God. You may think now that you own Him as you wish to own our land, but you cannot. He is the God of man, and His compassion is equal for red man and the white."

കൂട്ടത്തില്‍ പറയട്ടെ,മൂപ്പന്‍ താന്‍ ജനിച്ചുവളര്‍ന്ന വിശ്വാസം ഉപേക്ഷിച്ചു റോമന്‍ കത്തോലിക്കാ വിശ്വാസം സ്വീകരിച്ചിരുന്നു,ഈ സംഭവം നടക്കുന്നതിനു വളരെ മുന്‍പ് തന്നെ.ഒറിജിനല്‍ പ്രസംഗത്തില്‍ മൂപ്പന്‍ പൂര്‍ണ്ണമനസ്സോടെയാണ് ഭൂമി കൈമാറാന്‍ സമ്മതിക്കുന്നത്.ന്യായമായ വ്യവസ്ഥകളോടെയാണ് കൈമാറ്റം എന്നും പ്രസംഗത്തില്‍ സൂചനയുണ്ട്.ഒറിജിനല്‍ പ്രസംഗത്തില്‍ നിന്ന്....

''The great, and I presume — good, White Chief sends us word that he wishes to buy our land but is willing to allow us enough to live comfortably.This indeed appears just, even generous, for the Red Man no longer has rights that he need respect, and the offer may be wise, also, as we are no longer in need of an extensive country.''

ടെഡ്‌ പെറിയുടെ ഭാഷ്യം ഇതിനു നേരെ വിപരീതമാണ്.മൂപ്പന്‍ വളച്ചുകെട്ടൊന്നുമില്ലാതെ ഭൂമി കൈമാറാന്‍ സമ്മതമാണെന്നു പറയുന്ന കാര്യമാണ് ടെഡ്‌ പെറി ഇങ്ങനെയാക്കിയത്.....

"How can you buy or sell the sky, the warmth of the land? The idea is strange to us. If we do not own the freshness of the air and the sparkle of the water, how can you buy them?

മൂപ്പന്റെ പ്രസംഗം ദുഃഖ ഛായയുള്ളതാണ്.ഒരാള്‍ നിവര്‍ത്തിയില്ലാതെ ജനിച്ചുവളര്‍ന്ന വീടും സ്ഥലവും ഉപേക്ഷിക്കേണ്ടി വരുമ്പോള്‍ ഉണ്ടാകാവുന്ന സ്വാഭാവിക വികാരം.ഏതോ സിനിമയില്‍ മോഹന്‍ലാല്‍ തന്റെ വീടും സ്ഥലവും ജപ്തി ചെയ്യുമ്പോള്‍ പറമ്പിലെ മൂലയില്‍ അച്ഛനെ ദഹിപ്പിച്ച സ്ഥലം കിളക്കരുത് എന്ന് ആവശ്യപ്പെടുന്നുണ്ട്.മൂപ്പനും തന്റെ പൂര്‍വികരുടെ ശ്മശാനഭൂമിയേക്കുറിച്ച് അതുപോലുള്ള കാര്യങ്ങളാണ് പറയുന്നത്.അതിന് 'The earth is our mother' എന്നോ 'We are a part of the earth and it is part of us' എന്നൊക്കെയോ അര്‍ത്ഥം കല്‍പ്പിച്ചാലോ?മൂപ്പന് മണ്ണ് പവിത്രമാകുന്നത് അത് തന്റെ പൂര്‍വികരുടെ ശ്മശാനമായതുകൊണ്ടാണ്,അല്ലാതെ ആ സ്ഥലത്തിന് മറ്റെന്തെങ്കിലും പ്രാധാന്യമുള്ളതുകൊണ്ടല്ല.(മൂപ്പന്‍ ക്രിസ്ത്യാനിയായെങ്കിലും പൂര്‍ണമായും സ്വന്തം മതം വിട്ടിട്ടില്ല.) മൊത്തം ഭൂമിയുടെ സൌഖ്യമൊന്നും മൂപ്പന്റെ ചിന്തയില്‍ വരുന്നേയില്ല.മൂപ്പന്‍ 'land' എന്ന് പറയുന്നത് 'earth' എന്നാണ് ഉദ്ദേശിക്കുന്നത് എന്നത് ദുര്‍വ്യാഖ്യാനമാണ്. ചില വിശ്വാസികള്‍ അവരുടെ വേദപുസ്തകത്തില്‍ ബ്ലാക്ക്‌ ഹോളും മറ്റും കാണുന്നപോലെ പരിഹാസ്യമായ ഒന്ന്.

മൂപ്പനെക്കുറിച്ച് മറ്റുചില കാര്യങ്ങള്‍ .അദേഹം വളരെ ധീരനായ പോരാളിയായിരുന്നു.ആയ കാലത്ത് മറ്റു റെഡ് ഇന്ത്യന്‍ ഗോത്രങ്ങളുമായി ധാരാളം യുദ്ധം ചെയ്യുകയും അവരുടെ ഭൂമി പിടിച്ചെടുക്കുകയും ചെയ്തിട്ടുണ്ട്.യുദ്ധത്തില്‍ പിടിച്ചെടുത്ത എട്ടുപേര്‍ സ്വന്തം അടിമകളായി ഉണ്ടായിരുന്നു.മറ്റൊന്ന്,മൂപ്പന് ഒരു വെള്ളക്കാരനുമായി ചേര്‍ന്ന് സാല്‍മണ്‍ മല്‍സ്യം വന്‍തോതില്‍ ഉണക്കി കയറ്റിയയക്കുന്ന ബിസിനസ്‌ ഉണ്ടായിരുന്നു.മീന്‍ പിടിക്കാനുള്ള അവകാശത്തെച്ചൊല്ലി പരിസരത്തെ മറ്റു ഗോത്രങ്ങളുമായി തര്‍ക്കങ്ങളുമുണ്ടായിരുന്നു.(ഇവിടെയൊന്നും മൂപ്പന്റേയും കൂട്ടരുടെയും പരിസ്ഥിതി സ്നേഹം കാണാനില്ല.) സ്വന്തം ആളുകളെ തോല്പിക്കാന്‍ സഹായത്തിന് വെള്ളക്കാരുടെ പട്ടാളം ആവശ്യമായിരുന്നു.വെള്ളക്കാരെ പ്രീതിപ്പെടുത്തുന്നതില്‍ ചില ബിസിനസ്സ്‌ താല്‍പര്യങ്ങളും ഉണ്ടായിരുന്നു എന്നര്‍ത്ഥം.(തനിക്ക് ഗുണമുണ്ട് എന്ന് തോന്നിയപ്പോള്‍ വെള്ളക്കാരോട് ചേരുകയും പിന്നീട് അവരുമായി തെറ്റിയപ്പോള്‍ 'ധീരദേശാഭിമാനി'യായി മാറിയ പഴശ്ശിരാജയെ ഓര്‍മ്മ വരുന്നുണ്ടോ ആര്‍ക്കെങ്കിലും?) മൂപ്പന്‍ ഉടമ്പടിക്ക് സമ്മതിക്കുന്നതിന്റെ ഒരു കാര്യം,ശുഷ്കമായിപ്പോയ തന്റെ ഗോത്രത്തെ മറ്റു ശത്രു ഗോത്രങ്ങളുടെ ആക്രമണത്തില്‍നിന്നു വെളുത്തവരുടെ നേതാവ് സംരക്ഷിക്കും എന്ന വിശ്വാസമാണ്.

''His brave warriors will be to us a bristling wall of strength, and his wonderful ships of war will fill our harbors, so that our ancient enemies far to the northward — the Haidas and Tsimshians — will cease to frighten our women, children, and old men.''(ഒറിജിനല്‍ പ്രസംഗത്തില്‍നിന്ന്.)

പിന്നെ ആ പ്രദേശത്തിന് തന്റെ പേരായ സിയാറ്റില്‍ എന്ന് നാമകരണം ചെയ്യാന്‍ മൂപ്പന്‍ 'നഷ്ടപരിഹാരം' വാങ്ങിയിരുന്നു.ആളുകള്‍ കൂടെകൂടെ തന്റെ പേര്‍ ഉച്ചരിച്ച് തന്റെ ആത്മാവിന് വരുത്തിയേക്കാവുന്ന ദോഷത്തിന് പകരമായി.:-) ചുരുക്കത്തില്‍ അസാധാരണമായ എന്തെങ്കിലും സ്വഭാവ വൈശിഷ്ട്യമോ ദീര്‍ഘ വീക്ഷണമോ ഒന്നും മൂപ്പന് ഉണ്ടായിരുന്നതായി കാണുന്നില്ല. ചില ഹ്രസ്വകാല നേട്ടങ്ങള്‍ മാത്രം പരിഗണിക്കുന്ന,അതിനനുസരിച്ചു പ്രവര്‍ത്തിച്ച ഒരു സാധാരണ മനുഷ്യന്‍.ഇതില്‍നിന്നൊക്കെ മൂപ്പന്റെ പ്രകൃതി സ്നേഹം വായിച്ചെടുത്ത ടെഡ്‌ പെറിയെ സമ്മതിക്കണം.(ടെഡ്‌ പെറിയെ പൂര്‍ണമായും കുറ്റപ്പെടുത്തുന്നില്ല.ഒരു plot device ആയി തുടങ്ങിയ കാര്യം കൈവിട്ടുപോയത് നിര്‍മ്മാതാക്കളായ ക്രിസ്തീയ സംഘടനയുടെ പ്രവര്‍ത്തി മൂലമാണല്ലോ.തന്റെ സാങ്കല്‍പ്പിക പ്രസംഗം ഒരു ചരിത്രപുരുഷന്റേത് എന്ന് തെറ്റിദ്ധരിക്കത്തക്ക രീതിയില്‍ എഴുതിയത് തനിക്കു പറ്റിയ ഒരു അബദ്ധമായിരുന്നെന്ന് പിന്നീട് ടെഡ് പെറി പറഞ്ഞിരുന്നു.)

-------------------------------------------------------------------------------------------------------------------

സിയാറ്റില്‍ മൂപ്പന്റെ 'പച്ചയായ' പ്രസംഗം എന്ന ഈ മിത്തിന്റെ സത്യാവസ്ഥ എന്തുകൊണ്ട് ചര്‍ച്ചചെയ്യപ്പെടാതെ പോകുന്നു?വര്‍ഷങ്ങള്‍ക്കു മുന്‍പുതന്നെ ഇതൊരു മിത്താണെന്ന് തെളിഞ്ഞതാണ്.1992 ല്‍ ന്യൂയോര്‍ക്ക് ടൈംസിന്റെ മുന്‍പേജില്‍ത്തന്നെ ഈ മിത്ത് പൊളിച്ചുകാണിച്ചിരുന്നു.എങ്കില്‍പ്പിന്നെ എന്തു കൊണ്ട് ഇപ്പോഴും ഭൂരിഭാഗം പേരും ഇപ്പോഴും സിയാറ്റില്‍ മൂപ്പന്‍ എന്ന ക്രാന്തദര്‍ശിയായ ഒരു 'പരിസ്ഥിതി പ്രവാചകനില്‍ 'വിശ്വസിക്കുന്നു?It is a case of the lie going a thousand miles while the truth is just putting on its boots. ഞാനീ വിവരം പറഞ്ഞവരാരും ഈ വാര്‍ത്ത‍ കേട്ട് ഒരു തെറ്റിദ്ധാരണ മാറിയതായി പറഞ്ഞ് സന്തോഷിക്കുന്നത് കണ്ടിട്ടില്ല.ചിലരെങ്കിലും എന്നെ തല്ലിയില്ലെന്നേ ഉള്ളൂ. സുഖകരമായ ഒരു സ്വപ്നത്തില്‍നിന്ന് ഉണര്‍ത്തിയതിന്റെ വെറുപ്പ്‌ അവരുടെ മുഖത്ത്‌ പ്രകടമായിരുന്നു.മൂപ്പന്റെ 'വസുധൈവ കുടുംബകം' ഒരു തെറ്റിദ്ധാരണയാണ് എന്ന സത്യം പലര്‍ക്കും താങ്ങവുന്നതിനപ്പുറമാണ്.(തങ്ങളുടെ മതപ്രവാചകനെ അപമാനിച്ചു എന്ന പേരില്‍ കൈവെട്ടിയവരുടെ മാനസികാവസ്ഥ ഇപ്പോള്‍ എനിക്ക് മനസ്സിലാക്കാനാകുന്നുണ്ട്,...and the similarities between religious and secular superstitions.)

എന്റെ അറിവില്‍ സത്യം മനസ്സിലാക്കിയ ഒരൊറ്റ പരിസ്ഥിതിവാദിയും മൂപ്പനേക്കുറിച്ചുള്ള തന്റെ അഭിപ്രായം മാറ്റിയിട്ടില്ല. അവരൊക്കെ കഴിയുമെങ്കില്‍ ഈ മിത്ത് വീണ്ടും വളര്‍ത്താനാണ് ശ്രമിക്കുന്നത്,സത്യം ഒളിക്കാനും.എന്തുകൊണ്ട്?

സത്യം അറിയുന്നവരുടെ മറ്റൊരു തരികിടയാണ് അസഹനീയം.പ്രസംഗത്തിന് ഹെന്‍ട്രി സ്മിത്തിന്റെയും ടെഡ്‌ പെറിയുടെയും രണ്ടു ഭാഷ്യങ്ങളുണ്ടെന്നു സമ്മതിക്കുന്നതോടൊപ്പം അതൊരു അപ്രധാന കാര്യമാണെന്നും രണ്ടു ഭാഷ്യങ്ങളും അടിസ്ഥാനപരമായി ഒരേ കാര്യങ്ങള്‍ തന്നെയാണ് പറയുന്നത് എന്ന് ഭാവിക്കുകയും ചെയ്യുക...and hope that nobody will notice.(ഉദാഹരണം.ശ്രീ സക്കറിയ വിവര്‍ത്തനം ചെയ്ത് ഡി സി ബുക്സ്‌ പ്രസിദ്ധീകരിച്ച 'ഞങ്ങള്‍ നിങ്ങള്‍ക്ക് ഭൂമി വിറ്റാല്‍ 'എന്ന പുസ്തകം.) യഥാര്‍ത്ഥത്തില്‍ നേരത്തെ സൂചിപ്പിച്ചപോലെ മൂപ്പന്റെ പ്രസംഗവും(ഹെന്‍ട്രി സ്മിത്ത്‌) ടെഡ്‌ പെറിയുടെ ഭാഷ്യവും തമ്മില്‍ ഒരു സാമ്യവുമില്ല.രണ്ടും ഏതാണ്ട് പൂര്‍ണമായും വിപരീതാശയങ്ങളാണ് പറയുന്നത്.

മറ്റൊരു വിദ്യ മൂപ്പന്‍ പരിസ്ഥിതി പ്രേമിയായിരുന്നു എന്നതിന് തെളിവുകളില്ല എന്ന് മനസ്സില്ലമാനസോടെ സമ്മതിച്ച ശേഷം എല്ലാ ആദിമവാസികളും പക്ഷേ ശരിക്കും പരിസ്ഥിതി പ്രേമികള്‍ തന്നെയായിരുന്നു എന്ന് ചുമ്മാ വാദിക്കുക.അതിന് തെളിവായി പ്രകൃതി/പൂര്‍വിക ആരാധനക്കാരായിരുന്ന ഇവരുടെ പ്രാര്‍ത്ഥനകളിലും പൂര്‍വ്വപിതാക്കന്മാരെക്കുറിച്ചുള്ള ഗാനങ്ങളിലും മറ്റും കാണുന്ന കാര്യങ്ങള്‍ വ്യാഖ്യാനിച്ച് ഉദ്ദേശിക്കുന്ന അര്‍ത്ഥം കൊടുക്കുക.നേരത്തെ കണ്ടപോലെ പൂര്‍വികരുടെ ശ്മശാനഭുമിയെ ബഹുമാനിക്കുന്നത് മൊത്തം ഭൂമിയെ ബഹുമാനിക്കലാണ് എന്ന രീതിയില്‍ ‍. ചുരുക്കത്തില്‍ യൂറോപ്യന്‍മാര്‍ മാത്രമാണ് ദുര മൂത്ത,ഭൂമി എന്ന അമ്മയെ പരിരക്ഷിക്കാത്ത ദ്രോഹികള്‍ .ബാക്കിയുള്ള ആദിമവാസികളെല്ലാം ഭൂമിയെ അമ്മയെപോലെ സ്നേഹിച്ചിരുന്നവരും.ഈ വാദത്തിന്റെ മുനയൊടിക്കുന്ന വിവരങ്ങള്‍ തുടര്‍ന്നു ചേര്‍ത്തിട്ടുണ്ട്.

It seems these people form a group around some supposedly sacred values,which then evolve into a tribal-moral community.They’ll embrace truth whenever it supports their sacred values, but will ditch it or distort it as soon as it threatens their sacred value. ആരെങ്കിലും തങ്ങളുടെ ദൈവങ്ങളേയും രാഷ്ട്രീയ ആരാധനാമൂർത്തികളേയും തൊടുമ്പോൾ കാണിക്കുന്ന അതേ ആവേശം ഈ വിഷയത്തിലും അവര്‍ കാണിക്കും.അല്ലെങ്കില്‍ ഈ പോസ്റ്റിനു വരാന്‍ പോകുന്ന കമന്റുകള്‍ നോക്കിക്കോ:-) ഈ മിത്ത് മരിക്കാത്തതിന്റെ കാരണം എനിക്ക് തോന്നുന്നത്,...modern environmental movement is mostly concerned with feeling good than with facts.Can't let some ugly facts mar a good story.

പലയിടത്തും ഭൂമിയുടെ ഇന്നത്തെ സ്‌ഥിതിയെ ഒന്നര നൂറ്റാണ്ടുകള്‍ക്കു മുമ്പ് തന്നെ ദീര്‍ഘദര്‍ശനം ചെയ്‌ത സിയാറ്റില്‍ മൂപ്പന്റേത് എന്ന നിലയില്‍ ടെഡ് പെറിയുടെ സ്ക്രിപ്റ്റ്‌ ഇപ്പോഴും എപ്പോഴും ഉദ്ധരിക്കപ്പെടുന്നു.നാസയും നാഷണല്‍ ജ്യോഗ്രഫിക്കും വരെ ഈ വ്യാജപ്രസംഗം ഉദ്ധരിച്ചിട്ടുണ്ട്.അമേരിക്കയിലെ എന്‍വയോണ്‍മെന്റല്‍ പ്രൊട്ടക്ഷന്‍ ഏജന്‍സിയുടെ (Environmental Protection Agency) വെബ്‌സൈറ്റിലും സിയാറ്റില്‍ മൂപ്പന്റെ പ്രസംഗത്തില്‍ നിന്നുള്ള ഒരു ഉദ്ധരണി കാണാം.അല്‍ ഗോറിന്റെ Earth in the Balance: Ecology and the Human Spirit എന്ന പുസ്തകത്തില്‍ 'മൂപ്പന്റെ പ്രസംഗം' ആധികാരികമെന്ന രീതിയില്‍ അവതരിപ്പിച്ചിട്ടുണ്ട്.അല്‍ഗോറിനു സത്യം അറിയില്ല എന്ന് വിശ്വസിക്കാന്‍ പ്രയാസം.ഈ കഥ അങ്ങിനെ ഉപേക്ഷിക്കാനൊരു മടി പോലെ.Almost like they hope that the end will justify means. മലയാളത്തിലും പുസ്തകങ്ങളിലും ബ്ലോഗിലുമായി പരിസ്ഥിതി സ്വപ്നജീവികളുടെ ഈ നിര്‍മ്മിക്കപ്പെട്ട പ്രവാചകന്റെ (manufactured prophet) സുവിശേഷത്തേക്കുറിച്ചുള്ള വാഴ്ത്തുമൊഴികള്‍ ധാരാളമാണ്.'മണ്ണിനും വെള്ളത്തിനും വായുവിനും അധികാരം കൽ‌പ്പിക്കാത്ത,പ്രക്യതിബോധത്തിലധിഷ്ഠിതമായ ആവാസവ്യവസ്ഥയെക്കുറിച്ച്' നമ്മെ ഉദ്ബോധിപ്പിക്കുന്ന, ഭൂതകാലത്തില്‍നിന്നുള്ള ആ 'ചുവന്ന' ആദിവാസിയുടെ വനരോദനം സത്യത്തില്‍ ഒരു 'വെളുത്ത' ആധുനിക മനുഷ്യന്റെ ഭാവനയാണ് എന്ന് സമ്മതിക്കാന്‍ നമുക്കെന്താണ് വിഷമം?

''There are so many of us who want so badly to be jolted out of our humdrum lives, to rekindle that sense of wonder we remember from childhood, and also, for a few of the stories, to be able, really and truly, to believe in Someone older, smarter, and wiser who is looking out for us.''CARL SAGAN.

-------------------------------------------------------------------------------------------------------------------------------

മരിക്കാത്ത മിത്തിന്റെ സാമൂഹ്യമനഃശാസ്ത്രം..

ഈ പ്രസംഗത്തിന്റെ ലക്ഷകണക്കിന് കോപ്പികളാണ് എല്ലാ ഭാഷകളിലുമായി ലോകമെമ്പാടും പ്രചരിക്കുന്നത്.ഇതിന് ഒരു കാരണം ഈ പ്രസംഗം ക്രിസ്തുമതത്തിന്റെ parable ആണെന്നതാണ്.പറുദീസയില്‍ പണ്ടുകാലത്ത് സുഖമായി കഴിഞ്ഞിരുന്ന മനുഷ്യന്റെ അനുസരണക്കേടും ദാര്‍ഷ്ട്യവും മൂലം ആ മഹത്വത്തില്‍ നിന്നു വീഴ്ച സംഭവിച്ച വര്‍ത്തമാനകാലവും അതിനെക്കുറിച്ചുള്ള നൊസ്റ്റാള്‍ജിയയും ദുഃഖവും.ഈ പോയിന്റ്‌ ഞാന്‍ മുന്‍പൊരു പോസ്റ്റിലും പറഞ്ഞിട്ടുണ്ട്.ഇത് ക്രിസ്തുമതത്തിന്റെ മാത്രം കാര്യമല്ല.എല്ലാ പ്രത്യയശാസ്ത്രങ്ങളുടെയും, അത് മതപരമോ രഷ്ട്രീയമോ സാമൂഹ്യപരമോ എന്തായാലും അതിന്റെയൊക്കെ പുറകില്‍ പൊതുവായി കാണാവുന്നത് കുറ്റബോധവും ആത്മനിന്ദയുമായിരിക്കും.(Real or imagined.)എല്ലാത്തിന്റെയും അടിസ്ഥാനം ഇതാണ്.വളരെ സുഖമായി സ്വര്‍ഗ്ഗീയമായ ജിവിതം നയിച്ചിരുന്ന ഒരു ഭൂതകാലം.വളരെ നികൃഷ്ടമായ ഒരു വര്‍ത്തമാനകാലം.(Real or imagined.) നഷ്ടപ്പെട്ടുപോയ നല്ലകാലത്തേക്കുറിച്ചുള്ള നൊസ്റ്റാള്‍ജിയയും അതൊക്കെ ഭാവിയില്‍ തിരിച്ചുകിട്ടനുള്ള ശ്രമവും.ഇതാണ് എല്ലാ ഇസങ്ങളുടേയും കാതല്‍ ‍.

“The humour of blaming the present, and admiring the past, is strongly rooted in human nature,and has an influence even on persons endued with the profoundest judgment and most extensive learning.'' David Hume

അബ്രഹാമിക് മതങ്ങളുടെ അടിസ്ഥാനമാണെങ്കില്‍ നഷ്ടപ്പെട്ടുപോയ പറുദീസയെക്കുറിച്ചുള്ള സങ്കടവും ദൈവത്തിന്റെ പ്രീതി തിരിച്ചുപിടിക്കാനുമുള്ള ശ്രമവുമാണ്.ഹിന്ദുമതത്തിനാണെങ്കില്‍ കഴിഞ്ഞു പോയി എന്ന് കരുതുന്ന ഒരു സത്യയുഗം എന്ന നല്ല കാലത്തിന്റെ ഓര്‍മ്മകളും ഇപ്പോഴത്തെ ചീത്ത കലിയുഗതില്‍നിന്നു രക്ഷപ്പെടാനുള്ള പരിശ്രമവുമാണ്.(ഓ.ടി :ചെറുപ്പത്തില്‍ സന്ധ്യാസമയത്ത്,'ഈ നരകത്തീന്നെന്നെ കരകേറ്റീടേണം തിരുവൈക്കം വാഴും ശിവശംഭോ'.. എന്നുറക്കെ ഒച്ചവയ്ക്കുന്നതിന് അച്ഛന്‍ ശകരിക്കുകയും പരിഹസിക്കുകയും ചെയ്തിരുന്നത് ഓര്‍മ്മ വരുന്നു.സ്വയം വെറുക്കാതിരിക്കാന്‍ പഠിപ്പിച്ച അച്ഛന് നന്ദി.)

കമ്യൂണിസത്തിന് ഇത് പ്രാകൃത കമ്മ്യൂണിസം എന്ന ആ നല്ല കാലത്തേക്കുറിച്ചുള്ള നൊസ്റ്റാള്‍ജിയയും കുത്തക മുതലാളിത്തം എന്ന വര്‍ത്തമാനകാല ഭീകരനെക്കുറിച്ചുള്ള ആശങ്കകളുമാണ്.അന്തിമലക്ഷ്യം തൊഴിലാളിവര്‍ഗ്ഗ സര്‍വ്വാധിപത്യം എന്ന നല്ലകാലവും.For environmentalism we have the concept of ‘noble savage’,our present state as sinners, or wasters of resources, and the ultimate bliss state to aim for is ‘sustainability’.Just like religions that speak of a time before sin, a pure state before the fall, I think there is also this secular desire that is hard wired in the brain.We keep on reinventing this basic principle of religion.Funny thing is even atheists and progressives have their own secular beliefs similar to religious beliefs.

"When people stop believing in God, they don't believe in nothing — they believe in anything." G.K. Chesterton

(ഓ.ടി:ഇപ്പോള്‍ സെല്‍ഫ്‌ ഹെയ്റ്റിന്റെ മറ്റൊരു സീസണാണെന്നു തോന്നുന്നു.ട്രെയിനില്‍വച്ചു ക്രൂരമായി പീഢിപ്പിക്കപ്പെട്ട സൌമ്യയാണ്‌ ഈ ഏറ്റവും പുതിയ സ്വയം നിന്ദയുടെ ഹേതു.'നമ്മള്‍ ആ പെണ്‍കുട്ടിയെ കൊന്നുകളഞ്ഞിരിക്കുന്നു' എന്ന് സുഗതകുമാരി.ബ്ലോഗിലും ബസ്സിലും സ്വയംനിന്ദക്കാരുടെ അയ്യരുകളിയാണ്.ചിലര്‍ പെണ്‍കുട്ടിയെ കൊന്നത് താനാണെന്ന് നിലവിളിക്കുന്നു. ചിലര്‍ പുരുഷന്മാര്‍ക്ക് ഉപയോഗിക്കാന്‍ അവിടെവിടെ പിവിസി പൈപ്പും റബ്ബര്‍ പാവകളും സ്ഥാപിക്കാന്‍ നിര്‍ദ്ദേശിക്കുന്നു,മിക്കവരും അതൊക്കെ കൈയടിച്ചു പാസാക്കുന്നു.പ്രതി തമിഴനാണെങ്കിലും കുറ്റം മൊത്തം മലയാളികളുടേതുമാണ് എന്നാണ് ഈ ആത്മപീഢകരുടെ നിലപാട്.(താനടങ്ങുന്ന മലയാളികളെ സ്വയം കുറ്റപ്പെടുത്തുമ്പോള്‍ കിട്ടുന്ന ആ മസോക്കിസ്റ്റ്‌ സുഖം തമിഴന്മാരെ കുറ്റപ്പെടുത്തിയാല്‍ കിട്ടില്ലല്ലോ.അതുകൊണ്ട് ആരും തമിഴന്മാരെ അടച്ചാക്ഷേപിക്കുന്നത് കണ്ടില്ല.മാത്രമല്ല ഏതെങ്കിലും ഒരു ഗ്രൂപ്പിനെ അടച്ചാക്ഷേപിക്കുന്നത് 'പൊളിറ്റിക്കലി കറക്റ്റ്' അല്ല. ചില അപവാദങ്ങള്‍ ഉള്ളതില്‍ ഒന്ന് പുരുഷന്മാരെ മൊത്തം ആക്ഷേപിക്കുന്നതാണ്.അത് പുരോഗമന ലക്ഷണത്തില്‍ പെടും.:-))

---------------------------------------------------------------------------------------------------------------

അല്പമെങ്കിലും ബയോളജിയോ ആന്ത്രോപോളജിയോ ആര്‍ക്കിയോളജിയോ അറിയുന്നവര്‍ക്ക് ഇതുപോലുള്ള 'നല്ലവനായ അപരിഷ്കൃതന്‍ '(noble savage) കഥകളില്‍ സംശയം തോന്നേണ്ടതാണ് എന്നെനിക്ക് തോന്നുന്നു.മനുഷ്യനടക്കം എല്ലാ ജീവജാലങ്ങളും അവരവരുടെ ഹ്രസ്വകാല ലക്ഷ്യങ്ങള്‍ മുന്നില്‍കണ്ടാണ് ജീവിക്കുന്നത്.ഒരു ജീവിയും പ്രകൃതിയുടേയോ മൊത്തം ഭൂമിയുടെയോ ക്ഷേമം മുന്നില്‍കണ്ട് ജീവിക്കുന്നില്ല.എല്ലാ ജീവികളും അവരവര്‍ക്ക് സാധ്യമായ രീതിയില്‍ നശീകരണവും മറ്റു ജീവികളുടെ വംശനാശവും നടത്തുന്നുമുണ്ട്.(Just a statement of fact.That doesn't imply we humans should continue doing it.) നമ്മുടെ ആനയുടെ കാര്യംതന്നെ നോക്കൂ.കാട്ടാന അതിന്റെ ഭക്ഷണത്തിന് വേണ്ടതില്‍ കൂടുതല്‍ സസ്യങ്ങള്‍ നശിപ്പിച്ചുകൊണ്ടാണ് തീറ്റയെടുക്കുന്നത്.'കരിമ്പിന്‍ തോട്ടത്തില്‍ ആന കയറിയ പോലെ' എന്ന പ്രയോഗം കേട്ടിട്ടില്ലെ?സാധാരണ ആനയുടെ നശീകരണശേഷി വനത്തിന്റെ പുനരുത്പാദനശേഷിയേക്കാള്‍ കുറവായതുകൊണ്ട് അതൊരു പ്രശ്നമാകുന്നില്ല എന്നുമാത്രം.അതുപോലെ ബീവറുകളുടെ പ്രശസ്തമായ ബീവര്‍ ഡാം നിര്‍മ്മാണം.ഇവ ഡാം നിര്‍മ്മിക്കാന്‍ കണ്ടമാനം മരങ്ങള്‍ നശിപ്പിക്കാറുണ്ട്.Generally these animals live in balance with nature,not because they are benevolent,but because their destructive power is limited.That is because every living thing is in competition with every body else and an equilibrium ensues.

എന്നാല്‍ ജീവികള്‍ അവ സ്വാഭാവികമായി പരിണമിച്ചതല്ലാത്ത പ്രദേശങ്ങളില്‍ എത്തിപ്പെട്ടാല്‍ ചിലപ്പോള്‍ മറ്റു ജീവികളുടെ സര്‍വ്വനാശം വരുത്താറുണ്ട്.അവിടെ അവക്ക് സ്വാഭാവിക ശത്രുക്കളില്ലാത്തതുകൊണ്ട് ഈ തുലനം നടപ്പാവില്ല.ഒന്നുകില്‍ പുതുമുഖങ്ങള്‍ കണക്കില്ലാതെ പെറ്റുപെരുകി പരിസ്ഥിതിനാശം വരുത്തി സ്വന്തം ശവകുഴി തോണ്ടും.ഉദാഹരണം...ഹവായ് ദീപിലേക്ക് മനുഷ്യന്‍ കയറ്റിവിട്ട മുയലുകള്‍ പത്തുവര്‍ഷം കൊണ്ട് ദ്വീപ് മൊത്തം തരിശാക്കി.താമസിയാതെ മുയലുകളും ചത്തൊടുങ്ങി.അല്ലെങ്കില്‍ പുതുമുഖങ്ങള്‍ ഒറിജിനല്‍ താമസക്കാര്‍ക്ക് ശവക്കുഴി തീര്‍ത്ത് ഒരു pest ആയി പിടിച്ചുനില്‍ക്കും.ഓസ്ട്രേലിയയിലേക്ക് വെള്ളക്കാര്‍ കൊണ്ടുവന്ന മുയല്‍ ‍, കേരളത്തിലെ നദികളില്‍ ഉണ്ട് എന്ന് പറയപ്പെടുന്ന ആഫ്രിക്കന്‍ മുഷി എന്ന മത്സ്യം,നമ്മുടെ നദികളിലെ ആഫ്രിക്കന്‍ പായല്‍ ‍,കുളവാഴ etc...etc..അങ്ങിനെ ഉദാഹരണങ്ങള്‍ അത്ര വേണമെങ്കിലുമുണ്ട്.ഒന്ന് ചീഞ്ഞാല്‍ വേറൊന്നിനു വളം അതാണ് പ്രകൃതിയുടെ രീതി.

മനുഷ്യന്റെ കാര്യത്തിലും വലിയ വ്യത്യാസമൊന്നുമില്ല.ഹോമോ സാപിയന്‍സ് നിയാണ്ടര്‍ത്താലുകളെ ഉന്മൂലനം ചെയ്താണ് ഇപ്പോഴത്തെ പദവിയിലെത്തിയത് എന്നതിന് സൂചനകളുണ്ട്.ഏകദേശം 11000 വര്‍ഷങ്ങള്‍ക്കുമുന്‍പ് അമേരിക്കന്‍ ഭൂഖണ്ഡത്തിലെ പല വലിയ സസ്തനികളും നാമാവശേഷമായി.ആ സമയത്തുതന്നെയാണ് നമ്മുടെ 'ഹരിതപ്രസംഗിയായ' മൂപ്പന്റെ പൂര്‍വികര്‍ ,അമേരിക്കന്‍ ഇന്ത്യക്കാര്‍ അവിടെയെത്തിയതിന് തെളിവുകളുള്ളത്.സ്വാഭാവികമായും അവര്‍ക്ക് ഈ വംശനാശത്തില്‍ പങ്കുണ്ടായിരുന്നു എന്ന് സംശയിക്കാം.ചിത്രം നോക്കുക...

എല്ലായിടത്തും മനുഷ്യന്‍ ചെല്ലുന്നതോടുകൂടി വമ്പന്‍ ജൈവനാശമാണ് സംഭവിക്കുന്നത്.ഇത് തീര്‍ത്തും യാദൃശ്ചികമാണ് എന്നാണോ?ആദിമവാസികളുടെ ജൈവ നശീകരണത്തിന് ഒരു ഉദാഹരണമായി ഈസ്റ്റര്‍ ദ്വീപിന്റെ കഥ നോക്കാം.നൂറുകണക്കായ പടുകൂറ്റന്‍ കരിങ്കല്‍ ശില്പങ്ങള്‍ക്ക് പ്രസിദ്ധമായ സ്ഥലം.1772 ല്‍ ഡച്ചുകാരനായ Jakob Roggeveen ഈ ദ്വീപ് കണ്ടെത്തുമ്പോള്‍ ദ്വീപും അതിലെ പ്രതിമകളും ഏറെക്കുറെ ഉപേക്ഷിച്ച നിലയിലായിരുന്നു.ദ്വീപിലെ ചുരുക്കം താമസക്കാര്‍ പ്രതിമാനിര്‍മ്മാണം പണ്ടേ നിര്‍ത്തിയിരുന്നു.പൂര്‍ത്തിയാകാത്ത ധാരാളം പ്രതിമകള്‍ ചിതറി കിടക്കുന്നു.എല്ലാവരും പെട്ടെന്ന് പണി നിര്‍ത്തിപ്പോയ പ്രതീതി.എന്താണ് ഇവിടെ സംഭവിച്ചത്?

ദ്വീപില്‍ ജനവാസം തുടങ്ങുന്നത് AD 400 ലാണ്.ആ സമയത്ത് ഇടതൂര്‍ന്ന കാടുകളുള്ള പ്രദേശമായിരുന്നു ഇത് എന്നതിനു തെളിവുകളുണ്ട്.ഈ മരങ്ങള്‍ വെട്ടിയാണ് അവര്‍ പ്രതിമ നിര്‍മാണത്തിനുള്ള കല്ലുകള്‍ മൈലുകള്‍ക്കകലെനിന്നു പോലും കൊണ്ടുവരാന്‍ റോളറുകളായി ഉപയോഗിച്ചത്.AD 900 ത്തോടു കൂടി കാടു കുറഞ്ഞുവരുന്നതിന്റെ സൂചനകള്‍ കാണാം.AD 1500 എത്തുമ്പോള്‍ ഏകദേശം ആയിരത്തോളം കൂറ്റന്‍ പ്രതിമകള്‍ അവര്‍ നിര്‍മ്മിച്ചിട്ടുണ്ടായിരുന്നു.പക്ഷേ അപ്പോഴേക്കും ദ്വീപ് കാടു പോയി മരുപ്പറമ്പായി കഴിഞ്ഞിരുന്നു.വനനശീകരണം മൂലമുള്ള മണ്ണൊലിപ്പുമൂലം കൃഷി പരാജയപ്പെട്ടുതുടങ്ങി.തടി ലഭ്യമല്ലാതായതോടുകൂടി തോണികളുടെ നിര്‍മാണവും മീന്‍ പിടുത്തവും നിലച്ചു.ഫലം പട്ടിണി.താമസിയാതെ ദ്വീപു നിവാസികള്‍ യുദ്ധം തുടങ്ങി പരസ്പരം വെട്ടിമരിച്ചു.പ്രതിമാനിര്‍മാണമൊക്കെ മുന്നേ ഉപേക്ഷിക്കപ്പെട്ടിരുന്നു.ഡച്ചുകാര്‍ കാണുന്ന ഈസ്റ്റര്‍ ദ്വീപ് 'പ്രകൃതിയോടിണങ്ങി ജീവിച്ച കുറെ ആദിമ വാസികള്‍ ' ബാക്കിയാക്കിയ മരുപ്പറമ്പാണ്.

മിക്കവാറും എല്ലാ പ്രാചീന സംസ്കാരങ്ങളും നശിച്ചത് പരിസ്ഥിതി നാശത്തിലൂടെയാണ് എന്നതിന് സൂചനകളുണ്ട്.ഈജിപ്തിലെ മരുഭൂമിയുടെ നടുവില്‍ കുറെ പിരമിഡുകള്‍ എങ്ങിനെ വന്നു എന്നലോചിച്ചിട്ടുണ്ടോ?പിരമിഡുകള്‍ പണിയുന്ന കാലത്ത് വലിയ കല്ലുകള്‍ ഉരുട്ടികയറ്റാന്‍ റാംപുകള്‍ ഉണ്ടാക്കാനുള്ള തടി വെട്ടിയെടുക്കാന്‍ പാകത്തിന് ധാരാളം വനവും ആയിരകണക്കിന് വരുന്ന പണിക്കര്‍ക്ക് ഭക്ഷണം ഉണ്ടാക്കാനുള്ള ആവശ്യമായ കൃഷിസ്ഥലവും ചുറ്റും ഉണ്ടായിരുന്നു.അമിത ചൂഷണം നിമിത്തം അത് നശിച്ചപ്പോള്‍ പിരമിഡ്‌ നിര്‍മാണവും നിന്നു.പിരമിഡ്‌ മരുഭൂമിയില്‍ നിര്‍മ്മിച്ചതല്ല.നല്ല ഭൂമിയില്‍ പിരമിഡുകള്‍ നിര്‍മ്മിച്ചതിന്റെ ഫലമായി ചുറ്റും മരുഭൂമിയായതാണ്.ജോര്‍ദാനിലെ പെട്രയും കംബോഡിയയിലെ അങ്കോര്‍ വാട്ടും മറ്റും ഉപേക്ഷിക്കപ്പെട്ടതും ആ കൂറ്റന്‍ നിര്‍മ്മിതികള്‍ ഉണ്ടാക്കിയ പരിസ്ഥിതി അത്യാഹിതം(eco-disaster) മൂലമായിരുന്നു.സിന്ധുനദീതട സംസ്കാരം അസ്തമിച്ചതിനു പുറകിലും ഇതുപോലുള്ള അന്തം വിട്ട പ്രകൃതി ചൂഷണത്തിന്റെ സൂചനകളുണ്ട്.ഇരിക്കുന്ന കൊമ്പ് മുറിക്കുന്ന വിദ്യ ആധുനിക മനുഷ്യന്റെ (വെളുത്ത യൂറോപ്യന്‍മാരുടെ) കുത്തകയൊന്നുമായിരുന്നില്ല എന്നര്‍ത്ഥം.History of mankind is a relentless process of adaptations to the world that always generate new problems (in the form of disease, famine, climate change, migration enviormental destruction etc.) that call for further adaptations and tinkering.

So in reality all human societies,from hunter gathers and stone age farmers have been undermining their own subsistence by exterminating species and damaging environments for thousands of years.So it's not news.The only difference is modern man does it with far more intensity. അതായത് വെറും ചൂഷണം മാത്രമല്ല പ്രശ്നം,മറിച്ച് ആധുനിക മനുഷ്യന്‍ പ്രകൃതിയുടെ പുനരുല്പാദന ശേഷിയെ കവച്ചുവയ്ക്കുന്ന തരത്തിലുള്ള ചൂഷണമാണ് ചെയ്യുന്നത്.നമ്മുടെ പൂര്‍വികര്‍ തീര്‍ച്ചയായും വിഡ്ഢികളൊന്നുമായിരുന്നില്ല.അതേസമയം അവരൊന്നും അസാമാന്യമായ ദീര്‍ഘവീക്ഷണമുള്ളവരും ആയിരുന്നില്ല.ഇപ്പോഴത്തെ ആളുകളേപ്പോലെ തന്നെ.എല്ലാവരും നല്ലതെന്നും ബുദ്ധിപൂര്‍വം എന്നും അവരവര്‍ കരുതുന്ന കാര്യങ്ങള്‍ തന്നെയേ ചെയ്തിട്ടുള്ളൂ.പലതും ദീര്‍ഘകാലാടിസ്ഥാനത്തില്‍ അബദ്ധമായിരുന്നു എന്ന് പിന്നീടാണ് മനസ്സിലാക്കുന്നത്.(with perfect 20-20 hind sight.) ഇത് മനസ്സിലാക്കാനും നമുക്ക് ഒരു ആദിവാസിയുടെ വാക്കുകള്‍ വളച്ചൊടിച്ചുണ്ടാക്കിയ ഒരു കള്ളക്കഥയുടെ പിന്‍ബലം ആവശ്യമുണ്ടോ?'രേഖയുള്ള'(card carrying) പരിസ്ഥിതിവാദിയാകാന്‍ മൂപ്പന്റെ ദീര്‍ഘവീക്ഷണം എന്ന ഈ നുണ അണ്ണാക്കുതൊടാതെ വിഴുങ്ങണമെന്നത് നിര്‍ബന്ധമാണോ?Should we be satisfied with propaganda that are simplistic,childish narratives and cliches that ignite our pseudo-religious feelings of euphoria? നമുക്ക് സ്വയം വെറുക്കാതെ,നിന്ദിക്കാതെ അല്പം കൂടി അച്ചടക്കത്തോടെ പ്രകൃതിയെ ഉപയോഗിക്കാന്‍ സാധിക്കില്ല എന്നുണ്ടോ?

അവസാനവാക്ക് ഈ പ്രസംഗത്തിന്റെ യഥാര്‍ത്ഥ കര്‍ത്താവായ ടെഡ്‌ പെറിയുടേതാകട്ടെ.....

“Why are we so willing to accept a text like this if it’s attributed to a Native American? It’s another case of placing Native Americans up on a pedestal and not taking responsibility for our own actions.”

--------------------------------------------------------------------------------------------------------------------------

''when the people (by “the people” I mean the broad population in a democracy) have lost the ability to set their own agendas, or even to knowledgeably question those who do set the agendas; when there is no practice in questioning those in authority;........ our critical faculties in steep decline, unable to distinguish between what’s true and what feels good, we slide, almost without noticing, into superstition and darkness.That worries me.''CARL SAGAN

(ഒരു അനുബന്ധം:എനിക്ക് ഇത്രയും കാലത്തെ വായനയില്‍നിന്നു മനസ്സിലായ ഒരു സാമാന്യ നിയമന്മുണ്ട്,ഒരു rule of thumb.വിശ്വസനീയമായ അറിവ് എങ്ങിനെ കണ്ടെത്തും എന്നതിനെക്കുറിച്ച് ഞാന്‍ പണ്ട് എഴുതിയ രണ്ടു നെടുങ്കന്‍ പോസ്റ്റുകളുടെ എസ്സന്‍സ് ഈ ഒരൊറ്റ വരിയില്‍ ഒതുക്കാം.''If something appears too good to be true,it probably is..!!..''ബുദ്ധന് ബോധോദയം പോലെ എനിക്ക് കിട്ടിയ ഒരു വെളിപാടായിരുന്നു ഈ നിയമം.'വാനമ്പാടിയുടെ ഏകാന്തവിലാപവും രാത്രികാലത്ത് കുളക്കരയിലെ തവളകളുടെ കരച്ചിലും'സ്വപ്നം കാണുന്ന, ഒരു കെട്ടുകഥയിലെ ആദിമവാസിയുടെ വാക്കുകളേക്കാള്‍ നമുക്ക് ഉപകരിക്കുക,ഒരുപക്ഷേ ഇതായിരിക്കും.നമ്മുടെ കുട്ടികള്‍ കാള്‍ സാഗന്‍ പറയുന്നപോലെ സത്യവും കേള്‍ക്കാന്‍ സുഖമുള്ള കാര്യവും തമ്മിലുള്ള വ്യത്യാസം തിരിച്ചറിയാത്ത സ്വപ്നജീവികളായി വളരണോ?എനിക്ക് മനസ്സിലായ ഈ നിയമം ഞാന്‍ ആദ്യം പരീക്ഷിച്ചു നോക്കുന്നത് സിയാറ്റില്‍ മൂപ്പന്റെ കാര്യത്തിലാണ്.കാരണം ഈ കഥ അതിശയോക്തിയാണെന്ന് എനിക്ക് പണ്ടേ തോന്നിയിരുന്നു.അല്ലാതെ മൂപ്പന്റെ പ്രസംഗം ഒരു തട്ടിപ്പാണ് എന്ന് ഒരാളും പറഞ്ഞു ഞാന്‍ കേട്ടിട്ടില്ല.എവിടെയും വായിച്ചിരുന്നുമില്ല.മൂപ്പന്റെ പ്രസംഗം...it's just too good to be true.അങ്ങനെയൊരു പഠനത്തിന്റെ ഫലമാണ്‌ ഈ പോസ്റ്റ്‌.)

കൂടുതല്‍ വായനക്ക്....

- ANSWERING CHIEF SEATTLE by Albert Furtwangler (കഴിഞ്ഞ പോസ്റ്റിലെ ടെഡ്ഢി കരടിയുടെ പരിണാമം പോലെ സീയാറ്റില്‍ മൂപ്പന്റെ പ്രസംഗത്തിന്റെ പരിണാമവും രസകരമാണ്.ടെഡ് പെറിയുടെ വേര്‍ഷനില്‍ പുറകെ വന്ന പരിസ്ഥിതി സ്വപ്നജീവികള്‍ അവരുടെ വക കൂടുതല്‍ അസംബന്ധങ്ങള്‍ എഴുതി ചേര്‍ത്തിട്ടുണ്ട്.താല്പര്യമുള്ളവര്‍ക്ക് ഈ പുസ്തകം വായിക്കാം.)

ലിങ്കുകള്‍ ‍....

-മൂപ്പന്റെ പ്രസംഗത്തിന്റെ ഹെന്റി സ്മിത്ത്‌ വേര്‍ഷന്‍.

-ടെഡ്‌ പെറിയുടെ സൃഷ്ടിയുടെ ഒരു മലയാള വിവര്‍ത്തനം.

'തങ്ങള്‍ക്ക് കീഴടങ്ങി, ഭൂമി കൈമാറണം എന്ന് വെള്ളക്കാരുടെ ഗവര്‍ണര്‍ ഐസക് സ്റ്റീവന്‍സ് പറഞ്ഞപ്പോള്‍ '‍....... എന്നാണ് വിവര്‍ത്തകന്‍ ആമുഖമായി 'കൈയ്യില്‍നിന്ന് ചേര്‍ത്തിരിക്കുന്നത്', പ്രതിഫലമൊന്നും നല്‍കാതെ ബലമായാണ് ഭൂമി പിടിച്ചെടുത്തത് എന്ന് തെറ്റിദ്ധരിപ്പിക്കാന്‍ വേണ്ടി.വെള്ളക്കാരന്റെ നികൃഷ്ടത എല്ലാവര്‍ക്കും ബോധ്യമാവട്ടെ.(ഓ.ടി:മാതൃഭൂമി ബുക്സിന്റെ സൈറ്റാണ് ഇത്.അപ്പോള്‍ മാതൃഭൂമി പ്രസിദ്ധീകരിച്ച ഏതെങ്കിലും പുസ്തകത്തില്‍നിന്നായിരിക്കും ഇത് എന്ന് കരുതുന്നു.എന്റെ കഴിഞ്ഞ പോസ്റ്റ് മാതൃഭൂമി ബ്ലോഗനയില്‍ പബ്ലിഷ് ചെയ്തപോലെ ഈ പോസ്റ്റും അവര്‍ ബ്ലോഗനയില്‍ അച്ചടിക്കുമോ?:-))

-1992 ല്‍ ന്യൂയോര്‍ക്ക് ടൈംസില്‍ ഈ മിത്തിനേക്കുറിച്ച് വന്ന ലേഖനം.

-ഹ്യൂമണ്‍ ഇക്കോളജി റിവ്യൂവില്‍ വന്ന ഒരു ലേഖനം.

-The Skeptical Inquirer (March/April-1999)ല്‍ വന്ന ലേഖനം.

-1994 മെയ്‌ മാസത്തില്‍ റീഡേഴ്സ് ഡൈജസ്റ്റ്‌ മാസികയില്‍ വന്ന ലേഖനം.

---

ടെഡ്ഡി കരടിയുടെ പരിണാമം അഥവാ ഓമനത്തമുള്ള ശാസ്ത്രം.

2011-01-29T18:33:00.002+05:30

ടെഡ്ഡി ബെയര്‍ എന്ന ടെഡ്ഡി കരടിയുടെ പരിണാമമാണ് ഇവിടെ വിഷയം.ബയോളജിയിലെ പരിണാമവും ഈ പാവയുമായി എന്ത് ബന്ധം എന്ന് ചോദിയ്ക്കാന്‍ വരട്ടെ...ആദ്യം അല്പം ടെഡ്ഡി ബെയര്‍ ചരിത്രം.കഥ തുടങ്ങുന്നത് 1902 ല്‍ അന്നത്തെ അമേരിക്കന്‍ പ്രസിഡന്റായ തിയഡോര്‍ (ടെഡ്ഡി)റൂസ്‌വെല്‍റ്റില്‍ നിന്നാണ്.മിസ്സിസിപ്പിയില്‍ ഒരു സന്ദര്‍ശനത്തിനെത്തിയ അദ്ദേഹം വേട്ടയാടാന്‍ പോവുകയും അദ്ദേഹത്തിന് 'വേട്ടയാടാന്‍' സൌകര്യത്തിന് ഒരു മരത്തില്‍ പിടിച്ചു കെട്ടിയിരുന്ന ഒരു കരടിയെ വെടിവയ്ക്കാന്‍ വിസമ്മതിക്കുകയും ചെയ്തു എന്നുമാണ് കഥ.റൂസ്‌വെല്‍റ്റിന്റെ ഈ മാന്യമായ പെരുമാറ്റം പിറ്റേന്നത്തെ പത്രത്തില്‍ വലിയ വാര്‍ത്തയായും Clifford Barryman എന്ന പ്രശസ്ത പൊളിറ്റിക്കല്‍ കാര്‍ട്ടൂണിസ്റ്റിന്റെ കാര്‍ട്ടൂണായും പ്രത്യക്ഷപ്പെട്ടു.സംഭവം അങ്ങിനെ വന്‍ ചര്‍ച്ചാവിഷയമായി.

ഇതേ സമയം Morris Michtom എന്ന ഒരു കടക്കാരനും അദ്ദേഹത്തിന്റെ ഭാര്യ റോസും ബാരിമാന്‍ കാര്‍ട്ടൂണിന്റെ അടിസ്ഥാനത്തില്‍ കരടിയുടെ തുണിപ്പാവകള്‍ ഉണ്ടാക്കി വില്‍ക്കാന്‍ തുടങ്ങുന്നു.(With typical American ingenuity and capitalist mentality:-)) വളരെ വാര്‍ത്താപ്രാധാന്യം നേടിയ റൂസ്‌വെല്‍റ്റ് സംഭവം നല്ലൊരു ബിസിനസ്സാക്കാന്‍ അവര്‍ റൂസ്‌വെല്‍റ്റിന്റെ അനുവാദത്തോടെ പാവകള്‍ക്ക് Teddy's bear എന്ന് നാമകരണം ചെയ്യുന്നു.ബിസിനസ്സ് പച്ചപിടിക്കുന്നു.

ഇനി കഥ ജര്‍മനിയിലേക്ക്.അവിടെ സ്റ്റെയ്ഫ് എന്നൊരു കമ്പനിക്ക്‌ അവരുടെ വലിയ വില്പനയൊന്നുമില്ലാതിരുന്ന കരടി പാവകളെ അമേരിക്കയിലേക്ക് കയറ്റുമതിക്കുള്ള ഓര്‍ഡര്‍ കിട്ടുന്നു.അമേരിക്കയിലെ ടെഡ്ഡി ബെയര്‍ ക്രേസില്‍നിന്ന് ലാഭം കൊയ്യാനുള്ള വേറൊരാളുടെ ശ്രമം.ഒറിജിനല്‍ അമേരിക്കന്‍ ടെഡ്ഡികള്‍ക്ക് കാര്‍ട്ടൂണ്‍ ലുക്കായിരുന്നെങ്കില്‍ ജര്‍മന്‍ കരടിക്ക് മൂക്കൊക്കെ നീണ്ട ഒറിജിനല്‍ കരടി രൂപമായിരുന്നു.

റൂസ്‌വെല്‍റ്റ് അടുത്ത തെരഞ്ഞെടുപ്പില്‍ വളരെ പ്രശസ്തമായി കഴിഞ്ഞ 'ടെഡ്ഡിയുടെ കരടിയെ' വിജയകരമായി ഉപയോഗിക്കുന്നു.റൂസ്‌വെല്‍റ്റിന്റെ മകളുടെ വിവാഹസല്‍ക്കാരത്തിലും അലങ്കാരമായി ടെഡ്ഡിയുടെ സ്റ്റെയ്ഫ് മോഡല്‍ കരടികള്‍ ഉണ്ടായിരുന്നത്രെ. ചുരുക്കത്തില്‍ അമേരിക്കയില്‍ ടെഡ്ഡി ബെയര്‍ ജ്വരം പടര്‍ന്നു പിടിക്കുന്നു.ആറു വര്‍ഷത്തിനുള്ളില്‍ ഇരുപതോളം ടെഡ്ഡി ബെയര്‍ നിര്‍മാണകമ്പനികള്‍ നിലവില്‍ വരുന്നു.

ഇനിയാണ് നമ്മുടെ പരിണാമം.നമ്മുടെ ഡാര്‍വിന്റെ പരിണാമ സിദ്ധാന്തം തന്നെ.'Survival of the fittest' എന്നൊക്കെ ഒരു ചെറിയ മുദ്രവാക്യ രൂപത്തില്‍ പറയുന്ന ആ സാധനം. പല കമ്പനികള്‍ ഇറക്കുന്ന പലതരം ടെഡ്ഡി കരടികള്‍ ‍.ഇവയില്‍ ചില തരം ടെഡ്ഡികള്‍ കൂടുതല്‍ വില്‍ക്കപ്പെടും.ഉപഭോക്താവിന് പാവയോട് തോന്നുന്ന കൌതുകമാണ് ഇവിടെ വില്പന തീരുമാനിക്കുക.ആളുകള്‍ക്ക് കൂടുതല്‍ ഓമനത്തം തോന്നുന്ന പാവകള്‍ കൂടുതല്‍ വില്‍ക്കപ്പെടും.'Unfit' ആയ ഡിസൈനുകളള്‍ പതുക്കെ ഇല്ലാതാകും.താമസിയാതെ എല്ലാവരും കൂടുതല്‍ ഡിമാന്റുള്ള പാവകളെ അനുകരിക്കാന്‍ തുടങ്ങും.എന്നാലും എല്ലാ കമ്പനികളുടെയും പാവകള്‍ തമ്മില്‍ ചില വ്യത്യാസങ്ങളുണ്ടാകും.അവരവരുടെ ട്രേഡ് മാര്‍ക്ക്‌ (variation). ചിലര്‍ അല്പം കൂടുതല്‍ സാഹസികമായി എന്തെങ്കിലും പ്രത്യേകതകളും അവതരിപ്പിക്കും(mutation).പെട്ടെന്ന് കീറിപ്പോകാത്ത, വേണമെങ്കില്‍ അലക്കാവുന്ന,നല്ല മാര്‍ദ്ദവമുള്ള സിന്തറ്റിക്ക് തുണികള്‍ ‍,കൂടുതല്‍ തിളക്കമുള്ള സ്ഫടികം കൊണ്ടുള്ള കണ്ണുകള്‍,ടെഡ്ഡിയുടെ നിറം - കറുപ്പ് ,വെളുപ്പ്‌ ,ഇളം തവിട്ടു,ചാരനിറം etc..etc..എന്തൊക്കെയായാലും കൂടുതല്‍ വില്പനയുള്ളത് വിജയിക്കും.Darwin's principle of natural selection goes to work, weeding out the less fit teddy bear models in the competition of the marketplace. അപ്പോള്‍ എന്തൊക്കെ പ്രത്യേകതകളുള്ള ഡിസൈനുകളായിരിക്കും കൂടുതല്‍ വില്‍ക്കപ്പെടുക? അഥവാ വിജയിക്കുക?Which all designs will make the winner in this game of survival of the fittest?...!!..or shall we say survival of the cutest?ആളുകള്‍ക്ക് കൂടുതല്‍ ചന്തം അല്ലെങ്കില്‍ ഓമനത്തം തോന്നുന്നത് ഏതുതരം പാവകളോടായിരിക്കും?അഥവാ ഈ ഓമനത്തം തീരുമാനിക്കുന്ന എന്തെങ്കിലും അടിസ്ഥാന നിയമങ്ങളുണ്ടോ?

സമാനമായ ഒരു പരിണാമത്തെക്കുറിച്ച് സ്റ്റീഫന്‍ ജേ ഗൌള്‍ഡിന്റെ പ്രശസ്തമായ ഒരു ലേഖനമുണ്ട്.A Biological homage To Micky mouse.പേര് സൂചിപ്പിക്കുന്നപോലെ മിക്കി മൌസിന്റെ പരിണാമമാണ് വിഷയം.മിക്കിക്ക് പുറകോട്ടാണ് പ്രായമാകുന്നത് എന്ന് ഗൌള്‍ഡ് പറയുന്നു.അതായത് വര്‍ഷം പോകുംതോറും മിക്കി കൂടുതല്‍ കൂടുതല്‍ കുട്ടിത്തമുള്ളവനാകുന്നു.ആദ്യകാല മിക്കി അത്രയൊന്നും മാന്യനല്ലാത്ത, നല്ല വളര്‍ത്തുദോഷമുള്ള ഒരു ജീവിയായിരുന്നു.

(The original Mickey was a rambunctious, even slightly sadistic fellow. In a remarkable sequence, exploiting the exciting new development of sound, Mickey and Minnie pummel, squeeze, and twist the animals on board to produce a rousing chorus of “Turkey in the Straw.” They honk a duck with a tight embrace, crank a goat's tail, tweak a pig's nipples, bang cow's teeth as a stand-in xylophone, and play bagpipe on her udder.-Stephen Jay Gould.)

മിക്കി ഹിറ്റായതോടുകൂടി പൊതുജനാഭിപ്രയമനുസരിച്ച് പതുക്കെ മിക്കിയുടെ സ്വഭാവം മാറി മാന്യനായി.ഈ സ്വഭാവമാറ്റത്തോടൊപ്പം രൂപവും കൂടുതല്‍ ഓമനത്തമുള്ളതായി.അപ്പോള്‍ എന്താ ഈ ഓമനത്തമുള്ള രൂപം?അതിന് വല്ല കണക്കുകളും കാര്യങ്ങളുമൊക്കെ ഉണ്ടോ?

ഈ ചിത്രം നോക്കുക.ഒരു ശിശുവിന്റേയും പൂര്‍ണ്ണ വളര്‍ച്ചയെത്തിയ ഒരു മനുഷ്യന്റെയും ശാരീരികാനുപാതത്തിന്റെ ഒരു താരതമ്യമാണ് ഇത്.ശിശുവിന്റെ വലിയ തലയും കുറിയ കൈകാലുകളും ശ്രദ്ധിക്കുക.ഭ്രൂണത്തിന്റെ തലഭാഗം ആദ്യം വിവേചിക്കുകയും വളരുകയും ചെയ്യുന്നതുകൊണ്ടാണ് കുട്ടികളില്‍ വലിയ തലയും കുറിയ കൈകാലുകളും ഉണ്ടാകുന്നത്.ഉരുണ്ട നെറ്റി,വലിയ കണ്ണുകള്‍ (കണ്ണുകള്‍ ജനിക്കുമ്പോള്‍ തന്നെ ഏറെക്കുറെ പൂര്‍ണവളര്‍ച്ച എത്തിയിട്ടുണ്ടയിരിക്കും.അതുകൊണ്ടാണ് മുഖവുമായി താരതമ്യം ചെയ്യുമ്പോള്‍ കുട്ടികള്‍ക്ക് വലിയ കണ്ണുകള്‍ ) ചെറിയ മൂക്ക്(ever heard of a 'cute button nose'?),ചെറിയ താടിയെല്ലുകള്‍ ഇവയെല്ലാം ശിശു ശരീരത്തിന്റെ ലക്ഷണങ്ങളാണ്.ചിത്രം നോക്കുക.

അപ്പോള്‍ ഓമനത്തത്തിന്റെ ലക്ഷണങ്ങള്‍ ശിശു ലക്ഷണങ്ങള്‍ തന്നെയാണ്.ശരാശരി വലുപ്പമുള്ള ഒരു ദേഹത്തില്‍ വളരെ കുറിയ കൈകാലുകള്‍ ,വലിയൊരു ഉരുണ്ട തല,വലിയ കണ്ണുകള്‍ ചെറിയ മൂക്കും തടിയും,മൊത്തത്തില്‍ പരന്ന മുഖം(വലിയ കവിളുകള്‍ ‍-fat deposit on cheeks known as buccal pad of fat makes a flat face.)ഒരു നഴ്സറി റൈം കേട്ടിട്ടില്ലെ....

''Chubby Cheeks, dimple chin

Rosy lips, teeth within

Curly hair very fair

Eyes are blue, lovely too

Teacher’s pet, “is that you”

Yes, yes, yes.''

ആധുനിക പെരുമാറ്റശാസ്‌ത്രത്തിലെ(Ethology) പ്രധാനികളിലൊരാളായ കോണ്‍റാഡ് ലോറന്‍സ്(Nobel prize-1973) ആദ്യമായി ചൂണ്ടിക്കാട്ടിയ ഒരു കാര്യമുണ്ട്.മുകളില്‍ കാണിച്ച ശിശു ലക്ഷണങ്ങളോട് മനുഷ്യര്‍ വളരെ സോഫ്റ്റ്‌ ആയും സ്നേഹത്തോടെയും പെരുമാറുന്നു.ആ ലക്ഷണങ്ങളെ 'helpless', 'cute', 'in need of care', 'non threatening എന്നൊക്കെയാണ് ലോകമെമ്പാടുമുള്ള എല്ലാ മനുഷ്യ സമൂഹങ്ങളും കണക്കാക്കുന്നത്. ഒന്നാലോചിച്ചാല്‍ അതില്‍ അത്ഭുതമില്ല.Infants die without our care,and if they have to live they better be irresistible to us.Being cute could be a life-or-death matter for a baby.Having the right sort of features to elicit caring behavior by adults would certainly enhance the survival chances of an infant creature unable to care for itself.

ഇങ്ങനെ ഓമനത്തം തിരിച്ചറിഞ്ഞു പെരുമാറാനുള്ള കഴിവ് 'സമൂഹനിര്‍മിതി' അല്ല എന്നും കരുതാന്‍ ന്യായങ്ങളുണ്ട്.(മറ്റു മൃഗങ്ങളിലും അവരുടെ കുട്ടികളില്‍ ഇതുപോലെ കാഴ്ചയില്‍ത്തന്നെ മുതിര്‍ന്നവരുടെ അഗ്രഷന്‍ കുറയ്ക്കുന്ന,അല്ലെങ്കില്‍ ഓമനത്തം തോന്നിപ്പിക്കുന്ന കാര്യങ്ങളുണ്ട്.Jane Goodall found that baby chimps have a tuft of white on their tail and they are safe from attack as long as they retains them.ഈ വിശദീകരണം ഇവലൂഷണറി സൈക്കോളജി പ്രകാരമുള്ളതായതുകൊണ്ടും 'ഇവലൂഷണറി സൈക്കോളജി' എന്നു കേട്ടാല്‍ അപസ്മാരമിളകുന്ന ചിലരുള്ളതുകൊണ്ടും ഇതിവിടെ വ്യക്തമാക്കുന്നു എന്നെയുള്ളൂ.

ആദ്യകാല ടെഡ്ഡികള്‍ക്ക് കൂടുതല്‍ സാമ്യം യഥാര്‍ത്ഥ കരടികളോടായിരുന്നു.നീണ്ട മൂക്കും ചെറിയ കണ്ണുകളും താഴ്ന്ന നെറ്റിയുമൊക്കെയുള്ള ഒരു സാദാ കരടി.പിന്നെപിന്നെ പതുക്കെ മാറ്റങ്ങള്‍ വരാന്‍ തുടങ്ങി.കണ്ണുകള്‍ വലുതായി.നെറ്റി ഉയര്‍ന്നു.മുഖം പരന്നു.അഥവാ ഈ ഗുണങ്ങള്‍ അറിയാതെയാണെങ്കിലും ഉള്‍പെടുത്തിയ ഡിസൈനുകള്‍ക്ക് കൂടുതല്‍ വില്‍പ്പനയുണ്ടായി. ഡാര്‍വിന്റെ 'descent with modification' നു അജൈവലോകത്തുനിന്ന് ഒരു ഉദാഹരണം. ചുരുക്കി പറഞ്ഞാല്‍ ബെയര്‍ എന്ന പേരല്ലാതെ ശരിക്കുള്ള കരടിയില്‍നിന്നു സവധാനം അകന്നു പോയി നമ്മുടെ പാവ.ആധുനിക ടെഡ്ഡികളുടെ അളവുകള്‍ക്ക് ഒരു കരടിയുടേതിനേക്കാള്‍ സാമ്യം ഒരു മനുഷ്യ ശിശുവിനോടാണ്.ഒരു ആദ്യകാല ടെഡ്ഡിയും ടെഡ്ഡിയുടെ നൂറാം വാര്‍ഷികത്തില്‍ 2002 ല്‍ ഇറങ്ങിയ ഒരു ടെഡ്ഡിയും തമ്മിലുള്ള താരതമ്യം നോക്കൂ.ആദ്യകാല ടെഡ്ഡിയുടെ കൈയില്‍ നഖങ്ങള്‍ പോലുമുണ്ട്.

ഈ പാവകളുടെ ചുണ്ടുകള്‍ നോക്കുക.ആദ്യത്തേതില്‍ ശരിക്കുള്ള ഒരു കരടിയെപോലെ താഴേക്കു വളഞ്ഞ ചുണ്ടുകളാണുള്ളത്.പക്ഷേ ഏതൊരു കാര്‍ട്ടൂണിസ്റ്റിനും അല്ലെങ്കില്‍ വേണ്ട നമ്മുടെ 'സ്മൈലി' ഉപയോഗിചിട്ടുള്ളവര്‍ക്കും അറിയാം, താഴേക്ക് വളഞ്ഞ ചുണ്ടുകള്‍ { ‍:-( }... it makes an unhappy face.ആധുനിക പാവ ഒട്ടും 'കരടിത്തം' ഇല്ലെങ്കിലും ചുണ്ടുകള്‍ മുകളിലേക്ക് വളഞ്ഞ് പുഞ്ചിരിക്കുന്ന ടെഡ്ഡിയാണ്.പരന്ന മുഖം,ഇടുങ്ങിയ കഴുത്ത്,കൂടുതല്‍ താഴെക്കിറങ്ങിയ കണ്ണുകള്‍ ,ചെറിയ മൂക്ക്,കുറിയ കൈകാലുകള്‍ എല്ലാം ഒരു മനുഷ്യ ശിശുവിന്റേതുപോലെ തന്നെ.

അജൈവ ലോകത്തിലും ഡാര്‍വിന്റെ തത്വം പ്രബലമാണ് എന്നതിന്റെ തെളിവുകൂടിയാണ് ഇത്. Anywhere there is imperfect copying and subsequent differential survival among the variants as a consequence of this,Darwin's theory rules.Philosopher Daniel Dennet calls it 'Darwin's Dangerous Idea' because it behaves as 'Universal acid'.

''Did you ever hear about universal acid?.....Universal acid is a liquid so corrosive that it will eat through anything!....Darwin's idea bear an unmistakable likeness to universal acid:it eats through just about every traditional concept,and leaves in its wake a revolutionized world view,with most of the old landmarks still recognizable,but transformed in fundamental ways.

Darwin's idea had been born as an answer to questions in biology,but it threatened to leak out,offering answers-welcome or not-to questions in cosmology(going in one direction) and psychology (going in the other direction)'' DANIEL DENNET-Darwin's Dangerous Idea.

As Daniel Dennet says,natural selection is 'substrate neutral.'That is whenever or wherever these conditions are met,evolution occurs.(1)Replication,(2)Variation(mutation),(3)Differential fitness(competition)

----------------------------------------------------------------------------

ഒരു രസകരമായ ചോദ്യം...ഭൂമിയിലെ കാര്യങ്ങളൊന്നുമറിയാത്ത ഒരു അന്യഗ്രഹ ജീവിക്ക് ഒരു ഒറിജിനല്‍ ടെഡ്ഡിയെയും ഇപ്പോഴത്തെ ടെഡ്ഡിയെയും കിട്ടുന്നു എന്ന് കരുതുക.അതുരണ്ടും ഒരേ പേരില്‍ അറിയപ്പെടുന്ന പാവയാണെന്ന് (teddy bear) കരുതുമോ?മറ്റൊരു തരത്തില്‍ പറഞ്ഞാല്‍ രണ്ടും ഒരേ സ്പീഷീസ്‌ ആണെന്ന് കരുതുമോ അതോ സാമ്യമുള്ള രണ്ടു സ്പീഷീസുകള്‍ മാത്രമാണെന്ന് കരുതുമോ?എനിക്ക് തോന്നുന്നത് മിക്കവാറും രണ്ടും രണ്ടാണ് എന്ന നിഗമനത്തിലെത്തും എന്നാണ്.(ഇനി താരതമ്യത്തിന് നൂറു വര്‍ഷത്തിനു ശേഷമുള്ള ടെഡ്ഡി പോരെങ്കില്‍ ഒരു അഞ്ഞൂറോ ആയിരമോ വര്‍ഷത്തിനുശേഷം അന്നും ടെഡ്ഡി ബെയര്‍ എന്ന് വിളിക്കപ്പെടുന്ന പാവയുമായി താരതമ്യം ചെയ്തോളൂ.) ഇരുപത്തഞ്ചു വര്‍ഷത്തെ സര്‍വീസുള്ള നമ്മുടെ 'പ്രൊഫഷണല്‍ ഖണ്ഡകന്‍' സ്പീഷീസ്‌ എന്ന വാക്കില്‍ തൂങ്ങി കസര്‍ത്ത് നടത്താന്‍ തുടങ്ങീട്ടു കുറച്ചായല്ലോ.പരിണാമം സ്പീഷീസ്‌ വിട്ടു പുറത്തു പോകില്ല എന്നാണ് ടിയാന്റെ വാദം.അത് മൂന്ന് പുസ്തകങ്ങള്‍ എഴുതി 'തെളിയിച്ചിട്ടുമുണ്ട്.'പേരുകളൊക്കെ മനുഷ്യന്‍ സ്വന്തം സൌകര്യത്തിനു കൊടുക്കുന്നതാണെന്നും വേണ്ടത്ര സമയവും 'സെലക്ഷന്‍ പ്രഷറും' ഉണ്ടെങ്കില്‍ സങ്കല്‍പ്പിക്കാന്‍ പോലുമാകാത്ത തരത്തില്‍ ജീവജാലങ്ങള്‍ മാറാമെന്നും,പരിണാമമെന്നാല്‍ ജീവജാലങ്ങളെ നേരത്തെ നിശ്ചയിച്ചിട്ടുള്ള കള്ളികളിലേക്ക് തള്ളിക്കയറ്റുന്നതല്ല എന്ന് മനസ്സിലാക്കാനുള്ള 'കിഡ്നി' ഇല്ലാത്തവര്‍ ഇരുപത്തഞ്ചു വര്‍ഷം ഗവേഷണം നടത്തീട്ടും കാര്യമില്ല.''Natural selection is a mechanism for organisms to maintain stability within genetic boundaries''എന്നൊക്കെ എഴുതിവച്ചു പരിഹാസ്യനാകാനെ പറ്റൂ.ഡാര്‍വിന്റെ തത്വം ബയോളജിക്ക് പുറത്തുള്ള കാര്യങ്ങള്‍ പോലും വിശദീകരിക്കാന്‍ പോലും ശക്തമാണ്എന്ന് മനസ്സിലാക്കാതെ ഇപ്പോഴും ഫോസ്സിലുകളില്‍നിന്നു പിടിവിടാതെ നടക്കുന്നവരെക്കുറിച്ചെന്തു പറയാന്‍?

ഇവിടെ പരിണാമം നടക്കുന്നത് ആരുടെയെങ്കിലും നിയന്ത്രണത്തിലല്ല എന്നും ശ്രദ്ധിക്കുക.യഥാര്‍ത്ഥ ടെഡ്ഡി ഇപ്രകാരമായിരിക്കണം എന്നൊന്നും മുന്‍കൂട്ടി തീരുമാനിച്ച് ഉണ്ടാക്കിയെടുത്തതല്ല ഈ മാറ്റം.ലക്ഷകണക്കിന് ആളുകള്‍ അവര്‍ക്ക് ഭംഗി തോന്നിയ ടെഡ്ഡികളെ വാങ്ങി.അത്രമാത്രം.ഇനിയൊരു നൂറുവര്‍ഷത്തിനപ്പുറം ടെഡ്ഡി എപ്രകാരമായിരിക്കും എന്നും ആര്‍ക്കുമറിയില്ല.പക്ഷേ ഒരു കാര്യം ഉറപ്പാണ്‌...ഇപ്പോള്‍ കാണുന്ന ടെഡ്ഡിയേക്കാള്‍ വ്യത്യാസപ്പെട്ടിരിക്കും. പല കാലഘട്ടത്തിലെ പാവകള്‍ (ഫോസ്സിലുകള്‍ ‍) ചേര്‍ത്ത് വച്ച് നോക്കുമ്പോഴാണ് പരിണാമം നടന്നതായി മനസ്സിലാകുന്നത്.സെലക്ഷന്‍ കുരുടനാണെന്ന് (blind) പറയുന്നത് ഇതുകൊണ്ടാണ്.ഡോക്കിന്‍സിന്റെ The Blind Watchmaker എന്ന പുസ്തകത്തില്‍ അദേഹം എഴുതിയ വരികള്‍ താഴെ. നാച്ചുറല്‍ സെലക്ഷന്‍ എങ്ങിനെയാണ് കുരുടനാകുന്നത് എന്ന് ഇരുപത്തഞ്ചു വര്‍ഷത്തെ ഗവേഷണത്തിനുശേഷവും പിടികിട്ടിയിട്ടില്ലാത്ത നമ്മുടെ 'expert in many fields' ന്റെ ശിഷ്യന്മാര്‍ ചുമ്മാ വായിക്കട്ടെ.

''Natural selection is the blind watchmaker, blind because it does not see ahead, does not plan consequences, has no purpose in view. Yet the living results of natural selection overwhelmingly impress us with the appearance of design as if by a master watchmaker, impress us with the illusion of design and planning.'' (Richard Dawkins-The Blind Watchmaker.)

----------------------------------------------------------------------------------------------------

മിക്കിയുടെ കാര്യവും ഏതാണ്ട് ഇതുപോലെതന്നെയാണ്.മിക്കി പതുക്കെപ്പതുക്കെ അമേരിക്കയുടെ(വാള്‍ട്ട് ഡിസ്നി കമ്പനിയുടെയും) ഓമനയായ ചിഹ്നമായി മാറിയതോടുകൂടി മിക്കിയുടെ രൂപത്തിനും കൂടുതല്‍ കുട്ടിത്തം ഉണ്ടാവാന്‍ തുടങ്ങി.

''The Disney artists transformed Mickey in clever silence, often using suggestive devices that mimic nature's own changes by different routes. To give him the shorter and pudgier legs of youth, they lowered his pants line and covered his spindly legs with a baggy outfit. (His arms and legs also thickened substantially--and acquired joints for a floppier appearance.) His head grew relatively larger- and its features more youthful. The length of Mickey's snout has not altered, but decreasing protrusion is more subtly suggested by a pronounced thickening. Mickey's eye has grown in two modes: first, by a major, discontinuous evolutionary shift as the entire eye of ancestral Mickey became the pupil of his descendants, and second, by gradual increase thereafter.......Mickey's ears moved back, increasing the distance between nose and ears, and giving him a rounded,rather sloping forehead.'' (STEPHEN JAY GOULD-A Biological homage To Micky mouse in the panda's thumb)

ഒരു വെറും എലിയെപ്പോലിരുന്ന ജീവി എല്ലാവരുടെയും ഓമനയായ മിക്കിയാകുന്നതിന്റെ വിവിധ ഘട്ടങ്ങള്‍ നോക്കൂ..

കാര്‍ട്ടൂണിസ്റ്റുകള്‍ ഒരുപക്ഷേ ഇതിന്റെ പുറകിലെ ശാസ്ത്രം അറിഞ്ഞിട്ടല്ലെങ്കിലും അനുവര്‍ത്തിച്ചു പോരുന്ന ഈ തത്വം- ഹോളിവുഡ് മുതല്‍ (ഡിസ്നിയുടെ ചിത്രങ്ങള്‍ ,പിന്നെ 'ഷ്രെക്ക്' സിനിമകളിലെ അല്പം കോമാളിയായ ഡോങ്കിയുടെ തടിച്ചുരുണ്ട ശരീരവും ചെറിയ കൈകാലുകളും നോക്കുക.പിന്നെ ആദ്യകാല ടോം ആന്‍ഡ്‌ ജെറി കാര്‍ട്ടൂണുകളില്‍ ഒരു സാദാ പൂച്ചയെപോലെ നാലു കാലില്‍ നടന്നിരുന്ന ടോം ഇപ്പോള്‍ മനുഷ്യരെപോലെ രണ്ടു കാലില്‍ നടക്കുന്നതും ഉദാഹരണങ്ങള്‍ .) നമ്മുടെ ടോംസിന്റെ ബോബനും മോളിയിലും ഉണ്ണിക്കുട്ടനിലും വരെ കാണാം.(കഥാപാത്രം കൂടുതല്‍ ഓമനത്തമുള്ളതായി മാറുമ്പോള്‍ അളവുകളില്‍ കൂടുതല്‍ 'ശിശുത്തം'(juvenility) വരുന്നത് കാണാം.)

ഈ കുട്ടിത്തത്തിന്റെ ലക്ഷണങ്ങള്‍ ആരും ബോധപൂര്‍വ്വം ശ്രദ്ധിക്കാറില്ല എന്നതിന്റെ ഒരു ഉദാഹരണം, ആദ്യകാലം മുതലുള്ള കന്യാമറിയം ഉണ്ണിയേശു ചിത്രങ്ങള്‍ (Madonna and infant Jesus pictures) നിരീക്ഷിച്ചാലറിയാം.ആദ്യകാല ചിത്രങ്ങളില്‍ ഉണ്ണിയേശു വലുപ്പം കുറഞ്ഞ എന്നാല്‍ പൂര്‍ണ്ണ വളര്‍ച്ചയെത്തിയ ഒരാളുടെ രൂപത്തിലാണ്.പതിമൂന്നാം നൂറ്റാണ്ടോടു കൂടിയാണ് ഉണ്ണിയേശുവിനു കുട്ടിത്തത്തിന്റെ ആദ്യ ലക്ഷണങ്ങള്‍ വരുന്നത്.പിന്നെയും നാലോ അഞ്ചോ നൂറ്റാണ്ടുകള്‍ കൊണ്ടാണ് പൂര്‍ണമായ ശിശുരൂപം വരുന്നത്.ഇവിടെയും പരിണാമത്തിന്റെ തത്വങ്ങളായിരിക്കാം പ്രവര്‍ത്തിച്ചിരിക്കുക. ചിത്രകാരന്മാര്‍ കൂടുതല്‍ ചന്തമുള്ള ഉണ്ണിയേശുവിനെ അനുകരിക്കാന്‍ ശ്രമിച്ചതാണ് ഇപ്പോഴത്തെ ചിത്രങ്ങളില്‍ കാണുന്ന കുട്ടിത്തമുള്ള യേശുക്കുഞ്ഞുണ്ടായത് എന്ന് ന്യായമായും അനുമാനിക്കാം.

ഇനി കുട്ടിത്തത്തോടുള്ള അതിരു കവിഞ്ഞ ഈ വിധേയത്വത്തിന്റെ കൂടുതല്‍ ഗൌരവമുള്ള ഒരു പ്രശ്നം,വളര്‍ത്തുമൃഗങ്ങളെ, പ്രത്യേകിച്ച് 'lap dogs' എന്ന് വിളിക്കുന്ന തരം നായകളെ ബ്രീഡ് ചെയ്ത് സൃഷ്ടിക്കുമ്പോഴാണ്.നായ്ക്കളില്‍ ഇങ്ങനെ കുട്ടിത്തമുണ്ടാക്കുന്നത് യാഥാര്‍ത്ഥത്തില്‍ ആ മൃഗങ്ങളോട് കാണിക്കുന്ന ക്രൂരതയാണ്.Most exotic breeds have their facial bones so deformed that normal feeding itself becomes a difficult task.മറ്റൊന്ന് കാണാന്‍ ചന്തമില്ലാത്ത മൃഗങ്ങളെ സംരക്ഷിക്കുന്ന പദ്ധതികള്‍ക്കൊന്നും വേണ്ടത്ര പണമോ ആള്‍ സഹായമോ കിട്ടാറില്ല എന്നതാണ്.Conservation has become like a beauty contest.Beautiful creatures win.One more instance of the survival of the cutest.Some animals are just too ugly to be loved.

WWF ന്റെ പാണ്ട ലോഗോ നോക്കുക.നല്ല തടിച്ചുരുണ്ട ദേഹവും കൌതുകം തോന്നിക്കുന്ന കണ്ണുകളും(കണ്ണിനു ചുറ്റുമുള്ള കറുത്ത വട്ടം യാഥാര്‍ത്ഥത്തിലുള്ളതിനേക്കാള്‍ വലിയ കണ്ണുകളായി തോന്നിപ്പിക്കും.) ഈ ചിത്രങ്ങളിലെ ഏതു ജീവിയെ സംരക്ഷിക്കാനാണ് നിങ്ങള്‍ പണമോ സമയമോ ചെലവാക്കുക?United Nations Convention on Migratory Species has declared 2011–12 as the Year of the Bat.ആരെന്തു പ്രഖ്യാപിച്ചാലും വേണ്ടില്ല ആ വൃത്തികെട്ട ജന്തുവിന് അഞ്ചു പൈസ കൊടുക്കില്ല.അല്ലെ?:-)

ഒരു പക്ഷേ അല്പം കൂടി കൂടുതല്‍ ഗൌരവമുള്ള മറ്റൊരു പ്രശ്നവും ഇവിടെയുണ്ട്.ഇരട്ടക്കുട്ടികളില്‍ ചന്തം കൂടുതലുള്ള കുട്ടിയെ അമ്മ കൂടുതല്‍ പരിഗണിക്കുന്നു എന്ന് ചില പഠനങ്ങള്‍ പറയുന്നു.ചന്തം കുറവുള്ള കുട്ടിയെ പൂര്‍ണമായും അവഗണിക്കുന്നു എന്നോ ഇത് മനപൂര്‍വം ചെയ്യുന്നതാണ് എന്നോ ഇതിനു അര്‍ത്ഥമില്ല.പക്ഷേ രണ്ടു കുട്ടികളോടുള്ള പെരുമാറ്റത്തിലും വ്യക്തമായ വ്യത്യാസങ്ങളുണ്ട് എന്നത് വസ്തവമാണ്.മാസം തികയാതെ പ്രസവിക്കുന്ന കുട്ടികളില്‍ 'ശിശുത്തം' കുറവായിരിക്കും.ഇതൊരു ആരോപണമല്ല-എങ്കിലും കൂടുതല്‍ ശ്രദ്ധ വേണ്ട ഈ കുട്ടികള്‍ക്ക് ഈ കാരണം കൊണ്ട് ആശുപത്രികളില്‍ കിട്ടുന്ന ശ്രദ്ധ കുറയുന്നുണ്ടോ? പിന്നെ ഗാര്‍ഹികപീഢനം അനുഭവിക്കുന്ന കുട്ടികളില്‍ സാമന്യത്തിലധികവും കുട്ടിത്തം കുറവുള്ളവരാണ് എന്നും കാണുന്നുണ്ട്.There is evidence that abusing parents have unrealistic expectations of their children since they appear older and more capable.ദത്തെടുക്കല്‍ കേന്ദ്രങ്ങളിലും ഭംഗിയില്ലാത്ത കുട്ടികള്‍ അവഗണിക്കപ്പെടുന്നുണ്ടോ എന്നും അന്വേഷിക്കേണ്ടതല്ലെ?ആരും മനഃപൂര്‍വ്വം ചെയ്യുന്നതല്ലെങ്കിലും അതിനുള്ള സാധ്യതകള്‍ മനസ്സിലാക്കി അവയെ ശരിയായി കൈകാര്യം ചെയ്യാന്‍ ഈ അറിവ് സഹായകമായേക്കും.(ഒരു നാസി അനുഭാവിയായിരുന്ന കോണ്‍റാഡ് ലോറന്‍സിന്റെ പഠനങ്ങളില്‍നിന്നാണ് ഇത് മനസ്സിലാക്കുന്നത് എന്നതും ഒരു രസം.)

എന്റെ ഒരു നിരീക്ഷണം...നമ്മുടെ ടാറ്റാ നാനോ കാറിനെക്കുറിച്ചാണ്.ആ കാര്‍ വിചാരിച്ചത്ര വിജയമായില്ല എന്ന് കേള്‍ക്കുന്നു.അതെന്നെ അത്ഭുതപ്പെടുത്തുന്നില്ല.ആ കാറിന്റെ ചിത്രം ആദ്യം കണ്ടപ്പോള്‍ തന്നെ ഞാന്‍ ഇത് കരുതിയതാണ്.(ഞാനേതാ മൊതല്....കോണ്‍റാഡ് ലോറന്‍സൊക്കെ പണ്ടേ വായിച്ചതിന്റെയാണ്.;-)) ആ കാര്‍ ഓടിച്ചു നോക്കിയവരെല്ലാം, ഈ ഞാനടക്കം അതിനെക്കുറിച്ച് നല്ല അഭിപ്രായമാണ് പറയുന്നത്.നല്ല സുഖമുള്ള വണ്ടി.പക്ഷേ ഇവരൊക്കെ ഈ ഞാനടക്കം അതു വാങ്ങാന്‍ മടിക്കുന്നു.ഫൈനല്‍ ലിസ്റ്റില്‍ നാനോ തള്ളിപ്പോകുന്നു.എന്തായിരിക്കും കാരണം?എന്റെ നിരീക്ഷണം...that car looks too cute to be taken seriously. I think the designers became too successful when it came to appearance.കാണാന്‍ വളരെ ചന്തമുള്ള കുട്ടിത്തമുള്ള ആ കാറിനെ വിശ്വസിച്ച് ജീവന്‍ ഏല്‍പ്പിക്കാന്‍ ഒരു വിഷമം.കാര്‍ നമ്മുടെ സംരക്ഷകന്‍ എന്ന ഇമേജ് തരുന്നതിന് പകരം നാം അതിനെ സംരക്ഷിക്കണം എന്ന തോന്നല്‍ ഉണ്ടാക്കുന്ന തരത്തിലുള്ള ഓമനത്തം.നാനോയുടെ മൊത്തത്തിലുള്ള ഉരുണ്ട രൂപവും പതിഞ്ഞ മുഖവും താരതമ്യേന വലിപ്പം കൂടിയ, അല്പം ചരിഞ്ഞ ഹെഡ്ലൈറ്റും (which gives it a doe eyed look.) നോക്കുക.നല്ല കൌതുകമുള്ള,കുട്ടിത്തമുള്ള രൂപം.But does it give you the impression that this car can be trusted to save your life in case of a crash? Does it give you the feeling that it can protect you?

(ഓ:ടി:ഈ cuteness കാറിന്റെ ഡിസൈനില്‍ വിജയിച്ചിട്ടുള്ളത് മറ്റൊരു അവസരത്തില്‍ മാത്രമാണ്.Volkswagen Beetle ന്റെ കാര്യത്തില്‍ മാത്രം.അതിനുപക്ഷെ വേറെ കാരണങ്ങള്‍ പറയാം.കാറിന്റെ പേര് ബീറ്റില്‍ എന്നാണെങ്കിലും,നമ്മള്‍ അതിനെ സ്നേഹപൂര്‍വ്വം 'മൂട്ടക്കാര്‍ ' എന്ന് വിളിക്കുന്നുണ്ടെങ്കിലും കാറിന്റെ ഷേപ്പ് വന്നത് ജര്‍മ്മന്‍ പട്ടാള ഹെല്‍മെറ്റിന്റെ ആകൃതിയില്‍ നിന്നാണ്.ഇതറിയുന്നവര്‍ക്ക് അപ്പോള്‍ കാറില്‍ കുറച്ചൊക്കെ വിശ്വാസ്യത തോന്നാം.പിന്നെ രണ്ടാം ലോക മഹായുദ്ധമൊക്കെ കഴിഞ്ഞ് ആളുകള്‍ പൊതുവേ ഭാവിയെക്കുറിച്ചുള്ള ശുഭാപ്തിവിശ്വാസത്തോടെ ആയിരുന്നതും കാര്‍ ഹിറ്റാവാന്‍ കാരണമായിട്ടുണ്ടാകാം.(Actually original Volkswagen Beetle wasn't considered cute enough.The updated edition was made rounder and looks like a smiley face,and it seems nobody is too eager to buy it,except those nostalgic about that car.It still is sold to a niche market.)

എന്തായാലും നാനോയുടെ ഒരു പുതിയ മോഡല്‍ ഇറങ്ങുന്നുണ്ടെങ്കില്‍ തീര്‍ച്ചയായും അത് അതിന്റെ ഓമനത്തം കുറച്ചുകൊണ്ടുള്ളതായിരിക്കും.അങ്ങിനെയെങ്കില്‍ വില്പന കൂടുകയും ചെയ്യും.(If only the designers know anything about Konrad Lorenz, or they can read my blog;-))ബോണറ്റും മുന്നിലെ ബംബറും അല്പം മുന്നോട്ടു തള്ളി കാറിനു ഒരു 'മൂക്ക്' നില്‍കി കുട്ടിത്തം അല്പം കുറക്കുകയും, ഹെഡ്ലൈറ്റിന്റെ രൂപവും വലുപ്പവും കുറക്കുകയും ചെയ്യാവുന്നതാണ്.നാനോ കാറിനെ കൂടുതല്‍ പൌരുഷമുള്ളതാക്കാനുള്ള ഐഡിയകള്‍ ഇനിയും വേണമെങ്കില്‍ ടാറ്റാ എനിക്ക് കാശു തരേണ്ടി വരും:-)

(പുരുഷന്റെ കണ്ണിലെ സ്ത്രീസൌന്ദര്യ ലക്ഷണങ്ങളും ശിശു ലക്ഷണങ്ങളോട് സാമ്യമുള്ളതാണ്. എന്നാല്‍ പൂര്‍ണമായും ശിശു ലക്ഷണമല്ല താനും.We may be bent toward selecting mates as well as toys that exhibit those cute features. Personally I find that revelation depressing, but modern adult humans certainly look more like babies than our ape like ancestors did.Just see the facial reconstructions from our ancestor fossil skulls.So there has to be some truth in it. അത് വേറൊരു പോസ്റ്റില്‍ ‍. തല്‍കാലം 'നുണകുഴി കവിളില്‍ നഖചിത്രമെഴുതും താരേ....' 'മാനത്തുകണ്ണികള്‍ മയങ്ങും കയങ്ങള്‍ മനോരമേ നിന്‍ നയനങ്ങള്‍ ....' 'ഉഡുരാജാ മുഖി മൃഗരാജ കടി ഗജരാജവിലസിത മന്ദഗതി....' ഇവയിലെ അംഗവര്‍ണ്ണനകള്‍ എന്തുകൊണ്ടാണ് സാര്‍വര്‍ത്തികമായി അംഗീകരിക്കപ്പെടുന്നതാകുന്നത് എന്ന് ചിന്തിക്കുക.ഈവക ധാരണകളെല്ലാം കുത്തക മെയ്ക്കപ്പ് നിര്‍മാണ കമ്പനികള്‍ ,അമേരിക്കന്‍ സാമ്രാജ്യത്ത്വം അല്ലെങ്കില്‍ സമൂഹം അടിച്ചേല്‍പ്പിച്ചതാണ് എന്ന ബുദ്ധിജീവി ലൈന്‍ വേണമെങ്കില്‍ സ്വീകരിക്കാം.അപ്പോള്‍ കാളിദാസന്റെ കാവ്യങ്ങളിലും ബൈബിളിലെ സോളമന്റെ ഗീതങ്ങളിലും സമാനമായ ഇമേജറികള്‍ ഉപയോഗിച്ചതും ഈജിപ്ഷ്യന്‍ മമ്മികളുടെ കൂടെ കണ്ടെടുത്ത സൌന്ദര്യ വര്‍ദ്ധക വസ്തുക്കളുമൊക്കെ ഏത് കുത്തകയുടെ സ്വാധീനത്തിലായിരുന്നു എന്നും പറയേണ്ടി വരും.)

-

ഒരു ഊഹാധിഷ്ഠിത ചരിത്ര വായന-(ഭാഗം മൂന്ന്)

2011-01-17T18:59:00.000+05:30

ഈ പോസ്റ്റിന്റെ ആദ്യ രണ്ടു ഭാഗങ്ങള്‍ ഇവിടെ....ഒരു ഊഹാധിഷ്ഠിത ചരിത്ര വായന, ഒരു ഊഹാധിഷ്ഠിത ചരിത്ര വായന-(ഭാഗം രണ്ട്)

വെളുക്കുമ്പോള്‍ കുളിക്കണം, വെളുത്ത മുണ്ടുടുക്കണം എന്നൊക്കെയാണല്ലോ സവര്‍ണ ചിട്ട.Ritual purification എല്ലാ മതങ്ങളുടെയും പൊതു സ്വഭാവമാണെങ്കിലും,അതില്‍ ഭൂരിഭാഗവും വെറും അസംബന്ധങ്ങളുമാണെങ്കിലും ചിലരുടെ ചില ആചാരങ്ങളും ദൈവസങ്കല്‍പ്പങ്ങളും യാദൃശ്ചികമായി അതിജീവനത്തെ സഹായിച്ചിരുന്നു എന്ന് കാണാന്‍ പ്രയാസമില്ല.കഴിഞ്ഞ പോസ്റ്റില്‍ സൂചിപ്പിച്ച ജൂതമതത്തിലേയും ക്രിസ്ത്യന്‍ മതത്തിലേയും ദൈവസങ്കല്‍പ്പങ്ങള്‍ നോക്കുക.ജൂത ദൈവമായ യഹോവയ്ക്കു മാലിന്യങ്ങളും പകര്‍ച്ചവ്യാധികളും ഒരു 'ഒബ്സ്സെഷന്‍' ആണെന്ന് ലേവ്യപുസ്തകം വായിച്ചാല്‍ തോന്നും.മഹാമാരികള്‍ അയച്ചാണ് ദൈവം മനുഷ്യരോടുള്ള തന്റെ അസന്തുഷ്ടി വെളിപ്പെടുത്തുക.അതുകൊണ്ടുതന്നെ അങ്ങനൊരു ദൈവത്തെ പ്രീതിപ്പെടുത്താനുള്ള ശ്രമങ്ങള്‍ അവരുടെ അതിജീവനത്തെ സഹായിക്കും.അതായത് അവയെല്ലാം നല്ല memes ആണെന്നര്‍ത്ഥം.Obviously 'good meme' doesn't mean morally or ethically good or possibly conductive to happiness of every body involved.Selection works not because a meme is good but because it is 'sticky',which means it has got staying power and keeps on influencing future generations.

നല്ല മീമുകളുടെ ഒരു ഉദാഹരണമായി ബ്രാഹ്മണരുടേയും പാഴ്സികളുടേയും (Zoroastrianism) മരണാന്തര ആചാരങ്ങള്‍ നോക്കാം. ഈ രണ്ടു കള്‍ട്ടുകളെ താരതമ്യത്തിന് എടുക്കാന്‍ കാരണമുണ്ട്.Zoroastrianism shares elements with the historical Vedic religion that is thought to have its origins in same area. An example of the relation is the Zoroastrian word Ahura (Ahura Mazda) and the Vedic word Asura (demon).They are thought to have descended from a common Proto-Indo-Iranian religion.ബ്രാഹ്മണര്‍ ശവം ദഹിപ്പിക്കേണ്ടതാണ് എന്ന് വിശ്വസിക്കുമ്പോള്‍ പാഴ്സികള്‍ ശവം ഒരു അശുദ്ധ വസ്തുവാണെന്നും അത് ഭൂമിയെയും അഗ്നിയേയും മലിനമാക്കും എന്ന വിശ്വാസത്തില്‍ ഒരു ഉയര്‍ന്ന സ്തൂപത്തില്‍ (Tower of Silence) ശവം ഉപേക്ഷിച്ച്, പക്ഷികള്‍ ശവത്തെ ആഹാരമാക്കാന്‍ അനുവദിക്കുകയും ചെയ്യുന്നു.രണ്ടും ഓരോ വിഭാഗത്തിന്റെ ഓരോ ritualistic behavior മാത്രം. ഇനി ഒരു പകര്‍ച്ചവ്യാധി കാലം സങ്കല്‍പ്പിക്കുക.പ്ലേഗ്,കോളറ പക്ഷിപനി അങ്ങനെ എന്തും.ഒരു കൂട്ടര്‍ അവരുടെ ശവങ്ങള്‍ ദഹിപ്പിച്ചുകളയും.മറ്റേ കൂട്ടര്‍ പക്ഷികള്‍ക്ക് ആഹാരമായി ശവം ഉപേക്ഷിക്കും.രോഗം കൂടുതല്‍ ആളിലേക്ക് പകരാന്‍ കൂടുതല്‍ സാധ്യത ഏതാണ്? The answer is obvious.പകര്‍ച്ചവ്യാധിയുടെ താണ്ഡവം കഴിഞ്ഞാല്‍ on average,as a group,പാഴ്സികള്‍ക്ക് കൂടുതല്‍ മരണങ്ങള്‍ സംഭവിച്ചതായി കാണാം.ടിബറ്റിലെ ബുദ്ധമതക്കാരുടെ ഇടയിലും ഇതിനു സമാനമായ ഒരു ശവസംസ്കര രീതിയുണ്ട്.(Sky burial)

മോഹന്‍ജതാരോവിലും ഹാരപ്പയിലും മൂന്ന് തരം ശവസംസ്ക്കാരത്തിന്റെ തെളിവുകള്‍ ലഭിച്ചിട്ടുണ്ട് (1) cremation, (2) burial, (3) fractional burial (the body is left exposed to elements for some time and the bones are then buried.ഋഗ്വേദത്തിലും അഗ്നിയില്‍ ദഹിപ്പിച്ചതും അല്ലാത്തതുമായ പൂര്‍വികരെക്കുറിച്ച് പറയുന്നുണ്ട്.('agnidagdha' and 'anagnidagdha').പിന്നീട് അഗ്നിയില്‍ ദഹിപ്പിക്കുന്നത് ഇവിടുത്തെ പ്രബലമായ രീതിയായത് എന്തുകൊണ്ടാവാം?നമ്മുടെ നേരിട്ടുള്ള മുന്‍ഗാമി എന്ന് പറയാനാവാത്ത നിയാണ്ടര്‍ത്താലുകള്‍ (Homo sapiens and Neanderthals coexisted in the world.) പോലും അവരുടെ മരിച്ചവരെ കുഴിച്ചിട്ടിരുന്നു.വളരെ പ്രാഥമികമായ എന്തോ മതവിശ്വാസം അവര്‍ക്കുണ്ടായിരുന്നു എന്നര്‍ത്ഥം.അപ്പോള്‍ 'സ്വാഭാവികമായ' രീതി എന്ന് കരുതാവുന്ന കുഴിച്ചിടല്‍ ഒരു പ്രത്യേക ഗ്രൂപ്പ്‌ മാത്രം മാറ്റിയതെന്തുകൊണ്ട്?ആ ഗ്രൂപ്പ്‌ നൂറ്റാണ്ടുകളോളം സമൂഹത്തില്‍ ശ്രേണിയില്‍ ഒന്നാമതായിരുന്നു.രണ്ടും തമ്മില്‍ എന്തെങ്കിലും ബന്ധമുണ്ടോ?(തീര്‍ച്ചയായും എന്തെങ്കിലും ബന്ധം ഉണ്ടാവണമെന്ന് എനിക്ക് നിര്‍ബന്ധമോ ആഗ്രഹമോ ഇല്ല.ഇനി എന്തെങ്കിലും ബന്ധമുണ്ടെന്നു കണ്ടെത്തിയാലും അതോടെ ലോകാവസാനമാകും എന്ന ചിന്തയുമില്ല.പുട്ടിനു തേങ്ങപോലെ എങ്ങനെ ഡിസ്ക്ലൈമറുകള്‍ ചേര്‍ക്കേണ്ടി വരുന്നത് ബോറാണ്.പക്ഷേ നിവര്‍ത്തിയില്ല.:-))

ഇനി മറ്റൊരു സിനേറിയോ നോക്കാം.നാട്ടിലാകെ വസൂരി പടര്‍ന്നു പിടിക്കുന്നു എന്ന് കരുതുക.വായുവിലൂടെയും സ്പര്‍ശനത്തിലൂടെയും ഒന്നും ബ്രാഹ്മണന് അസുഖം വരാന്‍ സാദ്ധ്യത കുറവാണെങ്കിലും,ഒരു വാദത്തിനു അവര്‍ക്കും അസുഖം വരുന്നു എന്ന് കരുതുക.അവര്‍ ശവം ദഹിപ്പിച്ചുകളയും.ബ്രാഹ്മണേതരരുടെ വിശ്വാസപ്രകാരം ശീതളാദേവിക്ക്(ശീതളാദേവി ഒരു ബ്രാഹ്മണ ദേവതയല്ല.) ചൂട് ഇഷ്ടമല്ലാത്തതുകൊണ്ട് വസൂരി വന്നു മരിച്ചവരെ അവര്‍ ദഹിപ്പിക്കില്ല. കുഴിച്ചിടുകയാണ് പതിവ്.ഒരു മാരകമായ പകര്‍ച്ചവ്യാധിയുടെ ഇടയില്‍ ശരിയായി ശവം മറവു ചെയ്യാതിരിക്കുന്ന അവസ്ഥ(വസൂരിയോടുള്ള ഭയം,ഒരു കൂട്ട മരണത്തിനുശേഷം അതിനുള്ള ആളില്ലായ്മ) മൂലം പകര്‍ച്ചവ്യാധികള്‍ (വസൂരി തന്നെ അല്ലെങ്കിലും വെള്ളവും വായുവും മലിനമാകുന്നത് കൊണ്ടുണ്ടാകുന്ന മറ്റെന്തെങ്കിലും പകര്‍ച്ചവ്യാധി) പടരാന്‍ സാധ്യത കൂടുതലായിരിക്കും എന്ന് ന്യായമായും ഊഹിക്കാം.So which meme wins on average?

ഞാന്‍ സൂചിപ്പിച്ചപോലെ അവര്‍ രോഗാണുക്കളേപ്പറ്റിയൊക്കെ അറിവുള്ള മഹാന്‍മാരായിരുന്നു എന്നൊന്നും കരുതേണ്ടതില്ല.നദിയും ഒരു ദൈവമാണ് എന്ന അന്ധവിശ്വാസത്തിന്റെ പേരില്‍ നദിയില്‍നിന്ന് അകലെ മലമൂത്ര വിസര്‍ജനം ചെയ്യണം അഥവാ ചപ്പുചവറുകള്‍ അവിടെ നിക്ഷേപിക്കരുത് എന്ന നിയമമുള്ള ഒരു മതം അങ്ങിനെ പ്രത്യേകിച്ച് നിയമമൊന്നുമില്ലാത്ത ഒരു മതത്തേക്കാള്‍ അതിജീവനശേഷിയുള്ളതായിരിക്കും.....considering them in the context of some contagion raging through the population.Think about it,very few have really considered the huge selection pressures a population has to endure in case of an epidemic.

മതപരമായ അനേകം അസംബന്ധങ്ങള്‍ക്ക് അപ്രതീക്ഷിതമായ ചില നല്ല ഫലങ്ങളും ഉണ്ടാകാം.ഉദാഹരണത്തിന് ബ്രാഹ്മണരുടെ ആചമനം എന്ന ക്രിയ നോക്കുക.ഇത്ര മെനക്കെടേണ്ട ആവശ്യമൊന്നുമില്ലെങ്കിലും ഇതുകൊണ്ട് ശരീരം വൃത്തിയാവും എന്ന് തീര്‍ച്ചയാണ്.പിന്നെ ഈ മെനക്കെട്ട പണി കൂടെകൂടെ ആവര്‍ത്തിക്കാനുള്ള മടി കാരണം ചെലപ്പോ പരിസരം കൂടുതല്‍ വൃത്തിയായി വയ്ക്കാനും കൂടുതല്‍ ശ്രദ്ധയോടെ പെരുമാറാനും സാധ്യതയുണ്ട്.(കേരളത്തിലെ പുരാതന ബ്രാഹ്മണ ഗ്രാമങ്ങളെല്ലാം നദിക്കരയിലാണ്.നേരം വെളുക്കുമ്പോള്‍ മുതല്‍ പോയി വെള്ളത്തില്‍ കിടക്കാനുള്ള സൌകര്യാര്‍ത്ഥമായിരിക്കാം.:-)) എന്തായാലും ഈ കൈകഴുകല്‍ പകര്‍ച്ചവ്യാധികള്‍ തടയുന്നതില്‍ അത്ര നിസ്സരമല്ലാത്ത പങ്കാണ് വഹിക്കുന്നത്.ഗവണ്‍മെന്റ് തന്നെ പണം ചെലവാക്കി പരസ്യങ്ങളില്‍ കാണിക്കുന്നത് പകര്‍ച്ചവ്യാധികള്‍ തടയാന്‍ കൈ കഴുകാനും അല്പം asocial ആയി പെരുമാറാനുമാണ്.(Trivia: A Hungarian surgeon Ignaz Semmelweiss in 1847 reduced the death rate in his hospital from twelve to two percent, simply by washing hands between operations -- a concept that today is self evident. When Semmelweiss urged his colleagues to introduce hygiene to the operating rooms, they had him committed to a mental hospital.He died there.)

എന്ന് കരുതി എല്ലാ സാഹചര്യങ്ങളിലെങ്കിലും അവര്‍ക്ക് ചുറ്റുമുള്ള മറ്റു ജനങ്ങളേക്കാള്‍ മെച്ചമായ അവസ്ഥയുണ്ടായിരുന്നു എന്നൊന്നും അര്‍ത്ഥമില്ല.ഉദാഹരണം പല സ്ഥലത്തുനിന്നുള്ള ധാരാളം ആളുകള്‍ ഒരുമിച്ചു കൂടുന്ന തീര്‍ത്ഥാടനങ്ങള്‍ ‍,കുംഭമേള പോലുള്ളവ ഇവര്‍ക്ക് കൂടുതല്‍ മാരകമായിരുന്നിരിക്കാം.പക്ഷേ അവിടെയും അറിയതെയാണെങ്കിലും ചില ആചാരവിശ്വാസങ്ങള്‍ ഗുണകരമായി പ്രവര്‍ത്തിക്കാം.ഹിന്ദുക്കളെ സംബന്ധിച്ചിടത്തോളം അമ്പലം പോലുള്ള പൊതുസ്ഥലങ്ങളില്‍ എല്ലാ നിയമങ്ങളും പാലിച്ചുകൊണ്ട് പോകാന്‍ കഴിയുന്ന ദിവസങ്ങള്‍ തന്നെ കുറവായിരിക്കും.തീര്‍ത്ഥാടനത്തിനാണെങ്കില്‍ അതിന് മുന്നോടിയായുള്ള വ്രതം,മിക്കവാറും നാല്പത്തൊന്നു ദിവസം,infection free ആയവരെ മാത്രം തെരഞ്ഞെടുക്കാന്‍ സഹായിക്കും,(വൃതം ഒരു തരം voluntary quarantine തന്നെയാണല്ലോ.ഓ.ടി:ക്വാറെന്റൈന്‍ എന്ന വാക്ക് വന്നതുതന്നെ നാല്‍പത് എന്നര്‍ത്ഥമുള്ള 'quadraginta' എന്ന ലാറ്റിന്‍ വാക്കില്‍നിന്നാണ്.) പ്രത്യേകിച്ച് ദിവസവും രണ്ടു നേരമെങ്കിലും ഉള്ള കുളി വ്രതത്തിന്റെ നിര്‍ബന്ധഭാഗമാവുകയും,കുളിക്കതിരിക്കുക എന്നത് ഏതു ചെറിയ അസുഖത്തിന്റേയും ഒറ്റമൂലിയായി പരമ്പരാഗത ചികിത്സ കണക്കാക്കുകയും ചെയ്യുമ്പോള്‍ .ഇത് കൃസ്ത്യാനികളുടേയോ മുസ്ലിമുകളുടേയോ എല്ലാ ആഴ്ചയിലും നിര്‍ബന്ധമായി പള്ളിയിലെത്തണം എന്ന രീതിയുമായി താരതമ്യപ്പെടുത്തതി നോക്കൂ.സ്ഥിരമായി ഒരുമിച്ചു ഒരു സ്ഥലത്ത് തിങ്ങിക്കൂടി പ്രാര്‍ത്ഥിക്കുന്നതിന്റെ ഫലമായി ഒരു ശക്തമായ ഒരു കൂട്ടായ്മയുണ്ടാകും എന്ന ഗുണമുണ്ടെങ്കിലും ഒരു പകര്‍ച്ചവ്യാധി സമയത്ത് ഈ ആചാരങ്ങള്‍ തിരിച്ചടിക്കാം.

മീമുകളേപ്പറ്റി പറയുമ്പോള്‍ മറ്റൊരു കാര്യം കൂടി പറയാനുണ്ട്‌.ഇതുവരെ പറഞ്ഞത് മീമുകള്‍ ചിലരെ അതിജീവനത്തിന് സഹായിക്കുന്നതാണ്. എന്നാല്‍ ചില മീമുകള്‍ അംഗങ്ങളുടെ അതിജീവന സാധ്യത കുറച്ചുകൊണ്ടുതന്നെ മീം പൂളില്‍നിന്നു പുറത്താകാതെ നില്‍ക്കും.ക്രിസ്തുമതത്തിലെ അയല്‍ക്കാരനെ സ്നേഹിക്കുക,രോഗികളെയും അശരണരെയും സഹായിക്കുക എന്നീ ആശയങ്ങള്‍ നോക്കുക.Care of the sick even in case of pestilence was a religious duty for them.Simple provision of food and water and quite elementary nursing care will greatly reduce mortality.ക്രെഡിറ്റ്‌ ദൈവത്തിനും പോകും.രോഗത്തില്‍നിന്ന് രക്ഷപ്പെടുന്നവരുടെ നന്ദിയും അവരുടെ ഐക്യബോധവും മതത്തെ വളര്‍ത്തും,ഈ ശുശ്രൂഷ കൊണ്ട് അവരുടെ ഇടയില്‍ രോഗം പടരാന്‍ സാധ്യത കൂടുതലാണെങ്കിലും,...the net effect might be in favor of religion.ക്രിസ്തീയ വിശ്വാസങ്ങള്‍ അസഹ്യമായ ദുരിതങ്ങളും വളരെ പെട്ടെന്നുള്ള മരണവും മറ്റും ദൈവേച്ഛ എന്ന മട്ടില്‍ വ്യാഖ്യാനിച്ച് ആശ്വസിക്കാന്‍ സഹായിച്ചിരുന്നു.(In cases of pneumonic plague,you could be all healthy and fine and then be dead within hours.How your religion prospers depends on how your religious memes makes a satisfactory explanation for it.ഉറ്റവരെയും ഉടയവരെയും നഷ്ടപ്പെട്ട് നിരാശനായിരിക്കുന്ന ഒരാള്‍ക്ക് അവര്‍ സ്വര്‍ഗ്ഗത്തില്‍ സന്തോഷമായിരിക്കുന്നു എന്ന വിശ്വാസം അശ്വാസകരമായിരുന്നിരിക്കണം.എല്ലാം നഷ്ടപ്പെട്ടവന് സഹ വിശ്വാസികള്‍ പുതിയ കുടുംബമാകും. ആദ്യകാല ക്രിസ്ത്യാനികള്‍ പേഗന്‍മാര്‍ പേടിച്ചോടുന്നിടത്ത് തങ്ങള്‍ സഹയം ചെയ്യുന്നുണ്ട് എന്ന് അഭിമാനിച്ചിരുന്നു.അത് ദൈവത്തിന്റെ പരീക്ഷണം എന്നും കരുതിയിരുന്നു.

കാര്‍ത്തേജിലെ ബിഷപ്പായിരുന്ന സൈപ്രിയന്‍ AD 251 ലെ പ്ലേഗ് സമയത്ത് ഇങ്ങനെ രേഖപ്പെടുത്തിയിരിക്കുന്നു....

''Many of us are dying in this mortality,that is many of us are freed from the world.This mortality is a bane to the Jews and pagans and enemies of Christ;to the servants of god it is a salutary departure.....The just are called to refreshment,and the just are carried off to torture;protection is more quickly given to the faithful,punishment to the faithless.....How suitable,how necessary it is that this plague and pestilence,which seems horrible and deadly,searches out the justice of each and everyone and examines the mind of the human race...'' (From William.H. McNeill- Plagues and peoples.)

റോമ സാമ്രാജ്യത്തിലെ ക്രിസ്തുമതത്തിന്റെ വളര്‍ച്ചക്ക് പുറകില്‍ പകര്‍ച്ചവ്യാധികളുടെ സ്വാധീനം കാണാം.റോമാക്കാര്‍ ആദ്യകാലങ്ങളില്‍ പകര്‍ച്ചവ്യാധികളേക്കൊണ്ട് പൊറുതിമുട്ടിയപ്പോള്‍ അവരുടെ ദൈവങ്ങളെ ഉപേക്ഷിച്ചു രോഗശമനത്തിന്റെ ഗ്രീക്ക്‌ ദൈവമായ അപ്പോളോവിന്റെ പക്ഷത്തേക്ക് കൂറ് മാറി.പിന്നീട് വൈദ്യത്തിന്റെ ദേവനായ എസ്കല്പിയസ്സിലേക്കും.AD150 മുതല്‍ AD 500 വരെയായിരുന്നു റോമാക്കാരുടെ ഏറ്റവും മോശം കാലം.ആദ്യകാല ക്രിസ്തുമതം അതിന്റെ ജീവകാരുണ്യ പ്രവര്‍ത്തനങ്ങളും രോഗീപരിചരണങ്ങളും കൊണ്ട് ഈ കാലത്ത് മറ്റു ദൈവങ്ങളെയും മതങ്ങളെയും പുറത്താക്കുകയും ചെയ്തു.കോണ്‍സ്റ്റെന്റൈന്‍ ചക്രവര്‍ത്തിയുടെ പിന്തുണ തീര്‍ച്ചയായും സഹായിച്ചിട്ടുണ്ടെങ്കിലും ജനങ്ങള്‍ പുതിയ മതത്തെയും അതിന്റെ തത്ത്വങ്ങളെയും അംഗീകരിക്കാന്‍ അതുമാത്രം പോരല്ലോ.പിന്നീട് വന്ന ജസ്റ്റീനിയന്‍ പ്ലേഗും കൃസ്തുമതത്തെ സഹായിച്ചു.

ഇന്ന് വികസിതരാജ്യങ്ങളിലൊക്കെ മതത്തിന്റെ സ്വാധീനം കുറയുന്നതിന് ഒരു കാരണം ഉടന്‍കൊല്ലികളായ പകര്‍ച്ചവ്യാധികളുടെ കുറവുകൊണ്ടാകുമോ?അത്ഭുതരോഗശാന്തി മതങ്ങളുടെ പ്രചാരണത്തില്‍ ഒരു പ്രധാന ഘടകമാണല്ലോ.വെറും ആത്മീയ സൌഖ്യം മാത്രം വാഗ്ദാനം ചെയ്യുന്ന സഭകളില്‍ ആളില്ല എന്നതും ശ്രദ്ധേയമാണ്.മാനസികസൌഖ്യം നല്‍കാനുള്ള കടമ മതങ്ങളില്‍നിന്നു ഡോക്ടര്‍മാരും മനഃശാസ്ത്രജ്ഞന്മാരും ഏറ്റെടുത്തതിന്റെ ഫലം?

പകര്‍ച്ചവ്യാധികളോടുള്ള ഇസ്ലാമിന്റെ പ്രതികരണവും സവിശേഷമായിരുന്നു.തീര്‍ച്ചയായും ഇസ്ലാമിനുമുന്‍പ് അറബികള്‍ക്ക് (മുസ്ലീംകള്‍ പരിഹസിക്കുന്ന ജാഹിലിയ്യാ കാലം.) പകര്‍ച്ചവ്യാധികളേക്കുറിച്ച് ചില ധാരണകളൊക്കെയുണ്ടായിരുന്നു.ചുരുങ്ങിയപക്ഷം അസുഖം ബാധിച്ച ഒരു ഒട്ടകത്തെ നല്ല ഒട്ടകങ്ങളുടെ കൂടെ കെട്ടരുത് പോലുള്ള ചില കാര്യങ്ങളൊക്കെ അവര്‍ പാലിച്ചിരുന്നു.(വളരെ പ്രാഥമികമായ ഒരു quarantine ബോധം.)എന്നാല്‍ മുഹമ്മദ്‌ എല്ലാം മാറ്റിമറിച്ചു.പകര്‍ച്ചവ്യാധികളേക്കുറിച്ച് മുഹമ്മദിന്റെ വിചിത്രമായ അഭിപ്രായങ്ങള്‍ കാണൂ...

Sahih Bukhari- Volume 7, Book 71, Number 615:

Narrated Abu Huraira:
Allah's Apostle said, 'There is no 'Adha (no disease is conveyed from the sick to the healthy without Allah's permission), nor Safar, nor Hama." A bedouin stood up and said, "Then what about my camels? They are like deer on the sand, but when a mangy camel comes and mixes with them, they all get infected with mangy." The Prophet said, "Then who conveyed the (mange) disease to the first one?"

Sahih Bukhari- Volume 7, Book 71, Number 628:

Narrated Anas bin Malik:
Allah's Apostle said, "(Death from) plague is martyrdom for every Muslim."

Sahih Bukhari-Volume 7, Book 71, Number 629:

Narrated Abu Huraira:
The Prophet said, "He (a Muslim) who dies of an abdominal disease is a a martyr, and he who dies of plague is a martyr."

Sahih Bukhari-Volume 7, Book 71, Number 630:

Narrated 'Aisha:
(the wife of the Prophet) that she asked Allah's Apostle about plague, and Allah's Apostle informed her saying, "Plague was a punishment which Allah used to send on whom He wished, but Allah made it a blessing for the believers. None (among the believers) remains patient in a land in which plague has broken out and considers that nothing will befall him except what Allah has ordained for him, but that Allah will grant him a reward similar to that of a martyr."

Sahih Bukhari- Volume 7, Book 71, Number 624:

Narrated Saud:
The Prophet said, "If you hear of an outbreak of plague in a land, do not enter it; but if the plague breaks out in a place while you are in it, do not leave that place."

ഇതുകൊണ്ട് എന്തുണ്ടായി എന്ന് ചോദിച്ചാല്‍ അന്ധമായ മുഹമ്മദ്‌ ഭക്തി കാരണം, മറ്റു രാജ്യങ്ങളൊക്കെ പതിനഞ്ചാം നൂറ്റാണ്ടോടുകൂടി പകര്‍ച്ചവ്യാധികളെ തടയാന്‍ quarantine പോലുള്ള മാര്‍ഗ്ഗങ്ങള്‍ അവിഷ്ക്കരിച്ചപ്പോള്‍ ഇസ്ലാമിക ലോകം മാത്രം അതൊക്കെ അവഗണിച്ചു.അവര്‍ ദൈവത്തിന്റെ പ്രവര്‍ത്തനമായ പകര്‍ച്ചവ്യാധികള്‍ തടസ്സപ്പെടുത്താനുള്ള ശ്രമങ്ങളെ അല്പം പരിഹാസത്തോടെയാണ് കണ്ടത്.

''By the sixteenth century,when the christian rules of quarantine and other prophylactic measures against plague had attained firm definition,Moslem views hardened against efforts to escape the will of Allah.This is well illustrated by the Ottoman Sultan's response to a request from an imperial ambassador to Constantinople for permission to change his residence because plague had broken out in the house assigned to him:''Is not the plague in my own palace,yet I do not think of moving.''Moslems regarded Christian health measures with amused disdain,and thereby exposed themselves to severe losses from plague than prevailed among their Christian neighbors.

In the Balkans and nearly all of India,where Moslems constituted a ruling class and lived by preference in towns,this turned into a demographic handicap.After all,exposure to most infectious diseases was intensified in towns.Only a steady stream of converts from the subject populations could countervail Moslem losses from plague and other infections.''(William.H.McNeill- Plagues and peoples.)

പത്തൊന്‍പതാം നൂറ്റണ്ടിലെ പ്രശസ്തമായ ഒരു സഞ്ചാരസാഹിത്യ കൃതിയായ Eothen(Alexander William Kinglake) മുസ്ലിം ലോകം പകര്‍ച്ചവ്യാധികളെ എങ്ങിനെയാണ് കണ്ടിരുന്നത് എന്ന് കാണിക്കുന്നുണ്ട്.

....The Europeans,during the prevalence of the plague,if they are forced to venture into streets,will carefully avoid the touch of every human being whom they pass;their conduct in this respect shewd them strongly in contrast with the ''true believers;''the moslem stalks serenely,as though he were under the eyes of god,and were ''equal to either fate'';......

.....Cairo and plague! During the whole time of my stay,the plague was so master of the city,and stared so plain in every street and every alley,that I can't now affect to dissociate the two ideas....The orientals, however,have more quiet fortitude than Europeans under afflictions of this sort,and they never allow the plague to interfere with their religious usages.....[In the cities of the dead],tents were pitched,and swings hung for the amusement of children-a ghastly holiday! But the mohometans take a pride....in following their ancient customs undisturbed by the shadow of death.....

പക്ഷേ ഈ പേടിയില്ലായ്മകൊണ്ട് പൂര്‍ണമായും ദോഷമാണുണ്ടായത് എന്നതും ശരിയല്ല.ഇസ്ലാമിന്റെ പ്രചാരത്തെ അത് സഹായിച്ചിട്ടുണ്ട്.ആദ്യം ഒരു ഫ്ലാഷ്ബാക്ക് കഥ...AD 570ല്‍ എത്യോപിയയിലെ കൃസ്ത്യന്‍ രാജാവായ അബ്രാഹ മെക്ക അക്രമിച്ചു.[The Year of the Elephant].പക്ഷേ അവരുടെ ഇടയില്‍ വസൂരി പടര്‍ന്നുപിടിച്ചു.ഇത് കടല്‍ വഴി ഇന്ത്യയില്‍നിന്നു എത്തിയതാണ് എന്ന് ചില ചരിത്രകാരന്മാര്‍ പറയുന്നു.എന്തായാലും ഭൂരിഭാഗം പടയാളികളേയും രോഗം ബാധിച്ചതോടു കൂടി അവര്‍ പരാജിതരായി മടങ്ങിപോയി.ഖുറാനില്‍ എത്യോപിയക്കാരുടെ പരാജയകാരണമായി പറയുന്നത്, അള്ളാഹു ചില ചെറിയ പക്ഷികള്‍ മുഖേനെ പടയാളികളുടെ മേല്‍ പയറുമണിയോളം പോന്ന കല്ലുകള്‍ വര്‍ഷിച്ചു എന്നാണ്.എന്തായാലും പടയാളികളുടെ ദേഹത്തൊക്കെ കുരുക്കളുണ്ടായി എന്ന് മറ്റു ചില രേഖകള്‍ ‍.ആ വര്‍ഷമാണ് മുഹമ്മദ്‌ ജനിച്ചത്‌ എന്നാണ് കഥ.(മുഹമ്മദ് ജനിച്ച് രണ്ടു വര്‍ഷത്തോളം അദ്ദേഹം വളര്‍ന്നത് ഒരു നാടോടി ഗോത്രകുടുംബത്തോടൊപ്പം മരുഭൂമിയിലാണത്രെ.മെക്കയില്‍നിന്നു മാറി മരുഭൂമിയില്‍ താമസിക്കാനുള്ള കാരണം ഈ വസൂരി ആയിരിക്കുമോ?)

പിന്നീട് മുസ്ലീം സാമ്രാജ്യത്തിന്റെ വികാസത്തോടൊപ്പമാണ് വസൂരി മെഡിറ്ററേനിയന്‍ പ്രദേശങ്ങളില്‍ വ്യാപിക്കുന്നത് എന്നു സൂചനകള്‍ .പടിഞ്ഞാറന്‍ ആഫ്രിക്കയിലും സ്പെയിനിലും(AD 710) അതെത്തുന്നത് ഇസ്ലാമിനോടോപ്പമാണ്.മറ്റൊരു തരത്തില്‍ പറഞ്ഞാല്‍ വസൂരിയാണ്‌ ഇസ്ലാമിന്റെ വ്യാപനത്തിന് സഹായിച്ചത് എന്നും പറയാം.നേരത്തെ പറഞ്ഞതുപോലെ മിക്ക യുദ്ധങ്ങളും ജയിപ്പിച്ചതും തോല്പിച്ചതും പകര്‍ച്ചവ്യധികളായിരുന്നു.മുസ്ലിം പടയാളികള്‍ പലരും നേരത്തെ രോഗം വന്നു പ്രതിരോധം നേടിയവരാകാന്‍ സാധ്യതയുള്ളതുകൊണ്ടും,പകര്‍ച്ചവ്യാധികളെ പേടിക്കേണ്ട,അതില്‍നിന്നു ഓടിപ്പോകരുത് എന്ന മുഹമ്മദിന്റെ താക്കീതും അവരെ വിജയിക്കാന്‍ സഹായിച്ചിട്ടുണ്ടാകാം.പരലോക ജീവിതമാണ്‌ പ്രധാനമെന്നു വിശ്വസിക്കുന്നവര്‍ക്ക് എന്ത് പേടിക്കാന്‍ ?അസുഖം വന്നു ചത്താലും യുദ്ധത്തില്‍ കൊല്ലപ്പെട്ടാലും ജിഹാദാണ്.(Sahih Bukhari-Volume 7, Book 71, Number 629) പിന്നെന്ത്?പിന്നെ ഒരു പ്രൊഫഷണല്‍ ആര്‍മിയുടെ ഗുണം.യുദ്ധമില്ലാത്തപ്പോഴും ഒരുമിച്ചു നിലനിര്‍ത്തുന്ന സൈന്യത്തില്‍ മിക്കവര്‍ക്കും പലപ്പോഴായി അസുഖം വന്ന് ഇമ്മ്യൂണിറ്റി ലഭിച്ചിരിക്കും.എതിര്‍ പക്ഷത്തിന്റെ കാര്യം പലപ്പോഴുംഅതാവില്ല.അക്രമണം നേരിടാന്‍ തല്‍കാലത്തേക്ക് പലയിടത്തുനിന്നായി അപ്പപ്പോള്‍ തട്ടികൂട്ടുന്ന സൈന്യത്തിന് ഈ രോഗപ്രതിരോധം ഉണ്ടാവില്ല.പിന്നെ വസൂരി അവര്‍ക്ക് പുതിയ രോഗമാണ്.രോഗബാധ കണ്ട് പേടിച്ച് യുദ്ധത്തില്‍നിന്ന് ഒളിച്ചോടി സ്വന്തം ഗ്രാമങ്ങളില്‍ കൂടി രോഗം പരത്തി കൂട്ടമരണം സൃഷ്ടിക്കുകയും ചെയ്യും.ചുരുക്കത്തില്‍ വളരെ പെട്ടെന്നു തന്നെ എതിര്‍ക്കാന്‍ ആളില്ലാത്ത അവസ്ഥയാവും.'Well seasoned troops' എന്ന് കേട്ടിട്ടില്ലെ?സാധാരണ കരുതുന്നപോലെ യുദ്ധപരിചയമുള്ള പട്ടാളം എന്നല്ല ഇതിന്റെ അര്‍ത്ഥം.പരസ്പരം രോഗങ്ങള്‍ പങ്കുവച്ചു പ്രതിരോധം നേടിയ പട്ടാളമാണത്.മുന്‍പ് സൂചിപിച്ചപോലെ യുദ്ധം ജയിച്ചിരുന്നത് പലപ്പോഴും പട്ടാളത്തിന്റെ കഴിവോ യുദ്ധപരിചയമോ മൂലമല്ല.മറിച്ച് എതിര്‍ സൈന്യത്തേക്കാള്‍ പ്രതിരോധം കൂടിയ സൈന്യമാണ് വിജയിയാകുന്നത്.ഇത് അക്കാലത്തെ സമര്‍ത്ഥരായ ജനറല്‍മാര്‍ക്ക് ഈ കാര്യം അറിയുകയും ചെയ്യാമായിരുന്നു.

പതിനഞ്ചാം നൂറ്റാണ്ടോടുകൂടി ബ്ലാക്ക്‌ ഡത്ത് എന്നറിയപെടുന്ന പ്ലേഗ് ബാധയെ നേരിടാന്‍ മിക്കവാറും യൂറോപ്യന്‍ രാജ്യങ്ങളും കച്ചവടകപ്പലുകള്‍ക്ക് Quarantine (compulsory isolation,usually forty days.A black and yellow flag will be flown on the ship.)ഏര്‍പ്പെടുത്താന്‍ തുടങ്ങിയിരുന്നു.അപ്പോള്‍ ഈ നിയമങ്ങളെയൊന്നും മാനിക്കാത്ത രാജ്യങ്ങളുടെ കപ്പലുകളെയും അവരുടെ തുറമുഖങ്ങളുടേയും കാര്യമോ?യൂറോപ്യന്‍ രാജ്യങ്ങള്‍ അവരോടു കച്ചവടത്തിന് മടി കാട്ടിയിരുന്നോ?എന്തായാലും കച്ചവടരംഗത്ത്‌ മുസ്ലീം രാജ്യങ്ങളുടെ ആധിപത്യം ഈ കാലഘട്ടത്തോടുകൂടി കുറഞ്ഞു വരുന്നതായി കാണാം.മുകളില്‍ സൂചിപ്പിച്ച Eothen എന്ന പുസ്തകത്തില്‍ ഒട്ടോമന്‍ സാമ്രാജ്യം ഏതാണ്ട് മുഴുവനും മിക്കവാറും സമയങ്ങളില്‍ ക്വാറെന്റയിനു കീഴിലായിരുന്നു എന്നു പറയുന്നു.ക്വാറെന്റയൈന്‍ തെറ്റിച്ചുള്ള യാത്രയെക്കുറിച്ച് ആ പുസ്തകത്തില്‍ ഇങ്ങനെ പറയുന്നുണ്ട്...

''It is the plague and the dread of the plague that divide the one people from another.All coming and going stands forbidden by the terrors of yellow flag.If you dare to break quarantine,you will be tried with military haste;the court will scream out your sentence to you from a tribunal some fifty yards off;the priest,instead of gently whispering to you the sweet hopes of religion,will console you at dueling distance,and after that you will find yourself carefully shot,and carelessly buried in the grounds of the Lazaretto.''

ക്രിസ്തുമതത്തിനും ഇസ്ലാമിനും പകര്‍ച്ചവ്യാധികള്‍ ദൈവത്തില്‍നിന്നുള്ളതാണ്.എങ്കിലും അതില്‍നിന്നു രക്ഷപെടാന്‍ ശ്രമിക്കരുത് എന്ന മുഹമ്മദിന്റെ ഉപദേശം അത്ര നല്ല ഒരു 'മീം' അല്ലായിരുന്നു എന്നു കണ്ടു.(ഇപ്പോള്‍ ആ 'മീം' മിക്കവാറും കാണ്മാനില്ല.ഇസ്ലാമിലെ വല്ല വാക്സിനേഷന്‍ വിരുദ്ധരുടെ ഇടയില്‍ ചിലപ്പോള്‍ ഈ 'മീം' ഇപ്പോഴും കണ്ടേക്കാം.) ബ്രാഹ്മണമതത്തിനും പാഴ്സി മതത്തിനും അഗ്നി ദൈവമാണെങ്കിലും ഒരു കൂട്ടര്‍ക്കു അഗ്നിയില്‍ ശവം ദഹിപ്പിക്കുന്നത് പുണ്യവും മറ്റേ കൂട്ടര്‍ക്കു പാപവുമാണ്.ആധുനിക വൈദ്യ ശാസ്ത്രത്തിനുമുന്‍പ് ഈ രണ്ടു മീമുകളും അതാത് വിഭാഗക്കാര്‍ക്ക് നല്‍കുന്ന അതിജീവന സാധ്യതകള്‍ വളരെ വ്യത്യസ്തയിരിക്കും.അതുപോലെ ബ്രാഹ്മണരുടെ അയിത്തം വളരെ നല്ല ഒരു 'മീം' ആയിരുന്നു.(Disclaimer: 'good' doesn't mean morally or ethically good.)അയിത്തം മുന്‍പോസ്റ്റുകളില്‍ പറഞ്ഞ പെരുമാറ്റ പ്രതിരോധം ആണെന്ന് പറയാം.അത് ജീനുകളില്‍ക്കൂടിയല്ലാതെ അടുത്ത തലമുറകളിലേക്ക് പകരാനും കഴിയും.'Cultural resistance' can be 'inherited'.ഈ തൊട്ടുകൂടായ്മ എല്ലാ കള്‍ട്ടുകളുടേയും പൊതു സ്വഭാവമായ 'seperatism'ത്തിന്റെ അല്പം കടുത്ത രൂപമാണെന്ന് പറയാം.You have heritable variation,(here heritable in the sense of a set of beliefs or rituals handed down through generations,and it is definitely NOT GENETIC.) and you've got differences in survival and reproduction among the variants as a consequence of such beliefs or rituals.So those separatists obsessed with this extreme form of separatism might win in times of an epidemic,if they can get away with it.ie, if the 'other' people are willing to put up with this ostentatious behavior for some reason.

വിശ്വാസങ്ങളുടെ കാര്യത്തില്‍ ക്രിസ്തുമതവുമായി വളരെ സാമ്യമുള്ള ഒന്നാണ് ബുദ്ധമതം.Like Christianity,Buddhism explained suffering.രണ്ടിലും രോഗീശുശ്രൂഷയും സാധുജന പാലനവും രണ്ടിലും മുഖ്യ അജന്‍ഡയാണ്.(അശോകന്റെ ഗിര്‍നാര്‍ ശിലാശാസനത്തില്‍ മനുഷ്യര്‍ക്കും മൃഗങ്ങള്‍ക്കും പ്രത്യേകം ഏര്‍പ്പെടുത്തീട്ടുള്ള വൈദ്യ സഹായങ്ങളേക്കുറിച്ച് പറയുന്നുണ്ട്.)രണ്ടു മതങ്ങള്‍ക്കും പെട്ടന്നുള്ള മരണങ്ങള്‍ക്ക് തൃപ്തി തോന്നുന്ന ('feel good') വിശദീകരങ്ങളുണ്ട്.രണ്ടും മരണമെന്നത് ഭൂമിയിലെ പീഢനങ്ങളുടെ അവസാനമാണെന്നും പഠിപ്പിക്കുന്നു.നിന്ദിതര്‍ക്കും പീഢിതര്‍ക്കും ദുഃഖിതര്‍ക്കും ആശ്വാസം കൊടുത്തിരുന്ന രണ്ടു വിശ്വാസങ്ങള്‍ .(പ്രശസ്തമായ ഒരു ബുദ്ധ കഥയുണ്ട്.മകന്‍ മരിച്ച ദുഃഖവുമായി ബുദ്ധന്റെ അടുത്തുചെന്ന ഒരു സ്ത്രീയോട്,ഗ്രാമത്തില്‍ ചെന്ന് ആരും മരിക്കാത്ത ഒരു വീട്ടില്‍നിന്നു അല്പം കടുക് വാങ്ങി വരാന്‍ ബുദ്ധന്‍ പറയുന്ന ഒരു കഥയുണ്ട്.എല്ലാവരും തുല്യ ദുഃഖിതരാണ് എന്നറിയുന്ന സ്ത്രീക്ക് ആശ്വാസമാകുന്നു.കഥ നടക്കുന്ന കാലത്ത് ഗ്രാമം ഒരു പകര്‍ച്ചവ്യാധിയുടെ പിടിയിലായിരുന്നു എന്ന് ഊഹിക്കാം.) അപ്പോള്‍ ഭരണാധികാരികളുടെ അല്പം പ്രോത്സാഹനവും കൂടി ഉണ്ടെങ്കില്‍ ബുദ്ധമതം പെട്ടെന്ന് വളരാം.

ജപ്പാനിലെ ബുദ്ധമതത്തിന്റെ വളര്‍ച്ചക്ക് പുറകിലും പകര്‍ച്ചവ്യാധിയുടെ സ്വാധീനമുണ്ട്.AD 735-737 കാലഘട്ടത്തില്‍ ജപ്പാനില്‍ വസൂരി പടര്‍ന്നു പിടിച്ചു.അതിന് മുന്‍പുതന്നെ കടുത്ത ക്ഷാമം മൂലം ജനങ്ങള്‍ ചത്തൊടുങ്ങിയിരുന്നതിന്റെ ഇടയിലേക്കാണ് വസൂരിയുടെ വരവ്.ചൈനയില്‍നിന്നുള്ള ബുദ്ധസന്യാസിമാരാണ് അത് ജപ്പാനില്‍ കൊണ്ടുവന്നത് എന്ന് പറയുന്നു.കണ്‍ഷ്യൂഷ്യന്‍ വിശ്വാസക്കാരനായിരുന്ന ചക്രവര്‍ത്തി ഷോമു അതിന്റെ ധാര്‍മ്മിക ഉത്തരവാദിത്വം ഏറ്റെടുത്തു.

''The rivers are dry and the five grains have been damaged.This situation has come about because of our lack of virtue....Recently untoward events have occurred one after another.Bad omens are still to be seen.I fear the responsibility is all mine.''

ചക്രവര്‍ത്തി 'feel good' ചിന്താധാരകളൊന്നുമില്ലാത്ത കണ്‍ഷ്യൂഷ്യന്‍ വിശ്വാസം വിട്ടു ബുദ്ധമതത്തില്‍ താല്പര്യം കാട്ടാന്‍ തുടങ്ങി.അതുവരെ ഒരു പ്രോത്സാഹനവും കിട്ടാതിരുന്ന ബുദ്ധമതത്തെ ഷോമു ചക്രവര്‍ത്തി കൈയയച്ച് സഹായിക്കാന്‍ തുടങ്ങി.എന്തായാലും ഈ ധൂര്‍ത്തും നികുതിദായകരുടെ കൂട്ടമരണവും രാജ്യത്തെ പാപ്പരാക്കിയെങ്കിലും കണ്‍ഷ്യൂഷ്യന്‍ മതത്തിന്റെ ചെലവില്‍ ബുദ്ധമതം വളര്‍ന്നു.സ്വന്തം ഭരണത്തേക്കുറിച്ചുള്ള അതൃപ്തി അശോക ചക്രവര്‍ത്തിയെ ബുദ്ധമതത്തോടടുപ്പിച്ചതിന് സമാനമായ സംഭവം.

പക്ഷേ രാജാവിന്റെ പ്രോത്സാഹനം മാത്രം മതിയോ?അപ്പോള്‍ ഇവിടെ ബുദ്ധമതത്തിനു എങ്ങനെ ക്ഷയം സംഭവിച്ചു?ഒരാള്‍ ഒരു പക്ഷത്തുനിന്നു കൂറുമാറി വേറൊരു വിശ്വാസപ്രമാണവുമായി ജീവിക്കാന്‍ കാരണമെന്ത്? ഒരു സ്റ്റാന്‍ഡേര്‍ഡ് മറുപടി ഉണ്ട് എല്ലാവര്‍ക്കും.കേരളത്തിലെങ്കിലും ''സവര്‍ണ്ണ ബ്രാഹ്മണന്‍ ശങ്കരാചാര്യര്‍ സ്വന്തം അനുചരരോടൊപ്പം പാവം‌‌ ബുദ്ധമത സന്യാസിമാരെ പീഢിപ്പിച്ചു, അവരുടെ വിഹാരങ്ങള്‍ തകര്‍ത്ത് ക്ഷേത്രങ്ങള്‍ ആക്കി.കേരളത്തിലെ ശബരിമല,കൊടുങ്ങല്ലൂര്‍ ക്ഷേത്രം എല്ലാം ബുദ്ധമത വിഹാരങ്ങളായിരുന്നു.''പക്ഷേ ഇതിലൊരു പ്രശ്നമുണ്ട്. കേരളത്തില്‍ ബുദ്ധമതം പ്രബലമായിരുന്ന കാലത്ത് തന്നെ ക്രിസ്തുമതവും ഇവിടെ ഉണ്ടായിരുന്നു.പിന്നീട് ബ്രാഹ്മണ മതം ബുദ്ധമതം 'നശിപ്പിച്ചപ്പോള്‍ 'സമാനമായ വിശ്വാസങ്ങളുള്ള ക്രിസ്തുമതത്തിലേക്കല്ല ആളുകള്‍ പോയത്,മറിച്ച് ബ്രാഹ്മണമതത്തിന്റെ കീഴിലേക്കാണ്.അവിടെയാണെങ്കിലോ ''മന്ദബുദ്ധികളായ സംസ്കൃതഗോത്രവര്‍ഗക്കാര്‍ പണ്ട് എഴുതിക്കൂട്ടിയ ഓലക്കെട്ടുകള്‍ ധാരാളം വിവരക്കേടുകളുടെ ഒരു മഹാശേഖരമാണ്.'' ( എന്ന് ഒരു ബ്ലോഗ്ഗര്‍ ‍) എന്തിന് ഈ വിവരക്കേടുകള്‍ വിശ്വസിച്ച് അവിടെ പോയി?Nobody ever joined a religious cult with the intention of getting brainwashed.Nobody ever set out intentionally to join a cult and have their mind taken over.ഭൂരിഭാഗം ജനങ്ങളും വിഡ്ഢികളായിരുന്നു എന്ന വിഡ്ഢിത്തം വിശ്വസിക്കാമെങ്കില്‍ മാത്രമെ ഈ 'തിയറിയും' ഉപ്പ് കൂട്ടാതെ വിഴുങ്ങാന്‍ സാധിക്കൂ.

ഞാന്‍ പറയാനുദ്ദേശിച്ച കാര്യം ഇതാണ്.ഇന്ത്യന്‍ ഫിലോസഫി പൊതുവെ പറഞ്ഞാല്‍ പലതരം ചിന്താധാരകളുടെ പല അളവില്‍ ചേര്‍ത്തുണ്ടാക്കിയ ഒരു സങ്കര സൃഷ്ടിയാണെന്ന് പറയാം.ഇതില്‍ ബ്രാഹ്മണചിന്തയും ശ്രമണ ചിന്തയും ഏറെക്കുറെ വിരുദ്ധമായ രണ്ടു ചിന്താരീതികളാണെന്നും പറയാം.ജൈന,ബുദ്ധമതങ്ങളും പിന്നെ വംശനാശം വന്നുപ്പോയ 'Ajivika' എന്നൊരു വിഭാഗത്തേയും ഈ ഗ്രൂപ്പില്‍ പെടുത്താം.(Ajivikas rejected free will,an essential component of the doctrine of karma.)ശ്രമണര്‍ ഇഹലോക ജീവിതം ദുഃഖമയമാണെന്നും,അഹിംസയിലൂടെയും കടുത്ത സന്യസത്തിലൂടേയും മോക്ഷം പ്രാപിക്കലാണ് ആത്യന്തികമായ ലക്‌ഷ്യം എന്ന് പഠിപ്പിക്കുന്നു. എന്നാല്‍ വേദ ചിന്തയില്‍ പ്രത്യേക ഹോമങ്ങളും പൂജകളും ചില പ്രത്യേക ആളുകളുടെ മേല്‍നോട്ടത്തില്‍ നടത്തിയാല്‍ എല്ലാം ശരിയായി എന്ന വിശ്വാസവുമാണ്. (P.S:Off course this is an impossibly simplified version just to explain the points I am going to make.)

ഇവിടെ ബുദ്ധമതവും ബ്രാഹ്മണ മതവും തമ്മിലുള്ള ഒരു സാമ്യവും പ്രസക്തമാണെന്നു തോന്നുന്നു.രണ്ടിലും പുനര്‍ജന്മമുണ്ട്.പക്ഷേ ബുദ്ധമതത്തില്‍ കര്‍ശനക്കാരനായ ഒരു ദൈവമില്ല ശിക്ഷിക്കാന്‍.അത് ഏറെക്കുറെ ഒരു നിരീശ്വര മതമാണ്.തീര്‍ച്ചയായും ഇവര്‍ രണ്ടും മത്സരിക്കേണ്ട ഒരു സാഹചര്യം വന്നാല്‍ ബുദ്ധമതക്കാര്‍ക്ക് വേദവിശ്വാസം നന്നായി തോന്നാം.പ്രത്യേകിച്ചും അവരുടെ ഇടയില്‍ പകര്‍ച്ചവ്യാധി മരണങ്ങള്‍ വളരെ കുറവാണ് എന്ന് കാണുകയാണെങ്കില്‍ ‍.മാരകമായ ഒരു പകര്‍ച്ചവ്യാധി മൂലം ചുറ്റും ആളുകള്‍ മരിച്ചു വീഴുമ്പോള്‍ ,ന്യായമായ ഒരു വിശദീകരണവും നല്‍കാനില്ലാത്തപ്പോള്‍ കൂടുതല്‍ തൃപ്തികരമായ വിശ്വാസം ഏതായിരിക്കും?ഈ ദുരിതങ്ങള്‍ നീതിമാനായ ഒരു ദൈവം മുജ്ജന്മ പാപത്തിന്റെ ഫലമായി നല്‍കിയതാണ്, തീര്‍ച്ചയായും വീണ്ടും ഒരു ചാന്‍സ് കൂടി കിട്ടും-പുനര്‍ജ്ജന്മം-(വേദമതം).ക്ഷിപ്രകോപികളായ ദൈവങ്ങളെ സ്വാധീനിക്കാന്‍ കഴിവുള്ള ആളുകളുണ്ട്.അവന്മാര്‍ സമര്‍ത്ഥരാണ് എന്ന് വിശ്വസിക്കാനും ന്യായമുണ്ട്. അതോ, you are on your own in a fundamentally unsatisfactory world with no one to help you,എന്ന് വിശ്വസിക്കുന്നതോ?(ബുദ്ധമതം).പുനര്‍ജന്മ വിശ്വാസത്തോടൊപ്പം കര്‍ശനക്കാരനും അല്പം ക്രൂരനും എന്നാല്‍ അതേസമയം എളുപ്പം സ്വാധീനിക്കാനും കഴിയുന്ന ദൈവങ്ങളാണ് ഇഹലോകത്തെ കൂട്ടായ്മയും ശുശ്രുഷയും നല്‍കുന്ന ആശ്വാസത്തേക്കാള്‍ മികച്ചതായി ആളുകള്‍ക്ക് ചില പ്രത്യേക സാഹചര്യങ്ങളിലെങ്കിലും തോന്നിയത് എന്ന് കരുതാമോ?In times of stress it is common for people to long for 'strong leaders'.So a strong god might be very good meme.If what you fear is death,then the belief that you will in fact live again after you die may be of comfort.

പുനര്‍ജന്മ വിശ്വാസം സത്യത്തില്‍ വളരെ ആകര്‍ഷകമാണ് (അതില്‍ വിശ്വസിച്ചാല്‍ ‍) നല്ല രസമല്ലേ...to go around again and again,never to be blotted out altogether,to have more and more of life.പക്ഷേ അതിനും 'യുക്തിസഹമായ' ഒരു കാരണം പറയണമല്ലോ?അത് വേദചിന്തയിലുണ്ട്.കൂടുതല്‍ 'കെട്ടുറപ്പുള്ള' വിശ്വാസം അതാണ്.All else being equal, a more memorable narrative has a competitive advantage over a less memorable one. Because any cultural narrative is likely to go through several generations of repeated transmission and recall,this advantage, even if small at the start, accumulates from generation to generation, leading to massive differences in eventual cultural success. ഏത് രാജാവ്‌ എത്ര പ്രോത്സാഹനം കൊടുത്താലും ബുദ്ധമതം ചിലപ്പോള്‍ അനാകര്‍ഷകമായി തോന്നാം, പ്രത്യേകിച്ച് ശുശ്രൂഷ വലിയ പ്രതികരണമുണ്ടാക്കാത്ത മാരകമായ രോഗമാണെങ്കില്‍ ,കൂട്ടത്തില്‍ ശുശ്രൂഷകര്‍ തന്നെ രോഗം പടര്‍ത്തുന്നു എന്നും തോന്നിയാല്‍ ‍.അതും വേദമതക്കാര്‍ക്ക് രോഗം കുറവാണ് എന്നും കാണുകയാണെങ്കില്‍ ‍.ഒരു മുജ്ജന്‍മ വിശ്വാസിക്ക് തന്റെ പ്രീയപ്പെട്ട 'മീമുകള്‍ ' ഉപേക്ഷിക്കാതെ തന്നെ ഹിന്ദുമതം തൃപ്തികരമായി തോന്നാം.

ഏതുതരം വിശ്വാസങ്ങളാണ് ജനങ്ങളുടെ മനസ്സില്‍ കൂടുതല്‍ ഇടം നേടുക എന്നത് അതാതുകാലത്തെ പകര്‍ച്ചവ്യാധികളുടെ രൂക്ഷത (virulence) ആശ്രയിച്ചിരിക്കും.താരതമ്യേന രൂക്ഷത കുറഞ്ഞ,വളരെ കുറച്ചു ആളുകള്‍ മാത്രം മരിക്കുന്ന,രോഗമുക്തി വരെ ജീവന്‍ നിലനിര്‍ത്താന്‍ സമൂഹത്തിന്റെ സപ്പോര്‍ട്ട് വേണ്ടിവരുന്ന ഒരു പകര്‍ച്ചവ്യാധി ബ്രാഹ്മണമതത്തെ സഹായിക്കില്ല.ആളുകള്‍ക്ക് ക്രിസ്തു ബുദ്ധ മതങ്ങളിലായിരിക്കും താല്പര്യം.രോഗമുക്തി നേടുന്നവര്‍ അവരുടെ നന്ദി പ്രകടിപ്പിച്ചു കൂടുതല്‍ മതപ്രചരണം നടത്തുകയും ചെയ്യും.ആ മീമുകള്‍ വിജയിക്കും എന്നര്‍ത്ഥം.അതുപോലെ ബ്രാഹ്മണരുടെ തൊട്ടുകൂടായ്മക്ക് മരണനിരക്കില്‍ വലിയ വ്യത്യാസമൊന്നും വരുത്താനാവാത്ത,മലമ്പനി പോലുള്ള vector borne അസുഖങ്ങളാണെങ്കിലും ഇതുതന്നെയായിരിക്കും ഫലം.മലമ്പനി പോലുള്ള അസുഖങ്ങള്‍ സ്ഥിരമായി ഒരേ സ്ഥലത്ത് കാണപ്പെടുന്ന അസുഖമായതുകൊണ്ട് (endemic)മലമ്പനി മരണങ്ങള്‍ 'നോര്‍മല്‍ 'ആയി മാത്രമെ കണക്കാകൂ.

എന്നാല്‍ വളരെ അപ്രതീക്ഷിതമായി പ്രത്യക്ഷപ്പെട്ട് വളരെ കനത്ത ആള്‍നാശം വരുത്തുന്ന,ശുശ്രൂഷ കൊണ്ട് മരണനിരക്ക് കുറയ്ക്കാനാവാത്ത തരം കടുത്ത രോഗങ്ങളാണെങ്കില്‍ ,അതൊരുപക്ഷെ സഹായിച്ചിരിക്കുക ബ്രാഹ്മണമതത്തെയായിരിക്കും.ന്യുമോണിക്‌ പ്ലേഗ് പോലുള്ള രോഗങ്ങളില്‍ ശുശ്രൂഷകൊണ്ട് വലിയ ഫലം കിട്ടില്ലെന്ന് മാത്രമല്ല,ശുശ്രൂഷകന്മാര്‍ രോഗം കൂടുതല്‍ സ്ഥലത്തേക്ക് വ്യാപിപ്പിക്കുകയും ചെയ്യും.സന്യാസം വേദ ബുദ്ധ മതങ്ങളുടെ പൊതുവായ ഒരു കാര്യമാണെങ്കിലും,.... monks lived together in monasteries while the Hindu renouncers renounced human companionship too and wandered alone.ഈയൊരു വ്യത്യാസം പോലും ഒരു പകര്‍ച്ചവ്യാധി സമയത്ത് നിര്‍ണായകമായേക്കാം.ബുദ്ധ ജൈന സന്യാസിമഠങ്ങള്‍ അപ്പാടെ തുടച്ചു നീക്കപ്പെടാം.ബുദ്ധജൈന മതത്തില്‍ ആചാരങ്ങളെ കുറിച്ച് കൂടുതല്‍ അറിവുള്ള സന്യാസികളും സാധാരണ ജനങ്ങളും ഉണ്ട്.ആചാരങ്ങള്‍ നിശ്ചയമുള്ള പുരോഹിതന്‍മാരെല്ലാം അഥവാ പെട്ടെന്ന് മരിച്ചാല്‍ മതത്തിന്റെ കാര്യവും തീര്‍ന്നു.എന്നാല്‍ ബ്രാഹ്മണ മത ത്തിന്റെ കാര്യം അങ്ങനെയല്ല.ഏതൊരാള്‍ക്കും ചെറിയകുട്ടിക്കുവരെ ആചാരങ്ങള്‍ നിശ്ചയമുണ്ടായിരികും.Nobody is irreplaceable among them as far as religious rituals are concerned.

രോഗീശുശ്രൂഷയും സാധുജന പാലനവും രോഗത്തെ കുറിച്ച് വേണ്ടത്ര അറിവില്ലാത്തകാലത്ത് വളരെ റിസ്ക്‌ ഉള്ള പണിയായിരുന്നു.രൂക്ഷത കൂടിയ അസുഖങ്ങളാണെങ്കില്‍ ഈ ശുശ്രൂഷകര്‍ വഴി തന്നെ രോഗം കൂടുതല്‍ ഇടത്തേക്ക് പകരാന്‍ സാധ്യതയുണ്ട്.ഇവിടെ asocial പെരുമാറ്റം സ്വന്തം തടി രക്ഷിക്കുമെന്നു മാത്രമല്ല അന്യകള്‍ട്ടുകളില്‍പ്പെട്ടവര്‍ക്ക് ആകര്‍ഷകമായ രീതിയായും തോന്നാം.കാരണം അവരുടെ ഇടയില്‍ മരണനിരക്ക് കുറവായി അനുഭവപ്പെടാം.(മോഡേണ്‍ മെഡിസിനും ഇതു ശരിയായി മനസ്സിലാക്കുന്നതിനുമുന്‍പ് വളരെ പേരെ കൊന്നിട്ടുണ്ട്.നേരത്തെ പറഞ്ഞ പറഞ്ഞ Ignaz Semmelweiss ന്റെ അനുഭവം ഓര്‍ക്കുക.ഓപ്പറേഷന്‍ തീയ്യറ്ററില്‍ ഡോക്ടര്‍മാര്‍ 'തൊട്ടുകൂടായ്മ' ആചരിക്കാറുണ്ട്.) ബ്രാഹ്മണര്‍ അത് മനസ്സിലാക്കീട്ടോ എന്തോ വൈദ്യവൃത്തി ചെയ്യുന്നവരെ തരം താഴ്ത്തിയിരുന്നു.വൈദ്യന്റെ വീട്ടില്‍നിന്നു ആഹാരം പോലം കഴിക്കരുത് എന്നാണ് നിയമം.(യൂറോപ്പിലെ ബ്ലാക്ക്‌ ഡത്തില്‍ വൈദ്യന്മാരുടെയും പുരോഹിതന്മാരുടെയും ഇടയില്‍ മരണ നിരക്ക് കൂടുതലായിരുന്നു എന്ന് കാണുന്നു.രണ്ടു കൂട്ടരും രോഗികളുമായി ഇടപഴകാന്‍ നിര്‍ബന്ധിതരാകുന്നവരാണ്.പുരോഹിതന്മാരുടെ കാര്യത്തില്‍ അവര്‍ തങ്ങളുടെ മൊണാസ്റ്റ്റിയില്‍കൂടി രോഗം പരത്തും.)

വളരെ ചുരുങ്ങിയ സമയത്തിനുള്ളില്‍ പടര്‍ന്നുപിടിച്ച് വളരെയധികം ആളുകളെ കൊല്ലുന്ന ഒരു പകര്‍ച്ചവ്യാധിക്കാലത്ത് രോഗീശുശ്രൂഷയും അയിത്തമില്ലായ്മയും അപകടകരമായേക്കാം.ബുദ്ധ ജൈന വിശ്വാസങ്ങള്‍ക്ക് തിരിച്ചടി നേരിട്ടതിന്റെ പിന്നില്‍ ഒരു പക്ഷേ ഏതെങ്കിലും പകര്‍ച്ചവ്യാധികളുടെ പ്രഭാവം ഉണ്ടായിരുന്നിരിക്കാം.(Disclaimer:It should be obvious to all that I am deliberately using a mono causal narrative to simplify explanation.Such cultural issues are complex,but biology plays a greater role than previously suspected.ബുദ്ധമത ക്ഷയത്തിന് ഒരു പാട് കാരണങ്ങള്‍ ഉണ്ട്.അതിലെ ഈ ഒരു കാരണം മറ്റുള്ളവരാരും സൂചിപ്പിച്ചിട്ടില്ല എന്നതു കൊണ്ട് അതിന് മാത്രമേ പ്രസക്തിയുള്ളൂ എന്ന മട്ടില്‍ എഴുതുന്നു എന്നേയുളൂ.അല്ലാതെ ബുദ്ധമതക്ഷയത്തിനു കാരണം ഇത് മാത്രമാണെന്ന് അര്‍ത്ഥമില്ല.)

പക്ഷേ അക്കാലത്തുതന്നെ നിലവിലുണ്ടായിരുന്ന,ഒരു തരത്തിലും രക്ഷ കിട്ടാതെ പോയ ആശയ സംഹിതയായിരുന്നു ചാര്‍വാക മതം.എല്ലാവരും പരമാവധി സുഖമായിരിക്കുമ്പോള്‍ മാത്രം തൃപ്തി തോന്നുന്ന ('feel good') ആശയങ്ങളാണ് ചാര്‍വാകന്‍മാരുടേത്.എല്ലാം സ്വാഭാവകമായി ഉണ്ടാകുന്നതാണെന്നും മരണാനന്തര ജീവിതമോ സ്വര്‍ഗ്ഗമോ ഇല്ലെന്നും ഘോഷിക്കുന്ന ഈ വിശ്വാസം പകര്‍ച്ചവ്യാധികളുടെ പശ്ചാത്തലത്തില്‍ പിടിച്ചുനില്‍ക്കുമെന്നു തോന്നുണ്ടോ?മതങ്ങള്‍ മനുഷ്യ സൃഷ്ടിയാണെന്നും വേദങ്ങള്‍ ചില വിഡ്ഢികളുടേതാണെന്നും മറ്റുമുള്ള ആശയങ്ങള്‍ ആളുകള്‍ എങ്ങിനെ സ്വീകരിച്ചിരിക്കും?Especially assuming they did notice the vedic people suffer less from epidemics?ഒരു നിരീശ്വരമതമായി തുടങ്ങിയ ബുദ്ധമതത്തില്‍ അവസാനം ബുദ്ധന്‍ തന്നെ ദൈവമായി മാറി എന്നതില്‍നിന്ന് ദൈവമില്ലായ്മ ഒരു 'ഫിറ്റ്‌' അയ meme അല്ല എന്ന് മനസ്സിലാക്കാം‍. (ഇപ്പോള്‍ പോലും നിരീശ്വരവാദവും ഭൌതികവാദവും അധികവും 'വറ്റ് എല്ലിനിടയില്‍ കുത്തുന്ന' ചെറുപ്പക്കാരുടെതാണ്.പ്രായമായി മനസും ശരീരവും തളരുമ്പോള്‍ പലരും വിശ്വാസത്തിലേക്ക് തിരിച്ചു പോകുന്നുണ്ട്.ഒരു ഇരുപതു വര്‍ഷത്തിനു ശേഷം ഈ പറയുന്ന എന്റേയും അവസ്ഥ അതാകുമോ ആവൊ?:-))മതവും ദൈവവും ഉണ്ടായതുതന്നെ ജീവിതത്തിലെ അനിശ്ചിതാവസ്ഥ തരണം ചെയ്യാനുള്ള ഒരു മാര്‍ഗമായാണ് എന്ന് പ്രശസ്ത അന്ത്രോപോളജിസ്റ്റായയ ജെയിംസ്‌ ഫ്രേസര്‍ സിദ്ധാന്തിക്കുന്നത്.

ഇനി സമൂഹത്തിലെ ഒരു വിഭാഗത്തിന് ദീര്‍ഘായുസ്സുണ്ടെങ്കില്‍ അഥവാ മറ്റു ചില വിഭാഗങ്ങള്‍ താരതമ്യേന നേരത്തെയാണ് മരിക്കുന്നതെങ്കില്‍ എന്ത് സംഭവിക്കും? വളരെ പ്രകടമായ ഒരു കാര്യം അറിവ്, അതുവഴി സമ്പത്തും അധികാരവും ദീര്‍ഘായുസ്സുക്കളില്‍ കേന്ദ്രീകരിക്കാം എന്നതാണ്.Knowledge,wealth and power-all three attracts each other.എഴുത്തും വായനയും കണ്ടുപിടിക്കുന്നതിനുമുന്‍പുള്ള കാലത്ത് എല്ലാ അറിവുകളുടേയും സംഭരണശാല തലച്ചോറു തന്നെയായിരുന്നല്ലോ.In many traditional societies studied by anthropologists older adults commonly function as a storehouse of knowledge about health,religious rituals,as well as in depth knowledge about the environment.കൂടുതല്‍ പ്രായമുള്ളവരുള്ള ഗ്രൂപ്പില്‍ അറിവ് നഷ്ടപ്പെട്ടുപോകാനുള്ള സാധ്യത കുറവാണ്.(എഴുതി സൂക്ഷിക്കുന്ന വിദ്യ കണ്ടു പിടിക്കുന്നതിനു മുന്‍പ്...more old people means more copies of the information in the group.) മാരകമായ ഒരു ഇന്‍ഫെക്ഷന്‍ വന്ന് ഭൂരിഭാഗം പേരും മരിച്ചാലും കാര്യങ്ങള്‍ ഓര്‍മയുള്ള ഒരു വയസ്സന്‍ ബാക്കിയുണ്ടായാല്‍ മതി.പ്രായമായവര്‍ കുറവുള്ള ഗ്രൂപ്പിന് പലപ്പോഴും വീണ്ടും 'ഒന്നേന്ന്' തുടങ്ങേണ്ടി വരും.ഈ ഗ്രൂപ്പിലെ ജീനിയസ്സുകളുടെ സംഭാവനകള്‍ നഷ്ടപ്പെട്ടുപോകാനുള്ള സാധ്യത കൂടുതലാണ്.ദീര്‍ഘകാലത്തെ പഠനവും ആതിന് ശേഷം വര്‍ഷങ്ങളുടെ പരിശീലനവും വേണ്ട പല സങ്കീര്‍ണ്ണമായ അറിവുകളും പഠിപ്പിക്കാന്‍ ആളുണ്ടാകില്ല.

ഒരു കാര്യം ശ്രദ്ധിച്ചിട്ടുണ്ടോ?(ഇത് ഒന്നിന്റെയും തെളിവല്ല.Just a curious observation...)മൃഗങ്ങളുടെ തോല്‍ കൈകാര്യം ചെയ്യുന്നതും ആ തോല്‍ ഉപയോഗിച്ച് വാദ്യോപകരണങ്ങള്‍ ഉണ്ടാക്കുന്നതും ഒരു പ്രത്യേക വിഭാഗം ആള്‍ക്കാരാണ്.എന്നാല്‍ ആ വാദ്യങ്ങള്‍ ഉപയോഗിച്ച് സംഗീതം സൃഷ്ടിക്കുന്നവരാകട്ടെ മറ്റൊരു വിഭാഗവും(സവര്‍ണര്‍ ).തീര്‍ച്ചയായും നല്ല സംഗീതബോധം ഉള്ളവര്‍ക്കേ നല്ല സംഗീതോപകരണങ്ങള്‍ നിര്‍മിക്കാനാകൂ.അപ്പോള്‍ അത് നിര്‍മ്മിക്കുന്നവരുടെ ഇടയിലും സങ്കീര്‍ണമായ സംഗീതം ഉണ്ടാകേണ്ടതാണ്.പിന്നെന്തുകൊണ്ടാണ് സവര്‍ണ്ണമായ മേളമോ തായമ്പകയോ പോലെ ഒരു സങ്കീര്‍ണമായ വാദ്യപ്രയോഗരീതി അവരുടെ ഇടയില്‍ ഇല്ലാത്തത്?ലളിതമായ നാടന്‍ താളങ്ങളല്ലാതെ കണിശമായ കണക്കുകളൊക്കെയുള്ള വാദ്യരീതികള്‍ ‍?തായമ്പകയൊക്കെപ്പോലെ അനേകം ജീനിയസ്സുകളുടെ സംഭാവനയും വര്‍ഷങ്ങളുടെ പഠനവും അപ്രന്റീസ്ഷിപ്പും വേണ്ട വാദ്യപ്രയോഗ രീതികള്‍ ഉണ്ടാകാനും വളരാനുള്ള സാഹചര്യം ഇല്ലാതെ പോയതായിരിക്കുമോ കാരണം?വളരെ സങ്കീര്‍ണമായ കലകള്‍ ,നമ്മള്‍ ക്ലസ്സികള്‍ കലകള്‍ എന്ന് പറയുന്നവ മിക്കതും,അത് സംഗീതമായാലും നൃത്തമായാലും സവര്‍ണ്ണമാണ്.(സങ്കീര്‍ണം എന്നത് കൊണ്ട് ഉദ്ദേശിക്കുന്നത് മികച്ചത് അഥവാ ആസ്വാദ്യത കൂടിയത് എന്ന അര്‍ത്ഥത്തിലല്ല.മറിച്ച് പഠിച്ചെടുക്കാന്‍ കൂടുതല്‍ സമയവും അതില്‍തന്നെ വിദഗ്ധനാകാന്‍ മറ്റൊരു വിദഗ്ധന്റെ മേല്‍നോട്ടവും വേണ്ടത്,കണ്ടമാനം കണക്കുകളും മറ്റു നൂലാമാലകളും ഉള്ളത്, അല്ലെങ്കില്‍ പരസ്പരം ബന്ധപ്പെട്ടുകിടക്കുന്ന ധാരാളം അറിവുകളുടെ ഒരു ശൃംഗലയുടെ 'cumulative effect' ആണ് ഈ പറഞ്ഞ കല എന്ന അര്‍ത്ഥത്തില്‍ .)

കൂടുതല്‍ 'സംസ്കൃതമായ' ഭാഷയും ഭാഷാനിയമങ്ങളും എഴുതാനുള്ള ലിപികളും ഉണ്ടാക്കാനായാലും നിത്യ ജീവിതത്തില്‍ ഉപകരിക്കുന്ന, ഏതൊക്കെ വിളവുകള്‍ ഏതൊക്കെ രീതിയില്‍ ഏതൊക്കെ കാലത്ത് കൃഷി ചെയ്യാം എന്ന് തുടങ്ങി കാലാവസ്ഥ പ്രവചനവും രോഗ ചികിത്സയും ഡിസാസ്റ്റര്‍ മാനേജ്‌മെന്റ്‌ പോലുള്ള കാര്യങ്ങളായാലും(ഏതാനും തലമുറകള്‍ക്ക് മുന്‍പ് സമാനമായ ഒരു അനുഭവം ഉണ്ടായപ്പോള്‍ അതിനെ നേരിട്ടതെങ്ങിനെ?)എല്ലാറ്റിനും ദീര്‍ഘയുസ്സുക്കളുടെ ഗ്രൂപ്പിന് മേല്‍കൈ ഉണ്ടാകാം.As we all know acquiring knowledge is a hopelessly cumulative task.ഇടയില്‍നിന്നു എന്തെങ്കിലും വിട്ടുപോയാല്‍ ബാക്കിയുള്ളത് പലപ്പോഴും പ്രയോജനരഹിതമായിപ്പോകും.

(Genius,by definition is rare,and once one comes along,the longevity group is at a much less risk of losing his contributions.Moreover the new genius will have an additional option continuing or elaborating on the works of his predecessors.(A sort of standing on the shoulders of giants.)അറിവ് നിയന്ത്രിക്കുന്നവന് അധികാരവും ധനവും അധീനതയിലാകും.Once it get rolling the speed only keeps on increasing forming a positive feedback loop.This advantage,small at the start, accumulates from generation to generation, and can lead to massive differences.അധികാരം കൂടുതല്‍ ധനവും അറിവും ഉണ്ടാക്കും,ധനം കൂടുതല്‍ അറിവും അധികാരവും ഉണ്ടാക്കും.

മനുഷ്യനെ ബാധിച്ച പകര്‍ച്ചവ്യാധികളുടെ കൂട്ടത്തില്‍ ഏറ്റവും അധികം പഠിക്കപ്പെട്ടിട്ടുള്ളത് യൂറോപ്പിലെ ബ്ലാക്ക്‌ ഡെത്ത് എന്നറിയപ്പെടുന്ന പ്ലേഗ് ബാധയാണ്.ധാരാളം രേഖകള്‍ ലഭ്യമാണ് എന്നതുതന്നെ കാരണം.(Black Death-1348-1350. ബ്യുബോണിക് പ്ളേഗ്.മരണസംഖ്യ 75 മില്യണ്‍ ‍.ആറുവര്‍ഷം കൊണ്ട് 20 മുതല്‍ 30 മില്യണ്‍ ആളുകള്‍ ‍,ജനസംഖ്യയുടെ മൂന്നിലൊന്ന്- മരിച്ചു പോയി എന്ന് പറയുന്നു.പതിനേഴാം നൂറ്റാണ്ടുവരെ ഇടവിട്ട് തുടര്‍ച്ചയായ ആക്രമണങ്ങളുണ്ടായി.(1340s - 1660s- the 'era of plague'.)1665 ല്‍ ലണ്ടണ്‍ നഗരത്തിലെ 97,306 മരണങ്ങളില്‍ 68,596 എണ്ണവും (70%) പ്ളേഗ് മൂലമായിരുന്നു.)

ബ്ലാക്ക്‌ ഡെത്തിന്റെ ഫലമായുണ്ടായ സാമൂഹിക മാറ്റങ്ങള്‍ നോക്കാം.വളരെ ചുരുങ്ങിയ സമയത്തിനുള്ളില്‍ വളരെയധികം ആളുകള്‍ മരിക്കുന്നത് സാമൂഹിക സമ്പത്തിക സന്തുലനം അടിമുടി മാറ്റിമറിച്ചു.സമൂഹത്തിലെ ഉല്‍പ്പാദകരായ കൃഷിക്കാര്‍ മരിച്ചുപോയതും അവശേഷിക്കുന്നവര്‍ പേടിച്ചു സ്ഥലം വിട്ടതും കടുത്ത ഭക്ഷ്യക്ഷാമമുണ്ടാക്കി.പല അറിവുകളും അന്യം നിന്നു പോയി.Entire families and professions were wiped out, their lineage ended and their professions lost to history എന്നാല്‍ രസകരമായ ഒരു കാര്യം സമൂഹത്തിലെ പാവപ്പെട്ടവരുടെ നില യാഥാര്‍ത്ഥത്തില്‍ ഉയര്‍ന്നു എന്നതാണ്.തൊഴിലാളികള്‍ ദുര്‍ലഭമായതുകൊണ്ട് അവശേഷിച്ചവര്‍ക്ക് കൂലി കൂടുതല്‍ അവകാശപ്പെടാനുള്ള സാഹചര്യം ഉണ്ടായി.ആളുകള്‍ കൂലി കൂടുതല്‍ കിട്ടുന്ന തൊഴിലുകളിലേക്ക് മാറി.'Serfdom'(അടിമത്തൊഴില്‍ ‍) ഏറെക്കുറെ അവസാനിച്ചു.The sudden shortage of cheap labor provided an incentive for landlords to compete for peasants with increased wages and extra rights,a change some say,may be the starting of capitalism.തൊഴിലാളികള്‍ക്ക് അവരുടെ ഇഷ്ടത്തിനനുസരിച്ചുള്ള പണി ചെയ്യാനും കൂടുതല്‍ കൂലി അവകാശപ്പെടാനും സാധിച്ചു.പ്രത്യേകിച്ച് വിദഗ്ധ തൊഴിലാളികള്‍ക്ക്.ഉടമസ്ഥനില്ലാത്ത കൃഷിയിടങ്ങള്‍ ധാരാളം ലഭ്യമായി.മൊത്തത്തില്‍ മരിക്കാതെ രക്ഷപ്പെട്ടവനൊക്കെ ലോട്ടറി അടിച്ചപോലെയിരുന്നു ഈ പകര്‍ച്ചവ്യാധി.Thus plague's great population reduction made land prices cheap, more food became available for the average peasant, and a large increase in per capita income among the peasantry.

യൂറോപ്പില്‍ പില്‍കാലത്തുണ്ടായ നവോദ്ധാനത്തിനു വരെ ഒരു കാരണം ഈ ബ്ലാക്ക്‌ ഡെത്ത് ആയിരുന്നു എന്ന് ചില ചരിത്രകാരന്മാര്‍ പറയുന്നു.The Black Death hit the monasteries very hard because of their close proximity with the sick, who sought refuge there.There was a severe shortage of clergy.This resulted hastily-trained and inexperienced clergy with little discipline and rigor of the veterans they replaced.ഇത് ആളുകള്‍ക്ക് മതത്തിനോട് അകല്‍ച്ച ഉണ്ടാക്കി.Hence the religious reforms of Martin Luther found widespread support.Monopoly of Vatican was broken.

തീര്‍ച്ചയായും ഇന്ത്യന്‍ സാഹചര്യങ്ങളില്‍ ഉണ്ടായിട്ടുള്ള ഏതെങ്കിലും പകര്‍ച്ചവ്യാധികളേക്കുറിച്ച് ഇതുപോലുള്ള നിഗമനങ്ങളിലെത്താന്‍ പാകത്തിനുള്ള തെളിവുകളൊന്നുമില്ലെങ്കിലും,പകര്‍ച്ചവ്യാധികള്‍ ഉണ്ടായിട്ടുണ്ട് എന്നത് ഉറപ്പാണ്‌.ഭീമമായ ആള്‍നാശവും ഉണ്ടായിട്ടുണ്ട്.അപ്പോള്‍ സമാനമായ മാറ്റങ്ങള്‍ ഇവിടെയും നടന്നിരിക്കാന്‍ സാധ്യതയുണ്ട്.അപ്പോള്‍ യൂറോപ്പില്‍ സംഭവിച്ചപോലെ താഴേത്തട്ടിലുള്ളവര്‍ക്ക് ഇവിടെ എന്തെങ്കിലും മെച്ചമുണ്ടായോ?ഇല്ലെങ്കില്‍ എന്തുകൊണ്ട്?യൂറോപ്പില്‍ തൊഴിലാളി ക്ഷാമം അവരുടെ 'ബാര്‍ഗേയ്നിങ്ങ് പവര്‍ ' കൂട്ടുകയും കൂടുതല്‍ മെച്ചമായ തൊഴിലിലേക്ക് മാറാനുള്ള സാഹചര്യം ഉണ്ടാവുകയുമാണ് ചെയ്തത്.എന്നാല്‍ ഇന്ത്യയില്‍ അങ്ങനെ ഒരു തൊഴില്‍ മാറ്റം അസാധ്യമായിരുന്നു.

ഇന്ത്യയിലെ ജാതിവ്യവസ്ഥ നോക്കിയാല്‍ ഒരു കാര്യം വ്യക്തമാകും.Often castes originated as industrial guilds, which basically protected the interests of a group of people with identical hereditary professions and shared goals.അപ്പോള്‍ വെറും തൊഴില്‍ സംഘടനകള്‍ മാത്രമായിരുന്നു എന്ന് വിശ്വസനീയമായ തെളിവുള്ള ആദ്യകാല ജാതികളും അവരുടെ തൊഴിലും പിന്നീടെപ്പോഴോ ജന്മനാ കിട്ടുന്നതായി മാറിയത് എങ്ങിനെയായിരിക്കും?കുലത്തൊഴിലില്‍ വിദഗ്ധനല്ലെങ്കില്‍ പോലും അതുതന്നെ ചെയ്യുന്നതാണ് നല്ലത് എന്ന രീതിയില്‍ നിയമങ്ങളുണ്ടായതെന്തുകൊണ്ട്?സാധാരണ കരുതുന്നതുപോലെ ബ്രാഹ്മണരാണ് എല്ലാം നിയന്ത്രിച്ചിരുന്നതെങ്കില്‍ വേണ്ടത്ര വൈദഗ്ധ്യം ഇല്ലെങ്കില്‍പ്പോലും തൊഴില്‍ മാറരുത് എന്ന് അവര്‍ ശഠിക്കണം?നഷ്ടം പറ്റുന്നത് അവര്‍ക്കല്ലെ?അവരെന്തിന് അവിദഗ്ധ തൊഴിലാളികളെ സഹിക്കണം?ഇതുപോലുള്ള കാര്യങ്ങളില്‍ ഊഹം പോലും നിഷിദ്ധമായതുകൊണ്ട് ഞാന്‍ ഇവിടെ നിര്‍ത്തുന്നു.എന്നാലും എനിക്ക് തോന്നിയ ഒരു ക്ലൂ...പാരമ്പര്യതൊഴില്‍ എന്നത് മറ്റൊരു രീതിയില്‍ നോക്കിയാല്‍ ആശ്രിതനിയമനമായി കണക്കാക്കാം.ഒരു തൊഴിലിലേക്ക് പുറമെനിന്ന് വേറാരും വരരുത് എന്ന് നിര്‍ബന്ധം പിടിക്കാനുള്ള സാഹചര്യം എന്തായിരുന്നിരിക്കും?ഈ നിയമം ഉണ്ടായ കാലത്ത് അതിന്റെ ഗുണഭോക്താവ് ആരായിരുന്നിരിക്കും?

(A little bit of ranting....You may skip this if you like.നമ്മുടെ ഈ കഥയിലെ വില്ലന് ഒരു തരത്തിലുള്ള ആനുകൂല്യവും, ഭാഗ്യം പോലും- അനുവദിക്കാന്‍ പാടില്ല,എല്ലാം അയാള്‍ ക്രൂരമായി വെട്ടിപിടിച്ചതാണ് എന്ന് മാത്രമെ പറയാവൂ എന്നതാണ് ബുദ്ധിജീവി ലൈന്‍.എന്നാപിന്നെ ഇത്ര ആസൂത്രിതമായി നൂറ്റാണ്ടുകളോളം ആധിപത്യം സ്ഥാപിക്കാനും നിലനിര്‍ത്താനും കഴിഞ്ഞവര്‍ക്ക് ബുദ്ധിപരമായി എന്തെങ്കിലും മേന്മയുണ്ട് എന്നും സമ്മതിക്കാന്‍ പറ്റില്ല.അപ്പോള്‍ ഒരു കൂട്ടര്‍ക്കു മാത്രം നൂറ്റാണ്ടുകളോളം ആധിപത്യം സ്ഥാപിക്കാനും നിലനിര്‍ത്താനും കഴിഞ്ഞത് എന്തുകൊണ്ടയിരിക്കും? ഞാന്‍ പറയുന്നു ഭാഗ്യവശാല്‍ കിട്ടിയ ഒരു നേട്ടം-'നല്ല മീമുകള്‍ '‍. ..and that got multiplied in a positive feedback loop with off course,a little bit of villainy thrown in.Every known society distributes its scarce resources and services unequally.And attached to these high positions were certain highly moral evaluations and their importance to the society.അവര്‍ ഒരേ സമയം ഭാവി മുന്‍കൂട്ടിക്കാണാന്‍ കഴിവുള്ള ആളുകളും എന്നാല്‍ അതേ സമയം തന്നെ ഒരു തരത്തിലും ഒരു മേന്മയുമില്ലാത്ത ആളുകളും എന്നതാണ് നിലവിലുള്ള ഏക അംഗീകൃത ലൈന്‍.നല്ല ലോജിക്ക് അല്ലെ?പണ്ട് നായന്മാരെ പുലഭ്യം പറഞ്ഞുകൊണ്ട് എഴുതിയിരുന്ന ഒരു ഷൈന്‍ ഉണ്ടായിരുന്നു. അദ്ദേഹത്തിന്റെ അഭിപ്രായത്തില്‍ നായന്മാര്‍ വളരെ ചിട്ടയോടെ വീടും പരിസരവും വളരെ വൃത്തിയായി സൂക്ഷിച്ചിരുന്നു എന്നാണ്.പക്ഷേ അതൊരു മഹാപരാധം പോലെയാണ് അവതരിപ്പിച്ചിരുന്നത്.അപ്പോള്‍ ചിലര്‍ക്ക് മറ്റു ചിലര്‍ക്ക് ഇല്ലാത്ത ചില ചിട്ടകള്‍ ഉണ്ടായിരുന്നു എന്നതില്‍ ആര്‍ക്കും തര്‍ക്കമില്ല.പക്ഷേ അതുകൊണ്ട് എന്തെങ്കിലും ഗുണമുണ്ടായി എന്ന വിദൂരമായ ഒരു സൂചന പോലും പാടില്ല.അഥവാ അത് വളരെ അപഹാസ്യമായി ചിത്രീകരിക്കാം.അത് 'പൊളിറ്റിക്കലി കറക്റ്റ്' ആണ്.പോസ്റ്റിന്റെ വിഷയം ഇന്ത്യന്‍ ഉപഭൂഖണ്ഡത്തിലെ ഒരു മൂവായിരം-നാലായിരം വര്‍ഷത്തെ ചരിത്രമാണ്.More like a painting done in broad brush strokes.അതില്‍ ഈ പറഞ്ഞ സ്ഥലത്തിന്റെ അപ്രധാനമായ ഒരു മൂലയില്‍കിടക്കുന്ന ഒരു സ്ഥലത്ത് ഈ നൂറ്റാണ്ടില്‍ ഏതാനും വര്‍ഷം കൊണ്ട് നടന്ന ക്ഷേത്ര പ്രവേശനവും മാറുമറയ്ക്കല്‍ സമരവും ഭൂപരിഷ്കരണവുമൊക്കെ ചര്‍ച്ച ചെയ്യാന്‍ ശ്രമിക്കുന്നത് ലോകമാപ്പില്‍ കുന്നംകുളം കാണുന്നുണ്ടോ എന്ന് തെരയലാണ്.ദയവായി അതിന് ശ്രമിക്കരുത്.കുന്നംകുളം കാണാന്‍ ചെറിയ സ്കെലിലുള്ള മാപ്പ് ഉപയോഗിക്കുക.ലോകമാപ്പില്‍ അത് കാണില്ല.:-))

--

ചിയേഴ്സ്‌...!!! ഹാപ്പി ന്യൂ ഇയര്‍ ‍...!!!...

2011-01-01T09:41:00.000+05:30

ഒരു 100% ഫോട്ടോഷോപ്പ് ചിത്രം.തേര്‍ഡ് പാര്‍ട്ടി ഫില്‍ട്ടറുകളൊന്നും ഉപയോഗിച്ചിട്ടില്ല.ഏകദേശം നൂറിലധികം ഫോട്ടോഷോപ്പ് ലെയറുകള്‍ .ഒരു മാസത്തെ അധ്വാനം.

ഇതേ രീതിയിലുള്ള മറ്റൊരു ചിത്രം പണ്ട് ചെയ്തത്....ഇത് ഫോട്ടോ അല്ല!! (ഫോട്ടോ)

ഞാന്‍ എന്റെ ഫ്രീ ടൈമില്‍ എന്തൊക്കെ ചെയ്യുന്നു എന്ന് അന്വേഷിച്ചു തലപുണ്ണാക്കുന്ന ചിലരുണ്ട് എന്ന് അറിഞ്ഞത് ഈയിടെയാണ്.അവരുടെ അറിവിലേക്ക്....ഇങ്ങനെയും ചില വിദ്യകളൊക്കെ ചെയ്യാറുണ്ട്.

ഊഹാധിഷ്ഠിത ചരിത്ര വായനയുടെ ബാക്കി ഭാഗം ഉടനെ...തല്‍കാലം ഒരു സൃഷ്ടിവാദത്തിന്റെ തെരക്കിലാണ്.:-) ഇരുപത്തഞ്ചു വര്‍ഷത്തെ പഠനവും മൂന്ന് കനപ്പെട്ട പുസ്തകങ്ങളുടെ കര്‍ത്തൃത്തവുമുള്ള ഒരു 'പ്രൊഫഷണല്‍ ഖണ്ഡകന്‍' ക്ലാസെടുത്തുകൊണ്ടിരിക്കുകയാണ്.അറിവുള്ളവര്‍ ഓരോന്ന് പറഞ്ഞുരുന്നതല്ലേ,കേട്ടിരിന്നുപോയി.എല്ലാവര്‍ക്കും വേണ്ടി ഇപ്പോള്‍ മനസ്സിലായ ഒരു ലേറ്റസ്റ്റ് അറിവ്...പട്ടി, പൂച്ച, പശു, പോത്ത് , കിളികള്‍, മൈക്രോബുകള്‍etc etc എല്ലാം മനുഷ്യന്റെ തന്നെ ആവാസവ്യവസ്ഥയിലാണ്(Ecological niche) ജീവിക്കുന്നത്.പുതുവര്‍ഷം ധന്യമായി.:-)

-

ബ്ലോഗിന്റെ രണ്ടാം പിറന്നാള്‍ ‍.....

2010-12-16T12:12:00.000+05:30

ഇന്ന് എന്റെയും എന്റെ ബ്ലോഗിന്റെയും പിറന്നാളാണ്.ബ്ലോഗിന്റെ രണ്ടാം പിറന്നാള്‍ ‍..... അതുകൊണ്ട് വിഘ്നേശ്വരന്റെ ഒരു ചുമര്‍ ചിത്രം.നിരീശ്വരവാദികൾക്കും വിഘ്നങ്ങള്‍ അകറ്റണമല്ലോ ;-) കണ്ണൂര്‍ തൊടീക്കളം ശിവ ക്ഷേത്രത്തില്‍ നിന്ന്...ചിത്രത്തിന് ഇരുന്നൂറ്റന്‍പതോളം വര്‍ഷത്തെ പഴക്കമുണ്ടെന്നു കരുതുന്നു.ചിത്രകാരന്‍ ആരാണെന്നറിയില്ല. (പഴശ്ശി രാജാവ് ഈ ക്ഷേത്ര പരിസരത്തെക്കെ ഒളിവില്‍ താമസിച്ചിട്ടുണ്ട് എന്ന് പറയപ്പെടുന്നു.അപ്പൊ നമ്മുടെ പഴശ്ശി രാജാവ്‌ ഈ ചിത്രം കണ്ടിട്ടുണ്ടായിരിക്കും.എന്തായാലും ഈ വിഘ്നേശ്വരന്‍ അങ്ങേരുടെ വിഘ്നങ്ങള്‍ മാറ്റിക്കൊടുത്തില്ല എന്ന് ചരിത്രം. )

ഗണപതിയുടെ ആഹാരം ചക്കയൊക്കെയാണെന്നാണ് ചിത്രത്തില്‍ കാണുന്നത്.പിന്നെ ഗണപതി ചിത്രങ്ങളില്‍ വാഹനമായ എലിക്ക് നോര്‍ത്തിന്ത്യയില്‍ കൊടുക്കുന്നത്ര പ്രാധാന്യം ഈ ചിത്രത്തില്‍ കാണുന്നില്ല. താഴത്തെ പാനലില്‍ പാചകക്കാരോടൊപ്പമാണ് എലിയെ വരച്ചിരിക്കുന്നത്.

ഗണപതി ചിത്രങ്ങളില്‍ തുമ്പികൈ ഇടത്തോട്ടു തിരിഞ്ഞിരിക്കുന്നത് മോക്ഷവും, വലത്തോട്ടു തിരിഞ്ഞിരിക്കുന്നത് ഐശ്വര്യവും നല്‍കുമെന്നു പറയുന്നു.(കേരളത്തില്‍ കൂടുതലും വലത്തോട്ടാണ് തുമ്പികൈ കാണാറുള്ളത്.)

ഒരു ചോദ്യം..പുരാണത്തില്‍ ഗണപതിയുടെ ഏതു കൊമ്പാണ് ഒടിഞ്ഞതായി പറയപ്പെടുന്നത് ,ഇടതോ വലതോ? ഈ ചിത്രത്തില്‍ ഇടത്തെ കൊമ്പാണ് ഒടിഞ്ഞിരിക്കുന്നത്.മറ്റൊരു ഗണപതി ചിത്രത്തില്‍ വലത്തെ കൊമ്പാണ് ഒടിഞ്ഞതായി കാണിച്ചിരിക്കുന്നത്.

താഴെ കാണുന്നത് ഈ ചിത്രം ഞാന്‍ ഫോട്ടോഷോപ്പ് ഉപയോഗിച്ച് വരച്ചത്...ദിവസം ഏകദേശം നാലുമണിക്കൂര്‍ വീതം രണ്ടു മാസത്തോളം അധ്വാനവും,ഇരുന്നൂറിലധികം ഫോട്ടോഷോപ്പ് ലെയറുകളും...

മറ്റൊരു ഫോട്ടോഷോപ്പ് വിദ്യ .....ആര്‍ട്ടിസ്റ്റ് നമ്പൂതിരിക്ക് ചെമ്പുതകിടില്‍ ചിത്രം വരയ്ക്കാമെങ്കില്‍ 'ഡ്യൂക്കിലി' എനിക്ക് ഫോട്ടോഷോപ്പിലും ചെമ്പുതകിട് ചിത്രം വരക്കാം...

കഴിഞ്ഞ പോസ്റ്റിന്റെ( ഒരു ഊഹാധിഷ്ഠിത ചരിത്ര വായന...) തുടര്‍ന്നുള്ള ഭാഗം ഉടനെ.....

-